Ka Nupepa Kuokoa, Volume LXII, Number 15, 12 April 1923 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kau I ki Aki i ka

Manawa Hope

 

 

“Ke maopopo ole nei ia ‘u ka’u mea e hana aku ai ke ole o oe Kupaia Hamiletona pu kekahi me a’u iloko o na ;mahina no e luki mai ana,”wahi a Sa Wiliama Hita o ke kamailio @ ne i ke keiki hanai ana.  “Mahope o ka pau ana mai la k@n he’e ana i ke kula ua makemake au ia oe e noho mau iho @ei, a eia nae hoi, ke noi mai nei oe no kou hookuuia aku Hele makaikai i kea no manua o kou noho ana iho e hana ma Wkahi hana ma Enelani nei; he mea maikai no ia i kuu manao, @ wale no e loaa aku ai ka ike a nui ia oe no ke ano o ke @ e loaa mai ai hoi kekahi mau ike hou ia oe, he mau mea @aa ole ia oe maloko o ke kula..”

@Ae, o ko’u makemake maoli ia o ka hele aku e makaikai kekahi mau aupuni, i ike aku i ke ano o ka noho ana o na @maka, ke ano o ka aina, na mea hou no hoi a ka maka e ike  aku ana, mamua o ko’u hoi ana mai a koho i ka’u hana e lawelawe aku ai ma nei mua aku; hookahi kumu nui nana i hoo@u ae i nei manao a ikaika loa iloko o’u, mamuli no ia o kou @ke ponoi ana mai no kau mau mea i ke ai ma na aina e, ia hoi ma Amerika, na mea ano hou a kaulana, o ia aupuni, @ ano o ka noho ana o ka lahui kanaka Amerika, a no ia lohe @a o’u, ua ulu ka makemake a nui iloko o’u owau pu kekahi holo aku ia aupuni e makaikai ai, i ike aku i na mea kamahao ia aupuni, a i huikau pu aku hoi me na kanaka o ia aupuni, hoolawaia ai ka ike no’u iho, me ke kaukai ole ma ka pepe@ wale no.

“No keaha no hoi oe, e anakala, e hiki ole ai ke holo pu @ a’ui  Ma ia ano aole kaua e hookaawaleia ana, e hui mau @ kaua i na manawa apau,” wahi o ka ninau a ke kanaka pio.

“E hauoli loa ana au i ka hele pu aku me oe, koe wale no k@u manawa ame ko’u noonoo e haawi mau ia aku ana i @ia makahiki no ka’u mau hana lehulehu e waiho mai nei @ e ka pau ole i ka hanaia a hololea.  O kela pilikia nui e ala mai la ma Irelani kekahi mea nui loa i  ko’u noonoo, o kela @e keia kanaka Pelekane oiaio he mea pono e haawi i kekahi @oo akahele a makaala loa ana maluna o na ninau e ala @ ana e pili ana me kela lahui ame kakou,” i pane aku ai ka anakala, me ka minamina nui no nae no ka hooko ole ia aku o ka manao o ke keiki.

“Ke manao nei au owau no kekahi kanaka Pelekane puuwai oiaio, aka, oiai aole e loaa ana ia’u ka mana koho baloka @hiki i keia makahiki ae, nolaila ke manao nei au aole no hoi @aiha oe e hoahewa mai ana ia’u no ka hele auwana ana aku ma kekahi mau aupuni no kekahi manawa pokole ahiki i ko’u  @hou ana mai,” wahi a Rupata o ka pane ana ae, me ka @helena minoaka.

@ aole; he makemake au ia oe e hele, oiai ua nui kou makemake, a ma ko’u noonoo ana iho la, o keia no hoi ka ma@ a maikai loa ia oe e hele ai.  Alaila, e noonoo ae au, no @ huakai makaikai anei a Remona me kona poe i makemake ai oe e hui pu aku me lakou a hookahi ka holo pu ana @ Kaleponi, i hooholo ai oe i kou manao e hoea aku i Nu Ioka, @ ia anei, pela ko’u manao?”

