Ka Nupepa Kuokoa, Volume LXII, Number 12, 22 Malaki 1923 — Hoea Mai Ianei ka Mokuahi Hou ka Haleakala Hookipaia Mai Keia Mahimahi Hou me na Manao Ohohia e ko Honolulu Poe WEHE HAMAMA IA AE NO KA MAKAIKAI ANA E Hoau Mua Ana Ia ma ka Holo Makaikai Ana no Maui me Hawaii ma ka Poaono [ARTICLE]

Hoea Mai Ianei ka Mokuahi Hou ka Haleakala

Hookipaia Mai Keia Mahimahi Hou me na Manao Ohohia e ko Honolulu Poe

WEHE HAMAMA IA AE NO KA MAKAIKAI ANA

E Hoau Mua Ana Ia ma ka Holo Makaikai Ana no Maui me Hawaii ma ka Poaono

Iloko o na leo mele mai ka Bana Hawaii aku, a iloko hoi o na leo kani hanakuli o na oeoe, e olowalu ana i ka lewa, i hookipaia mai ai ka mokuahi Haleakala, no ke awa 0 Kou nei, ma ka auwina la o ka Poaha aku nei i hala, oiai hoi na haneri o na haneri o ka poe makaikai, e ku aku ana ma ka uwapo, me na manao mahalo no ka nene aukai hou o Hawaii nei. Ma ka hora elua o kela auwina la, i kaalo ae ai ka Haleakala mawaho o Daimana Hilo, a no ka hoohanohano ana i ka mokuahi hou i holo aku ai na keiki o ka bana puhiohe, pela hoi na lunanui o ka hui mokuahi holo pili aina, na kanaka kakau nupepa ame kekahi mau luna oihana e ae o ke aupuni, no ka hooko ana i ka lakou hana, no na mokuahi komo mai. Mahope iho o ke ku iki ana nawaho at) nei o ka nuku o ke awa no kekahi manawa, i hookomo mai ai ka Haleakala, iloko nei o ke awa, a ia manawa i olowlu like ae ai na oeoe o na mokuahi apau e pili ana ma na uwapo, pela me na oeoe o na halehana, he hoike no na manao ohohia o ko Honolulu nei poe, ma ke apo ana aku a hookipa mai i keia malihini hou o Hawaii nei. Oiai ka Haleakala e hoopili mai ana i ka uwapo, ua nui na olelo i puka ae mai kekahi poe lehulehu mai, e hoohalikelike ana i keia mokuahi, me kekahi mau mokuahi i kamaaina i keia awa, o ka mea oiaio nae ma na ano apau, ua kaokoa ae kona hanaia inai-ka hapaoaui» mai o na mokuahi, i kipa mai i Honolulu nei. Weheia no ka Makaikai Ana Ma ka auwina la o ka Poaono nei 1 wehe hamama ia ae ai kela mokuahi no ka makaikai ana o ka lehulehu, he mau haneri o ko Honolulu nei poe, i hoea ae, no ke kilohi pono ana i na wahi apau o kela mokuahi, a he hookahi no mea i loheia ma ka waha o na mea apau, o ia ke ku o kela mokuahi i ka nani. Aole he wahi o ka mokuahi, i koe i ka makaikaiia, o na rumi nani keia, na rumi kapu i kupono wale no i na ona moku, a i ka poe hanohano, ua wehe hamama ia i ka lehulehu. Ma ka oleloia, ma keia kelepa mai nei a ka Haleakala, ua loaa no kela mokuahi i ka ino ma ka moana, eia nae iloko o ia ino, aole ona rola elike me ka nui o na mokuahi | a he holo hoi kona i oi aku mamua | o- na mokuahi e ae o ka hui moku- ' ahi holo pili aina. No ka lawe ana i ka poe makaikai i Hilo ame Maui, o haalele iho ana ka Haleakala ia Honolulu nei, ma kei4 Poakolu ae, ka la 28, ma ke alahele o Kahului aku, a mahope o ka hoi ana mai no Honolulu nei, e holo aku ai ia, no ka lawe ana ae i na manawa holo maamau o ka mokuahl Mauna Kea. He mokuahi ka Haleakala nona* ka lba o 360 Kapuai, a nona hoi ka laula o 46 kapuai, o kona lilo, ua hiki aku ma kahi o ka $1,250,000, ke hui pu ia me na lako hoonani oluna o ka mokuahi.