Ka Nupepa Kuokoa, Volume LXII, Number 15, 12 April 1923 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
EHA NUPEPA KUOKOA HONOLULU. T. H.. POAHA, APERILA 12, 1923
MA KE KAUOHA
Na Kanawai Kau o 1923
KANAWAI 1.
(B. H. HELU 1.)
HE KANAWAI
E HOOKAAWALE ANA I DALA NO KA UKU ANA I NA HOOLILO O KE KAU MAU O
KA HALE O NA LUNAMAKAAINANA O KA AHAOLELO O KE TERITORE O
HAWAII O KA MAKAHIKI 1923 MAI KA WAIHONA AE O NA LEHULEHU.
E Hooholoia e ka Ahaolelo o ke Teritore o Hwaii:
PAUKU 1. Eia ma keia ke hookaawaleia nei ka heluna o kanaha-kumamalima tausani dala ($45,000.00) mai ka waihona ae o ka lehulehu no ka uku ana i na hoolilo o ke Kau Mau o ka la o kona aponoia ana.
Aponoia i keia la 27 o Feberuari, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 2.
(B. S. HELU 1.)
HE KANAWAI
E HOOKAAWALE ANA I DALA NO KA UKU ANA I NA HOOLILO O KE KAU MAU O
KE KAU MAU O KE SENATE O KA AHAOLELO O KE TERITORE O HAWAII O
KA MAKAHIKI 1923.
E Hooholoia e ka Ahaolelo o ke Teritore o Hawaii:
PAUKU 1. Eia ma keia ke hookaawaleia nei ka heluna o kanakolu-kumamalina tausani dala (35,000.00) mai ka waihona ae o ka lehulehu no ka uku ana i na hoolilo o ke kau o ke Senate o ka Ahaolelo o ke Teritore o Hawaii o ka makahiki 1923.
PAUKU 2. E mana no keia Kanawai mai a mahope aku o ka la o kona aponoia ana.
Aponoia i keia la 27 o Feberuari, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 3.
(B. S. HELU 10.)
HE KANAWAI
E HOOMAOPOPO ANA NO KA HANA ANA O NA KANAWAI AME NA AELIKE, KE
ANO O KA IMI ANA I KA MANAWA I HOIKEIA MALOKO OLAILA AME KA
HOOKO ANA O KEKAHI KANAWAI NO KEKAHI MAU LA I HOIKEIA.
E Hooholoia e ka Ahaolelo o ke Teritore o Hawaii:
PAUKU 1. O ka Mokuna 4 o na Kanawai o Hawaii i Hooponopono Houia, 1915, ma keia ke hoololiia nei ma o ka pakui ana aku i Pauku 18A e heluhelu ana penei:
“Pauku 18A. Imi ana i ka manawa. O ka manawa iloko olaila kekahi kanawai e hookoia ai e imiia no ma o ka hoolei ana ae i ka la mua ame ka helu ana aku i ka la hope, koe wale no a o ka la hope he Sabati a i ole he la kulaia alaila e hoolei pu ia no.”
PAUKU 2. O ka Mokuna 4 o na Kanawai i Hooponopono Houia o Hawaii, 1915, ma keia ke hoololi houia aku nei ma o ka pakui ana aku i Pauku 18B e heluhelu ana penei:
“Pauku 18B. O kekahi mau hana aole e hanaia ma na la kulaia. I kela ame keia manawa e hanaia ai kekahi mau hana mawaho ae o na hana hiki ole ke alo aelike paha e hookoia ma kekahi la i hoikeia a o ua lala e haule ana maluna o kekahi la Sabati a i ole la kulaia paha, ua hiki no ia hana e hookoia maluna o kekahi la oihana mai me ka like no o ka mana me he mea la ua hookoia maluna o ka la i hookohuia mai.”
PAUKU 3. E mana no keia Kanawai i kona aponoia ana.
Aponoia i keia la 13 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 4.
