Ka Nupepa Kuokoa, Volume LXII, Number 12, 22 Malaki 1923 — AHEWAIA KA HAOLE HOEHA WAHINE O KAUAI [ARTICLE]

AHEWAIA KA HAOLE HOEHA WAHINE O KAUAI

Ma ka hooloheia ana mai nei o ka hihia o George' Telle'B, k#a haole nana i limanui, a i hoeha maoli aku 1 na wahine kumukula elua o Koloa, Kauai, e ka aha kiure o Kauai, i ahewaia ai oia, ma ka Poaha aku nei i hala, a hookauia mai ka hoopa'i, e noho oia maloko o ka halepaahao, no eha makahiki me eono mahina, me ke kau pu ia o ka hoopa'i o eha haneri dala. He elua la i noho ai o ka aha kiure e hoololie i ka hihia o ka mea i hoopiiia, a mahope iho o ke komo ana o ka hihia iloko o ka lima o na kiure, a iloko o elua wale no hora, i lokahi ai na kiure i ka lakou olelo hooholo, no ka pili o ka mea i hoopiiia i ka hewa. Ma ka moolelo a kela mau wahine kumukula i hoakaka ae ai, ma ka manawa o hooloheia ana. ka hihia, ua haalele iho laua i ko laua hale, no ka hele holoholo ana i kai 0 ke awa kumoku, ma ke ahiahi o ka la 18 o ka mahina aku nei o Feberuari. Ua mamao no kela wahi a laua i hele aku ai, ike aku la laua i kekahi kanaka e hele pololei mai ana, ma kela alanui hookahi no a laua e hele nei, me ko laua noonoo ole nae no leela kanaka, ahiki i ke kaa ana o ua kanaka nei mahope o laua, a i ko laua nana ana mai, e uhai aku ana ua kanaka nei ia laua. Akahi no a komo mai ka manao hopohopo iloko o kela mau wahine, a hoomaka aku la laua e hele me ka awiwi, eia nae iloko o ia manawa hookahi, ke awiwi aku la no ka hele ana a kela kanaka, ahiki i ko laua loaa ana aku. O ke kumukula opiopio o laua ka 1 hopu mua ia aku e kela kanaka, me ka hoohina ana ilalo, a no ka hoopakele ana ae hoi i kona kokoolua, ua hele mai la ke kumukula aoo e hoopakele, ua ku'iia aku la nae oia a hina ilalo, a oiai ka la kanaka nei e noke ana i ke aut:«ume me ke kumukula opiopio o laua, ua ala mai la oia iluna, me ka hele ana mai e kula'i i kela kamka, me ka • * V» * noao ana ma na ano apau i wahi e kaawale ae ai kona ko£oolua, mai ka paa ana a kela kanaka, a no ka elua o ka manawa i ku'iia mai ai oia a hina ilalo, eia nae ua hooikaika no oia ahiki i kona ku hou ana iluna, me ke kii okoa ana aku i ke one, a kiola aku la maluna o ke kanaka limanui. TJa kula'i hou ia mai la no oia a hina ilalo, me ke keehi ana iho o ua kanaka nei maluna ona, alaila hoomaka aku la ko kolohe e holo no kekahi aoao o ke alanui. Ua hoi kela mau kumukula a hoea no ko laua hale, alaila hoike ae la 1 na hoaloha, ame ka oihana makai, a he hora a oi mahope mai i

loaa aku ai o George Telles ma Eleele, a hoi mai la no Lihue. He nui na hoike i ninaninauia ma na aoao a elua, a mahope o ko kauia ana mai 6 ka hoopa'i maluna o ka mea i hoopiiia, ua hoohalahala ka Loio Kaulukou, ka loio o ka mea i hoopiiia, i ka olelo hooholo.