Ka Nupepa Kuokoa, Volume LXII, Number 14, 5 ʻApelila 1923 — MALAMA OLE IA KE ANAINA HAIPULE MA PUOWAINA. [ARTICLE]

MALAMA OLE IA KE ANAINA HAIPULE MA PUOWAINA.

He hana maamau i na makahiki aku nei i hala ka malamaia o ke anaina haipule maluna o ka piko o ka puu o Puowaina ma na kakahiaka Easter, ka la i ala hou mai ai ka Haku mai ka lua kupapau mai, e hoomaka ana mai ka hora 7 a 8 a. m., ua hoolalaia e malama hou ia ana no he anaina haipule o ia ano ma ke kakahiaka Sabati i hala iho la, aka mamuli o ka nui 0 ka ua ua liiki ole e malamaia. O ka lunahoomalu o ke komite iaia ia hana oia o Mīss Emil V. Warriner, ua pau na hana i ka hoomakaukauia e ia komito ua kauia ke ke'a maluna o Puowaina, ui hoomakaukauia na noho, a ua hoomakaukauia na kukui uwila no ka hoolele ana aku i ka malamalama maluna o ke ke'a, a mamuli o ka ua loa ma ia kakahiaka, ua hiki ole ko malamaia ke anaina haipule no ka nui o ka ua, he mea akeakea loa 1 ka holopono o ia hana. Ma ka pq Poaono aku ua hooleleia aku ka malamalama o ke kukui uwila i laweia mai ka oihana koa mai a ua hoohanaia ma ia po, o ia wale no kahi hana i hoomakaukauia i holopone, koe na haiolelo ame na himeni ame ka malama ana i ke anaina haipule. He anaina haipule keia i ohohia nui ia e na haipule o ke kulanakauhale, nolaila i ka nele ana o ia hana i keia makahiki malia, e hoohana liou ia aku ana no ma keia mua aku.