Ka Nupepa Kuokoa, Volume LXII, Number 14, 5 April 1923 — KUU LEI ALOHA HE KEIKI UA HALA [ARTICLE+ILLUSTRATION]

KUU LEI ALOHA HE KEIKI UA HALA

E Mr. Lunahooponopono, Aloha oe a nui:—E oluolu mai oe e hookipa iho ma liahi kaawale o kau ahailono ahonui, i ike mai ai na kini ohana, ua hoaloha hoi me na hoalauna o kuu ki Wm. Lonokaiolohia K. Hodge, e noho ana i ka la hiki ma Kumukahi a ka w£lona a ka la i Lehu. Ua haalele mai kuu leialoha ia'u i ka la 30 o lanuari, ma ko maua home aloha, ma Kaaluhee, Wainiha. Ua hanauia oia i ka la 17 o Aperila, ma Haena, Kauai; ua piha iaia na makahiki he 16 me 9 mahina me na la keu o kona hanu ana i na ea o keia ao inea, a hala aku la. Luuluu wale! Ua hala mua. no kona papa, Wm. Kamakaualani Hodge ma ke alahele ana i hele aku la, a koo au kona mama me kona pokii kaikuahine, e paiauma aku nona ma keia ao. He keiki aloha makua oia, a ua lilo no au kona mama i mea nui iaia. Ua hoonaauaoia no oia ma ke kula olelo Beritania o Haena, a o ka hope ma Waioli, a na ka nawaliwali o kona kiuo i hoonoho iaia ma ka home. Ho haumana oia no ke Kula Sabati o Waioli huiia, he lala pu no ke C. E. Kuwaena, pela me ka Y. M. C. A., ma ia mau hana maikai no oia i hana ai a hala aku la. Aloha no ke hoomanao ae i kana mau hana! Luuluu Hanalei i ka ua nui, Kaumaha i ka noe o Alakai. O ke alahele ana i hele aku la, e loaa aku ana no ia ia'u, aka, oia, aole e hoi hou inai ana, ua hala i ke ala hoi ole mai. E ke kehau anu o Manoa, me ka huli wai ama'u o Limahuli, o ka lei a olua i pulama ai a r.ui aole iho nei oia. Aia paha me ka poli laua 'e o Makana i na wai o Kapalae me Kanaloa; ke i mai nei ka hanehane aole no ilaila, eia aku nei paha oe i ka hakalewa o Nualolo, i na pali o ahi o Kamaile me Aneki? He iki ka hana a ke aloha, hainaia no e ka waimaka hanini mawaho, e uwe no au ia oe e kuu lei, hele loa kuu hoapili o na wahi apau. E ke onekani o Nohili me.ka lei pahapaha o Polihale, aole oia e hui hou ana me olua. E kauhale a Limaloa i ka wailiula o Mana, aqle oia e hooipo hou ana me olua. E na niu o Kaunalewa me ka ohai o Papiohuli, ke huli nei au ia oe e kuu lei, aole iho nei oe, eia aku nei paha oe i Kikiaola, i ka auwai a ka Menehune, e inu ana i ka waiula me ka wai kea, na wai kaulana o Manokalani. E ka laula o Kapaa i ka lulu o Moikeha, o ka pua lei a olua i pulama aloha ai, aole iho nei oia, ua hoi no paha i ke onehanau, e hooipoi i me na lehua o Luluupali, i ke kai aloha o Kaumaka, huna na maka I p kuu lei ua hoi i ka home maha ma-o, i ko ai na mea i hoikeia e !ka Baibala, he mahu ke ola o ke kanaka i pua ae «i nalo aku. E hooinaikaiia ka inoa o lehova! ! Ke haawi aku nei au i ko'u hoomaikai palena ole i na ohana me na hoaloha, i hoaumoe pu me a'u oiai ke kino o kuu lei e kau ana, pela me na lei me na bo-ke pua i hoowehiwehi iho i kona home hope loa, ka poe na lakou i eli ka lua, pela pu i ka Makua Kahu D. K. Kaaeamoku, nana na leo pule i haawi iho no kona kino lepo, pela i na hoaloha Kepani, no oukou apau ka'u mau hoomaikai; me na limahana o ke Kuokoa ko'u hoomaikai hope. Owau iho no kona mama iloko o ke kauniaha me ka luuluu. MRS. MINNIE K. HODGE, me ka Ohana. Wainiha, Kauai, Feb. 20, 1923.

WM. L. K. HODGE