“Ae; ua lilo kela huakai kaapuni a Remona me kona poe i mea koi ikaika mai i ko’u noonoo e hele pu me lakou, a oiai ua noiia mai no hoi ko’u hui pu ana aku me lakou a ua hiki @e ia’u ke hoole aku, me kou ae maikai mai nae, pela au i @holo ai i kuu manao no ka hele.  Ua maopopo ia’u ina no ko’u hui pu aku me lakou ma keia huakai makaikai e nui ana ka’u mau mea e ike aku ana ma kela aupuni nui iloko o ka manawa pokole a iloko hoi o kekahi manawa maikai loa e nui ai ka pomaikai e loaa mai ana ia’u, mamua hoi ina owau  @kahi wale no ke hele ana a na’u poni e hoolala i ka’u mau wahi e hele ai.”

“E Rupata, me kela poe nui ana anei e hele ana e hui pu  @ku ai oe?” i ninau ae ai o Liliana Linetona, ke kaikamahine a @ Lede Linetona, me ka pii ae la o ka ula ohelohelo ma kona mau papalina, me ka helehelena no hoi e hoike ae ana i kona @ makee no ka pono o ke kanaka opio, no ka mea, ia mauawa ua ike iho ka wahine opio i ke aloha iloko o kona puu @ no ke kanaka opio, he aloha ana i hooholo iho ai, e hui @ wela a e lawe a lilo ia Rupata nana i kekahi la e hiki mai ana ke kuikahi ka aila me ka wai.  O ke kumu o ka ulu o @ manao aloha a nui iloko ona mamuli no o ka hoomoe a @na makuahine, o ka mea he kanaka opio waiwai o Rupata @iletona, a e lilo aku ana na opio i mau mea hanohano a @ie ma ia mua aku.

@”Aohe i maopopo ia’u i nei manawa ka nui o ka poe e hele @ ma keia huakai makaikai i Amerika,” wahi a Rupata o ka @e ana mai, “malia paha he poe kakaikahi wale no, aka @ e maopopo ana ia mea ia’u ka hui aku au me Mr. Remo-@.

“He poe kane wale ana no anei ke hele ana?”                                                                           “Aole o’u manao pela, mamuli o ko’u mahui ana mai no@lako kaahele i hoomakaukauia i kupono no kela huakai, ka mea o na lako kupono wale no i na lede na lako, ka@nui i hoomakukauia.”

@aikea ae la ko Liliana helehelena ia manawa no nei lohe @aku la ana he mau lede kekahi e hele pu ana, he poe ana @ka’u ana ia manawa e kailiia aku ai ka noonoo o ke ka@pio i kekahi o lakou, alaila kulou iho la kona poo ilalo @hi manawa.

@ lilo no anei ka kanao e huikau pu aku oe me ka poe @ni loa ia oe i mea makemake nau?” wahi hou a Liliana; @ kanaka amen a wahine Amerika ka manao o ka Liliana @

 

  @ e Liliana, ke ike e aku nei au i ka maikai ole o kou @ no kela mau hoaloha  o kakou e noho mai la ma kela  @ ka moana akea, he manao ino anei kekahi iloko ou @” i ninau mai ai ke kanaka opio me ke kahaha nui @, no ka hoike okoa ana aku no o ka wahine opio i @naoino no ka lahui Amerika.  

@ a Liliana pane no keia ninau a Rupata, hoekeu wale @ i kona mau poohiwi.  Manuli o keia mau olelo a @  ua hiki loa i na mea apau e hoopuni ana i ka papa-@ manawa ke ike mai, me ka hoohewahewa ole, aia he @ @owahawaha iloko o Liliana no ka Lahui Amerika, @ka mea no ka lahui Amerika ka manao o kana ninau.  @a mai la o Pase Linetona ke kaikamahine, i ua o Lili@ me ke ano hooahewa ame ka imoimo hookolohe hoi ma @ @ mau maka, a i aku la: 

@ Liliana no hoi, me ke kanalua ole ke olelo ae e halawai @ ana o Rupata me kekahi o na wahine opio ui loa mawaena @ ka poe e holo pu aku ana me ia i Amerika, e hiki ole ai ia Rupata ke hookuoo a kupaa hoi kona manao, a mamua o ka loaa ana o ka ike ia kakou, e lilo ana ko kakou  kanaka Pelekane i hoohiki mua e kakoo i kona hae i kanaka Amerika i kekahi la a i makaainana hoi no ka Repubalika nui o kea o,”wahi ana i ke kaikamahine.

