Ka Nupepa Kuokoa, Volume LXII, Number 13, 29 March 1923 — KEKAHI MAU HANA A NA AHA HOOKOLOKOLO. [ARTICLE]

KEKAHI MAU HANA A NA AHA HOOKOLOKOLO.

Ma ka noho ana o ka aha hookolokolo a ka Lunakanawai John R. Desha ma ka Poakahi nei ua aponoia ke noi a Mrs. Charlotte I. Steere e lilo i kahu hanai no Charlotte Elizabeth Steere, he kaikamaliine oo ole. He waiwai ko ke kaikamahine oo ole i aneane aku i ka $6000. Ma ka Poakahi nei i waiho ae ai o Allen Renton i kana pane iloko o ka aha kaapnni e hoole ana i na leumu hoopii a Arthur Restarick e koi ana i $25,000 no kona howalewale ana i kana waliine. Maloko o ka hoopii a Restarick o ka hookomo ana ae i ka aha e hoakaka ana oia no ka aihueia ana o ke aloha o Floria Restarick e Renton, a o ke kumu lioi o ko laua kaawale ana. No ka malama ole i ke ole ke kumuhoopii a Florentina Oanihinhin o ka hookomo ana ae i ka aha no ka hookaawale ana iaia mai ia Gorginio inai ma ka Poakahi nei. Ua hoopa'i paahao ia o Harold Peterson e ka Lunakanawai Federala John De Bolt ma ka Poakahi nei maloko o ka aha £ederala mamuli o na kumu hooiaio a pau e ku-e ana iaia no ke kuai ana i ka opiuma i kekahi Pake, he ekolu mahina e noho ai i Kawa. Ma ka moolelo ua kuai aku o Peterson i kekahi mau kini ana o ka apuhi ana he poi, eia nae ma ka olelo ia he mau kini opiuma. Ua ae ae o Mariana Richards ame Mary Gallagher, he mau wahine kuene noluna o ka moku, i ko laua hewa hoopae ma-lu i kekahi mau waiwai, ka hewa o laua i hoopiiia ae ai (ma ka palapala hoonoho hope) maloko o ka aha Federala a Lunakanawai John De Bolt ma ka Poakahi nei. Ma ka moolelo ua hopuia keia mau wahine ma ka mauawa a laua e hoao ana e hoopae ma-lu mai i kekahi mau lole wahine kilika i keia awa a loaa pono nae ma ka manawa i huliia ai e na kanaka o ka oihana kukeawa.

No ka ae okoa ana ae o Joseph Vierra, Mar Chong Young, Kim Duck Wha ame Chang Wha Chil i ka pili o ka hewa hakaka xne ka mea eha ku i ka make ia lakou mamua o ka Lunakanawai Frank Andrade ma ka Poakahi nei i hoopaneeia mai ai ke kau ana o na hoopa'i maluna o lakou no umi-kuma-makolu maliina.