(B. H. HELU 57.)
HE KANAWAI
E HOOKAAWALE ANA I HAAWINA NO KA UKU ANA I NA HOOLILO O KA
HOOLEWA O KE KEIKIALII I HALA JONAH KUHIO KALANIANAOLE, E
HOIHOI ANA IA HENRY WATERHOUSE TRUST COMPANY, KAUPALENAIA,
NO KA UKUIA ANA E LAKOU O NA HOOLILO I OLELOIA.
E Hooholoia e ka Ahaolelo o ke Teritore o Hawaii:
PAUNU 1. Ma keia ke hoomanaia aku nei ka Puuku o ke Teritore a ke kauohaia aku nei e uku aku maluna o kekahi kikoo dala i hoopukaia aku, e ka Lunahooia o ke Teritore, i ka waiho mua ia ana aku o na bila i hooia kupono ia no ia mea, i ka heluna o umi-kumamakolu tausani elua haneri me kanawalu-kumamalima ame 45/100 dala ($13,285.45) ia Henry Waterhouse Trust Company. Kaupalenaia, no ko lakou uku ana i na hoolilo o ka hoolewa o ke Keikialii i hala Jonah Kuhio Kalanianaole.
PAUKU 2. E mana no keia Kanawai i kona aponoia ana.
Aponoia i keia la 19 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 5.
(B. H. HELU 8.)
HE KANAWAI
E HOOLOLI ANA I KA MOKUNA 147 O NA KANAWAI I HOOPONOPONO HOUIA O
HAWAII, 1915, E PILI ANA I NA KANAWAI APUKA AME HOOHIKI WAHAHEE,
A E HOOMAOPOPO ANA I KA MANAWA O KEKAHI MAU AELIKE E HIKI AI E HOOPIIIA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2659 o ka Mokuna 147 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
“Pauku 2659. O kekahi mau Aelike, ka manawa e hoopiiia ai. Aole kekahi hoopii e hiki e laweia mai a e kakooia maloko o kekahi o na hihia i hoikeia malalo iho nei:
Ekahi. No ka hoopii ana aku i kekahi meakauoha hope a i ole lunamanahooko i kauohaia ma kekahi palapala hooilina, mamuli o kekahi hoopaa e hooko ana i kekahi mau poho mai loko ae o kona waiwaipaa ponoi iho;
Elua. E hopii ana i kekahi mea mamuli o kekahi hoopaa kaokoa ana no ka uku ana aku i na aie, koi-i-hooko-ole ia a i ole no na hewa i hanaia e kekahi mea okoa aku;
Ekolu. E hoopii ana i kekahi mea, maluna o kekahi aelike i hanaia mamuli o ka maleia ana;
Eha. Maluna o kekahi aelike no ka hoolilo ana aku i kekahi mau aina, mau mea i kekuluia a i ole na mea e ku ana, a i ole no kekahi mau pono paha iloko a i ole e pili ana paha ia mau mea;
Elima. Maluna o kekahi aelike aole e hookoia ana maloko o hookahi makahiki mai kona hanaia ana;
Eono. E hoopii ana i kekahi mea maluna o kekahi aelike e hoomana ana a i ole e hoolimalima ana i kekahi akena a i ole mea kuai e kuai aku a i ole hoolilo aku i kekahi waiwaipaa no kekahi uku a i ole uku komisina paha;
Koe wale no a o ka hoopaa, aelike a i ole palapala aelike, maluna o ia mea e laweia mai ai ka hoopii o ia ano, a i ole ma o kekahi mea i hoopaaia a i ole ma o kekahi nota o ia mea, i kakauia e ia mea e hoopiiia ana no ia mea, a i ole ma o kekahi mea i hoopaaia e ia ma o kekahi palapala i kakauia e hoomana ana e hana pela ma o ke kanawai.”