“O, e Pase Linetona, liliii maoli no kou manaolio ame kou hilinai maluna o’u!  Heaha auanei ko’u mea e lilo ai i makaainana Amerika?  He mea oiaio e holo pu ana kekahi mauwahini opio ui me a’u ma keia hukai aka, e ike mai no oeaole e nele ana ko lakou pulamaia e ko lakou mau makua ipukapa-ke ole mai ai, no ka mea, aole paha hookahi makua i nele ia mea he lili no ka lakou mau kaikamahine i hanai ai a puipui me ka manao e loaa aku i kane kupono na lakou, o kekahi no hoi aole no e nele ana ko lakou kiai makaala loai ka lakou mau kaikamahine, a i ole na wahine i waihoia aku ai ka malama ame kiai aua ia mau kaikamahine, e hiki ole ai e loaa he Manawa no na kanaka opio e hookokoke a i ole hoowalewale aku ai ia lakou.”

I na kanaka opio e noke nei i ke kamailio no keia mau mea ae la aole hookahi o lakou i hoohuoi iki aia ka noonoo walania iloko o ke Sa Wiliama Hita kaihi hana ai ia Manawa, a pela hoi ka helehelena makona i piha me na manao awahua e hoike okoa mai ana ma na maka o ka Lede Linetona, oiai laua i hoomanao ae ai no kela huakai a Sa Wiliama Hita i Amerika he umikumamawalu makahiki i hala mamua aku, kela huakai makaikai a Sa William Hita I holo ai i Amerika a hihia i nani ame ka ui o keikamahine o na Mauna o Nevada.

“No’u iho, ke manaoio nei au aole o Rubata e alakai hewaia ana me ke ku-e ole ia o kona lunamanao maikai, me ka nana ole aku pehea la ka nui o ka ui ame ka nani o ka helehelena o kekahi wahine a mau wahine opio paha iloko o ka huakai ana e holo pu aku ana.  Ua aie oia i kona hanohano ame kona inoa maikai ponoi iho no ke koho ana i wahine nana maiwaena inoa maikai ponoi iho no ke koho ana i wahine nana maiwaena ae o na wahine o kona lahui ponoi, aole i na wahini Amerika,” a ka Lede  Linetona, me ka leha koke ana ae i kana kaikamahine, ka wahine ana e manao ana ia manawa ua kupono ia Rubata ke lawe i wahine nana, oiai hoi na maka o Liliana e nana pono iho ana maluna o kana pa meaai, me he mea la, i ka hoomaopopo mai a ke kanaka opio, aohe ona noonoo nui no ia mea he kane a oki lua aku hoi ka haupu ka halia ana no Rupata, oiai nae.”

Aia ilaila ke aloha,

Aia ilaila ka iini,

 Aia ilaila ka anoi,

 Me ka ua loku hala o Puna.

“He anei ka mikiala ame ka malama kulana o na wahine Amerika mamua o na wahine Amerika mamua o na wahine o na lahui e ae, e ae, e ka Lede Linetona?  i ninau aku la au i kea ia oe no ko’u ike i Amerika hoi oe, a aole no enele  ana ka loaa o ka ike ia oe no ke ano o na wahine o ia aupuni,” wahi a ke kanaka opio, me ka imo ana ae o kona mau maka kolohe.

“E hoike aku ana au me ka hauoli o kuu naau he liilii loa ka’u mau mea i ike no lakou; no ka’u mau mea i ike ea, i hoike aku au me ka oiaio, aole i lilo i mea  na’u e hoomaikaia e apono aku ai,” wahi o ka pane haakei a ka lede.

    “E Miriama, e hooluhi hou aku ana au ia oe ma o kou haawi hou ana i kope no’u ua ono maoli iho la hoi ke kope la e oluolu oe e ninini hou mai,” wahi a Sa Wiliama Hita o ke kahamaha koke ana mai i ke kaikuahine lokoino ona, me ka leo me he mea la, e hoike okoa mai ana no i ke kaikuahine mai hoomau hou aku oia i kana kamailio ana maluna o ia kumuhana, o ka mea, ua hoehaia aku la oia i ka manawa i lohe mai ai i na olelo hoohaahaa loa a ke kaikuahine i na wahine Amerika, kana he wahine Amerika kana o ka mare ana, a e mau ana no hoi kona aloha nona ahiki ia manawa.

