Ka Nupepa Kuokoa, Volume LXII, Number 13, 29 March 1923 — HE ALOHA PAUOLE NO KUU HOAHANAU MISS MARIA PIKO. [ARTICLE]

HE ALOHA PAUOLE NO KUU HOAHANAU MISS MARIA PIKO.

Mr. Lunahooponopono o ka Xupepa Kuokoa; Welina kaua: —E oluolu mai kou ahonui ame kou lokomaikai, nou hoi kekahi wahi keena kaawale o ka kaua hiwahiwa, ka.mea nana e hiihele aku, ma na aekai ou e Hawaii aloha, no kahi puolo waimaka a ke aloha, e kau ae la maluna, i ike mai ai ka ohana na hoaloha, na makamaka mai Hawaii moku 0 Keawe, ahiki aku i ka la welo i Lehua. Ua haalele mai i keia ola honua ana ka makou mea aloha, kuu hoahanau kaikuaana kuu io, kuu iwi, ame kuu ieoko, 0 kona kupunakane ka mua i hanau mai ai, a 0 ko'u kupunawahine ka muli loa; no ka aina kaili la 0 ia 0 Kauai 0 Manookalanipo, ko maua mau kupuna, 0 ko laua aina lianau ia. Mare aku kona kupunakane i ka wahine, no ka aiua e haaheo nei 0 Maui no ka oi. Hanau mai kona makuakane e ola nei, 0 ia o Mr. John Piko Sr., a 0 ko'u kupunawahine, mare no oia i kana kane no Kauai; hanau mai ko'u mama aloha, e ola nei, a e noho mai la i ka aina e kaulana nei i ka lei pupu 0 ia 0 Niihau, Mrs. K. Huluaulani. Ma kona home aloha, Helu 1428 Kulika Ave., Kalihiwaena Honolulu, Oahu, i kipa ae ai ka anela menemene ole o ka make, a kaili aku la i ka lianu ola 0 kuu lioahanau kaikuaana i aloha nui ia, Miss Maria Piko, a niau palanehe aku la oia 1 ke ala 0 na mea hanu ola apau; no ka wa mau loa. Ua maha, ua kuu ka luhi, ua hoi aku oia i ka home puanuanii i ka opu ana ole 0 ka honua he lepo, i kona mau la opiopio; a waiho iho la i ka ukana luuluu he aloha, na'u na kona hoahanau pokii, ka mea nana keia aloha pauolo e hoopuka nei maloko 0 ke Kuokoa, ame ka nui ohana, makuakane hoahanau, makuahine hoahanau, mau kaikuaana hoaha- 1 nau, mau pokii hoahanau, mau kaikunano hoahanau, ame na keiki a j kona mau hoahanau, kona mau ma- j kua aloha Mr. ame Mrs. John Piko I Sr., i hooneleia i ke kaikamaliine, ame hokahi kaikunane i hooneleia 1 ke kaikuahine Mas. John Piko Jr.,! amo na hoaloha he lehulehu, ame na makamaka, e kumakena aku nona me ka minamina pauole. Auwe ka mea ehaeha o ka naau e ame ke kaumaha i ka hana mao ole a ke aloha, no ka makou moa aloha i lala, i ke ala hoi ole mai, i ka Poakolu, Maraki la 7, 1923. Ua hanauia kuu kaikuaana hoahanau ma Waikiki, Honolulu, Oahu , ma ka la 26 o lune, 1907, mai ka | puhaka mai o kona mau makua, Mr. ame Mrs. John Piko Sr., ua piha iaia na makahiki he 15 a oi 0 kona hanu ana i na ea hu'ihu'i 0 keia ola ana. Auwe ka mea manaonao e! He lehulehu no lakou i hanauia mai ai, ua hala aku no ka nui 0 na keiki, koe mai no elua, eia ka e hele aku ana kuu hoahanau kaikuaana ia alahele hookahi, auwe ko aloha pauole e! He ike ohana, he lokomaikai, he heahea, lie puuwai hamama, aole ana mea paa. E Kalihi-waena i ka ua Poolipilipi e, nau i hiipoi iho la kuu hoahanau kaikuaana, a hala iho la. Aloha ia mau wahi i pili ia. Eia 0 Waikiki ke uwe helu mai nei nou e kuu kaikuaana, auwe ke kai o Kawehewehe e, ua pau kou hoopulu ana i ka ili o kuu moa aloha, ua pau kona maalo hou ana ma kou aeone, ua nalo, ua pau kana hana ma keia ao, ua hoi aku oia me kona Haku aloha. Aole no au kona pokii hoahannu i ike i kona hanu hope ame kona kino. Hiki mai ka lohe ua nalo, ua pau ko'u ike hou ana i kona lielehelena, ua pau ko'u loho hou ana i kona leo; auwe ka luuluu me ka ehaeha ame ke kaumaha. Me keia mau kanaenae aloha pau-

ole no kuu hoahanau kaiknaana hele loa; ke haawi aku nei au i ko'u mahalo nui ia oe e Mr. Solomon Hanohano, ame kou mau keiki limahei o kou papapa'i. Owau no me ka luuluu. MRS. DORA CRAIG, 2004 Xoth Queen St., Kalihi-kai.