Ka Nupepa Kuokoa, Volume LXII, Number 14, 5 April 1923 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NA UPENA LAWAI‘A O KA WA KAHIKO ME KA LAKOU MAU HANA.

 

(Kakauia e kawaikaumalikamakaokaopua.)

(Hoomauia mai.)

 

            I ka wa e hookokoke mai ai kela uhu ma kahi o ka alihi o ka upena, o ia ka wa e makaala loa ai ke kanaka lawai‘a uhu i kela uhu a-a-kole; o holo naaupo iloko o ka upena i kahi o ka i‘a pakali e paa ana. a nanahu i ka i‘a pakali, a pau ka u@ahi i ka helelei, ame ka moku pu o ke kino o ka i‘a.

            A o ka pau no ia o ka pono o ka lawai‘a uhu ana. No ka mea, o keia mau uhu elua o ka lauli, ame ka a-a-kole o ia na uhu huhu loa. @I ka manawa e ike ana ka menalawai‘a ua komo ka i‘a maloko o ka ahihi. a ua kapaia kela wahi o ka alīhi apunim he (H.) O ia kou wa e huki koke ai i ka upena iluna a paa; aole e waiho a komo loa ka i‘a iloko o ka upena, alaila, huki; mahope loaa ka i‘a pakali. Penei ka hana ana o ka upena ka‘i uhu.

Ka Upena Kawaa.

            O keia ke ono o na upena a ka poe kahiko. He makolu no ka maka o ka upena; o ia hoi na pa, a mawaena o na pa, he upena malua a hoene Aole paha i maopopo i kekahi poe kela huaolelo hoene; penei: Elua manamanalima e komo iloko o ka maka o ka upena, ame ke komo wale no omua o ka manamanalima, aole komo pau loa.

            A i hanaia keia upena mawaenakonu no na i‘a liilii iki iho. A no na i‘a nunui e paa ana lakou ma na upena pa maka nunui. He like no ka hana ana o keia upena me ka hana ana o ka upenakuu, o ia hoi aia no ma ka poho kahi hana pipipi ia o na pohaku. A ma na upena pa aku, he kau kakaalawa na pohaku. A he mau pohaku nunui kupono i ole e lele ka upena iluna i ka wa e komo ai na i‘a nunui iloko. Penei ka lawai‘a ana o keia upena. Hoopiha na waa a piha i ka pohaku, ka waa akau, ame ka waa hema. A in a he mau waa okoa kekeahi, hoopiha a piha i ka pohaku. A ua kapaia ka inoa o keia mau waa, he mau "waakau".

            A i ka piha ana o keia mau waa i ka pohaku, alaila, holo i kahi i makemakeia ai e lawai‘a. I ka holo ana ahkiki i kahi o ke kuuna e kuu ai, kuu na waa upena i ka upena ma kahi e ku mau ia ai, a e nana ana no hoi kekahi waakau i ka poho i ke kau ole o ka upena iluna o ka pohaku a ohuku ako‘ako‘a.

            A in a ua kau ke kauwahi iluna o ka pohaku, alaila, luu kela mau kanaka e hoonoho pono i ka upena, i ole ai e hakahaka ka upena, a puka ka i‘a malalo o ka upena A i ka maikai ana o ka upena, alaila, hikii ka waa akau i kana kaula kawelewele i ka laau mouo, a pela no hoi me ka waa hema i kana kaula kawelewele. A¬aīla, hoomaka e pa-ki i ka pohaku. Alaila, e kali aku na waa upena a ka hiki mai o na "waakau".

            I kahi e lana ana o na waa upena, alaila, pa-ki like na pohaku, a kokoke like na waa i kahi o ka upena alaila, e kahea ana kekahi e luu, alaila, luu like. Ahiki ilalo, nana mai kekahi i kekahi. A in a ua oi loa kekahi imua e u aku ana kekahi i ka mea ua oi loa imua. Penei: u, o ka manao e nee like imua, me ka oi ole o kekahi imua.

            A i ka hiki ana i kahi o ka poho, na mea apau, a in a aole i mau ka poho, na mea apau, a in a aole i mau ka poho, a in a aole i mau ka poho pono no e hapai like ka poe luu i ka upena iluna. A in a ua mau ke kauwahi, a ua paa loa, e pono no e hoolei aku i ka pohaku maluna @ ka ikoi o ka upena, alaila, ea oe iluna e hoomaha. No ka mea, ua pau ke aho; a in a ua paa loa ka i‘a i ka owili ana, alaila, e kii na waa upena i ka laua mau pa e huki koke iluna o ka waa. A ina aole mau o kekahi aoao ahiki i ka poho, i kahi e waiho ana ka i‘a e pono ia waa e li‘uki i ka i‘a apau iluna o ia waa.

            O keia ka upena e hei ai na i‘a nunui, elike me ka uhu, nenue, palani, uhu, ame na i‘a nunui like ole. A e holo ana na i‘a nunui ma kahi o na pa. E laa ka uhu ka nenue, palani. Kakaikahi loa na i ‘a nunui e hei ma kahi o ka poho. No ka mea, he pili loa ka maka o ka upena, a hooke ka i“a nunui ma kahi o ka maka nunui o ka upena. A o keia ano upena, he upena luhi ole keia, he pohaku ka mea hooili iluna o ka waa.

(Aole i pau)

 

            TOKIO, Apr. 2.—O ka hoomalu ana ia Kina malalo o na lahui Amerika, Beritania Nui, Iapana, Palani ame Italia ua hooholoia me ka lokahi e na aupuni mana elima, elike me kekahi mea hou i hoolahaia ae maanei i hooiaio ole ia mai. Ua hoomaopopoia e hapaiia mai ana keia ninau ma ka ahakukakuka a na lahui ma ka manawa e noonooia ai ka auhau maluna o na waiwai kalepa o Kina ma Pekina ma keia Iulai ae. Ua kaheaia he ahuakukua i kulike me ka olelo hooholo i hanaia ai ma Wakinekona i ka 1931.