            Alaila, huli ae la ke Sa William Hita e nana i ke keiki ia Pase Linetona, a me ka helehelena minoaka ma kona mau maka i ae la:

            “Ina  aole, oe i hooholo koke i kou manao e hooponopono i kela waiwai o ko makuakane ma Gerane, o ka’u i makemake ai e holo pu oe me Rupata nei i Amerika no ka hoomaha ana, a no ka makaimaki ana aku no hoi ia aupuni, mamua o kou hoi ana mai a hoomaka aku e hana i kau hana i hoolala ai.  Pehea la ia manao i kau nana mai?”

            “O, ke mahalo loa aku la au, me ka hoomaikai pu ia oe, e anakala, eia nae, manao au aole paha i kupono ka hoolilo wale ana i ko’u manawa ame ka hoolilo pu ana aku i ke dala no ia hana, oiai hoi au’e kaunui aku nei e holopono ka hana, a’u e hoolala nei. O ka manao ikaika iloko o’u e noho nei i nei manawa, o ia no ka ike aku ua hookaaia ka  moraki koikoi a papa i hana ai ame ka hoomaemae hou ia ae o kela home kahiko I pau kona hei i nei  manawa,” I pane mai ai ke kamaka opio me ka manao kuoo, he manao hoi a ka anakala I mahalo nui iho ai, a pane aku la.

            “Nui maoli kuu hauoli ina elike ana me oe na kanaka opio e ae ka loaa o na manao maikai a i nana nui aku hoi he hana koikoi kana e hana aku ai, a o ka holopono me ka pau o ia pilikia ka mea nui.  Ke haawi aku nei au i ka’u hoomaikai ia oe, e kuu keiki.  Ke hoi aku nei au me ka oiaio, ua hauoli loa au a ke hoomaikai aku nei ia oe no kou makemake nui ana e hoopauia na pilikia o kela home kahiko, a e hookaa ia aku hoi ka moraki a ko makuakane i hana hemahema ai; no’u iho me ka hauoli

            “O oe no ko’u banako i na manawa i hala,  ahiki mai no i nei mana wa a’u hoi e manao nei i nei manawa aohe kupono ia’u ke huki hou mai i kekahi huina dala nui mai ia oe mai; ua nui kau kokua ia’u i na manawa i hala, a oiai hoi ua hemo maikai mai au mai ke kula mai, a he Manawa hoi keia no’u e gaba aku ai no ko’u pono a no na mea a u i manao ai e hanaia me ka holopono ma nei mua aku, no ia kumu , e pono pahae hooikaika ponoi no au no ko’u mau pono ma nei mua aku.

            “O ka manao ikaika iloko o’u nei i nei manawa, o ia no ka hoolilo holookoa ana o’u i ko’u manawa ame ko’u ikaika maluna o ka hana e hoi hou mai ai ka home o kuu mau kupuna me a’u ahiki i ka hookaaia ana o ke keneka hope loa o na  aie a hoihoi hou ia mai ka maemae ame ka nani o na la elike me ia i na la o kuu dupunakane e ola ana,” a hooki iho la o Pase i kana kamailio ana me ka helehelena minoaka, me ka manaopaa nae no ka hooko aku i kana mea I iini nui ai.

            “Ma ko’u manao he noonoo hawahawa loa kena ou.  Ma ko’u manao he oi ae ka maikai nou e hoolilo aku i kela wahi, a o na dala e loaa mai ana ia oe mai ia mau aina mai me ia mau dala oe e hoohana aku ai ma kekahi mau hana e oi aku ai ka pomaikai, mamua o kou hoolilo wale ana no i ka hapanui o ka Manawa maiukai loa o kou ola ana ma ka hoao ana e hookaa aku i na aie apau a ko makuakane i hana ai,” i pane ae ai ka makuahine ma kea no akeakea ika manao o ke keiki.

