Ka Nupepa Kuokoa, Volume LXII, Number 14, 5 April 1923 — KUU POKII MRS. ELIZABETH ROBATH UA HALA I KE ALA MAU O NA MEA APAU [ARTICLE]

KUU POKII MRS. ELIZABETH ROBATH UA HALA I KE ALA MAU O NA MEA APAU

Iluna i ke ao, Kuu home mau, He malihini au, Ma keia ao. He waoakua nei, He pilikia e; Ka lani iluna ae, Kuu home mau. Mr. Lunahooponopono o ka Nupepa Kuokoa, aleha kaua a nui loa: —E oluolu mai hoi oe ia'u, ina he rumi kaawale kekahi o kou moku, no'u hoi ia rumi, no kela mau hua e kau ae la maluna, nana hoi ia e uwila aku me ka mama loa ma na kihi eha o ko kaua aina aloha nei, i ike mai ai ko maua mau kini makamaka ame ko maua mau lioaloha, e noho mai la msfi ka la puka ae ma Kumukahi, a hoea loa aku i ka mole o Lehua. Ma ka Poaha, la 22 o Maraki, i hala aku la, ua oluolu i ke Akua ka Makua mana loa ka lawe ana aku i ka hanu ola mailoko aku o kuu pokii aloha Elizabeth Robath, a waiho iho la i ke kino puanuanu na'u ame ka ohana e kanikau aku ma keia aoao. Ua hanauia mai oia mai ko maua mau makua mai, Mr. Wahakoele (k) ame Mrs. Kalele (w) i ka niahina o lanuari 14, 1881, ma ke kulanakauhale alii o Honolulu nei, kahi hoi a na malihini e makahehi nei i ka maikai, ua ike kaua ia mea me ka poina ole. Nolaila ua piha iaia na makahiki he 42 me na mahina 2 ame na la keu 8, nolaila ua hoakaka o loba ma kana olelo penei: O ke kanaka i hanauia e ka wahine, ua hapa kona mau la, ua piha i ka popilikia. Puka mai no ia me he pua la, a ua okiia aku, a holo aku no ia me he aka la, aole ia e mau. Nolaila, ke mahalo nui aku nei au i ka hui malama ola o na wahine o Kewalo, no ko oukou kokua ana mai ia'u, me ka ohana, i na mea e oluolu ai ke kino, ma na ano apauj

na ke Akua e hoonui aku i ka oukou hui ma ko oukou lokomaikai la, o ia ko'u leo kalokalo imua ona, a pela no hoi me ke aupuni kalana, no kou haawi ana mai i na inea apau e pono ai ko'u pokii, o ia hoi ka pahu ame ka hoonalo ana aku iaia, a ke haawi nei au i kuu hoomaikai a nui loa i ke aupuni kalana, ma na mea apau, a pela no me ka poe i hele mai me ka lakou mau bo-ke pua, no kuu pokii, a pela no me na lala o ka hui īnalama ola o na wahine o Kewalo, ke noi aku nei au ia oukou e lawe aku oukou i keia mau hoomaikai a'u apau, na oukou a na ke Akua e hoopomaikai ia oukou a pela like no hoi ia kakou apau, o ia ka'u leo pule ma ka inoa o lesu Kristo, Amene. Owau iho no me ka ohana, MRS. KAOLEL'O KANIHONUI. Malaehala, Wainlua, Oahu, Mar. 26, 1923.