 

KUU LEI DAIMANA ALOHA

MRS ROSE NEAU PALI PA@HUPU‘ UA HALA.

MRS. ROSE NEAU PALI PAHUPU

            Mr. Solomon Henohano, aloha kaua; ke kapena pauaho ole i ka hooili ana i na ukana like ole ma na rumi apau o kou moku nui akea, e hoike pau ana i ka nani ol kela kela mai ka hikina a ka la i Kumukahi a ka welona a ka i ka ilikai o Lehua.

            Pela i haku‘iku‘i ae ai kahi manao iloko o‘u e nonoi aku i kou oluolu e kapena o ka hiwahiwa a ka lahui aloha a kaua, i kauwahi rumi kaawa@e o ka kaua kukini mama ahailono o ka Pakipika, no ka makou wahi puolo kaumaha a luuluu e kau ae la maluna i ike mai hoi na kini mai ka puka ana a ka la ahiki aku i ka lawena o ka la i Lehua.

            Ua hanauia kuu wahine aloha, Mrs. Rose Neau Pali Pahupu, ma Kaunakakai, Molokai, mai ia Mrs. Makaoolea kona mama ame Mr. F. M. Kailiuli kona papa, ma ka la 19 o Aperila 1887.

            Ma ka la 18 o Iune 1905, ua hoohui iho la maua iloko o ka berita maemae, laahia o ka mare ma Kaunakakai Molokai, na ka Makua D. Kaai i hoohui.

            I ko maua noho ana iho iloko o ke apo o ke kuikahi o ka berita maemae o ka mare, ua loaa iho no ia maua ka noho nele ana ame na pilikia nawaliwali maluna iho o maua; a ua nonoi aku no i ka Makua Lani i pono no ko maua noho ana, me ka maua mau keiki. He 9 a maua mau keiki, he 7 i koe e ola nei, a he nui no ka pilikia ka nawaliwali i kau iho maluna o kona kino.

            Ma ka la 11 o Feb. 1923, hora 4:30 a.m., i loaa iho ai oia i kekahi ma‘i kulipolipo ka mea hoi nana i hoomoe iho iaia ma kahi moe no na la he 34. Ua hele aku imua o ke kauka, imua o ka poe makaukau, ua hoehaeha aku imua o na Mana Lani no na la he nui, aole he wahi mea a ala mai.

            Ua kupu ae ka manao e hele aku i ka ua Kukalahale, no ka imi ana i kahi e loaa mai ai o ka lanakila. He mea oiaio, ma ka la 17 o Maraki 1923, ua kau aku la maua maluna o ka Likelike, a no ka uluwehi o ke kaona ka iini.

            Ua pili aku makou i ka uwapo hora 6 p. m., a hii ae au i kuu wahine aloha i kuu umauma, a o ke kalaiwa kaa i na wahi paiki, a o Foster (kuene) i ka maua kaikamahine a hele aku makou no kahi o ke kaa e ku ana.

            Kauoha aku kuu wahine aloha i ke kalaiwa holo pololei i ke alanui Ilaniwai Helu 736. Polo lei ko ma kou kaa, hiki no i ka hale nui pu me ia mau keiki a maua me ke aloha. Ma ka Lapule ae ma ia ahiahi hui hou maua me ia mau keiki a makou me ko‘u kaikuahine. Kukapu no na mea e pili ana i kuu wahine aloha no ka hoi ana iloko o ka haukapila.

            Ma ka Poakahi ae, hora 11:00 a. m., ua hiki mai la ke kaa mai ka Haukapila Moiwahine mai, a ua kau pu aku makou no ka haukapila ka pahu hopu. Nono oia i ka haukapila ia koena la a ao ia po. Na na na kauka i kona kino.

            I kekahi la ae, Poalua, hiki aku au ia kakahiaka ike aku i ka helehelena o ka wahine, he maikai. A ma ka la 22 o Maraki 1923, hora 10:30 a. m., ua hiki mai o Kauka A. K. Hanchett, ua nana iho oia maluna o ke kino o kuu wahine, me ko‘u ike ana aku i kona poo i ka luliluli ana. Ua loihi kona nana ana, a ku aku oia hoi aole au i lohe aku he wahi pane, mai iaia mai. A ma ia ahiahi iho hora 6:00 p. m., mai kuu mau kaikamahine mai, Mrs. Rose McKay Miss Makalena Fernandez he manawa wale no; aole mea hiki ia Hanchett ke hana.

            I kuu lohe ana; pau iho la ko‘u manaolana, ua like ko‘u mau manao me he waiwela e paila ana no kuu wahine aloha, i ka au ana mai i keia kai loa, a na ale e paialewa ana ia maua no ka huli ana i lanakila no kuu wahine, eia ka e nele ana. Aloha ino wale!

            Ma ia ahiahi, ua akoakoa mai makou apau imua o ke alo o kuu wahine aloha. Owau Z. Pali ko‘u kaikuahine Kahalone, ka makou mau keiki Mr. McKay, Mrs. Rose McKay, Miss Makalena Fernandez, Mr. Sol. Hana keawe ame Mrs. Sol. Hanakeawe, ia makou hoi e hui ka@ailio pu ana me kuu wahine aloha i na hora o ke ahiahi.

