Ka Nupepa Kuokoa, Volume LXII, Number 11, 15 March 1923 — HE HOALOHALOHA NO KUU WAHINE ALOHA MRS. HANNAH KEOLA KINOULU [ARTICLE]

HE HOALOHALOHA NO KUU WAHINE ALOHA MRS. HANNAH KEOLA KINOULU

Ua moku ke kaula gula, ua naha ka pakeke ma ka punawai, ua paniia na puka ma ke alanui, a hele ka poe kanikau ma na alanui, a hoi ka lepo i ka lepo elike me ia, i kinohi, a hoi ka uhane i ka Mea Nana i haawi mai. E ka Lunahooponopono o ke Kilohana Pookela o ka lahui Hawaii, Aloha oe:—E noi aku ana i ka oluolu o kou pruuwai i rumi kaawale no ka'u puolo waimaka luuluu, walohia, paumako, no kuu wahine hele loa, i niau palanehe aku la ma ke ala koinln a Kane; a nalo na maka hona iloko o ke koloka aka kinowailua, i ike mai ai na kini o kuu wahine na makamalea ame na hoaloha e nolio ana i ka makani kuehu lepo o Puako, i ke kai hawanawann o Kawailiae, i ka hoohae a ka Naulu, an»e ka Ua Kipuupuu o Waimea, Auwe, luuluu wale! 0 Mrs. Hannah Keola Kinoulu, ua hala, ua nalo, ua wehe i ka pili hooko ialoko, ua haalele mai ia'u 0 auamo i ka ukana a ke aloha e haehae ana i ka puuwai. Auwe kuu wahiue e! Ma ka Poalua, lanuari 23, hora 4:30 p. m., 1923, i haalele mai ai oia i keia o!a honua ana, a lioi aku la i ka home mao. • Ka lani kuu hoine e maha īnau ai Pokole paa ole kuu noho maanei. Ua hanauiia mai kuu wahine aloba mai ka puhaka mai o Lelepali (k) ame Manu-a (w) i Aperila 23, 1837, a ua piha iaia na makahiki he 65, 8 mahina, 22 la a hala wale aku ]a oia ma kela aoao o ka muliwai eleele o ka make. He wahine makee kane, malama 1 ka laahia o ka berita mare, he haahaa, oluolu, he lokomaikai, he malama i ka mea e loaa ana ahiki i kona hora hope. He 24 makahiki o ko maua noho mare ana a hala walo aku la oia, a iloko o i& mau makahiki, ua nohoia me ka oluolu ame ke aloha, a ke hoomanao ae ia mau hiona, he ku i ka walohia mokumokuahua o ka naau. Ahiki mai ko aloha, e uwe no au! Ua marc mua no oia i ke kane ia J. P. Pakiai, a na laua mai 4 keiki ame na moopuna, a ua make 3 keiki, a koe 1, e noho mai la i Honolulu, une na moopuna e ola nei. 1 ka make ana o ke kane mua, ua mareia iho la maua i ka 1898, a mai ia manawa mai ka noho ana me ka oluolu ame ke aloha, a hala wale aku la oia, a haalele mai la ia'u e u me ka naau luuluu a mokumokuahua i ke aloha o kuu wahine hele loa. Ua kamaaina oia i ke kai malino o Kona, ke kai Hawanawana o Kawaihae, ka makani olauniu o Puako, ka makani Apaapaa o Kohala, ka TTa Kipuupuu o Waimea, ke ke-a makauliuli o Kekaha, Auwe aloha iuo! Ke haawi aku nei au i na hoomaikai ia Mrs. Maguire no kana makana poke-pua i hana noeau ia, a pela no hoi ia Jas. Kuhaiki, no kana makana no ka pahu o kuu wahine kekahi o na makana pookela Joa i haawiia mai ia 'u, a pela pu hoi na ohana ame na hoaloha apau o na aina kupolua nei. i ka la 'i o Keaukukniula me ka puolo' waimaka a ke aloha. Aloha o Kona, aina kupolua i ka I la'i, me ka puolo waimalea a lea opua hinano ua malie. Owau iho no, DAVID K. KINOULU, Puukala, X. Kona Hawaii.