Ka Nupepa Kuokoa, Volume LXII, Number 13, 29 March 1923 — Nuhou Kuwaho [ARTICLE]

Nuhou Kuwaho

BEBLIN, Mar. 27.—Ke holo nei na kanaka o na lahui e mai Kelemania nei aku mamuli o ke kiekie loa o na kumukuai o na meaai ame na mea e ae e pono ai ka noho ana, a no na auhau kaulele nui mai ka manawa mai o ke komoia ana mai o Kelemania e na koa o na aupuni huiia, o keia ka mea i ikeia i keia la. He 12,375 wale no mau lahui e i hoea mai i na hokele ma Berlin nei iloko o ka mahina o Feberuari 0 keia makahiki, i Feberuari o ka 1921 hc 100,000 poe o na lahui e i hiki mai. NEW YORK:, Mar. 27.—0 na hai himeni i kukuluia ae maanei ke hoomfikaukau mai nei e olohani no ke noi ana i uku kiekie ae. Ke loaa nei ia lakou he $52 no ka pule. Aneane 200 mau hui himeni i hoolimalimaia e na hale keaka a hoikeike e komo pu ana ma keia olohani ana. LONDON, Mar. 27.—Ua hopuia e na koa Palani ka Lukanela Otto Sfceinbrinck, ka mea nona ka inoa i hoopaaia maloko o ka papainoa a na aupuni huiia, oia ke aliikoa kiekie nana e hoomalu ana ka mokuluu U-18, a Kelemania, elike me ka hoakaka a kekahi lono kelekalapa 1 loaa mai ianei mai Dusseldorf mai. Ua hoopiiia ae ka Lukanela Steinbrinck no ko ki ana i ke topido i ka mokuahi Pelekane lawe ohua Sussex ma ka mahina o Maraki, 1916. He 50 ka nui o na ohua i make ma ka manawa i piholo ai ka moku.