            Ma ka hora 11:30 p.m., ua hoi aku ka makou mau keiki no ka hooluolu ana i ke koeena o ia po, a noho iho au me kuu kaikuahine no ka paiunu ana aku i kuu wahine aloha maloko o ka rumi Kaukapila Moiwahine, ma ka aoao Bihopa home. Ia maua hoi he kau aku ana ko maua maka maluna on a, ua pane mai oia ia maua, e hoohuli ia‘u, ua hoohuli aku maua, a ma ka hora 1:00 a. m., o ke kakahiaka koli‘uli‘u o ke aumoe ua kamailio mai ko‘u kaikuahine ia‘u, e haalele ana o kaina ia kaua.

            He oiaio i ko‘u nana ana aku, ua pau loa. Auwe aloha, ua uumi wale iho no i ka leo, o ka waimaka wale no ke hele ana.

            Oili mai ka mea malama ma'i olelo aku au iaia ua make. Hele aku oia e kelepono ia kaikamahine a maua Mrs. Rose McKay. Komo mai ua kaikamahine malama ma'i e hooponopono ana i ke kino make o kuu wahine. Aole i pau ka hooponopono ana, oili ana no ke kaa no ka lawe ana aku i kona kino no ka hale hoomaemae o Silva. Kau aku ke kino wailua o kuu wahine iluna o ke kaa; oili mai ia keiki a maua Mr. P. McKay no ke kii ana mai ia maua e hoi i kauhale; ua hoi aku makou no kauhale.

            Ma ka la 27 o Maraki 1923, ua hiki aku makou no kahi o Silva, no ka ike ana o ka ohana i kona kino wailua, e waiho ana iloko o ka hale hope loa o ke kanaka. Ma ka hora 3:30 p. m., ua laweia aku kona kino noluna o ka moku Likelike no ka hoihoi ana aku no ka ainahanau.

            Ua haalele aku makou i ke kaona i ka hora 5:00 p. m., a kau mai la ma ka moku Likelike no ka aina hanau ka pahu hopu. Pili mai makou i ka uwapo o Kaunakakai ka ainahanau o kuu lei aloha i ka hora 12:30 a. m. Hui me na keiki, na moopuna, kaikuaana na hoaloha ame na mea apau me ke aloha luuluu.

            Hiki mai make no ka home, ua makaukau na mea apau loa, i na keiki a maua, na kaikuaana o maua ame ka ohana.

            Ma ka hora 4:00 p. m., o ia la, i oili mai ai ke kaa no ka lawe ana aku i kona kino make i ka halelua i hoomakaukauia ai no kona kino wailua; a waiho aku oia i kona hale, a hoi mai ka ohana.

            Ia makou i hoi mai ai, hu ae la ke aloha pau ole i ka ike ana aku i kahi a maua i hele ai, a i pili ai, i na la o ka ola kino maikai. Aloha ino no. Hoi mai ahiki i ka hale, ike aku i na mea a kuu wahine aloha i hana ai ua oi ae ke aloha, aka, aole e hiki, ua hala aku la ka puulena aia i Hilo, e imi ana ia Papalauahi. Aloha no!

            E hoomaikaiia no ka Makua Lani, ka Mea Nana i hana, a Nana no i lawe aku, Pela no e laweia aku ai na luuluu na kaumaha o ka ohana.

            Me ka mahalo a nui i ka Lunahooponono ame na limahana @ kou keena.

            Owau iho me ke aloha,

                        ZACHARY PALI PAHUPU@

 

NA LETA I KII OLE IA MAI

AHIKI I MARAKI 31, 1923

 

Aiona, Philip                                       Kalilikane, David

Alana, Mrs Esther                               Kaluhikaua, Miss Lucille

Ioku, Mrs Joseph                                 Kamanoulu, Miss Anna

Huihui, Chas K                                   Kananiahiahi

Kaulia, Miss Alice                               Kapua, Moses

                                                            Kepoo, George

Kahalekomo, J Nohili                         Koele, James Fanny

Kahihikolo, David                              Kupo, Mrs. Maui

Kahoano, Louis                                   Lauahi, Mrs Ben

Kahoomakaulii G P                             Kuaana, Miss Emily

Kalili, Agnes H                                   Wainui, James

            E ninau mai ma na leta i hoolahaia ke kii mai.

                        D. H. MacADAM,

                                    Luna Leka.

 

            Okaikai ka halawai a ka papa o na lunakiai o ke kulanakauhale ame kalana ma ka lakou halawai o ka po Poalua nei, mamuli o ka manao o ka po Poalua nei, mamuli o ka manao o ka Enekinia Orht e haalele i ka hana in a aole e hookoia ana kona manao aole e ukuia aku ka mea iaia ka a@like Lord no 130 kapuai alanui holopuni i hanaia me keku like ole i kona manao.

 

KUU KANE ALOHA MR JOHN KALAMA NAHOLO, UA HALA.

 

MR. JOHN KALAMA NAHOLO,

 

            Mai kuu kaumaha luuluu a po,

            Ke hele au i ou la Iesu,

            Iloko o kou oli kuu pomaikai,

            Ke hele wau Iesu.

 

            Mai kuu nei ma'i ko'u ola maikai,

            Mai kuu nei nele a i ko'u waiwai,

            Mai kuu mau hewa iloko ou,

            Ke hele au Iesu.

 

            Mr. Solomon Hanohano; Aloha maikai kaua:—E oluolu hoi oe o hookomo iho maloko o ke Kuokoa, in a he wahi rumi kaawale keka@@i, no keia poomanao e kau ae la maluna, i ike mai ai hoi kuu ohana, ame kona mau hoaloha, mai ka puka ana o ka la i Kumukahi, a ka welona o ka la i Lehua, no kuu kane aloha, Mr. John Kalama Naholo, i haalele mai ia'u kana wahine aloha, a niau hele hookahi aku la i ke ala hoi ole mai.

            Ua haalele mai oia ia'u kana wahine aloha, na luhi a maua, he mau moopuna, ame na keiki ame ka ohana. Aloha ino kuu kane e!

