Ka Nupepa Kuokoa, Volume LXII, Number 13, 29 March 1923 — NINIU MAU NA MIKINI HANA O KEIA KALAPU REPUBALIKA [ARTICLE]

NINIU MAU NA MIKINI HANA O KEIA KALAPU REPUBALIKA

Hilo, Hawaii, Maraki la 26, 1923. Ma ka halawai a ke Komite Hooko o ka Ahahui Eepubalika o na wahine opiopio Mahele Koho Baloka Ehiku, i malamaia ma ka home o Mrs. Cfttherine Sanborn, ma Homelani, ua hookohu aku ka p^residena 0 ka ahahui, Mrs. Hannah Kelekolio, i komite o ekolu lala, no ka hoomakaukau ana i Olelo Hooholo Hoalohaloha no Benjamin Harry Brown, Sr M i make, a o keia komitc 1 kohoia, oia no o Mrs. Maria Kamakaala, Mrs. Mary Maxfield ame ka Peresidena Mrs. Hannfc,h Kelekolio. Ua noho ka halawai a keia Komite o ekolu lala ma ka home o Mrs. Mary Maxfield ma Piopio, a mahope o kekahi mau kukakuka ana ua apono ke komite i keia olelo hooholo hoalohaloha malalo iho nei, a ua kauoha pu ia ka kakauolelo e hoouna i kope o keia olelo hooholo i na keiki ame ka ohana i hooneleia i ka makua: Olelo Hooholo Hoalohaloha. OIAĪ, ua oluolu i ka Makua Lani, ka lawe ana aku i ke ola makamae o kekahi o na kupa a kamaaina o keia kulanakauhale, ka mea i aloha nui ia, Benjamin Harry Brown, Sr., a OIAI, o kona haalele ana mai j keia ola honua ana, a a e aku la ma kela aoao o ka muliwai eleele o ka make, ua pau ae la kona ehaeha ame kona u ana, aka, ua hookomoia aku kana mau leialoha ame ka ohana iloko o ka luuluu ame kc kaumaha; a OIAI, o Benjamin Harry Brown. Sr., i oleloia, oia kekahi o na makuakane Hawaii oiaio, oluolu, heahea, a makeo koiki, makee ohana a makee i ka pono noho Kristiano ana; a I OIAI, o Mra. Mary Keala Kekua. kekahi o kana mau kaikamahine, a oia ka peresidena o ka ahahui Repuhalika o na wahine o ke kulanakauhale o Hilo, Mahele Koho Ehiku; a, OIAI, eia iloko o keia ahahui Repuhalika o na wahine o Piopio he mau lala i pili aku ia Benjamin Harry Brown,' Sr., i make:

Nolaila, e hooholoia e keia Kalapu Repubalika o na wahine o Piopio, Mahele Kohi Ehiku, ma keia ke hoike nei i ko lakou manao aloha, a manao kaumaha no Benjarain Harry Brown, Sr., i oleloia;

E Hooholo hou ia, ma keia ke komo pu aku nei na lala apau o keia Kalapu me na keiki ame ka ohana iloko o na hoomanao kaumaha ana no Benjamin Harry Brown Sr., i oleloia;

E hooholo hou ia. aa keia lee kauohaia nei ke Kakauolelo o keia Kalapu, e hoouna aku i kope oiaio o keia olelo hooholo ia Mrs. Mary Keala Kekua, Mr. Benjamin Harry Brown Jr., Mr. William Christopher Brown, Mrs. Irene Kaui Kahaielaukoa Matsu, ame ka Hon. John T. Brown.

Kalapu Repubalika o na Wahine o Piopio, Kakauinoaia e na komiio; MRS. HANNAH KELEKOLIO, MPS. MARTA KAMAKAALA, MRS. MART MAXFIELD,