Ka Nupepa Kuokoa, Volume LXII, Number 11, 15 March 1923 — KO L. A. KAKINA MANAO HOAKAKA NO KA LAHUI HAWAII [ARTICLE]

KO L. A. KAKINA MANAO HOAKAKA NO KA LAHUI HAWAII

Ma ka nupepa Advcrti=er o ke Sabati iho nei i hoopuka ae ai o Mr. L. A. Kakina i kona manao hoakaka e pili ana i ke kulana o ka lahui kanaka Hawaii e nee nei i keia la, ame ka hana e ulu mahuahua hou ai keia lahui kanaka; a no ka pomaikai o ko ke Kuokoa poe heluhelu, .ke hoopukaia aku nei kekahi mau niea ano nui iloko o keia manao hoakaka, malia o hookaakaaia ko kakou mau maka, a ike aku i ke alahele e pono ai ko kakou nee ana aku imua. ma ke ano he lahui. Eia ka lahui Hawaii ke make nei! Ua hoike mai na moolelo helu kanaka ia mea. Ua haiolelo mai na kahunapule pela. Ua kukala mai na kanaka kalaiaina ia mea. Ua lilo ka make iwaena o keia lahui kanaka, i ninau ano nui. a ua lehulehu wale na mea i hoaoia, i wahi e kaohiia mai ai. mai ka holomoku ana ika make. Ua lilo no keia mau hoao ?.na i mea hoopakele mai, ma ke ano pili-kahi, aka nae ma ke ano lahui, he o ia mau no ka nee ana imua. Aohe hoakaka kupono no ka hookahua ana i keia mea oiaio. Ke hooiaio mai nei na moolelo helu kanaka pili oihana ia mea. Eia lakou :