            Ua hanauia kuu kane aloha ma Nahiku, Maui, mai ka puhaka mai o Keoahu kona mama; ame Naholo kona papa. Elua wal@ iho no laua o ko laua mau makua, ua hala mua no kona pokii; a koe hoi oia.

            Ua hoonaauaoia oia ma Hana, Maui, na Lahela Hoopai, kana kumukula, eia no hoi kana kumukula i Honolulu nei. Pau kona noho kula ana i Hana; hoi aku oia ma ke kula Nui o Lahainaluna, i ka wa e noho kumukula ana o Hikikoki, no ekolu makahiki, ua loaa no hoi kahi ike liilii iaia. Haalele aku oia i ke kula ma Lahainaluna, hoi mai a noho ma Honolulu nei Eia no i Honolulu nei kekahi o ko na mau hoakula.

            Aloha no kuu kane, kuu hoapili o keia aina malihini ame ka luh@ a maua he mau moopuna, kuu kane hoomanawanui i ka huli ana i na mea e pono ai ka noho ana o keia aina malihini. Aloha ino kuu kane e!

            Ua mare mua oia i ka wahine, a loaa mai ia laua mai hookahi keiki e noho hana nei, ma ke keena pa'i o ke Kuokoa oia hoi o Mr. William Kalama. Ua piha na makahiki ekolu o ka laua keiki, a make aku kana wahine mua; a mare hou oia me a'u nei kana wahine; aole hookahi keiki i ola, a haalele mai la oia ia'u.

            He iwakalua makahiki ko maua noho mare ia ana,, a haalele mai oia ia'u me na luhi a maua he mau moopuna, na hoahele o maua, na hoa o ka hale hoolimalima, hoolaukanaka i na moopuna. Ua loaa mai iloko o kana keiki mai, he eha mau moopuna, elua kane, a elua wahine.

            Ua make kuu kane aloha ma ka Haukapila Maiwahine, ma ka la 27 o Maraki, iloko o elua la o kona noho ana malaila.  Haalele mai oia ia'u i kana wahine, aole hoi au kana wahine i ike i kona hanu hope, kana keiki ame na moopuna.  Aloha no ka leo o kuu kane i ka pane mai, maikai no au, mai hookaumaha i ka manao.  Hookahi wale no pule o kona kaama'i ana, a hala aku la i ke ala o na mea apau, he ala hoi e loaa aku ana ia kakou.

            O kana keiki no ka mea nana i hoihoi iaia i ka haukapila, mamuli o ke ko'iko'i loa o ka pilikia i loaa iaia, ame ka ike pu a ke kauka, a ua okiia oia ma ka hora 11 o ke awakea Poakahi, a haalele mai hoi i keia ola ana ma ka hora 10:15 a.m., o ke kakahiaka Poakolu mai.

            E ka Waikau o Keanae, ua pau ka hoopulu hou ana o kou hunawai i kona ili aloha ia wai ninau a ka malihini.  E Nahiki, ka ainahanau o ka makou mea aloha, ua pau ka hehi hou ana o kona mau kapuaiwawae i kou mau kualono, kou mau aekai ame na kahawai. 

            E Hana Ua Apuakea, kahi hoi ana i hoonaauaoia ai, ua pau kou lohe hou ana i kona leo, i ka i ana mai, e hoi mai no kaua e pili.

            E ka Ua Kukalahale nei e, kahi hoi ana i hoomanawanui ai i na inea he nui, a hala wale aku la, i wahi e pono ai o ka nohona o ka hale hoolimalima, ua pau kona he@e hou ana makai o na uwapo, ua pau pu hoi kona hele ana ma na alanui o ke kulanakauhale nei, me ka minamina nui nona e!

            Ua piha no hoi iaiai na makahiki he 63.  E hana ana no hoi oia in a hana oolea i mea e pono ai ka noho ana o keia aina, i nohoia a kupa a kamaaina.  Auwe ka makou mea aloha e!

            Aloha ino kuu kane, Nana no i haawi mai a Na@a no i lawe aku; e hoonaniia Oia ma na lani kiekie loa, he malu ma ka honua, he aloha i kanaka.

            Kuu aina hanau e, nou au e mele nei,

            Aina maikai o na makua o'u, me na keiki pu,

            E o mai o a o,

            Kuu mele nei nou i hele loa aku e,

            Kuu aina makamae,

            Aloha au i kou mau kahawai,

            Me na kualono uli e,

            Ua hala ua nalo ua hele loa e!

            Ke haawi pu aku nei makou i na hoomaikai ana he nui i na hoaloha i akoakoa pu mai me makou iloko o ko makou manawa o ka luuluu no ka lakou mau makana bo@ke pua, a i ku kiai hoi me makou ma ka hale kupapau o H. H. Williams, ma ka po Poakolu a ao ae ka Poaha, pela pu  hoi me J. K. Nakila, ka mea hoi nana i hoomaikai iho i kona kino wailua ma ka hale kupapau, a ma kona home lu@ ma ka pailina o Kawaiahao, me oe ka mahalo nui.

            Owau o kana wahine na keiki na moopuna ame ka ohana,

            MRS. L KALAMA NAHOLO

            MR & MRS. WM. KALAMA,

            MR. & MRS. J. K. KEOLA,

            MAS. J. K. KEOLA JR.,

            MISS ROSE SAUNDERS

            MR. & MRS R. SAUNDERS,

            MRS. EVA KAMAI,

            MR. & MRS. KAULANA,

            Honolulu, Apr. 2, 1923.

