Ka Nupepa Kuokoa, Volume LXII, Number 14, 5 April 1923 — Hoololiia ke Ano e Holo Ai Na Kaa Uwila Ma ke Sabati Iho Nei i Hoomaka Ai ka Hoololi Ana ma na Alahele Hou o na Kaa NUI KA HIKIWAWE MA KEIA ANO HOU Hoololi Pu Ia na Rula e Loaa Mai Ai na Pepa no ka Hoololi Ana i na Kaa [ARTICLE]

Hoololiia ke Ano e Holo Ai Na Kaa Uwila

Ma ke Sabati Iho Nei i Hoomaka Ai ka Hoololi Ana ma na Alahele Hou o na Kaa

NUI KA HIKIWAWE MA KEIA ANO HOU

Hoololi Pu Ia na Rula e Loaa Mai Ai na Pepa no ka Hoololi Ana i na Kaa

E hoomaka ana ma ke Sabati iho nei, ka la 1 o keia mahina, ua hoololiia ke ano o ka holo ana o na kaa uwila, mai ko lakou mau alahele mau i kamaaina i ko ke kulanakauhale nei poe, a e hala ana kekahi manawa mamua o ka maopopo pono ana, o na alanui o na kaa uwila o na wahi like ole e holo ai. Penei ke ano o ka holo ana o na kaa uwila i keia manawa, ahiki i ka hoololi hou ia ana, ina he manawa kekahi e hoololiia ai ma keia mua aku, a i ole e kumau aku ana paha ka holo ana o na kaa uwila elike me ko keia manawa: Na Kaa o Waikiki O na kaa o Waikiki ame Kahauiki e holo pololei ana ia mai Daimana Hila mai ahiki i Kahauiki, ma ke alanui Moi, ke alanui McCully ame ke Kalakaua. 0 na kaa e haalele ana ia Waikiki, he hookahi no alahao e holo ai, a o na kaa hoi e haalele ai ia Kahauiki no Waikiki, ma kekahi alahao okoa me ke kakali ole e holo pololei ana kela mau 'kaa ma ko laua mau alahele iho. Na Kaa o Knimnki O na kaa o Kaimuki e holo ana ia mai ka pau ana o ke alahao ma Kaimuki, ahiki i Puunui. 0 na alanui o kela mau kaa e holo ai, ma ke alanui Waialae, ke alanui Moi anje ke alanui Liliha. Elike no me ka holo ana o na kaa o Waikiki, ka holo ma ke aiahao hookahi, pela no keia mau kaa, mr ]*? .«)le o kekahi kaa i kekahi, aka e kolo j>ololei loa ana kela mau kaa, ma ko lakou mau alahele iho. Na Kaa o Punahou E holo ana na kaa o Punahou mai ka hui ana o na kaa mawaho ae nei o Pawaa y ahiki i ke alanui Hema, ma kahi kokoke i ka hale hanahao o ka hui Catton Neill, a o na alanui a kela kaa e holo ai, a ia no na alanui Alexander, Wilder, Pensacola, Lunalilo, Beritania, Papu, Ala Moana amo Hema. Na Ka-a o Manoa O na kaa o Manoa e hoomaka ana mai Manoa mai, a hoea i Aala Paka, me ke kakali ole i ke kaa o Punahou, a hoololi kaa paha elike me mamua. E holo ana kela mau kaa ma ke alanui o Manoa, ke alanui Wilder, ke alanui Keeaumoku, ke alanui Beritania, ke alanui Hokele. Na Kaa o Nuuanu O na kaa o Nuuanu, e holo pololei ana ia mai Nuuanu mai, a hoea no Pauoa, ma kahi o ke kaa o ke alanui Ema niamua. E holo ana kela mau kaa ma ke alanui Nuuanu, ke alanui Moi, ke alanui Alakea ame ke alanui Ema. Na Pepa Hoololi Kaa Elike me keia hoololiloli ana i na alahele o na leaa e holo ai, pela no i hoololiia ai na pepa, no ke kuapo ana i na kaa, aole o kela ano pepa kahiko i kamaaina i ka lehulehu. Ua kauia he mau huahelu nunui ma ka pepa hoololi kaa, elike me ka la o ka mahina. Ona pepa hoololi kaa, no na kaa o Waikiki ame Kaimuki, he hookahi waihooluu, a 0 na kaa o na alanui e ae, he hookahi waihooluu. Eia na rula i kauia uo na pepa hoololi kaa: 1. E haawiia no kekahi pepa hoololi kaa me ka uku hou ole aku i ka ukukaa no kekahi kelepa hookahi, e hui aku ai me kekahi kaa, ma ia alahele hookahi. 2. Ma Jca manawa e uku aku ai 1 ka ukukaa, e noi koke aku i pepa hoololi kaa, aole e haawiia na pepa hoololi, ina aole e noi ma ka manawa e uku ai. 3. Ina he mau kaa ka i makemakeia e kekahi mea e hoololiloli, oiai nae e holo ana ma ke alahele hookahi, alaila o kela pepa hoololi mua no, ke panikiia, e ka mea ohi dala, me ka haawi ole ia o kekahi pepa hoololi kaokoa. 4. Ma ka la wale no i haawiia ai kekahi pepa hoololi kaa, e waiwai ai kela pepa, ke haawiia aku nae i ka mea ohi dala, mai kahi aku i hoikeia ai maloko o kela pepa, a no ke kaa hoi e holo ana no kahi i hoakakaia maloko o ka pepa hoololi kaa. o. O kekahi pepa hoololi kaa i haawiia, aol© ona waiwai, no keka-J

hi kelepa holopuni, a i ole haawi aku paha i kekahi mea okoa. Aole e haawiia kekahi pepa lioololi kaa, i kekahi mea e manao ana e kau maluna o ke kaa e holo ana no ka hikina, mai Aala Paka mai, ina e kau ana oia maluna o kekahi kaa o ke alanui Moi, e holo ana no ke komohana, ina ma ke komohana aku o ke alanui Nuuanu.