Ka Nupepa Kuokoa, Volume LXII, Number 14, 5 ʻApelila 1923 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Makalei, ka Laau Pii Ona a ka I’a o Moaula – Nui – Akea i Kaulana.

 

He Moolelo Kahiko no ka Huli Koolau o Kailua ame Waimanalo, ka Nanea o ke Au o ka Manawa.

 

            O i la hoi e, ua ikeia aku omua, @ ka hoi he hana epa mai ka ke @ a mai poino ke kanaka, o ke @ a kaua,” wahi a Kahauolo @ “o ka ono hoi ko’u mea i wa@ aku nei i ke’kane, eia ka keia @ he hookape’apa’a, ua loaa mai a ai no pau ka ona,”

            Oiai na mea apau ua makaukau, o ka hele ia a poeleele, aohe hoea mai o ka huakai a ke alii, aka ao@ ia he mea no Ahiki e hoopau ae @ i ka noho ana o kona alo me ka manao no ka hiki mai o ka malikini.

            O ka hele ia a he mea iki ka po i ke ala ia, ao no hoi a puka ka la, na nipo mai la ka hiamoe i na mea apau, o ke alo alii o Ahiki, oiai ua @ele a ohea na maka. Lele ka hauli o ka onohi, i ka ua mea o ke kali ana a ao ka po.

            No ia luhi, ua lilo na mea apau i ka hiamoe, i loaa ka oluolu i ka maka, i ka wa e hiki mai ai o ka huakai alii.

            I ka haalele ana o ke alii Olomana i kona halealii, ua kamoe mai la kana huakai no ke alaloa, me kona mau alii, na puali, na kahu alii na aipuupuu ame na makaainana ukali alii, he huakai nui maoli keia.

            I ka nana ana o ke alii, a ua nui hewahewa na kanaka e hele nei, noonoo ae la oia no kana aikane, a olelo iho la iloko ona.

            “Ka, o keia nui kanaka no auanei o maua, a ke alo o kuu aikane, hookahi no ka hamu ana ae, o ka pau no ia o kana mea i hoomakaukau ai no’u ame ke alo alii o maua, @ai nae ua ha’i mua mai oia ia’u @ ka nalo o ka momona o ka aina o maua, me ia ike no nae o’u ia pilihia, ke nunu aku nei no au a nui ke kanaka, ina hoi au e hoonoho aku ana, o ko’u olelo ia mai no ia @ ke alii pi.”

            Nolaila hooholo iho la oia i kona manao e hoouna i ke kukini.

            Kahea aku la oia ia Kapuaikahi, ahiki oia imua o kona alo, olelo aku la oia:

            “E holo oe a i na konohiki ai aina o maua, me kuu punanana a ke @naona, mai Kahuku ahiki i ka Lae o ka Oio, ia lakou ka i’a, he i’a wale no ka lakou, a mai Kualoa ahiki i ka uka o Luluku ka ai, he @ i wale no ka lakou e lawa ai na la hoao o ke alo alii o kuu punahele aia no ka pau o ka malama ana a pau na le’ale’a o ke alo alii, ame na makaainana, o ia ka olelo, a e aha’i oe i ka leo, a hoi mai me ona olelo na’u.

            “E hiki nae oe i ke alo o kuu aikane a ha’i aku, eia au ke hele aku nei i ke ala, i ka la nui o maua.”

            Mamuli o ia olelo kauoha i hiki ai ke kukini i ke alo o Ahiki a ka@ou i ike ae nei ma ka helu i hala.

            I ka loaa ana o ka ike i ke ko@hiki o Kahana, eia ke alii ke hele mai nei i ke ala, no ka hoao (mare) o kana punahele, ua hoouna aku la oia i kona kanaka i ke konohiki o na Makaua, ame na Kaaawa, e hui mai me ia, no ka hoomakaukau ana i paina na ke alii e hiki mai ai, a e lawe pu mai hoi me na puule’a o Kaaawa, i mea hoonanea no ka paina a ke alii .

