Ka Nupepa Kuokoa, Volume LXII, Number 13, 29 Malaki 1923 — KA HIHIA LAWEOLA O S. C. KENNEDY [ARTICLE]

KA HIHIA LAWEOLA O S. C. KENNEDY

lmua o ka aha a ka Lunakanawai Kaapuni o'Brien, ma ka Poakahi nei, i ae okoa aku ai o Stanley C. Kennedv, no kona pili i ka hewa laweola, elike mc ke kumu hoopii e ku-e ana iaia. Ua hooku'iia aku he wahine kumukula opio e kona kaa otomobile c hookele ana, a ua make kela wahine kumukula, he mau hora wale no mahope mai, maloko o ka Ilalema'i Moiwahine. Ma ka manawa mua loa o ka hooloheia ana o ka hihia o Mr. Kennedy, ua hoole oia no kona pili i ka hewa; ua hoao hoi kona mau loio, e hoopakele iaia, ma ka paio ana imua o ka aha i kekahi mau kumu malalo o ke kanawai, no ka poloei ole o ka palapala hoopii hoahewa a ke kiure kiekie, ua hoao pu e hookolokoloia ka hihia, e na kiure o Hawaii; ua ko ole nae kela mau hooikaika ana, a o ka hopena i ikeia, o ia no ka ae okoa ana aku e Mr. Kennedy, no kona pili i'o i ka hewa laweola. Elike me ka hihia o na kanaka opio o Kakaako, o ia ko lakou hoo{>oino ana aku i kekahi kaikamahine opio, ka hoopiolokeia o ka noonoo o ka lehulehu, pela iho la ka mea i hanaia aku e Mr. Kennedy, maluna o ka wahine kumukula; o ka like ole wale no ma keia mau hihia, o ia no ka palekana o ke ola o ke kaikamahine opio o Kakaako i hoopoinoia, a make hoi ka wahine opio kumukula. Ma ke ano nui ke olelo ae, ua ko'iko i maoli ka hewa i hanaia ma kela mau hihia a elua. L : a hoopa'iia na kanaka opio o Kakaako, no ke karaima a lakou i hana aku ai, a ke noho hana mai nei maloko o ka halepaahao i keia manawa, me ka lilo 0 ka hoopa'i i kauia aku maluna o lakou, i mea e hoomaaliliia aku ai na manao pioloke o ka lehulehu no lakou. • Ua ae okoa aku nae o Mr. Kennedy i kona hewa; he hookahi wale no hana i koe ma ka aoao o ka aha, o ia ke kau ana mai 1 ka hoopa'i maluna ona. 0 ka lunakanawai wale no. o ka aha nana i hoolohe i kona hihia, ke kuleana e hookau mai. ai i ka hoopa'i elike me kana i ike ai he pono; o ka ke Kuokoa wale no e hoomaoe wale ae nei, he mea pono e kauia mai na palena kiekie loa, a ke kanawai? i kau ai ma na hihia o keia ano; o ka hoopa'i ia, e loaa al ke kaulike. He kanaka o Mr. Kennedy o ke kulana hanohano, me ka nui o kona mau hoaloha ma keia kulanakauhale; aole nae e Ji!o kona kulana. kona hanohano ame kona waiwai. i kumu e kau ole aku ai 0 kekahi hoopa'i ko'iko'i maluna ona; aka c auamo oia i kc k'oiko'i o ka hewa ana i hana ai, e pono ai. Pinepine wale ko kakou lohe ana i ka oleloia, no ka poe ilihune wale no na kanawai i hanaia ai, aole no ka poe waiwai a ko'iko'i iloko nei o ka aina; aole he pololei o ia olelo; mamali wale iho no o ka manao o ka aha, i hookaokoaia ae ai kekahi puulu o na makaainana, mai kekahi papa mai, oiai nae. hc like wale no na mea apau imua o na maka o ke kanawai. He lehulehu wale o na ona kaa otomobile, ame na kiakaa otomobile. i pakele mamuli o na hooikaika ana a ko lakmi mau loio. c kupale ia lakou imua o ka aha, mai ke kau ana aku o kekahi hoopa'i ko'iko'i, me ka nana ole ia, i ka make ana o kekahi poe ma na ulia kaa otomobile. Ina paha i lawe maoli ia mai na oleloike, o na aoao a elua, a kaupaonaia ka aoao ko'iko'i. malia he kumu maikai ia e kauia aku ai kekahi hoopa'i haahaa, maluna o Mr. Kennedy. aole nae pela. Ua ae okoa aku ka mea i hoopiiia no kona pili i ka hewa; o ua hewa la, o ia no kona holonui me ka puahia i kona kaa otomobile. ka mea nana i kaili ae i ke ola o ka wahine opio kumukula. Ina nei no ka nanaia o ke kaulike, alaila he mea pono, i ke kahu o ka aha, ke noonoo. no ka lilo ana o kekahi ola, ma ka manawa e kau mai ai i ka hoopa'i, maluna o Mr. Kennedy, aole hoi e nana aku i kona kulana ko'iko'i iwaena o ka pohai, o ka poe waiwai iloko nei o ka aina. 1 ka nana aku, o kekahi kumu kau ole o ka maka'u ame ka weliweli maluna o na kiakaa o na kaa otomobile, i hooku'i aku me kekahi poe e hele ana ma na alanui akea, a i make maoli ai kekahi oia poe, o ia no ka ikaika ole o ka hoopa'i i hookauia aku maluna o lakou, a no ka haawi ana aku i kekahi i haawina a'o kupono loa, ke manaoio nei ke Kuokoa, aole he hana pono e ae. a ka Lunakanawai o'Brien e hooko aku ai, o ke kau wale mai no i hoopa'i ko'iko'i ; he hoopa'i hoi, e nele ole ai ke aponoia mai e na makaainana; ka poe i loaa na manao makee, no ka auamo o ka mea hewa, i ke ko'iko'i o ke karaima ana i hana ai. Eia imua o na kiure kiekie, he hihia no kekahi haole koa, nona ke kaa otomobile o ka hooku'i ana aku., a make he Kepani. ma ka pule i hala; ua maumaua maoli na make i na kaa otomobile. e hiki ole ai ke ae wale ia aku e hele lanakila ka mea hewa, aka e anamo oia i ke ko'iko'i o ke karaima i hanaia ma ke kauia ana mai o ka hoopa'i maluna ona, o ka oi loa aku. o ia no ka noho ana maloko o ka halepaahao. He mea maikai loa ke kaa otomobile, ke hoohanaia me ke kupono ame ke akahele; aka o kela kekahi ona meapaahana pepehikanaka hikiwawe loa ke kaa aku malalo o ka hoohana ana. a ka poe noonoo ole i ko ha'i pono; me ka hoolilo ana i ke kanawai, i mea ole mamuli o na manao haakei o ke kanaka. Ke manao nei keia pepa, aia iloko o ka hapanui o na makaainana, ka iini. e auamo o Mr. Kennedv. i ke ko'iko'i o ka hewa ana i hana ai, a e hoopa'iia oia, elike me ka ke kanawai : kauoha mai ai.