PAUKU 2. O ka Pauku 2662 o ka Mokuna 147 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
“Pauku 2662. Aelike no ke kuai ana i kekahi mau waiwai, ka manawa e hiki ai e hoopiiia. Aole kekahi aelike no ka hoolilo ana aku i kekahi mau waiwai, pono lako a i ole mea kuai, no ka kumukuai o hookahi haneri dala, a i ole oi aku paha, e ae ia no kekahi mau waiwai, e hooliloia ana pela, a e lawe n@i ia mea a i ole e haawi aku paha i kekahi panai ana no ia mea no ka hoopaa ana i ka aelike, a i ole ma o kekahi nota a i ole palapala hoopaa paha, ma ke kakau, no ia kuai ana pela a i kakauinoaia e ka mea nana i lawe aku e hoopiiia ma o ia aelike, a i ole akena paha, ma ona la i hanaia ma ke kakau i hoomanaia ma ke kanawai.”
PAUKU 3. E mana no keia Kanawai i kona aponoia ana.
Aponoia i keia la 20 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 6.
(B. H. HELU 42.)
HE KANAWAI
E HOOLOLI ANA I KA PAUKU 2270 O NA KANAWAI I HOOPONOPONO HOUIA O
HAWAII, 1915, ELIKE ME IA I HOOLOLIIA AI E KE HANAWAI 49 O NA
KANAWAI O KE KAU O 1917, KANAWAI 27 O NA KANAWAI O KE KAU O 1919
AME KANAWAI 77 O NA KANAWAI O KE KAU O 1921, E PILI ANA I NA KAU O NA AHAHOOKOLOKOLO KAAPUNI.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2270 o na Kanawai i Hooponopono, Houia o Hawaii, 1915, elike me ia i hoololiia ai, ma keia ke hoololiia nei i heluhelu ai penei:
Pauku 2270. Ka loihi ame ka hooloihiia ana. O na kau o na ahahookolokolo kaapuni ua hiki no e hoomauia aku a e malamaia, malalo o na kauoha hoopanee mai kekahi manawa a i kekahi manawa, ahiki i ka manawa i hoopaaia ma ke kanawai no ka hoomaka ana o ke kau e hiki hou mai ana, aka nae, e hookoe ana i na la Sabati ame na la kulaia; aka no nae, aole kekahi hookolokolo e malamaia ma kekahi hihia kau e hoomakaia iloko o Iulai ame Augate, koe a maloko o ka ahahookolokolo kaapuni o ka aha ekolu ua hiki i ka aha ke hoolohe a e hookolokolo i na hihia kiura ole ma kona mau noho ana iloko o na malama i oleloia ma Kohala Akau, a koe no ua hiki no i na hihia kiure ole e hookolokoloia iloko o kela ame keia aha kaapuni iloko o na malama i oleloia me ka ae ana o na aoao a elua; a maloko o ka ahahookolokolo kaapuni ekolu e noho no ka aha maloko o Kohala Akau ma ka Poakolu eha o Iulai a maloko o Kau i ka Poakolu eha o Ianuari no ka hookolokolo ana i na hihia wale no aole e koi mai ana i kiure; a aole kiure nui a i ole hookolokolo paha, e kiiia no kekahi kau o ia ano.”
PAUKU 2. E mana no keia Kanawai i kona aponoia ana.
Aponoia i keia la 20 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 7.
(B. H. HELU 63.)
HE KANAWAI
E PAPA ANA I KA HOOLILO KOKEIA ANA O NA ILI O NA BIBI I PEPEHIIA.
E hooholoia e ka Ahaolelo o ke Teritore o Hawaii:
PAUKU 1. O kela ame keia mea e noho ona ana no kekahi bibi i pepehiia no ka aiia e kekahi kino kanaka, no kekahi manawa mahope o ka pepehi ana o elua pule, o ia bibi, e malama i ka ili o ia bibi a e ae aku i kela ame keia mea e makemake ana, iloko o na hora oihana iloko o keia manawa i hoikeia maluna ae, e nana ia mea; aka nae hoi, ua hiki no e hooliloia aku ua ili la iloko o ka manawa i oleloia i ka aeia ana mai e hana pela e ka hope makainui a i ole makai nui paha.