 

NA KUMU OIAIO O KAKOU E LUKUIA NEI, KA LAHUI HAWAII

 

            Mr. Lunahooponopono o ka Nupe pa Kuokoa; Aloa oe:-I ko'u ike ana iho la i ka manao hoakaka o L. A. Kakina ma ke Kuokoa o Maraki 15 e pili ana i ka make nui o na Hawaii, he mea oiaio io, e waiwai ole ai ka hoopaapaa ana, aka, he mea hoehaeha nae i ka manao ma ka hoomaopopo maoli ana iho no, penei, he nui no ka hanau, eia nae he oi loa ae ka make iwaena o na keiki liilii.

            Eia ma Hilo nei kekahi mau ohana, na kekahi mau maku, he 16 mau keiki, make he 10, koe 6 e ola nei; na kekahi mau makua okoa aku he 14 mau keiki, make 9, koe 5 e ola nei; ka oi loa aku nae o ka hoike, ma ka papahelu kanaka, mai ka makahiki 1823 ahiki i ka makahiki 1920 i hala anku nei, he kowa e 97 makahiki, mailoko mai o ka huina o 142,000 i hoikeia ma ke Kuokoa o ka la 15 iho nei, in a nae o ka oiaio ia, 23,723 ka huina pau o na Hawaii, alaila, ke ninau nei au, aia iho la hoi ihea ka poe koko hapa Hawaii@

            Malia nae paha, ua manaoia o na Hawaii koko piha wale no ka poe i ikeia ka make nui, pela iho la paha i kapaeia ai ka huina o 17,737. 

            Malia paha e olelo mai ana kekahi, pehea iho la i loaa ai kela puuhuahelu maluna ae i ka mea kakau? Eia no ka haina, ma ka papahelu kanaka o ka makahiki 1920 i hoolahaia ma ka nupepa Honolulu Star-Bulletin o Maraki 10, 1921, i kopeia mai ke keena mai o ka papa ola.

            Nolaila, in a e huiia ana ka heluna o 17,737 i kapaeia, me ka heluna o na Hawaii koko piha, alaila, e lilo ana ka helu elua ma ka papahelu maluna ae, ma ka oi ana he 0.85 (hapa-hanari pakeneka) ua like ia me 2,345 o ka huina pau o na Hawaii, 14.41, 39,754 o keia iho la ka heluna pololei, e ola nei i keia la, aole hoi elike me ka papahelu kanaka o ka la 15 o Maraki i hala aku la, 8.60, 23723; oiai, aole keia he helu kanaka ma ka nina@ ili, aka he ni@au pili lahui keia; no ia kumo, he kuleana ko keia a@e keia e kakahe ana ke awe'awe'a koko Hawaii iloko o kona ma@ @@akoko.

            Mamua o Hawaii boy me Hawaii girl i hanauia maluna o ka lepo o Hawaii nei, mai na makua mai na aina e mai, no ka mea he oi @e ka manoanoa o ke koko mamua o ka wai.  Ina pela, pehea iho la keia hoike?  Ke nana aku me he mea la aia ka pilikia ma kekahi wahi i like ole ai keia mau hoike a elua.

            Aka, o ka mea nui wale no, e iiniia nei i keia mau la, o ia no ka maopopo ana o ke kumu a mau kum paha, in a nae he mau mea kekahi o ia ano; a i ole ia, he hewa paha kekahi i hanaia, e ko kakou mau kupuna, i kauia mai ai keia hoopa'i make maluna o kakou; a he ku no hoi i ka walohia ke hoomanao iho, malia paha o kekahi kumu ia, no ka mea, aole meaulu a kakou i ike a i kamaaina ai e ulu wale ae ana in a aole kumu a i ole anoano paha.

            O ka hana hewa a kekahi o ko kakou mau kupuna i hana ai, o ia no ko Keopulupulu kau ana i kana makaia i ka aina, na alii ame kakou na makaainana.  (I nui ke aho e kuu keiki, a pa ka ili i ke kai, no ke kai ka hoi ua aina; ma kuu wehi e make ai, malaila no oia e make ai, laweia au a kau i ka lele, a kulu kuu hinu i ka honua; e kapaia ke one ai Alii o Kakuhihewa, malaila na alii ame na makaainana e lukuia ai.)

            O keia mau mea i hoikeia ae la maluna he mau mea ia i ikemaka ia e kakou apau; ua lilo ka mana hoomalu ia Amerika; ma ke kuianakauhale o Honolulu, kahi e luku nui ia nai kakou a o ke one ai alii hoi o Kakuhihewa; un hookoia, a ke ku nei ka makaia, ke @n@ nei ia me he ko'e honua la, ka pule a kahunaanaana.  O keia iho la kekahi kumu.

            Ke olelo mai nei hoi na kauka, no ka lawa ole o ka makaukau o na makuahine Hawaii i ka hanai me ka malama ana i na keiki liilii, ka hanaiia me na ai i maa ole i keia lahui.  Ka lawa kupono ole i na meaai, ka haawiia i mau wahi papaa palaoa, me kahi pola kope, na na keiki o u@@ makahiki a oi aku.  Ke olelo mai nei hoi kekahi no ke a'o ole o na makua i na keiki i ke kanawai paa; eia nae aole hoi i hoikeia ae ua kanawai pea la; ka lilo ana na na Pake e kanu a e hoomo'a i ka kakou ai; ka ai ana ma @a haleaina o na Pake, i hoolak@ia me na meaai kupono ole; no keia mau mea i hoikeia ae la, ma kana hoomaopopo ana, kekahi mumu nana e luku nei ia kakou, a e loaa ole ai na kanaka kino nunui, kilakila o ke kulana ke nana aku, na kane me na wahine; i lawa me ka ikaika, ka mama i ka holo i oi aku mamua o ka lio, malia he pololei ia aole paha.