            “E kuai aku i kela home kahiko o ka ohana Linetona!  O--!  Ea, e mama, ma  ia hana auhea  iho la ka pipili ame ke aloha o kou naau no kela home kahiko a’u i noho ai, ka home hoi i noho ai he umi-kumamalua mau hanauna, ua hala aku ka hapanui  ma kela ao, a koe kakaikahi mai kakou I keia la?  O e mama, ua kuikahi ole kou manao me ko’u!  No’u iho he nui kuu aloha ame kuu makemake pu e noho nei e hoopauia aku na pilikia o kela home, malia, o ko’u home aku ana no paha hoi ia e noho aku ai ma nei mua aku!”

                                    (Aole I pau).

 

                                    HE HOALOHALOHA NO KA MA-

                                         UA LEIALOHA HELELOA

                                            JOSEPH ENOKA ENOS

                                                            _______

            Mr. Solomon Hanohano, Lunahooponopono o ka Nupepa Kuokoa, 
 Aloha oe a nui:--E oluolu mai oe no maua kekahi wahi kaawale o ka hiwahiwa a ka lahui, no ka manu puolo waimaka a luuluu no ka maua le heleloa, Joseph E. Enos, i ike mai ai kona nui ohana e noho mai la mai Hawaii nui moku o Keawe, a hoea loa aku i ka welona a ka la i Lehua, ua hele hookahi aku la oia i ke ala hoi ole mai.

            Me he uwila la ka anapu ana ae, a nalo aku ma ke kakahiaka Poaono, la 24 o Maraki, pela iho la ka ma’i huki i loaa I ka maua keiki, a pau ka ike, pau ka lohe a pau pu no hoi me kona leo.  Pela iho la kona kulana ahiki wale i ke kii ana mai o ka Haku Iesu Kristo, a kaili aku i ka hanu ola mai ka maua lei, ma ka wanaao o ka Lapule, la 25 o Maraki.  Walohia wale!

            Ua kaheaia o Kauka Goodhue, a ua hiki mai no oia i ke kakahiaka Poaouo.  Ua hoaoia no ma na ano apau, aka ua ikaika loa  ka ma’i i loaa iaia, a ua hiki ole i ka laau a ke kauka ke lapaau, me ka poho wale o na manaolana.  Minamina wale!

Ua hanauia ka maua leialoha, Joseph Enoka Enos, i ka la 1 o Sepatemaba, 1921, ma Halawa, Molokai nei, mai ko maua mau puhaka aku, a ua piha iaia he 1 makahiki, 6 mahina ame na la keu he 24 o ka hanu ana i na ea huihui o keia ola ana.

Ua haalele iho oia mahope nei i kona wahi kaikuahine, ia maua na makua, na kupuna, na auntie na Uncle ame ka nui lehulehu a paiauma aku nona.

He keiki kupanaha no keia o kona hanauia ana mai, oiai he ulaula kekahi hapa o kona helehelena.  Nolaila pauole ko makou hoomanao iaia, a nona hoi ke aloha pauole e hoona ae nei, pehea la ia e mao ai.

E ka luhi haalele wale o kuu kupunawahine e, hiki mai ko aloha, e uwe no makou!

Ua huli hele aku nei paha oe i ko maua kupuna  e noho mai la i ka  makani apaapa o Kohala; eia ae nei paha oe i Waikiki, i kahii o ia mau makua aloha ou!  Aloha wale, o Kapiolani Paka; ia wahi a ka maua lei e hoonanea ai, o ka la me kona uncle Mr. John Uahinui.  He mea nui iaia ka maua lei haalele wale!

Aloha na ale hanupanupa o Kaiwi ame Pailolo, ia mau ale a’u i aloalo ai me kuu mau leialoha; aole olua e ike hou ana ia Joseph E. Enos.

Aloha na Honouli e waiho kahela mai nei; ka uka iu hoi o Mohoa; ia home aloha a kuu keiki e nanea ai me ia poe kupuna ona.  Lihaliha wale!

E ka wailele opu o Moaula, aole e hoopulu hou kou mau hunawai i  ka ili o ka maua lei hele loa, Aloha ino!

