Ka Nupepa Kuokoa, Volume LXII, Number 12, 22 March 1923 — HaKau i ke Poo o Kana Wahine me ka Hamare Oki he Kepani i Kona Opu i ka Pahi Mahope o ka Hoopoino Ana i ka Wahine MAOPOPO OLE KE KUMU O KELA HANA Manao Wale ia Nae e na Hoaloha Mamuli Mai o ka Maikai Ole o Kona Noonoo [ARTICLE]

HaKau i ke Poo o Kana Wahine me ka Hamare

Oki he Kepani i Kona Opu i ka Pahi Mahope o ka Hoopoino Ana i ka Wahine

MAOPOPO OLE KE KUMU O KELA HANA

Manao Wale ia Nae e na Hoaloha Mamuli Mai o ka Maikai Ole o Kona Noonoo

Mahope iho o ka hahau ana i ke poo o kana wahine rae ka hfmare a naha i hoao okoa ae ai he Kepani 0 Kasuzo Kamada, e lawe i kona ola iho, ma ke oki ana i kona opu me ka pahi, mahope koke iho o ka hora ekahi, o ka wanaao o ka po Sabati aku nei i hala, a ao ae ka Poakahi nei. Ua hoihoiia ke kane ame kana wahine no ka Halema'i Moiwahine, iloko o ke kulana kupilikii, me ka maopopo ole o ko laua hopena. O kahi o ka lawelaweia ana o kela hana hoopoino i ke ola maloko no ia o kekalii halo ma ke alanui ololi Pua. Na kekahi Kepani okoa aku, e noho pu ana maloko o ka hale hookahi, nona ka inoa o T. H. Yoshitomi, i hoike mai i ka lohe i ka oihana makai, no kela hana naaupo. 0 ka hoike o ka loaa mua an'a ae 1 ka oihana makai mai ia Yoshitomi mai, o ia no ka loaa ana aku iaia o ka wahine iloko o ke kulana kupilikii, me ka maopopo 010 nae iaia 0 kahi i nalowale ai o ke kane. Ua hoounaia ka Makai Joseph H. Lii, no ka noii pono ana aku i na mea e pili ana i kela hoike, a i kona hoea ana aku, ua loaa aku la ke kane a kela wahine, e waiho mai ana iloko o ka rumi auau, me ka moku nui ma kona opu, a e paa ana no ka pahi iloko o ka lima o kela Kepani. Ma ka hoakaka a ka wahine imua o ke kanaka o ke aupuni, aole he maopopo iki iaia o ke kumu o kana kane 1 hahau ai i kona poo i ka hamare 7 no ka mea he oluolu maikai ko laua nolio ana, me ka loaa ole o kekahi mau ku-ee ana mawaena o laua. Ma ka hoakaka hoi a ko Kepani nana i hoike mua ae i ka lohe i ka halewai ua puiwa oia mai kona hiamoe mai, i kona wa i lohe mai ai 1 ka leo kahea no ke kokua, a iaia i komo mai ai maloko o ka rumi moe, ike aku la oia i ka wahine o waiho mai ana iluna o ka moe, me ke kaheawai o ke koko. L T a hoihoi awiwi ia aku na mea i poino no ka Halema'i Moiwahine, a ma ka nanaia ana e na kauka, i ikeia ai, ua naha ke poo o ka waliine, a ua nui lioi ka moku ma ka opu o ke kane, me ka maopopo 010 o ko laua hopena. Wahi o na hoakaka a ka poo e noho kokoke ana ma kela wahi, ua pohihihi loa lakou, ī na kumu o ke ala ana mai o kela poino, koe wale no, na manao koho wale aku, aole paha he maikai o ka noonoo o ke kane, ua hoomaopopoia kela ano maikai ole, mamuli o kana mau hana i na la aku mamua A o ka hanaiu ana o kela karaima.