Ua lilo ka hoike ana ae o na nupepa o kakou, i na moolelo piha o kekahi mau hana kupono ole. i lawelaweia, i mea na kekahi poe e eeke ai, me ke ku-e ana ia mau hana a na nupepa. Aole he mau hoohewahewa ana ma ka aoao o keia pepa,-elike me na mea oiaio i laweia mai i keia keena. no ka law r elaweia 0 kekahi mau hana ku i ka hoohilahila, ma na wahi poopoo, me ka ike ole oka lehulehu; nolaila, i wahi e hoemiia mai ai na hana o kela ano, oke alahele wale no, o ia ka hoike piha ana ae ike akea; ano ka hilahila auanei, ame ka lohe wale ia ae o na inoa, na ia mau mea, e kono mai i ka poe i maa ia ano liana, e hoomamao ia lakou iho, a pili ae me ka poe maikai. Ma keia pule ae e holo aku ai na hoa o ka ahaolelo no Molokai, no ka nana ana i na ma'i ma Kalaupapa, ame ka aina hoopulapula o Kalamaula. Ke hooikaika nei na Komisina Home Hawaii, ma na ano apau, e holomua ka hana hoopuiapula, elike me ia a keia komisina i manao ai; o ka mea pono ma ka aoao o na hoa o ka ahaolelo, o ke kokua aku ma na ano apau 1 ke komisina, no ka hoea i'o mai, i ka wa e lilo ai ka hana hoopulapula, i pohaku paepae, no ka hoolaupa'i hou ana i ka aina, me ka lahui Hawaii.