PAUKU 2. E lilo no i hana na kela ame keia mea kuai io bibi e ike a e hoike me ka oiaio i kela ame keia mea e ninau mai ana i ka inoa ame kahi noho o ka mea mai iaia mai i loaa mai ai ka io bibi ana e hoolilo ana.
PAUKU 3. O ke ku-e ana i kekahi o na Pauku i hoikeia ae nei e hoopaiia no ma o kekahi hoopai dala aole e oi aku mamua o elima haneri dala a i ole hoopaahao no kekahi manawa aole e oi aku mamua o hookahi makahiki a i ole o na hoopai no paha a elua dala ame hoopaahao.
PAUKU 4. E mana no keia Kanawai i kona aponoia ana.
Aponoia i keia la 20 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 8.
(B. H. HELU 114.)
HE KANAWAI
E PILI ANA I KE KOHO ANA O NA HELUNA MAHELE HUI E PAAIA ANA E NA
MANAHOOKO KAUOHA, KAHU HOOPONOPONO WAIWAI, NA KAHU
WAIWAI A I OLE NA KAHU PAHA.
E Hooholoia e ka Ahaolelo o ke Teritore o Hawaii:
PAUKU 1. Ua hiki no i ka manahooko kauoha, kahu hooponopono waiwai, kahu waiwai a i ole kahu paha e koho, ma kona hiki kino ana aku a i ole ma ke pani paha, i ka mahele o kela ame keia hui i paa ia e ia ma ia ano i na halawai apau o ka hui ina paha e paaia ana a i ole ua hooliloia aku paha ma kona moa maloko o na buke o ka hui, aka ina aole ia mahele i hooliloia aku ma kona inoa, ua hiki, ma ke ano pili kuleana no ia koho ana, ina e koiia mai ana e ka hui, e waiho mai me ka hui i kekahi kope i hooia ia o kana mau leka ma ke ano o ia manahooko kauoha, kahu hooponopono waiwai a i ole kahu no kona hookohuia ana a i ole mana paha ma ke ano he kahu waiwai. Ina he elua manahooko kauoha, kahu hooponopono waiwai, kahu waiwai a i ole kahu paha, o lakou no apau a i ole o ka hapanui o lakou ke koho i na mahele ma ke kino a i ole ma ke pani paha.
PAUKU 2. E mana no keia Kanawai i kona aponoia ana.
Aponoia i keia la 20 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 9.
(B. H. HELU 10.)
HE KANAWAI
E HOOMAOPOPO ANA E HIKI I NA WAHINE KE KU BONA AME MAU HOPE MA NA
HIHIA APAU.
E Hooholoia e ka Ahaolelo o ke Teritore o Hawaii:
PAUKU 1. O na wahine apau loa, i ka hiki ana aku i ko lakou oo ana, a e paa ana i ka waiwai kupono elike me ke koi a ke kanawai, ua hiki, e ku a e lilo i mau hope maluna o na bona apau ame na lawelawe ana apau i koiia mai malalo o na kanawai o keia Teritore.
PAUKU 2. O na kanawai apau ame na hapa kanawai e ku-e ana i keia Kanawai ma keia ke hoopau loa ia nei.
PAUKU 3 E mana no keia Kanawai i kona aponoia ana.
Aponoia i keia la 26 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 10.
(B. H. HELU 89.)
HE KANAWAI
E HOOMANA ANA I KA UKU ANA AKU IA DR. J. J. CAREY I KONA UKU MA KE ANO HE MEA HUKI NIHO NO KA HALEPAAHAO O KE TERITORE.