            I ka lohe ana o Kaihuku i keia manao o kona hoa ai aina, ua pono ia iaia.

            Olelo aku la oia i ka luna a ke konohiki o Kahana: “O hoi a ha’i aku ua pono i’o ia maua e hoomakaukau, eia au ahiki aku, e ha’i ae au i ko’u mau kanaka a na lakou e lawe ae i ka mea i loaa.”

            A hala ke kanaka o ke konohiki o Kahana, hoouna aku la oia i kona @una e kii ia Kamainalulu ame Hoekoe-kaipu, na manu ulili holo kahakai o ka makalae, ame ka laua mau kaohi hoopaa o Lohilohiku, me kona kokoolua o Kalohilani.

            Ia lakou imua o ke konohiki, olelo aku la ke konohiki ia lakou, @ e hele ana kakou i Kahana i keia wa no, a noho aku kakou imua o ka papaaina a ke alii Olomana, a o @ukou na mea i kauohaia mai nei i ke konohiki o Kahana, i mea hoohauoli no ka paina a ke alii.

            “Nolaila hana ka le’a a nui, anoai o komo iho ka manao iloko o ke alii, a lawe ia oukou i mau hula mana no ka la nui o ke aikane punahele ana, o ko kakou ike no ia i ke alo alii o Ahiki, a o ka lua iho la no ia o na moi ai kalana o na Koolau nei, a makepono no hoi ke @pana ana o ka inoa, he manu kolea @ no Maakunewa, pehea ia olelo @ wahi a ke konohiki.

            “Heaha auanei ka hewa o ka olelo, he ola paha ia, aia ka pono a loaa ke kono a ke alii, o ka ike no ia ia Kailua alo haliuliu.

            Alo makani polua o ke Koolau,

            Po i ka ohu noe luna o ke aniani,

            hooni i ke kino naue, ke uki,

            Naue pu no me ka makemake,

            Iloko o ke kanaka e—

E noho no au au i ka la o ke aloha,

E naue pu ai me ka Neki o Mokulana,

A ulakolako ae au neenee ma-i,

Hoiho kaua e ke aloha i oloelo e-a.

I ka holo ana o keia manao ia lakou, ua hoeu ae la no ke konohiki i ka huakai, me ka waiho ana i ke kauoha i kona hoa aina e awiwi i na mea apau, a lawe aku, mamua o ka hiki ana mai o ka huakai a ke alii.

Eia ke alii ke hele mai nei i ke ala, ua hoi na alo konohiki omua ke makaukau nei.

O ka huaolelo ka-ua a na konohiki i ke alii, ua lilo ia i pohaku hookuia i ke kapuai o ke alii i ke alahele, oiai nae, aia no ka makee iloko o na makaainana, no ko lakou alii puuwai oluolu, a makee kanaka hoi.

Mamuli o keia mau hana a na konohiki ai aina o Olomana, ua hookauluaia ka huakai a ke alii, ahiki i ka makaukau ana o na konohiki elua o Kahana ame na Kaaawa, a kakali aku la o ka hiki mai o ka huakai alii.

O ka hele no hoi ia a huli e ka i’a lai na manu, waiu na ku-emaka pali o ke Koolau, ikeia aku la ka makamua o ka huakai a ke alii e hele mai ana.

Ike mai la ke alii ame ka huaka’i i ka nu’a o na kanaka i ka aekai a ike pu mai la no hoi i kekahi halau (lanai) i kapala kuhili ia e kona mau makaainana, i wahi na lakou e hookipa ai iaia.

“Hewa maoli ka hoi keia hoouna ana mai nei o’u i ka elele, e hele mua mai e ha’i i ka lono i o’u mau hoa aina,” wahi a ke alii iaia iho.

“Eia ka hoi ka mea nana e hookaulua mau i ka’u huaka’i, a po ka la i ke alanui, o ke kali mai paha auanei ia o kuu aikane a po keia la, eia no au i ke ala kahi i paa ai i na hoa aina o maua, o ka hoole aku hoi, manaoia mai paha, ua kaeko ke alii, loaa hoi ko’u olelo ia.”