            No na meaai, waimomona, candy me ke kope, o keia mau meaai i hoikeia ae la, he mau meaai kupono ole ia ke hanai i na keiki liilii. No keia mau kumu he mea hanai keiki no au, elike no me kekahi poe e ae o ka'u hana kuhihewa mua i hana ai, a'u nae i ike ole ai, he hana hewa ia ia manawa aka, i ka manawa nae i hanini ai ka waiu, puiwa au a ike he hana hewa ka ia; o ia keia, i ka manawa i hiki ai ke keiki ke ai nona iho, ua haawiia aku iaia ka waimomona, candy, meaono, meli, me ka hoohainuia i kope ekolu manawa o ka la, me kona hoolakoia aku me kekahi mau meaai kupono e ae e loaa ana ia'u.

            I ka piha ana ekolu makihiki o ke keiki, ua like ke kope iaia me he opiuma la, in a e nele i ke kope i ka manawa ai, aole e hiki iaia ke ai, ke nele i ke kope hookahi la, e lilo ana ia i ma'i nona e moe ai, elike me ka poe puhi opiuma, i ka manawa e nele ai i ka opiuma; i kekahi manawa, hookahi a elua paha hora mahope iho o ka ai ana, e kii hou ana no oia e inu i ke koena wai o ka ipu kope, in a aohe wai i koe, o ke oka wale no, e pau ana ke oka i ka aiia.

            O ka pilikia a'u i ike me ko'u mau maka ponoi, no na meaai e ae i hoikeia maluna, o ka hoopa'i no ka hihia ai candy me kekahi mau meaai momona e ae, he elua ano hoopa'i.

            O ka mua he niho ole, o ka lua he mimi-ko (diabetes); o ka mimi-ko he ma'i ia aia iloko o ka puumimi, o ka helehelena o keia ma'i he ula ka mimi elike me ke kope ikaika, a i ole malakeke, o ke kumu e loaa ai i keia ma'i no ka ai nui i na mea i hoikeia maluna; aka, aole no he pilikia loa, in a e hanaiia me ke kupono, aole hoi elike me ka'u hanai ana, me ka manao nae hoi i keia hoomomona ana, aole he pilikia e hiki mai ana, in a aole e nakeke ke pakini waiu i ka manawa i kahuli ai, in a aole au e ike, aole no hoi au e hoike.

            No ia mea, ke haawi nei au i ko'u mahalo i na alakai Moremona, no ko lakou a'o ana i ko lako mau hoahanau, aole pono ke inu i ke kope, he mea oiaio ia, no ka mea, aole no he mea ano nui e loaa mai ana, koe wale no he akeke aki makau, a he puhi uu manu. O ke kope he mea kaohi mai ia i ka ulu ana o ke kino, me ka hoonawaliwali pu ana; o ka oi aku o na ki maikai no kakou e inu ai, o ia no na ki Hawaii; e laa 1, ka lau ohelo kaulaau; 2, ka lau alani Hawaii; 3, he Koohoolau; 4, ka uhaloa; 5, ka palapala-a.

            O ka lau ohelo, he laau maikai keia, no ka hoomaemae ana i ka puupaa, ma ke inu ana elike no me ka inu ana i ke kope, hoomomona me ke ko, ai me ka palaoa, a mea e ae paha.

            O ka pomaikai e loaa mai ana ia oe ame a'u, iaia nei ame ia la, o ia ka hoopauia ae o ka eha, i kapaia e ko kakou mau kupuna, he kikala-haneenee, ua loaa mai keia pilikia i ka puupaa mai ke koko awa mai (blood poison); ua loaa mai ke koko awa mai na meaai mai, in a e nui loa ke koko awa, e hiki ole ai i ka puupaa ke hoomaemae, no ka mea, o ia ka mahele hana i hookaawaleia, nana e hana, i ka hiki ole ana i ka puupaa ke hoomaemae, e hiki mai ana keia mau ma'i nana e luma'i nei ia kakou:

            1,  Nalulu (headache); 2, poniuniu (decayness); 3, hu'i o ka iwi (rhumatism); 4, he ma'i kokoke loa e@lolo (neuritis); 5, pehu (drop@y); 6, opuohao (pluresy). O keia ae la na ma'i e hoopakeleia ai oe ke inu i ke ki ohelo, maemae ka puupaa, aole e hiki mai ka (puupaa pilikia) a ka haole, me na ma'i e ae i hoikeia ae le.

            Ka lau alani Hawaii maka, he ki maikai ia no na kaikamahine @ ka manawa e ikeia ai, ka hemo maikai ole o ka hanawai; na ia mea e hoemi a wiwi ka helehelena ke nana aku, he hokale hoi ma kekahi olelo ana, ua kapaia keia ma'i he waipuna (womb trouble). Hookahi p@ha poho lima lau alani maka in a i makemakeia no hookahi mea inu, a i ole o ka ohana holookoa paha, inu no elike me na ki ew ae.

            Ina e h@mo ka wai o ka mea hemo maikai ole, i kehahi manawa, e hemo mai ana he wai lenalena, uliuli, ka nao me he pia lole la, hauna inoino ke ea, in a e hemo nui mai ka wai, mai maka'u, in a no hookahi pule a elua paha, aole ia he mea e pilikia ai, o ka pau o ka wai ino iwaho, o ia ke ola; o ia ka wai nana e pepehi nei i na kaikamahine, 14 makahiki oi aku a emi mai, oleloia oe e mama i ko ike ole i ka malama ana ia pepe me, ko ike ole i ka palai pal@oa @na (papaa ka palaoa).

