Ka Nupepa Kuokoa, Volume LXII, Number 12, 22 Malaki 1923 — MAI KA HUAKA'I HOOLEWA A I KA HALEWAI [ARTICLE]

MAI KA HUAKA'I HOOLEWA A I KA HALEWAI

No ka aneane elua makahiki ka huli ana o ka oihana makai o Honolulu no Dalamacio Solorano, he Pilipino, aohe nae he loaa iki, ma ka auwina la Sabati nei nae i paa ae ai oia i ka hopuia a noho ana i ka halewai. Ma ka hoopii e ku-e ana i keia Pilipino he kulana hana kona me ka hui holoi a hoomaemafe lole a kekahi hui Kepani ma Honolulu nei i ka 1921 ma ke ano he mea ohi dala, mahope o kona ohi ana he $600, he mau dala na ka hui, o kona holo no ia a nalowale, ua huliia aohe nae i loaa iki. Ma ka auwina la SabaH nei ua hoea ae la kekahi Kepani i ka hale o ka oihana makai a ol :lo ae la ina no ka hoounaia aku o kekahi makai i Kalihi e loaa aku ana o Solorano malaila a paa oia i ka hopuia. O ka Makai Kalauli ka i hoounaia aku me ke kauoha ina no ka loaa aku o Solorano e lawe mai iaia i ka halepaahao. Oka Pilipino aihue dala kekahi iluna o kekahi kaa oto e hele ana iloko o ka huak'i hoolewa e pii ana nouka o ke awawa o Kalihi. I ka hoea ana aleu o na makai ua ku ka huakai hoolewa, a ua kauohaia aku o Solorano e ka makai e lele iho ilalo a i kona lele ana iho ka'iia mai a hookauia iluna o ke kaa makai a laweia mai i ka halewai.