Oiai ke alii e nune ana i keia manao iloko ona, ua hiki pono aku la ke alii i kahi i ku ai na kapuaiwawae o Kaneloa, a kiei ma o o Punaluu e heaia nei hoi i keia la o Kapuaiokaneloa. I ka hehi la o Kapuaiokaneloa. I ka hehi ana o na wawae o ke Alii Olomana iluna olaila, o ka wa ia i lihau iho ai o ka ua kaalina i ka welelau pali, he hoike hoi na ka po i ke kulana o ke alii i hehi iho la i kahi i ku ai o ke akua loa.

Hoomanao ae la ka meakakau i kekahi mau lalani o ka ohu lei o ka Moi Kalakaua:

Ke owe mai nei e ka ua,

Lelehune i ka welelau pali,

Ka hikina mai a ke aloha,

Hoopumehana i kuu poli.

O ka poli ana ole iho ia,

A he uilani ke ike aku,

Nani wale au e ike nie,

I ke kiowai kapu o Ha’i,

He moano lehua i Hiilawe,

O hanua mai e ke kehau;

Kuu pua omau a paa,

A pili ma ko umauma.

Ua kini ua mano ke aloha,

Ua lehu ka heluna i ke kino,

Kuu kino halii a ka ohu,

A ka noe halii mai iluna,

Haina e ka wehi ku-kapu,

O ka Hiku Kapu o na Lani.

I ka hiki ana o ke alii a hui me na konohiki ai aina o Kahana, me na Kaaawa, olelo mai la laua:

“E ke lii e, hoomaha iho ko huakai a kuu ka nae, alaila kamau i ka houpo a paa, oiai he loa ke ala i hele mai la, a he loa ko alahele i koe, ahiki i kahi o ko punahele e noho mai la. Pehea ia leo kaua o ke kanaka ou e ke alii la?”

“Heaha auanei hoi, e noho au i ko olua leo, i hanai aku au i kuu mau hoa ukali o ke ala ua polinahe oloko.”

Noho iho la ka huakai a maha, makaukau ka papaaina, noho iho la ke alii me kona alo o ka huakai, a nui i na kohi kelekele i hoomakau kauia na ke alii.

Eia na kahu alii ke hea nei i ka ai ana a Olomana. I ka pau ana o ka hea inoa o ke lii, ia wa i nakeke mai ai ka hokeo, e pa’iia ana e ka lima o na hoopaa Kalohilohiki, ame Kalohilani, me ko laua komo ana mai ma kekahi aoao o ka halau, a huli pono mai la imua o ke alii.

Ke helelei la na huaolelo o ke mele, me he hua kulina la, a eia hoi na mea apau o ka huakai malihini ke nana aku nei me ka hialaai i keia mau puule’a o ka makani ahiu.

Ia laua e hoonoho ana i ka huaolelo o ka laua mele, me ke kani oweowe o ka leo o ka ipu hokeo, ia hana ekeeke Hilo i ka ipu a ka makani, ua komo mai la ua mau kaikamahine nei, aia o Kamainalulu mamua e alakai ana i ka wawae, a eia hoi o Hoehoekaipu mahope.

Iaia la a ku i ke kahua huli ilke mai la laua imua o ke alii, me ka hoalu ana iho i ko laua mau pauku kino, a lilo aku la i ka huhuki lawe a ka welelau lima, i ka hooni a ke kino, e hooniua ana hoi i ke kuko ame ka li’a iloko o ka huihui aloha o ka ha’i keiki.

O ka u’i iho no hoi o keia mau kaikamahine, ua hoopoinaia ka noonoo o ke alii no kana huakai, aia kona mau hoohihi ana iluna o Hoehoekaipu.

“Ua like anei ka u’i o na wahine a kuu aikane me keia nani a’u e ikemaka nei?” whai a ke alii iloko ona, “a e lawe aku ana au ia laua imua o ke alo o kuu punahele, oiai ke ike nei au i ka nui o ko laua le’ale’a ame ka u’i pu.