Oiai ua pauaho mai oia i kona mau la bebe wale no pela iho la i hokoia ai ka mea a ka Haku i olelo mai ai: “O ka poe elike me lakou nei no lakou ke aupuni o kalani.”  E hoomaikaiia Oia, oiai Nana no i haawi mai, a Nana no i  lawe aku Ja..

Kekahi mea poina ole a makou ke noonoo ae, ua pau kona hea hou ana mai e ai, a i ole, e bye-bye ana i na mea apau.

Ke pahola aku nei maua i ka maua hoomaikai palena ole, i na lima kokua o ka ohana ame ka lehulehu ame ka poe apau i haawi makana mai i na bo-ke pua no ka hoohiwahiwa ana i ke kino wailua o ka majua lei poina ole; no lakou na inoa mahalo iho nei:

Mr. James N. Kamanao, Mr. Paahao Nahoopii,, Mr. William Paahao , Mr. ame Mrs. James N. Kaopuiki, Mr. C. Yee Shan, Mr. ame Mrs. L. K. Kaalouahi, Mrs. Jennie M. Kamakahi, Mrs. John N. Akina ame Miss Sophie P. Kanakaole.

Ke hoomaikai hou aku nei no hoi i ka poe apau i komo pu mai e kumakena, no ka makou luhi i haalele wale, ahiki i kona laweia ana aku no kona home kaupoku ole me ka luuluu.

Mahope o ka malamala ana he anaina haipule nona, maloko o ka luakini, ua lawela  aku oia ma ke kae o kona lua, a malaila na hoomaikai hope loa i haawiia ae ai e Mr. Solomon K. Kaalihikaua, a uhi iho la ka lepo no ka wa mau loa.  Hoomaikaiia ke Akua ma na lani kiekie loa, he malu ma kahonua, he aloha ia kakou.

E oluolu e lawa aku i keia mau hoomaikai apau.

Ke hooki nei maua me ke aloha nui i na keiki hoonohohua kepau, ame ka Launahooponopono.

O maua iho no me ke kaumaha,

            SAMUEL K. ENOS,

            MRS. LOUISE L. ENOS,

                        me ka Ohana

                       

O ANNIE ROSE MERSEBERG UA

HAALELE MAI I KEIA OLA ANA

 

            Mr. Solomon Hanohano:--E oluolu oe, e hookono iloko o kau nupepa, i ka makou puolo kaumaha, i ike mai na hoaloha ame na ohana e noho ana ma na mokupuni o Hawaii, no ko makou makuahine, alo ha, oia no, o Mrs. Annie Rose Merseberg, ua haalele mai oia ia mokou kana kane aloha, ame na keiki e kumakena nei nona.

            Ua hanauia ko makou makuahine, iloko o Augate 26, 1868, a ua piha no hoi iaia na makahiki he 55.

            O Maui kona ainahanau, a ua haalele oia i na kupuna i ka aina a nee aku oia i ka aina o Honolulu; a ilaila oia i noho ai ahiki i kona mare ana i ke kane, oia no hoi ko makou makuakane Mr. Henry Merseberg.  Ua puka mai ko laua puhaka mai ehiku mau keiki, a no ka lawe ana kekahi o na keiki i ka aina hookuonoono ma Hilo, ua hoi mai oia a noho pu no eha makahiki a ua waiho na iwi i ka ana malihini.

            Ko makou makuahine, he makuahine lokomaikai oia, e kokua ana oia i ka poe pilikia ame na hoaloha ame na ohana; no ia kumu ua @ kona mau hoaloha.

            E Oahu e, ua pau kou ike hou ana ia Annie Loke, ua mae ia pua, a ua lele ke ala o ia pua.

            E na ohana, ame na hoaloha, us pau kou ike ana iaia, na hele oia i ka aina maha.

            E Hilo, ua pau kou hoopulu ana i ko makou makuahine, i kou ua Kanilehua.

            Ke mahalo nei makou ia oe e Mr. Hanohano, no kou ahonui mai i keia puolo.

            O makou me ka kaumaha,

                        HENRY MERSBERG,

                                     Ame na Keiki,

            Waiakea   Homestead   Hilo, Hawaii, Apr. 1, 1923.          

