Ka Nupepa Kuokoa, Volume LXII, Number 13, 29 Malaki 1923 — UA MALU KA WAIWAI O NA MAKAAINANA [ARTICLE]

UA MALU KA WAIWAI O NA MAKAAINANA

Hoko o na la aku la i hala, i kukulu mai ai ka Lunakanawai Federala John De Bolt i rula alakai maloko o kana aha, ma na mea e pili ana, i na hihia o ka poe e hopuia ana, no ke ku-e i ke kanawai hōokapu waiona, e na luna oihana federala, ma ke ano, me na palapala hopu wale no, a me na palapala huli wale no e hiki ai ke hopuia, a ke huliia, oloko o na home, ame na waiwai o na makaainana. Ile rula ana keia a ka aha, i lilo i mea paakiki, na na kanaka hooko i ke kanawai hookapu waiona, ka lawe ana mai i ka poe hakihaki kanawai imua o ka aha: aka nae ma kekahi ano, ua konoia aku lakou, e imi mua i na hooia maopopo loa, no ke ku-eia o ke kanawai, mamua o ka hooko ana aku i ka lakou hana, ma ka hoopuka ana i na palapala hopu, a mau palapala huli paha. La hookaka pono ia,na maka o ka poe i maopopo mua ole, no ka malu o na kino ame na waiwai o na makaainana, e hiki ole ai i kekahi mea ke hopu wale a huli wale, me ka loaa mua ole iaia o ke kuleana, malalo o ke kanawai; aole nae keia he kumu, e hoomau aku ai ka poe hakihaki i ke kanawai hookapu waiona, i ka hana ana ame ke kuai ana i ka waiona, no ka mea e hoea mai ana no he la, e lilo ai lakou i pio na ke kanawai. Mai manao iho ka poe e hoomahu'i nei i ka hana ana i ka waiona, akuai waiona paha, ua palekana lakou, mamuli o keia rula ana a ka Lunakanawai l'ederala De Bolt, aole loa pela, ua hiki i na luna oihana na lakou e hooko nei i ke kanawai. ke hopu ia lakou i na manawa apau, e ike maoli ia aku ai ko lakou ku-e ana i ke kanawai, a i ole me na palapala hopu paha, mamuli o na hooiaio ana a kekahi mau hoike, no ka hanaia ame ka malamaia o ka waiona, malalo o ko lakou malu.

Ina o kekahi o na haawina e a'oia maloko o na kula o kakou, i na keiki, o ia nb ka ike i na rula keonimana, e hoemiia mai ana na hana hoopilikia a na keiki kula, maluna o na kaa uwila, ama na wahi akea. Ma na manawa apau e piha ai na kaa uwila i na keiki hele kula, e loheia ana na walaau ame na hana' paani iwaena o lakou, i ku-e loa i ke ano kupono, a ua hoopilikiaia aku kekahi poe ohua, mamuli o ia mau hana. Mamuli mai keia o ke a'o ole ia i na rula maikai, a ma kekahi mau wahi akea, ua hiki no ke ikeia aku, na hana hoohenehene a hoopilikia a kekahi poe keiki, ika lehuleu. Oka ike o na keiki i na rula keonimana, e makee ana i ka pono o ha'i; e lawelawe aku ana i kekahi mau hana e mahaloia ai, o kekahi ia o na haawina pookela loa, e loaa i na keiki, mamua o kekahi mau ike ame kekahi mau hana e a'oia mai nei ma na kula, o ke ano hoopau manawa. Ma keia Poaono, e pau ai ka hookohu o ke Kahukula Nui Vaughan MacCaughey, a o ka mea e hookohuia mai ana ma ia kulana no keia nee ana aku, o ka oihana hoonaauao o ke Teritore, i ka nana aku, he kanaka oia, a ke kiaaina i manaoio ai, e loaa ke kulana loli iloko o ka oihana hoonaauao ma keia mua she kanaka hoi, ake senate i haawi pu aku ai i kana apono ana, e ala ole mai ai he mau manao hoohalahala mai na kumukula mai, mi na hoaloha mai hoi, o kekahi mau kanaka i hooikaika e loaa kela kulana kahukula nui i kekahi o lakou.