“He le’ale’a no hoi ko’u alo, aole nae hoi i aneane kulike aku me ka wili a ka makani ahiu.”

I ka pau ana o ka papaaina a ke alii, a hoomaha hoi na le’ale’a, nana ae la na konohiki ua aui loa ka la, nolaila ui mai la laua i ke alii:

“Pehea ka huakai au e ka Lani, e hoalu iki, a kakahiaka ukali aku maua ia oe, me na makaukau apau no ka la nui o ko punahele?”

Nana ae la ke alii i ka la, a olelo mai la i na konohiki

“O ka hele no ka hoi ka ia la noonoo ole mai ia’u, heaha no hoi ka’u e ukali aku ai iaia, ua hiki mai la no i ka hale kanaka, e noho au i ko olua leo kaohi.”

He kumu no paha ko ke alii hoalu ana, a i ka wa i loheia ai ka leo alii e hoaumoe ana me Kauakaalina, ua olu iho la ka manao o na malihini, ame na kamaaina pu.

Ua haule aku la i ka auaukai, kekahi poe i ke kahawai.

I ka makaukau ana o ka paina a ke alii o ke ahiahi, ua hele a piha pono i na ono like ole, aole hoi o ka ihu ku o ka puaa, he unihipili hemo ole ia no ka papaaina a na lii.

I na mea apau e huikau nei i ka papaaina, na malihini me kamaaina, ua lilo ia i mea nani i ka manao o na mea apau.

I ka pau ana o ia hana nui i ke alu, ua haule iho la na mea apau i ka oni a ke kino o ka poe i lehia ia hana. Ua aui no hoi na hora o ke aumoe, akahi no a ea ae na poo iluna, a hoi no hoi kela ame keia no kona keeleiki.

I kekahi la ae, ua nee mai la ka huakai a ke alii no Kailua ka pahuhopu, me ka hele pu ana mai o na konohiki ame keia mau hula ana i ike ai, ana hoi e manao nei, aole paha i like aku ka maemae o na wahine a ke aikane e hoao nei, aka o ka lono nae i haiia aku iaia, he heke no ke kalukalu o Puna, a e hoohui aku ana hoi me kana mau manu i houa ka ihu e ia mea maikai he u’i.

No neia mau u’i i kaulana ai a i pana ai ka Uakaalina ame ka makani ahiu ahiki loa mai i keia la.

I ka huakai a ke alii e hookokoke aku nei e hiki i kahi o ke aikane, ua maopopo mua ia i ka ihupani a ke kalohe, ka hoopuninini hoi o ke alo o Ahiki, ua puka aku la oia a ku iwaho.

Ai-kapakapa-ku, ai-kookoona, kuu kino u-ao la kuua iho,” ia wa i loli ae ai oia a like pu me Niula, a kani iho la ka hoe ma ka miona o ka hale o ke alii Ahiki, me ke pahupahu ana o ke kookoo laau.

Ike aku la o Kahauolopua i keia wahi luahine e ku mai ana ma ka puka, me ka nana ana mai iaia nei, a aui aku la e hele mai ka ipuka aku o ka hale o ke alii Ahiki.

Ike aku la o Kahauolopua, he malihini loa keia i kona maka, kahea aku la oia, “e ka malihini e, komo mai maloko nei!”

“Aole au e pono e komo aku i kou hale, e ke ‘lii wahine a ke konohiki, oiai noonoo nei paha keia kuaka’i kanaka nui e hele mai nei, nolaila e hele no au i ka’u huakai he loa ke ala.”

Pane hou mai la ua aiwaiwa nei i ke aikane. “Nohea kela kaikamahine u’i opiopio i hele ae nei, ike mai nei au mai ka hale nei no i puka ae nei, a halawai mai nei maua malalo aku nei?”

“Ina he u’i, aohe u’i e ae, o kuu aikane aku la kena, ihea aku la la kana hele ana, oiai he malihini?”

