Ka Nupepa Kuokoa, Volume LXII, Number 13, 29 March 1923 — Nui ke Poho i Loaa Mamuli o Kekahi Pauahi Holapu ke Ahi i ka Hale Waiho Ukana o ka Oihana Koa ma Leilehua Ae Nei MA KAHI O $67,000 KE POHO I KOHOIA Manao Wale Ia Mamuli o na Uwea Uwila Maikai Ole ke Kumu o Kela Ahi [ARTICLE]

Nui ke Poho i Loaa Mamuli o Kekahi Pauahi

Holapu ke Ahi i ka Hale Waiho Ukana o ka Oihana Koa ma Leilehua Ae Nei

MA KAHI O $67,000 KE POHO I KOHOIA

Manao Wale Ia Mamuli o na Uwea Uwila Maikai Ole ke Kumu o Kela Ahi

Ma ko awakea o ka Poakahi iho nei, i holapu ae ai ko ahi, i ka lialo waiho ukana o ka oihana koa ma Loilehua, a ma ka moolelo o na pauahi i ikeia, o kela ka pauahi nui hookahi i ikeia, me ka hoea ana aleu o na poho, ma kahi o ke $67,000. Ma ka liora 12 o kela awakea, i haawiia ae ai ka hoailona pauahi, a iloko o ka manawa pokole loa, aia ka oihana kinaiahi o na koa, ma kahi o ka hale pauahi, me ka hooikaika ana ma na ano apau e kinai i kela ahi, he oiaio, iloko o na minuke he iwakalua, ua kaa aku la ke ahi, malalo o ka lakou hoomalu ana, e palahalaha ole aku ai ka hele ana a ke ahi, no ka hoopoino ana aku i na liale e ae malaila. Aia ma kahi o ka $7,000 ka waiwaiio o ka hale ukana, a ma kahi hoi o ke $60,000 ka waiwaiio, o na waiwai o na ano like ole, maloko o kela hale, o kahi nae o ka lalei. ua inisua wale ia no na mea apau, e hoihoi hou ia mai ai na poho, ma o kela pauahi la. O kela hale waiho ukana, he kikowaena ia, nana e hoolako ana i na wahi hoomoana like ole o na koa, aole nae i lilo ka pau ana o kela hale i ke alii i kumu e ku malie ai na hana o ka oihana koa maanei, aka e nee aku ana no ia imua elike me 'ka mau. Ma ke koho wale ia, he hookahi kumu o kela pauahi, o ia no ka maikai ole o na uwea uwila, i hoomoeia oi inaloko o ka hale, a mai kekahi mai o na uwea uwila i a ae ai ke ahi, nana i hookau aku i leela poino nui.