 

             Hoao   i   ke    Kope   Kona   Kamehameha

 

                        Ke kope maloko olaila kona mau ano maikai kumu apau, i hooomo’aia

                        me ke akahele loa i wahi e moani ai ke ala, a hookomoia aku iloko o

                        na puolo ame na kini, e komo ole ai ke ea iloko olaila—o ke KOPE

                        KONA KAMEHAMEHA ia.   E nana i ka hoailona melemele.  He

                        ono a mikomiko ka hoailona Kamehameha i kupono i na Hawaii.  Hiki

                        ke loaa ia oe ma na puolo o 1-paona a i ole ma na kini o 5-paona.

 

            AMERICAN  FACTORS,  LIMITED.

 

K E   N O O N O O   K E   K A N A K A

           

                  i na meahana e manao ana oia I mea maikai.

 

              N A    M E A H A N A    S T A N L E Y

 

ka maikai loa e kuai ai, nolaila o na meahana ia ana i  makema-

ke ai.

    Koikahi, Na Umii, Na Mea Ana,

          Na Hao Umii, Mikini Umii,

                Wili Lima, Wili Umauma,

                                           Iliwai Aluminum me Hao,

                                                  Na  Hamare me Pahiolo,

                                                        Na   Pahu  Meahana

 

Aole lua elike me na meahana o keia  ano.  He  helu  kiekie  loa

lakou.   Ua loaa lakou apau ke kuaiia ma kahi o

 

 

                     LEWERS   &   COOKE,   LTD.

 

    169-177   Alanui  Moi  Hema.           Pahu Leka 2930, Honolulu.

 

                                    Papa  ame  Lako  Kukulu  Hale

 

 

 

            He Manaoio Anie Oe  i Ka

 

            Hoomakaulii?

 

                        I na he manaoio oe i ka Hoomakaulii, aiaila, e hele

                        mai no ko makou hale kuai bipi nei e kuai ai i kau

                        mau i’o bipi.  He emi loa na i’o bipi palai, ku, a pela

                        wale aku, ma ko makou hale nei, i loaa ole i na hale

                        e ae apau.

                            Aole wale no o na i’o bipi, aka, o na i’o Kamano

                        momona paakai, a i ole hoomo’a uwahiia.

                             Na i’o Hipa ku, he oi aku ke emi maanei e koe nui

                        ai kau kenikeni iloko o kou pakeke.   

 

            O Ke Koe Nui Ana o Kau Kenikeni Iloko o Kou Pakeke

                   E Hiki ai ia oe ke Hoihoi ia Koena i ka Banako          

                                  o ia ke Keehina Hoomakaulii

 

                        Metropolitan Meat Market

 

                             Ma ka aoao Waikiki o ke kihi mauka o na

                                   

                                      Alanui Moi and Bekela

 

 

 

                MONEY                           UA IKE

           

                JINGLES                          ANEI OE?

           

 

            O ka mea nune mau ia i keia wa o ia no na BUKE A

NA  KAMAIKI I hoopukaia iho nei.

            Ua pa’iia me ka noeau--palapalaia me na manao naauao—a ua pa’i pu ia hoi me na kii o na waihooluu like ole.

            E hoike ana he nau manao hoohauoli—e hoike ana i ke ano o ka Hoomakaulii ame na mea e lilo ai i Makaainana maikai.

            He mau ano nui o ke ano hou loa,’e nele ole ai ka hauoli o na kamaiki mai ka 3 a ke 80 makahiki.

            Ua loaa mai nei ko makou haawina o ka helu mua, a ke makemake nei makou e loaa i na kamaiki apau e loaa ia lakou keia buke.  EIA KE KALI NEI KAU BUKE IA OE—Hele mai e kii i keia wa.  E haawi wale ia no ma ke ano makana.

            He hauoli loa makou i ka lawe ana mai i kau mau hoahu liilii.

            He 4 pakeneka ka makou e uku nei no ka makahiki.

                     Kihi o na Alanui Moi ame Nuuanu.

 

            Chinese-American Bank

Kihi o na Alanui  Moi ame Nuuanu                           Honolulu, T. H.

 

Pahu Leka 2000                                                          Kelepona  6119