“Ka, i mai nei ia’u, e hele ana i ka auwe-aina, i ka oni a ke kino, i pau ae ka, ka mauluulu, pela mai nei ia’u, a nana i olelo mai nei e kipa mai au maanei, i ike au i ka wahine hoao a ke alii konohiki o Waimanalo me Kailua nei, a laki no hoi ko’u kino luahine ua hui iho la me oe e ka u’i, i piha i ke onaona ame ke kulana laki mai na aumakua mai.”

 

HOOMANAO NO KA PIHA MAKAHIKI O KA LAUA BEBE.

 

            I kuu Sol. Hanohano; Aloha oe:--E oluolu mai kou ahonui, no’u kekai rumi kaawale o ka hiwahiwa a ka lahui, ina he keena kaawale, no’u, hoi ia rumi, no kahi ohua eepakeke, nona ke poomanao e kau ae la maluna.

            Ma ka la 17 o Maraki 1923, i hoomanao ae ai na makua o ke kama, oia o Mr. ame Mrs. Kaniho, he paina hoomanao, no ka piha ana o 1 makahiki o ka laua bebe, ma ko laua home e noho nei ma Waiokama, Lahaina, Maui, me na ono liek ole i unuia mai a ku ke ahua, o ia iho keia:

            Poi uouo kaohi puu, puaa kaluakele, me kela i’a kaulana a ke kaikamahine o Eleile he opae, uala, limulipo aala o Makila, meaono i hana mikioi ia e keia u’i, Mrs. F. K. Davis, waimomona ame na ono like ole, i unuia mai, opihi, a nui wale aku, aole hiki i ka meakakau ke helu papa aku.

            Oiai o kou kiu nei kekahi i loaa ke kono, ua ai a lawa, a ua inu a keena i ka lokomaikai o na mea no laua ka la, a ua hoi no me kahi puolo i ka lima.

            Ma na hora o ke ahiahi, i oili mai ai na keiki o ke kipuka ili, me ka lakou mau hokeo gita i loaa ai he hoonanea ana i ka lehulehu, ke hana la na kaula eono o uwehone, i kana hana, ke hana nei no hoi ka wawae i kana hulaku’i, hoomanao pu ae la au i ke keiki o Moanalua:

            Moanalua haki ke au,

            Kahauiki hemo ka umoki,

            O ke kula loa hoi o Kalihi,

            O Kaiwiula kikiipau,

            Oiai ke lilo la kela ame keia i ka hana a ke kikala ma kau nana ana, a kilo pono ana, hookahi no oi o ke kaikamahine o Waiokama; oia o Mrs. Kalehua, nana aku oe ia la, malalo ka lawe wahi a ua u’i nei o Lihau.

            O keia u’i a’u e olelo nei, he makapo oia, eia nae, ma keia hana, ua hele wale a wali ka auwae i keia u’i, he puipui maikai ke kino, ua linohau wale ia e ka makua a nui puipui.

            O ka inoa o ka bebe nona ka la, oia no o Cecilia annie, a moopuna hoi a ka mea nana e kakau nei, ka’u moopuna elua keia.

            O na hana hope o ia no ka u’i o ka makani Kilioopu o Waihee, nana i hu’epau mai, aohe opala koe, o ka hao a ka wai nui, aohe mea koe iho, pau oluna, olalo, pau na wahi apau.

            Me keia mau wahi manao pokole ke nonoi nei au i ke Akua e hooloihiia na la o ke kama, a kau i ka pua aneane, keia ka’u pule ma ka inoa o ka Haku, amene.

            Ke haawi pu aku nei au i ka’u hoomaikai i na keiki o ka papapa’i a nou ko’u adieu.

                        JOSEPH KALANA,

 

 

Ma ke Kauoha.

 

TERITORE O HAWAII.

 

Keena o ka Puuku, Honolulu, Oahu,

 

            Ma ka hana e hoopau ana i ka W. W. HALL, LIMITED.

            OIAI, o ka W. W. HALL LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 21 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kono ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

                                    HENRY C. HAPAI,

                        Puuku, Teritore o Hawaii.

            Honolulu, Maraki 12, 1923.

 

TERITORE O HAWAII.

