Ka Nupepa Kuokoa, Volume LXII, Number 14, 5 April 1923 — HU-AI IA AE KAHI E KUAHA NEI KA OPIUMA. [ARTICLE]

HU-AI IA AE KAHI E KUAHA NEI KA OPIUMA.

Ma ka Poalua nei i knuia aku ai ka hoopa'i paahao o hookahi makahiki ame hookahi la e ka Lunakanawai Federala John De Bolt maj luna o Wong Pun, he Pake kuai opiuma, he Pake hoi i lawelawe i ka hana kuai opiuma mc ka maka'u ole i na koa Amerika, a i ao pu aku hoi ia lakou i ke ano o ke puhi ana, a nona hoi kekahi hale a "Ana puhi opiuma" ma ke alanui Vinia. Mahope o ka hooloheia ana o na oleloike e ke kiure a ke Kakiana McDevitt o ka oihana koa Amerika, ame na makai hopuhopu opiuma H. H. Wouters ame Clarence T. Stevenson, he olelo hooholo e ahewa ana ia Wong Pun ka ka papa kiure o ka hoihoi ana mai imua o ka ahn. j Wahi a McDevitt imua oka aha o Wong ke kanaka i kuhikuhiia aku ai iaia oiai oia ma ke alanui Beritania ma kekahi manawa aku nei i hala, iaia e loaa ai ka opiuma, a no ia kuhikuhiia ana mai iaia, wahi ana, ua hele aku la oia e hui me Wong a hoike aku la i kona makemake i ka opiuma, aole i kuai walo ia mai no iaia ka opiuma, aka Ua kuhikuhi pu ia mai oia i ke ano e puhi ai. Mahope o ka huliia ana o Wong Pun e na makai hookapu opiuma me ka ukali pu ia e ke aliikoa kiekie ae maluna o McDevitt, ua loaa aku la o Wong. Na McDevitt i alakai aku i na makai ahiki i ka hale o Wong, kahi o ka opiuma e kuai a e puhiia ana. Ma ka hoakaka a na makai hopuhopu opiuma imua o ka aha, i na koa wale no o Wong e kuai ai i ka opiuma i ka hapanui o ka manawa, a ua maa koa i ka hele mau ilaila e puhi opiuma ai, ke makemake lakou, mawaho ae o kekahi poe e ae. He $1.50 ka uku no ke puhi hookahi ana. Iloko o ka manawa e ninaninauia ana na lioike i ikeia ai he 35 na makahiki o Wong Pun, a aohe ana hana e ae e loaa ai kona ola o keia kuai opiuma wale no, pehea la i loaa nui ai ka opiuma iaia, "E kikiolo mau ana na koa i ka hele i kela wahi," wahi a Fred Patterson imua o ka aha, ke kokua loio Amerika, ka mea nana i lawelawe i ka hihia ma ka aoao o ke aupuni." E kuai mau mai ana keia poe i ka opiuma i ka poe he dala ka lakou, a malia, e kuai mai ana 110 paha lakou i ka opiuma i ka kakou keiki ma nei mua aku." Ma ka hoakaka a Carden, ka loio Amerika, "he lehulehu wale na wahine ili keokeo e hoomahui nei i ke puhi opiuma elike me na kane; aole o na lahui Asia wale no ka poe e kuai mai nei i ka opiuma, o na lahui e ae kekahi, a ke kuaiia mai nei ka opiuma ma ke ano laula."