Ka Nupepa Kuokoa, Volume LXII, Number 11, 15 March 1923 — KUU MAMA ALOHA UA HALA. [ARTICLE]

KUU MAMA ALOHA UA HALA.

E ka Lunahooponopono o ka Nupepa Kuokoa; Aloha kaua: —Ke nonoi aku nei au i kou hanohano, ina he kowa kaawale kekahi o kau hiwaliiwa, e oluolu hoi oe e hookomo iho i keia mau hoakaka no ka'u mea aloha e kau ae la maluna. L"a haalelo mai ko'u mama aloha i keia ola honua ana, ma ka hora eono o ke kakahiaka Sabati, la 25 o Feb. 1923, ma kona home ma Kalala, Kohala Akau. Ua hanauia mai kuu mama aloha, mai ka puhaka mai o ko'u kupunawahine Naliipunihaniha Kini, iloko o ka mahine o lanuari, la iAvaka-lua-kumamakolu makahiki 1866; ma Kainaliu, Kona Hema; oiai e noho kumukula Hawaii ana ko 'u kupu-na-kane iloko o ia wa. He umi-kumamakolu ka nui o kona ohana. Iloko o kona mau la opiopio loa, i h'aalelo aku ai ko'u mama aloha, a hele mai no Kohala, no ka maro ana aku i ko 'u papa aloha John Kauleinamoku. (Tommy) a mailoko mai o ko laua mau puhaka, i loaa mai ai makou ekolu. Ua loaa mua mai ko'u lianaumua, a piha iaia elua pule, a kii hou mai no ka mea nana i haawi mai a lawe aku i kana. No eha makahiki mahope mai o ia wa; i hanau mai ai ko'u luaui makuahine ia'u, iloko o na makahiki ekolu i lawe hou mai ai laua he keikikane lianai, mai ia Mrs. Esthcr Keaweoluna Beckley, a leapaia aku kona inoa Thomas Kauleinamoku Becklej'. j , Uoko oia wa a laua e hanai ana ! ia maua, i loaa hou mai ai leo'u pookii aloha e noho mai la ma Kohala. Ua hoouna laua ia makou apau iloko o na kula nohopaa ma Kohala Girl's School, a ma I-lilo Boarding School. Ua'piha ia'u na makahiki o umikumamaona a haalele mai ko makou papa ia makou. U"a noho makuakane ole makou iloko mau | makahiki, ahiki i ko'u mare ana i ka'u kane. Mahope inai o ia wa, i mare hou aku ai ko'u mama aloha me Amos Kauanoe Eltlredge o Kohala. Ua I piha no ia laua na makahiki loihi i 0 ko laua noho pu ana, a haalele mai la ko 'u mama ia makou apau. Aole au i ike i kona hanu 3ioj)e; oiai au e noho ana ma Honolulu nei; a na ka leta i hoike mai ia'u. Auwe ko'u aloha i ko'u mama! Ua lilo no oia i mea nui na'u. Ua loaa no iaia ka onawaliwali | ma kona kino iloko o na makahiki eha a oi aku no paha, a pela no | , ia ahiki i kela makahiki aku nei I i hala, i pau loa ai ka hiki ana iaia ke kamailio ma kona waha, ahiki 1 kona haalele {ina mai la ia makou. Uoko o na makahiki apau, i holo aku ai au ame ka'u kaikamahine e ike i ko'u mama alolia; aole au i hoopoina i ka hoomanao ana i kahi mea uuku i loaa ia'u no ko'u makua. Ua liolo aku nei no au e ike i ko'u mama aloha i kela mahina aku nei; me ko'u ike uo i kona afto apau, a pela pu no me ia ia'u. a koe nae kona hoopuka ana mai o kona leo; peia wale no maua iloko o ia mau la pokole a'u i ike aku ai iaia, ahiki i ko'u hoi ana mai no Honolulu nei. Ua ha'i mau mai no o papa ia'u; he maikai loa ke ola kino o ko mama dear. Hookahi pule elua pule ekolu pulo i hala, a i ka eha hoi o ka leta i loaa mai ia'u ka hoike kaumaha, ua haalele mai la ko mama dear ia kakou! Auwe! Auwe! kuu mama dear ua haalele mai la oe ia makou, a hoi aku la oe a moe pu me papa hele loa! Auwe, ko'u kaumaha e! Ko hoomanao ae i na mea apau i hanaia oku nou, i kou wa e moe kino wailua mai ana; aole; nae- e hihi, ua lioololohe no oe e noho i kena ainal Ua kii aku no -au ia oe, e hoi mai kaua a noho pu, a na'u oe e malama ma na mea apau; ua hoole mai oe i ko'u manao; Aia la ko'u hoomaewaewaia, a'u no e olelo ae ai he ukana kaumaha loa keia na'u e hoomanao ai i na wa apau, aka e loaa ana no ia'u ia alahele hookahi ma keia mua aku. Nolaiia, ke haawi nei au i ko'u l.oomaikai nui loa ia olua e Mr. am; Mrs. Billy Wilson o Koliala, ame oe e Mrs. Annie Toon Soon, no ka oukou i hana mai ai no'u, e pili ana no kuu mama heleloa, ame na ohana no aj>au i akoakoa ae e ike i ke kino wailua o kuu mama, a na ke Akua no e kii mai ia kakou apau loa. Mo ka naahalo ia oō e ka Lunahooponopono o ke Kuokoa. Owau no ke keiki i hooneleia i ka makua. Me ka luuluu, MRS. BELLA J. KAMAUXU, 477A Kuakini St. Honolulu. SAN FRANCRSCO, Feb. 27.—Ma ka Manoa o ka la apopo e hnalele mai ana ka peresidena o ka Ahahui K&lepa W. M. Alexander ia Kapalakiko nei no Hawaii no kekahi huakai pili oihana.' ~