 

Keena o ka Puuku, Honolulu, Oahu,

 

            Ma ka hana e hoopau ana i ke CASTNER REALTY COMPANY, LIMITED.

            OIAI, o ke CASTNER REALITY COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 21 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

                                    HENRY C. HAPAI,

                        Puuku, Teritore o Hawaii.

            Honolulu, Maraki 12, 1923.

 

DEFLEXOGRAPH

 

            Mea Leo Mele Ku i na Ipu Olelo apau Na ano kui like ole. Hiki ke loaa ke kani me ka nahenahe.

$1.00 ma ke ekeleka.

PAPA GULA, $1.50, PAPA METALA, $1.00.

            VANTONE CO.,

            Dept. 407 110 W. 15 ^th St.,

 

Ma ke Kauoha.

 

TERITORE O HAWAII.

 

Keena o ka Puuku, Honolulu, Oahu,

 

            Ma ka hana e hoopau ana i ka ROYAL HAWAIIAN FRUIT COMPANY, LIMITED.

            OIAI, o ka ROYAL HAWAIIAN FRUIT COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii i kulike ai me ke kanakwai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e wai o mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 17 o Aperila, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

                                    HENRY C. HAPAI,

                        Puuku, Teritore o Hawaii

            Honolulu Feberuari 7, 1923.

 

TERITORE O HAWAII

 

Keena o ka Puuku, Honolulu, Oahu,

 

            Ma ka hana e hoopau ana i ka THE UINON FEED COMPANY, LIMITED.

            OIAI, o ka THE UINON FEED COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ka kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 17 o Aperila, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

                                    HENRY C. HAPAI,

                        Puuku, Teritore o Hawaii

            Honolulu Feberuari 7, 1923.

 

TERITORE O HAWAII.

 

Keena o ka Puuku, Honolulu, Oahu.

 

            Ma ka hana e hoopau ana i ka OCEAN VIEW CEMETERY ASSOCIATION, LIMITED.

            OIAI, o ka OCEAN VIEW CEMETERY ASSOCIATION, LIMITED, he hui ia i kukuluia a e ku an amalalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 3 o Aperila, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

                                    HENRY C. HAPAI,

                        Puuku, Teritore o Hawaii

            Honolulu Ianuari 23, 1923.

 

TERITORE O HAWAII.

 

Keena o ka Puuku, Honolulu, Oahu.

 

Ma ka hana e hoopau ana i ke KAHULUI WHOLESALE LIQUOR COMPANY, LIMITED.

OIAI,  o ke KAHULUI WHOLESALE LIQUOR COMPANY, LIMITED,, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ka kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 22 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kina ae ma ke keena o ke mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

                                    HENRY C. HAPAI,

                        Puuku, Teritore o Hawaii

            Honolulu Maraki 14, 1923.

 

Ma ke Kauoha.

 

HOOLAHA KUAI O NA APANA AUPUNI.

 

            Ma keia ke haawiia aku nei ka hoolaha akea, ma ka hora 10:00 a.m., Poakahi, Aperila 30, 1923, ma ka puka komo mamua o ka Haleleka o Kekaha, Kekaha, Kauai, malaila e kuaiia aku ai ma ke kudala akea, i ka poe koho kiekie loa, malalo o na manao o ka Pauku 73 o ke Kanawai Kumu o Hawaii, ka Pauku 348 o na Kanawai Hooponopono Hou ia o Hawaii o ka 1915, ame ke Kanawai 143 o na Kanawai Ahaolelo o 1917, na apana malalo iho nei, maloko o na Apana Aina Kukulu Hale o Kekaha, Kekaha, Waimea, Kona, Kauai:

 

Na Apana Pa-Hale o Kekaha

Iliaina.