            Ke kookoolau he laau paaoao keia, pau pu no me ka ea, aole mau kumu kupono ma kou aoao, e kanalua ai kou inu ana me kou ohana, i ke ki kookoolau; aole ia @ iniki mai ana ia oe me kou ohana; aka, e hoohauoliia mai ana oe, ke ike iho ua hoopakeleia oe, i kou uku ana i kou pila kauka. Aole no e hoohaikiia ana kou pa-hale, in a @@ e kanu ana i ke kookoolau, elike me kekahi mau laau hoonani pa-hale e ae, no ka mea, ke hele aku nei e nalowale loa keia laau, aole oe e ike ana, he wahi lau o keia laau, e hooluliuliia ana e ka makani, ma Hilo nei, mai Mawae ahiki i Kaula; aole no o'u kanalua ke olelo ae, mai Kaula ahi ki i ke kai hawanawana o Kawaihae; ma na aina i hookuu laula ia, na holoholona pipi me ke kao; he hana paakini ka loaa ana o keia laau, e hiki mai ana ka la e nele ai, a nele pu me ka kakou mau mamo, ka manaolana o keia mua aku; in a e malama ole ana kakou i keia laau.

            Aia ma keklahi wahi o Puna ame Kona na wahi e ulu nei keia laau, ma keia mokupuni, koe kekahi mau mokupuni e ae.

            Ka uhaloa, he laau ea key, ua like no ka maikai o key laau, ke inu ki elike me keel maluna, he laau maikai keia no ka ma'i i'oulu (cancer), hookahi mole nui, in a he mole liilii elua a i ole ekolu, holoi apau ka lepo me ka wai waiho a malooka wai; alaila, paku'iku'i me ka hamale, a i ole kekahi mea @ ae; a nahaha, kaawale ae ka ili, o ia ili ku'i a wali aloko o kekahi pola maemae nui kupono, hapa kiaha ani ani hookahi paina (pint), o ke ana ia o ka wai, ninini iho iloko o ka laau, kunakunaku me ka lima apau, paka a maikai aloko o ke kiaha, olopu ae a hoo-lao-la a li'uli'u luai aku, elua hoolao-la ana pau, o ke koena wai inu apau, elua manawa o ka la, i kakahiaka me ke ahiahi, e hoomau pele a hala na la elua a i ole ekolu paha, e ike no oe i ka hana a ka laau; in a aia ka i'oulu i ke kileo, ua pili i ke kumu o ke alelo, e hoi ana ia a kona kulana maa@mau, in a he pukapuka ke kumu o ke alelo, e pau ana ia i ka akaakaa, ke kope mai me ka manamana, e ike no oe i ka uaua me ka pipili, o ia kahi piliia e ka ea; e hoomanao oe, ua hoopakele hou ia kou pakeke e keia ki.

            Ka palapala@a, ua kapaia ka inoa o keia laau, ka pa-u o Palae, elike no hoi me ka pa-u o Hiiaka; he laau maikai keia no ka heekoko, a luaikoko paha (hemorrhage).

            No ka hoopaa ana i ka heekoko, elima kauna pee pala-a me kahi puupuu paakai Hawaii, in a he holomoku ino loa, alaila, hookahi no manawa e ai apau, ke oka ame na mea apau; o ka puupuu paakai aku, inu mai ka wai; nana aku ka hope, in a no e paa mai, pau ae la no; aka, in a aole e paa, aia he pilikia ma kekahi wahi, o ka pilkia ua hau halaki ka ai a Kawele-a; he mea pono ke wehewehe mua ia ka hihia o ka pokaa kaula, mamua o ka ai ana i kekahi o keia mau laau, i hoikeia aku ana; in a aole pela, he makehewa wale no ka ai ana i ka laau, luhiu'a i ka ai a ka lio.

            Ina e pau na hihia a kanaha'i ole mai, alaila, aia ka pilikia mawaho. Heekoko no kekahi manawa loihi, eono lau pala-a maka, elima lau maloo, elua lau maka lei i ka a-i, o na lau maloo kuolo iloko o ka hapa kini ailamahu, o ia ke ana o ka wai, aole kanana ke oka, hookahi kiaha o ia wai, keu'e inu @ai apau; o ke koena ninini iloko o ke pakini auau, a i ole kapu paha; pau ka auau ana, kawele a maloo ka ili, alaila, komo ka lole, o na lau maka eha hoonohonoho maikai pelupelu no hoi a kupono, papio mai malalo, kakua mai kahi pa-u pau ae la no; in a e puukiki, wehe no a hemo pau iho la no; pulu a pulu ole paha, aole au papio hou ana; o ka lei, o ia ka mea hoopaa mau i ka a-i, e halii i mau lau maka malalo o ka haliimoe, o kahi e moe ai ka mea ma'i, pela no e hoomau ahiki i ke ola ana.

            O ke kanawai paa o na laau lapaau Hawaii apau, aole pono ke kiola wale ia ke oka laau ma o a maanei, o kahi maikai loa e kiloi ai iloko o ka wai, a i ole kai paha; i hanaia pele mamuli no ia o ka ikeia ana i ka hoi hou mai o ka ma'i maluna o ka mea ma'i, nona ke oka laau i pau i ke ahi, no ia ikeia ana o ia pilikia, i kapu ai na laau lapaau Hawaii, ahiki mai i keia la.

            O ka lua'ikoko o ia kekahi o na ma'i pilikia loa, ua hoea mai keia ma'i mailoko mai o ka ma'i akepau (consumption), i kekahi manawa ua hoea mai, mai na ma'i lalau mai; o ka heekoko hoi ua hoea mai ia ma'i mailoko mai @ @@ waihona keiki, mamuli o ka @@@ maikai ole o ke koko keiki, i @@ kahi manawa, mamuli o ka @@@@@ ana i ke keiki iloko o ka opu, @@@ pu me ke akepau; in a he wahine hanau keiki ole, ua hoea mai @@ ma'i mai ka ma'i akepau mai, @@@ ka hemo maikai ole o ka wai. @@@ kapaia keia ma'i he kohepopo. @@@ i na wahine opiopio me na wahine oo, koe na kaikamahine noho kane ole.) Ina hoi he mea heekoko loihi no kekahi mau makahiki, e kapaia ana ia he waipuna, elike me na kaikamahine noho kane ole.