E Hoolioloia e ka Ahaolelo o ke Teritore o Hawaii:
PAUKU 1. O ka puuku o ke Teritore o Hawaii ma keia ke hoomanaia aku nei e uku aku, maluna o na kiloo dala i kakauia e ka lunahooia o ke Teritore, i hookahuia maluna o na bila kiloo aie i hooia ponoia e ka makai kiekie a i aponoia e ka loio kuhina o ke Teritore, i ka huina o hookahi haneri me umi dala ($110.00) no kela ame keia malama ia Dr. J. J. Carey, o ia ka huina o kona uku mahina ma ke ano he mea huki niho no ka halepaahao o ke Teritore, a o ia ukuia ana e hoomaka mai Sepatemaba 1, 1922, a e hoomauia no kekahi manawa o umi malama e pau ana i Iune 30, 1923.
O keia huina i koiia malalo o keia Kanawai ma keia ke hookaawaleia nei mai loko ae o na dala i hookaawale mua ia maloko o ka ikamu “na uku mahina o na kiai, na luna ame kauka lapaau,” malalo o ka “makai kiekie ame halepaahao Teritore, keena o ka loio kuhina,” elike me ia i hoakakaia malalo o ke aKanawai 229 o na Kanawai o ke Kau o 1921.
PAUKU 2. E mana no keia Kanawai i kona aponoia ana.
Aponoia i keia la 26 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 11.
(B. H. HELU 92.)
HE KANAWAI
E UKU AKU ANA IA JOHN C. LANE NO KA UKU MUA IA ANA EIA ELIKE ME KE
KAUOHA I HOOMAOPOPOIA MA KA PAUKU 1490 O NA KANAWAI I HOOPONOPONO HOUIA O HAWAII, 1915.
E Hooholoia e ka Ahaolelo o ke Teritore o Hawaii:
PAUKU 1. O ka puuku o ke Teritore o Hawaii ma keia ke hoomanaia aku nei e uku aku maluna o ke kikoo dala e hoopukaia mai ana e ka lunahooia o ke Teritore, i ka heluna o kanakolu dala ($30.00) ia John C. Lane no ka hoihoi hou ana aku iaia ia John C. Lane i oleloia no na dala i haawiia eia elike me ke kauoha a na hoakaka o ka Pauku 1490 o na Kanawai i Hooponopono Houia o Hawaii, 1915.
PAUKU 2. E mana no keia Kanawai i kona aponoia ana.
Aponoia i keia la 26 o Maraki, A. D. 1923.
Kiaaina o ke Teritore o Hawaii.
W. R. FARRINGTON,
KANAWAI 12.
(B. H. HELU 113.)
HE KANAWAI
E HOOLOLI ANA I KA PAUKU 3289 O NA KANAWAI I HOOPONOPONO HOUIA O
HAWAII, 1915, E PILI ANA I KA HOOPUKA ANA I NA MAHELE E NA AHAHUI
I HOOHUIIA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 3289 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
“Pauku 3289. Mahele ukuia. O keia ahahui i hoohuiia malalo o na kanawai o keia Teritore me ka mana e hoopuka i na mahele ua hiki e hoopuka i elua a i ole oi aku na papa o na
mahele me na haawi ana i makemakeia, mana koho, kaupalena ana ame na hoakaka no ia mea elike me ka hanaia ana maloko e ka olelohooholo e hoomana ana i ka hoopuka ana o ia mau mahele, ma o ke hoho ana a ekolu-hapaha o na mahele apau, a i ole ina elua a i ole oi aku paha na papa o na mahele i hoopukaia, o ekolu-hapaha o kela ame keia papa o na mahele e ku ana iwaho a i kuleana e koho.”
PAUKU 2. Emana no keia Kanawai i kona aponoia ana.
Aponoia i keia la 26 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 13.
(B. H. HELU 117.)
HE KANAWAI
E HOOLOLI ANA I KE KANAWAI 239 O NA KANAWAI O KE KAU O 1919, ELIKE ME
IA I HOOLOLIIA AI E KE KANAWAI 67 O NA KANAWAI O KE KAU O 1921, E
PILI ANA NO KE KUKULU ANA I NA ALANUI MALOKO AKU O NA HOME
HOOKUONOONO O ANAHALA, MALOKO O KE KALANA O KAUAI.