 

Apana                                                  Kapuai Kuea                                       Kumukuai

 Helu                                                   Oi a Emi mai.                                        Haahaa

  202                                                           21,863                                             $109.00

  204                                                           21,753                                                109.00

  212                                                           21,291                                                106.00

  213                                                           31,219                                                156.00

  214                                                           26,150                                                131.00

  217                                                           30,000                                                150.00

  230                                                           22,709                                                114.00

  231                                                           21,854                                                161.00

  233                                                           35,779                                                246.00

  241                                                           49,282                                                248.00

  242                                                           49,550                                                109.00

            E kuai hoolilo ia aku ana na apana maluna ae malalo o na kulana mahope ae nei, e hookomoia ana ma ke ano he mau kumu hoopaa paku’i ame na kulana maloko o ka Aelike Kuai Kuikawa, e hoopukaia aku ana e pili ana i na apana e hooliloia ana.

(a)        He mea pono e kukuluia i hale noho, aole e emi iho ka lilo malalo o $1,000.00, maluna o kekahi apana e kuaiia ana iloko o elua makahiki mai ka la aku o ke kuai.

(b)        He mea pono e noho ka mea e lilo ai o kekahi apana maluna olaila, ma ke ano hoomau no hookahi makahiki, iloko o na makahiki mua ekolu mai ka la aku o ke kuai.

(c)        E uku ka mea e lilo ai i kela ame keia makahiki ma keia hope aku i na auhau maluna o ka waiwaiio o ke koina o ka aina i oleloia ame kekahi mau auhau e ae, e kauia mai ana, a e auhauia mai ana maluna iho, a i pili paha i ka aina i oleloia, a o kekahi kuleana paha iloko olaila.

(d)       E hoopukaia aku no ka palapala gila he ekolu makahiki mahope iho o ke kuai, a i ole iloko o kekahi manawa, i ka pau ana o ka makahiki hookahi o ka noho ana, ame ka uku piha ana i ke kumukuai i lilo ai, ame ka auhau i ke Teritore e pili ana i ka apana pakahi i hooliloia.

(e)        E ukuia no ka hookahi-hapaha o ke kumukuai e lilo ai ma ke kuike ma ka haule ana o ka hamare, a o ke koena aku, iloko o na uku liilii ana ekolu ma ka makahiki, me ka ukupanee ma ka 6% o ka makahiki maluna o kekahi koena i uku ole ia.

            E koiia ana ka poe e lilo ai o keia mau apana e uku i na lilo o ka hoolaha ana ame na kaki e ae e pili ana me ka hoomakaukau ana i na Aelike Kuai Kuikawa, e hoopukaia aku ana i kulike ai me keia kuai.

            Ua loaa ke kuleana i kekahi mea, e kuai ai i hookahi wale no apana, a o na makaainana wale no o na Mokuaina Huiia, a i ole o ka poe paha i kukala ae ma ke ano ku i ke kanawai no ko lakou manao e lilo i mau makaainana, ke lilo i poe kuai mai.

            Eia na palapala aina e hoike ana i na apana e kuai hoolilo ia aku ana, ame ke ano o ka Aelike Kuai Kuikawa, ke waiho nei ma kahi waiho o na palapala, a e ikeia no ma ka Haleleka o Kekaha, Kekaha, ma ke keena oihana o ka hope Akena, Hale Aupuni Kalana, Lihue, Kauai; a i ole ma ke keena oihana o ke Komisina o na Aina Aupuni, Hale Kapitala, Honolulu, T. H.

            No na hoakaka laula, e noi ae ma ke keena o ka Hope Akena, Mr. J. M. Lydgate, Hale Aupuni Kalana, Lihue, Kauai, a i ole ma ke keena oihana o ke Komisina o na aina Aupuni, Hale Kapitala, Honolulu, T. H.

                                    C. T. BAILEY,

            Komisina o na Aina Aupuni.

            Hanaia ma Honolulu, Maraki 28, 1923.

 

E KUAI I KOU MAU

 

Pono Hale

 

ma ka

 

Hawaii Furniture Co.

Helu 469 Alanui Moi

kokoke i ke kihi o ke Alanui Liliha

 

Laau Hooikaika, Hooikaika i ka Manao, Hookoe i ka Mana ka B. B. C.

 

 

 

KA LAAU HAMO B. B. C.