            Ina hoi e ku i ke kane, ua ka@@ ia keika ma'i he waiopua, ua @@@@ mai no keika ma'i mai ke ake@@@ mai, i kekahi manawa e loaa ana ke kane mai ka wahine mai, i kekahi manawa o ka wahine mai ke kane aku; i kekahi manawa e ike@@ ana he kane, elua a ekolu wahine e make, i ka ha o kana wahine e make e ana oia mamua o ka wahine, ma ia ano hookahi no me ka wahine; ua kapaia ia kane a wahine paha, he poli awa.

            O ke kumu i loaa mai ai o k@@@ haawina i kekahi kane a wahine paha; mamuli no ia o ka ikaika loa o ka ma'i iloko on a, e oleloia ai ua kumu; i kona noho ana me kana wahine a kane paha, e loaa aku an oia i keia ma'i a e lilo ana ia i mea no ka wahine a kane paha e @@@@@ ai, no ka mea aole @ hiki i na mea paahana o kona kino e ku-e aku i ka mea i kumu ka ma'i iloko on a, a ma kekahi olelo ana, he ma'i-kau mai kona mau kupuna mai.

            Ka laau o ka lua'ikoko i ka manawa e hoomaka ai ka lua'ikoko. @@ hoohainu koke i kiaha paakai Hawaii, hookahi, a i ole elua puna nui@ kemo iloko o ke kiahawai, koai a h@hee ka paakai inu ae, me ka @@@manawanui wale no e pono ai; in a he kokoke ka pala-a, o ia ka laau maikai loa, elua lau i ka a-i, elua i ke poo, aole lau papio malalo; elima kauna pee pala-a, ai a kualima, i kakahiaka, awakea, ahiahi; pela no ka heekoko, ai a kualima; aohe pani.

            Aole au mea e mihi ai, ina oe e lawe mai ana i keia mea he pala-a, a kanu iloko o na pahu i mea hoonani hale, aole au kuai ana i kenikeni huika, a i ole kulina paha, i mea hanai iaia; e hauoli oe no kana mea e hana ai no kou ohana; aole ana kahi ia oe, he ki maikai nou @ inu ai me kou ohana, o ka oi aku nae o ka mea i loohia i na ma'i i hoikeia maluna. (He mea pono e o'u hoa o ka pupuu hookahi, e malama i na loina o na laau i hoikeia maluna.)

            Ko'u welina me okou, na lima kiani i ke pihi uwila o ka radio.

            Owau no kou oiaio,

                        James A. Iokepa.

            687 Kilauea Ave., Hilo, Hawaii

 

            WAKINEKONA, Apr.2.—Ua hoikeia aku e ke kakauolelo o ke aupuni Hughes i na aupuni Pelekane, Palani Italia, ame Helene, e hoopau ana ka Ahahui Ke'a Ulaula Amerika i kana hana kokua maloko o ke aupuni o Helene ma ka la 30 o Iune.

 

            LADANA, Mar. 31.—Ua hoolahaia ae e ke aupuni Pelekane i keia la he hoike no na loaa ame na hoolilo o ke aupuni no ka makahiki i hala e pau ana i keia la, o na loaa apau i ka makahiki he 914,012,452 pao@a, a o na hoolilo he 812,496,604 paona. O na loaa no ka makahiki i pau he 210,867,421 paona, ke emi malalo iho o kona loaa o ka makahiki mamua aku, a o na hoolilo 266,690,02@ paona ke emi iho.

 

            I na makahiki i hala aku, ua like ka laweia ana o keia mau aina, me he hana haawi wale. Ua lilo aku na aina aupuni, malalo o na hana hoopunipuni. Ua hele aku hekai@i poe me ka manao e hoolilo aku i keia mau aina no ka pomaikai o ko lakou mau haku a lakou e noho hana ana. A no keia mau kumu, aole keia mau aina malalo o ka malu o na kanaka na lakou i lawe i kinohi loa. Aka, aia no kekahi mau hewa ma ka aoao o ke Aupuni. o ia hoi aole lakou i hana i mau alanui e hiki ai la hoi i ke kanaka ke hemo aku a i ole e komo aku ai paha iloko o kona aina. Ua hanaia no paha keia mea, i hiki ole ai no i ke kanaka ke hoomanawanui, ahiki no iaia ke hoomanawanui, ahiki no iaia ke haalele, a o ka lilo aku no ia i ka poe e makemake ana e laweia no lakou ia mau apana aina. Aka, i keia la, ke ikeia aku nei na hana a keia Komisina malalo o ke Kanawai Hoopulapula, a ua hiki ehoomaopopoia, o na hana apau e hoomaopopoia, o na hana apau e hanaia nei no ka poma@@kai wale no o na kanaka ma keia mau aina. Ua hoomaemaeia na aina. Ua lawe mua ia aku ka wai inu. Ua kokuaia mai me ka wai hoopulu i na mea kanu. Ua hana mua ia na alanui. O keia mau hana apau, he mau hana e hiki ana @ ikeia mai, ka makemake e loaa i kela ame keia kanaka he kumupaie ole ma kona aoao e olelo iho ai paha aole e hiki e holomua, no @@ kumu ua nele i keia mea, a ua @@@@ paba i kela ma@ mea. Nolaila, @ ike mai kakou, ua haawiia mai ia oe e ke Kanaka Hawaii he kulana oi ae o ka maikai mamua o ke kuhikuhi a ke kanawai e ku nei o ka ninau home hookuonoono.