Ka Nupepa Kuokoa, Volume LXII, Number 11, 15 March 1923 — HE MAU KOA LUINA NA MEA LIMANUI. [ARTICLE]

HE MAU KOA LUINA NA MEA LIMANUI.

Ma ka manawa i hoikeia aku ai, n.*;i.hou, ka hoopoinoia ana o kekahi wahine maluna ao nei o Puowaina, e kekahi mau kanaka elua, aole i hoikeia aku na inoa o kela mau kanaka, a pela hoi me ka wahine a laua i hoopoino ai, aka nae, ua maopopo ae nei ko laua mau inoa, a ke waiho nei ko laua mau hihia, no ka ninaninau ana mai o ke kiure kiekie. He hookahi o kela mau koa luina, o H. J. Burnette kona inoa, oia ka mea i paa i ka hopuia,_me ke kauia ana o ke kumu hoopii e ku-e ana iaia, o ia ka hoopoino, a hooliaumia ana ia Mrs. Margaret Alberts, he wahine kuai tikiki, no kekahi o na hale kiionioni o ke kulanakauhale nei. O ka elua o na koa luina o .T. Basch kona inoa, ua hoohakalia wale ia no kona hopuia, no ka haalele koke ana moi o kona moku, aka nae oia pu kekahi e hopuia ana, a hooloheia ko laua hihia imua o ke kiure kiekie., Ma ka hoakaka a Mrs. Alberts imua o na makai, ua hookikinaia oia e na koa luina e kau maluna o ke kaa otomobile, a laweia aku la noluna o Puowaina, malaila kela mau kanaka, i hooko aku ai i ko laua mau manao lapuwale maluna ona, a haalele aku la, nan& no e hoi mai no ke taona nei. :