 

KA LAAU B. B. C. NO KE ANU MA KE POO

O KA B. B. C. HE LAAU HOOLA I KA MOKU.

            No na wahi i eha, na puupuu, na wahi i pepe ame na ma’ihehe, 25c.

            Ke kuaiia mai nei e na halekuai laau ame na halekuai mahiko apau.

            Na makou e uku i na lilo o na puolo ma ka haleleka maluna o na kauoha o $5.00 kuike apau.

            E hoouna mai i na kikoo dala ame na kuhikuhi no kahi e hoounaia aku ai ia

Benson, Smith & Co., Ltd.

 

CITY MILL CO.

KEKAHI O NA HUI KAHIKO LOA MA HONOLULU NEI.

 

            Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.

            Kukulu makou i na hale ma ka uku liilii ana, me na hookaa liilii.

 

O KA OI LOA AKU NO KA POE HOOKUONOONO.

 

Mai Poina---Hele Mai Ia Makou

 

Honolulu Planing Mill,

LIMITED.

 

POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.

 

 

Ka Pila

 

GRAFONOLA COLUMBIA

 

Maopopo ka Wa e Pau Ai

 

            Na ka mea hoopaa nona iho e makaala ia ea nou. Ua hiki ia oe ke hulahula ahiki i ka huaolelo pe loa.

 

Uku Liilii ke Makemakeia

 

Thayer Piano Co., LIMITED

 

Keena Hawaii

NO NA

Lako Hana Mahiko

 

Hapuku Kila Oliver Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

 

HANA I NA KINO O NA KAA UKANA ME KALAKA ME KA HANA HOU ANA

 

Schuman Carriage Co., Ltd.

 

 

KA VICTROLA       

 

            Ka Meakani Mele Kilakila—he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

            NA PIANO PAANI

            NA ROLA PAANI

            NA PEPA MELE HOU

            NA PILA AHA

ame na mea apau pili i na mele.

 

Bergstrom Music Co.

 

HALE UWI WAIU

O

MAPULEHU

 

PUKOO, MOLOKAI

 

E Hooholo Ana i ka

MOKUKUNA GESOLINA

 

LELEIONA

 

Mawaena o na Awa o Honolulu me Molokai

 

Geo. P. Cooke,

ONA.

 

T. O. MURATA FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

            Hoolimalima me Kuai Hoolilo.

715 Alanui Hema, Honolulu, T.H.

 

START WITH THE LOT

 

$350—Lot 50x75, 15 ^th Ave., $20 down $10 per month.

 

$750—Lot 50x100, corner Elizabeth St. and Leahi Ave. $20 down, $10 per month.

 

$550—Corner lot, Kaimuki Ave., Ocean View Tract. $20 down, $10 per month.

 

$900—Lot 50x200, Kaimuki Ave. Ocean View Tract. 20 down, $10 per month.

 

$450—Lot 50x100, ocean View Tract. $20 down, $10 per month.

 

$550—Lot 50x150, 16 ^th Ave. $20 down, $10 per month

 

Ask C. W. Carpenter, with

PAULO KALAUKA

(P.E.R STRAUCH)

 

Kakela & Kuke

(KAUPALENAIA)

 

Poe Kalepa ma ke Komisina

A HE

 

PAPA NA LAKO KUKULU HALE

 

No ka hoahu ana i kou wai ma na Pahu Wai Papa Ulaula o 5000 a 10000 Galani.

 

E hoolakoia aku no na kumukuai ame na hoakaka ia oe ke noi mai.

 

ALLEN & ROBINSON, LTD.

 

NUPEPA KUOKOA

 

No ka makahiki (one year).....................................................$2.50

            O na Dala ame na Hoolaha Apau e hoouna pololei mai i ka ADVERTISER PUBLISHING COMPANY, LTD., wale no. P. O. Box 3110, Honolulu, T. H.

217 Alanui Moi, ma Waikiki o ke Alanui Alakea; ka Nupepa Advertiser..

            Entered at the Post Office at Honolulu, T. H., as Second Class Matter.

            SOLOMON HANOHANO, Lunahooponopono.