E Hooholoia e ka Ahaolelo o ke Teritore o Hawaii:
PAUKU 1. O na Pauku 1 ame 3 o ke Kanawai 239 o na K@ wai o ke Kau o 1919, elike me ia i hoololiia e ke Kanawai 6 @ Kanawai o ke Kau o 1921, ma keia ke hoololiia nei i heluhelu @ penei pakahi:
“Pauku 1. O ka huina o ekolu tausani dala ($3,000.00@ keia ke hookaawaleia nei a e ukuia aku mai loko ae o na @ maloko o ka waihona dala o ke Teritore o Hawaii, aole i h@ wale mua ia, no ka halii pohaku ana elike ka nui me ka hiki Alanui o Anahola e ku nei e holo ana mai kona huina me ke a@ aupuni ahiki aku i na apana kukulu home o Anahola, mal@ ke Kalana o Kauai.”
“Pauku 3. O keia huina i hookaawaleia maloko nei ma@ keia Kanawai e loaa no, a o ke kukulu ana i ke alanui i ole@ hoomaka no elike ka hikiwawe me ka hiki mahope o ka la aponoia ana o keia Kanawai.”
PAUKU 2. E mana no keia Kanawai i kona aponoia an@
Aponoia i keia la 26 o Maraki, A. D. 1923.
W.R. FARRINGTON,
Kiaaina o ke Teritore o Hawaii.
KANAWAI 14.
(B. H. HELU 144.)
HE KANAWAI
E HOOLOLI ANA I KA PAUKU 4 O KE KANAWAI 15 O NA KANAWAI O KE KAU O
1921, E HOOMAOPOPO ANA I KIAHOOMAN@ NO KA KANE AME NA WAHINE
O HAWAII I KOMO A LAWELAWE ILOKO O KE KAUA NUI.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 4 o ke Kanawai 15 o na Kanawai ke Kau o 1921 ma keia ke hoololiia nei i heluhelu ai penei:
“Pauku 4. O na luna helu auhau like ole maloko o na ma@ e auhau like ole o ke Teritore, e hoomaka ana me ka makahiki 1922 a mahope aku no elima (5) makahiki neepapa, e houluulu aku @ i ka helu auhau pakeneka o ko lakou mahel auhau like ole @ kekahi huina e lawa kupono ana e loaa mai ai i kela ame keia @ kahiki iloko o keia mau makahiki elima i oleloia, i huina nu@ like aku me hookahi-hapalima (1/5) o ka huinanui e ukuia @ ana e na kalana like ole ame ke kulanakauhale ame kalama, e@ me ia i hoakakaia maloko o ka Pauku 3 o keia Kanawai, a h@ me ka uku panee makahiki o kela huinnui, a o keia mau hu@ nui like ole i ohiia e waihoia no me ka puuku o ke Teritore. @ loko o kekahi waihona houluulu no ka uku ana aku i na bona@ oleloia, ame ka uku ana o ka ukupanee maluna o ia mea; aka @ nae, o kela ame keia dala i ohiia pela memua aku o ke kuaiia @ o na bona i oleloia e manaoia ua hookaawaleia no na hana i hoike @ maloko o ka Pauku 1 o keia Kanawai ame na bona i hooma@ maloko nei e hoolilo waleia no ma na huina i hiki ai e kaa @ koena o ka haawina i oleloia. Aka nae, ina, i ka la o ka ukupane@ aole i loaa kekahi huina nui kupono i ohiia mai na kalana a@ kulanakauhale ame kalana no ka uku ana aku i keia ukup@ ame ka uku piha ana hookahi-hapalima (1/5) o na bona i ole@ elike me ka Pauku 2 i hoomaopopoia maloko o keia Kanawai, @ keia huina nui i makemakeia no ka uku ana aku i ka ukupanee @ oleloia ame ka ukupiha ana i hookahi-hapalima (1/5) o na bona@ i oleloia, e ukuia aku no ma ke ano ukumua mailoko ae o na @ laula o ke Teritore mai keia waihona hoahu i oleloia, i ka loaa a@ o kekahi huina nui kupono i ka ohiia a hoahuia maloko olaila i kulike me na hoakaka a keia pauku.”
