Ka Nupepa Kuokoa, Volume LXII, Number 15, 12 April 1923 — Nuhou Kuloko [ARTICLE]

Nuhou Kuloko

Ma ka hora elua o ka auwina la o keia Sabati iho, Aperila 15, e noho ae ana ka halawai a ke Kalapu Demokarata o ka mahele 20, apana elima ma ka hale paumawai o Kalihi. Maloko o ka Hale Misiona Memoriala, e akoakoa ae ai na mamo a na misionari mua o Hawaii nei, elike me ka hana maa a kela mau mamo i na makahiki apau, ma ka auwina la o keia Poaono iho, Aperila 14. E alawa ae e na lala o ka Ahahui Hale o na Alii o Hawaii, e puka aku nei ma kekahi wahi o keia pepa, np Jta halawai kumau, e malamaia ana maloko o ka Halehui Phoenix, ma ka hora elua o ka auwina la o keia Sabati iho. Mahope iho o ke kaama'i ana no kekahi mau pule ae nei i hala, i pauaho mai ai ka Bev. Father Mathias Limburg, kekahi o na kahunapule Kakolika kahiko loa, i keia ! ola ana, maloko o ka Halema'i Moiwahine, ma ka wanaao o ka po Poai kahi iho nei.

No ka haawi ana aku i na kokua ana, i na keiki makua ole ame na wahine kane-make iwaena o kona mau lala ponoi iho, e haawi ana ka Ahahui Lunalilo o na Wahine, he ahamele maloko o ka Halekeaka New PrineeneBa, ma ka po o ka la 7 ame 8 o ka mahina ae nei o Mei.

Ma ka paka kinipopo o Kamoiliili ma ka hora elua me ka hapa o ka auwina la o keia Poaono iho, e malama ae ana na puali like ole o ke Kula Kiekie McKinley, he mau hana hoikeike hookuku, me ka lilo o ke kiaaina ame na hoa o ka ahaolelo, i mau malihini hanohano ma ia la.

Ko ka nana ana ame ka makaikai ana i ka palekai o Nawiliwili, Kauai, i holo aku ai na hoa o ka aha senate no Kauai, ma ka po 0 ka Poalua iho nei, nolaila, aole 1 noho ae ke senato ma nehinei, ahiki i keia kakahiaka, ma ka m&nawa i huli hoi mai ai na senatoa i hala aku no Kauai.

Ma ka halawai a ka Ahahui o na Haumana o Kamehameha o ka malama ana ae ma ka po o ka Poakahi iho nei, i noonooia ae ai kekahi kumuhana, o ia lee noi ana aku ia Mr. 6ivens, o ka hookohuia ana iho nei i kahukula nui no ka papa hoonaauao, e lawe ae i ka noho peresidcna ana no na Kula Kamehameha, ma kahi o Mr. i waiho mai i kela kulana.