Ka Nupepa Kuokoa, Volume LXII, Number 14, 5 April 1923 — LOAA KA MEA NANA NA HANA AIHUE MA WAIKIKI. [ARTICLE]

LOAA KA MEA NANA NA HANA AIHUE MA WAIKIKI.

Mamuli o ka ae okoa ana ae o Charles Hiram imua o ka Makaikiu McDuffle, elike me ka hoakaka a ka oihana makai, ma ka Poalua iho nei, oia maoli no ka mea nana i komo aihue iloko o kekahi mau hale ma Waikiki ae nei, i hoea mai ai i ka maweheia ana ae o kekahi o na hana hoopohiliihi i ka noonoo 0 ko Waikiki poe, ame ka oihana makai o Honolulu nei. Ma ka Poalima aku nei i hala, 1 hopuia ae ai o Charles Hiram e ka Makaikiu McDuffie, malalo o na kumu hoohuoi, oia ka mea nana i komo aihue maloko o ka halekuai o K. Okasago, ma kekahi po o ka pule aku nei i hala. Ua hoea mai nae kela mau hoohuoi ma ka aoao o ka oihana makaikiu, i ka hooiaioia ana, no ka pololei o ka hopuia ana o Charles j Hiram, mamuli o kona ae okoa ana i ae, oia ka mea nana i aihue i kela halekuai, aole nae malaila wale iho la no pau, kana mea i hoike ae ai, aka ua hoike pu ae oia, no kona komo aihue i ka home o Lawrenee Kerr, ma kalii kokoke i Kapiolani Paka, he mau mahina ae nri i hala. Ua nui na hale ma Waikiki i ko-

mo aihueia, me ka maopopo olē, o ka mea nana kela hana, a mamuli o na hoohalahala lehulehu i waihoia mai imua o ka oihana makai, pela iho la i hookoloia aku ai, ahiki i ka hopuia ana o Hiram. He hookahi nae alahele o ka pololei loa o ka hookolo ana a ka Makaikiu McDuffio, ahiki i ka paa ana o Hiram i ka hopuia, o ia no ka puni piliwaiwai o kela kanaka opio. Ma ke ahiahi o kela po i komo aihueia ai o ka halekuai o Okasago, ua ikeia ka puehu ana o ka Hiraui mau dala ma ka hana piliwaiwai, a ma ke kakahiaka ana ae o kekahi la mai, ua ikoia kona lako maoli me ke dala, mc ke k'au ana maluna o ke kaa otomobile, o kalii o ka loaa ana mai o kana mau dala iloko o ka manawa pokole loa, he ninau ia i hoopohihihi aku i ka noonoo 0 kona mau hoaloha. Ma kahi kokoke i ka halekuai o Okasaga, i loaa aku ai kekahi makaaniani, o kela makaaniani kekahi mea nana i kumakaia ia Hiram, no ka mea nona ia waiwai a o kekahi hoi o na ike i loaa i ka makaikiu, 1 pololei ai kana hookolo ana ahiki i ka wa i loaa pono aku ai ka mea hewa. Wahi a ka Makaikiu McDuffie, ua ae okoa aku o Hiram, no kona wawahi ana i kekaiii puka aniani mahope mai o ka lialekuai, a nahaha, a ma kela puka oia i komo ai iloko o ka halekuai, a lawe mai la ma ke ano aihue, mailoko mai o kahi waiho dala, 1 ka huina o kanalima dala. Ma ka huliia ana o ka home o Hiram, ua loaa aku *a kekahi eke paalima, eia ka auanei, o kela kekahi o na waiwai i nalowalo oloko o ka home o Mr. Kerr, a ua loaa pu aku kekahi huihuiki, me na ano ki like ole. He elua wale no mau hale a Hiram i hoike ae ai, no kona komo ana maloko olaila, i kulike ai me ka hoakaka a ka Makaikiu McDuffie, oiai nae ua nui a lehulehu wale na home o ka poe e noho ana ma Waikiki, i komo aihueia, a ua nui hoi na waiwai i lilo aku i ka poe piko pauiole.