PAUKU 2. E mana no keia Kanawai i kona aponoia ana.
Aponoia i keia la 26 o Maraki, A. D. 1923.
KANAWAI 15.
(B. H. HELU 2.)
HE KANAWAI
E HOOKAAWALE ANA I UKU HOOMAU NO KA POMAIKAI O KA
KAMALIIWAHINE KALANIANAOLE.
OIAI, o ke Keikialii J. K. Kanalianaole, i hala, ua hoopiha aku i ke kulana Elele mai ke
Teritore o Hawaii nei aku me @ hoomanawanui ame ka hanohano no kekahi manawa o iwak@ lua makahiki; a
OIAI, oia kekahi o na kanaka i hoohanohano nui ia a i makahe@ nui ia o Hawaii nei, a i mea e
uku aku ai a e ike ai i kana ma@ hana pookela a waiwai nui; nolaila
E Hooholoia e ka Ahaolelo o ke Teritore o Hawaii:
PAUKU 1. O ka puuku o ke Teritore o Hawaii ma keia ke ho@ manaia aku nei a ke kuhikuhiia aku nei e uku aku, maluna o @ palapala kikoo dala i hoopukaia e ka lunahooia o ke Teritore, i @ huina o elima haneri dala ($500.00) i kela ame keia mahina i @ Kamaliiwahine Kalanianaole, a e hoomau aku e hana pela no @ ka manawa loena o kona ola ana.
O ia uku ana ma keia ke hookaawaleia nei na dala mailoko @ o na dala e loaa mai ana iloko o ka waihona o ke Teritore o Hawaii mai na loaa laula mai.
PAUKU 2. E mana no keia Kanawai mai a mahope aku o @ la o kona aponoia ana.
Aponoia i keia la 27 o Maraki, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 16.
(B. H. HELU 43.)
HE KANAWAI
E HOOMANA ANA I KA PAPA LUNAKIAI O KE KULANAKAUHAI@ AME KALANA
O HONOLULU E HANA I HAAWINA NO KA U@ ANA AKU IA M. UMEDA.
E Hooholoia e ka Ahaolelo o ke Teritore o Hawaii:
PAUKU 1. O ka papa o na lunakiai o ke Kulanakauhale a@ Kalana o Honolulu ma keia ke hoomanaia aku nei e hana i ha@ wina no ka heluna o elima haneri iwakalua-kumamawalu dala @ iwakalua keneka ($528.20) mai ka waihona laula ae o ke Kula@ kauhale ame Kalana i oleloia o Honolulu no ka uku ana aku M. Umeda, no kona hana ana ame na lako i hoohanaia e ia @ kukulu ana ame ka hoolako ana i haole holoi ame auau ma ka Ho@ Hoomalu. I ka hanaia ana o keia haawina, na ka Lunahooia ke Kulanakauhale ame Kalana o Honolulu i oleloia ma keia hoomanaia nei a ke kauohaia nei e unuhi i kana palapala kik@ dala maluna o ka puuku o ke Kulanakauhale ame Kalana o Honolulu no ka huina o elima haneri me iwakalua-kumamawalu d@ ame iwakalua keneka ($528.20) ma ka inoa o M. Umeda.
PAUKU 2. E mana no keia Kanawai i kona aponoia ana.
Aponoia i keia la 27 o Malaki, A. D. 1923.
W. R. FARRINGTON,
Kiaaina o ke Teritore o Hawaii.