Ka Nupepa Kuokoa, Volume LXII, Number 13, 29 March 1923 — Nuhou Kuloko [ARTICLE]

Nuhou Kuloko

Eia no ke kiaaina ke noonoo nei i ke kanaka ana e hookohu mai ai ma kahi o ke Kahu Kula Kui MaeCaugher, e pau ai kona hookohu ma keia Poaono iho. Hele ka luaklni o Kawaiahao a piha i na ahahui Hawaii ame ka lehulehu pu, ma ke Sabati aku nei i hala, no ka hoomanao ana i ka la hanau .o ke Keikialii Kalanianaole. Maloko o ka hale o na lunamakaainana, ma ke awakea o nehinei, i malamaia ae ai he anaina hoomanao no ke Keikialii Kalanianaole, me ka vreheia ana o ka uhi o ke kii i haawi makana ia mai e ka Mea Hanohano G. P. Wilder. Ma ka hora elima o ke ahiahi o keia Poaono iho, e holo hou aku ai ka mokuahi Haleakala ma kana huakai lawe i ka poe makaikai no Hilo, Hawaii, a ma ke kakahiaka o ka Poalua o keia pule ae, e ku hou mai ai no Honolulu nei. O ka pololei, ma kahi o ka inoa o Mrs. Helelani K. K. Kikana 1 puka aku ai nana ka hoalohaloha no Mra Sarah Kailihiwa ma ke Kuokoa o ka la 15 o keia mahina, ola o Mrs. Helelani K. K. Kikaua; mamuli o ka poahi loa o ka niniu ana o na huila o ka mikini hoonohohua i !oaa ai keia hemahema Ma ke kakahiaka o keia Poaono ae e kau mai ai ka Lunakanawai o'Brien i ka hoopa'i maluna o Mr. Stanley C. Kennedy, ka mea i ae okoa aku no kona pili i ka hewa laweola, mamuli o ka hooku'i ana o kona kaa otomobile, a make ai lie wahino haole kumukula. Maloko o ka Halekeaka Hawaii ma ka po o keia Poaono iho, e hoikeikeia ae ai kekahi mau hana o ke au ka'niko, na himeni ame na hula, malalo o ka hooponopono ana a ka Ahahui Hoeueu Hawaii (Hāwaii Civio Club). Ma ka Poalua iho nei i huli hoi mai ai o Mr. Charlea Dwight, ke kakauolelo a ka Elele Kalanianaole, a kakauolelo no hoi a ka Elele H. A. Baldwin, me ka ukali pu ana mai o kana wahine haole, o ka mare ana mai nsi ma Amerika. Maloko o ka pa luakini o Kawai ahao, ma ke kakahiaka o keia Poaono iho, e malama ae ana na haumana kahiko o ke kula o Kawaiahao, he paina luau, pela me ko kuai ana i na meahana lima ame na meaai o na ano like ole, no ka imi ana i dala, no ka hoomaemae hou ana i ka luakini o Kawaiahao.