Ka Nupepa Kuokoa, Volume LXII, Number 14, 5 ʻApelila 1923 — KE KAHUKULA NUI HOU O KA PAPA HOONAAUAO. [ARTICLE]

KE KAHUKULA NUI HOU O KA PAPA HOONAAUAO.

Ma ka wae ana ae o Kiaaina Farrington i ka inoa o Willard E. Givens, maiwaena mai o ka nui o ka poe i waihoia aku imua ona, no ka hookohuia mai i kahukula nui no ka oihana hoonaauao o Hawaii nei, pela hoi ke apono ana mai o ke senate i ka hookohu ana aku a ke kiaaina iaia ma kela kulana ano nui, ua pomaikai maoli o Hawaii nei, i ka loaa ana o kekahi kanaka makaukau a kupono loa, ma ke poo o kela oihana, c ka oi loa aku, iloko o keia manawa i hoalaia mai ai na manao kue iwaena o kekahi mau makaainana, no ke ano o ka lawelaweia ana o ka oihana hoonaauao iloko o na makahiki i hala aku la. Aole o Mr. Willard E. Givens he kanaka i malihini i ka oihana hoonaauao o keia Teritore. no ka mea ua paa oia i kekahi c na kulana ano nui, he mau makahiki ae nei i hala, ma ka noho kumupoo ana no ke Kula Kiekie McKinley, o kela kamaaina i ke kulana oiaio o na kula ma Hawaii nei, a hui pu iho me kona komo kuhohonu ana iloko o ka hoonaauaoia ma na ike like ole, e lilo ana ia mau makaukau, i mea kokua nui mai, ma kana hooko ana aku, i na hana i ili mai maluna o kona mau poohiwi. Mamuli o kela makaukau i loaa iaia, i kikooia mai ai oia e hoi aku a noho kumupoo no kekahi o na kula nui ma Okalana Kaleponi, a no kela ikeia no, i kona kupono a makaukau ma ka hoomalu ana i kekahi kula, i kikooia aku ai oia e na kahuwaiwai o ke Kula Kamehameha, pela oia i hoi hou mai ai no Hawaii nei. Ua hiki loa ia Mr. Givens, ke waiho aku i ka noho kumupoo ana no ke Kula Kamehameha, a lawe mai i kekahi kulana like 9 o kela ano, i waihoia mai imua ona, no kekahi kula kiekie e ku aku ai i ka pau ana o keia makahiki, ke makemake oia; a i ole e hoomau aku paha i kona noho ana ma ke Kula Kamehameha, aka mamuli o kona ike ana, a hui pu iho hoi me ka ae ana mai o na kahuwaiwai o kela kula, e hookuu iaia; i ke ko'iko'i ame ke ano nui o ka oihana hoonaauao maloko nei o keia Teritore. e pono ai iaia ke lawe ae i ke kulana kahukula nui, pela wale 110 oia i maliu mai ai i na leo uwalo a kona mau hoaloha, me ke apono ana aku, i ka noonooia mai o kona inoa e ke kiaaina. Aole nae i nele ka hoalaia mai o kekahi mau ku-e ana ia Mr. Givens, mai kekahi mau hoa mai oloko o ke senate, aole no kona kupono ole ma ke kulana a ke kiaaina i hookohu aku ai iaia, aka mamuli o ko lakou makemake, e holo aku ia kulana i kekahi niea okoa. oia o Samuel . King, kekahi ona inoa i waihoia aku imua o ke kiaaina. Aia he like ole nui mawaena o Mr- Givens ame Mr. King, ma ke ano o ko laua makaukau a kupono, no ka oihana kahukula nui. He kanaka o Mr. Givens, i hoomakaukau iaia iho no ka oihana kumukula, ua a'o i na ike apau, e hiki ai iaia ke hlo i mea alakai, ma na hana hoonaauao; ua hoomakaukau r»u oia iaia iho. ma ka oihana kahunapule, nolaila aole he mau hoohewahewa ana aku, no ka hiki iaia ke hooko aku i ka hana apau i pili i keia kulana oihana hou, me ka holopono loa. Xo Mr. Samuel K. King hoi, he kanaka opio oia, i loaa ka makee no ka holomua o ka oihana hoonaauao maanei nei, he kanaka i pipilipaa kona noonoo, me na hana apau e hapaiia ai ka inoa o Hawaii nei iluna; eia nae, ua nele oia i ka makaukau. elike me ia i loaa ia Mr. Givcns. O ka makaukau i loaa iaia. aole ia no ka oihana hoonaauao, aka no ka oihana koa ame ka oihana kaua; nolaila aia he like ole nui mawaena o keia mau kanaka a elua; a i ke kikoo ana mai o Kiaaina Farrington ia Mr. Givens i kahukula nui, ua hoike mai oia i kona naauao, me ke akahele ma kana wae ana; ua nana aku oia ma ka makaukau o ke kanaka. aole ma ke ano makamaka a hoaloha paha. Eia ka oihana hoenaauao o Hawaii nei, iloko o keia manawa. ma ke kulana hoohalahalaia e kekahi mahele nui o na makaainana: ua loheia na manao hoakaka akea o kekahi poe no ka nui hewahewa o na dala e haawiia nei i ka oihana hoonaauao, me ka maopopo ole o na hua i loaa mai mamuli o ka hooliloia ana o kela mau dala, a ka aholelo i hookaawale ai: ke a'oia o na haawina kupono ole ame na hana hooikaika kino. hoopau manawa; e kau aku nae i ko kakou mau manaolana. ma ka manawa e lawe ae ai keia kahukula hou i kona kulana ma ke poo o ka oihana hoonaauao, e oili mai ana he mau loli ano nui, e hooiia ae ai ke kulana holomua o na kula 0 keia Teritore. He kanaka hou o Mr. Givens ma ke kulana kahukula nui, o na manao hoohalahala e ku-e ana iaia, a i ole o na makemake paha o ko Hawaii nei poe e ike kc4:e aku i kana mau hoonee hana ana, e kaomi kakou ia mau manao; e haawi aku ia Mr. Givens i manawa nui, no ka hookamaaina pono ana iaia me na hana apau o ka papa hoonaauao, a e nana aku i kona alakai ana i ka oihana hoonaauao, ma Hawaii nei. Ua ku na mea oiaio loa 110 ke kulana makaukau o keia kanaka: aole ma Hawaii nei wale no, aka ma kana mau wahi apau i lawelawe ai i ka oihana kumukula; nolaila ma ka mea oiaio maoli. ua pomaikai o Hawaii nei, i ka loaa ana o keia kanaka no kela kulana, a ua lilo hoi ko ke kiaaina kikoo ana mai iaia i mea e lokahi ai ka lehulehu, ma ka haawi ana aku 1 lakou mau no ke ku ika naauao ame ke kaulike ō ka wae ana ae o Kiaaina Farrington ia Mr. Givens, ma ke kulana i hoohakahakaia. ma o ka pau ana o ka manawa 0 ke Kahukula Nui MacCaughey. Aole o ka makaukau wale no i ka oihana kumukula ka mea 1 makemakeia no ke kulana kahukula nui, aka o ka makaukau lawelawe pili oihana kekahi, ame ka hoomalu ana i ka oihana hoonaauao; aia iloko o Mr. Givens ia mau ano apau, ka mea i loaa ole ia Mr. MacCaughey; nolaila o ka kakou e nana aku ai iloko o keia nee ana aku o ko kakou mau kula aupuni, o ia no ka ike aku i ka oni ae, ma na anuu kiekie o na haawina hoonaauao, e umeia aku ai na manao mahalo o ka lehulehu.