Ka Nupepa Kuokoa, Volume LXII, Number 11, 15 Malaki 1923 — HE HOALOHALOHA NO MRS. K. HOLI, UA HALA. [ARTICLE]

HE HOALOHALOHA NO MRS. K. HOLI, UA HALA.

Mr. Solomon Hanohano, Aloha oe a nui loa:—E oluolu oe e hookomo iho ma kahi kaawale o kau Nupepa Kuokoa i ike mai ai na kini ohana o kuu mea aloha, e noho mai la i ka la pnka i Haehae a ka welona a ka la i Lehua, i ka'u kanaenae aloha no kuu mea aloha he wahine Mrs. Helena Kekuaiwahia Keaunui Holi. Ua hiolani aku la i ka moe kapu 0 Niolopua e hooipo ana hoi me ka eha lima ole a ke aloha, e moe ana hoi i ka moo kau a moe hooilo, auwe luuluu wale. Ua haalele mai kuu mea aloha 1 keia ola honua ana, ma Kakaako, Honolulu lanuari 18, 1023; ma ka home o kona mau pokii Mr. ame Mrs. loela Kiakahi. O ka nui o kona mau makahiki hē 56. I kona mau la opio ua mare me Kaaukai o Punaluu, Oahu. na hua ohaha i loaa maifoko mai o ko laua kihapai, Mra. Paakaula, Mrs. Bowran, Mrs. D. M. Woodward o Kaimuki, me ke kane elua, hookahi keikikane Kiaimakani Kalili, me au kana kane liope; he mau pua no ua hala ma kela ao, a he keiki o Keoni Kalili na kona pokii he kaikunane e ola nei, ame na pokii, a he mau moopuna lehulehu. Ke kulana o kuu wahine aloha he akahai he puuwai hamama he akea ka nohona home ana, nona au e kaena nej elike me ka olelo a ka Buke Nui, o ka wahine noho pono he papalealii oia no kana kane. Nolai/a ua lilo aku la ua papale alii la, kuu makua kuu ohuohu, kuu kahiko nani o ka home. Ia oukou e a'u mau lei, Kahinu, Lokahi, Kiaimakani, Kaaukai, no oukou ka'u uwe walania ana; Mr. ame Mrs. loela Kiakahi no oJua keia ilihia, e kuu pokii wahine me ka makuakane puuwaiakea, ka nohona ohana ana. E kuu mau pokiiwahine i lei keiki ia e ko oukou hanaumua, i kofla mau la opio, no oukou kekahi waimaka ilihia; e kuu pokii kaikuahine, e noho mai la i Honolulu, nou kekahi waimaka. Ia oe e ka uhiwāi nani o Kaala, e kuu haku kaikuahine wahineaukai Kukea, ka makuakane puuwaihamama o ka nohona home ana ame na keiki, na moopuna, ame kuu lei o kuu mau la opio, ua hiki mai oukou i kuu la nui, i kuu la o ka ehaeha, lihaliha, kumakena, a owau ka ke aloha e luwaielie nei me ka waimaka. E ka ua kukalahala 'o Honolulu, aole e hoopulu hou kou mau paka-ua lelehune ma kona papalina, peia hoi ia oe e ka ilima i wiliia me ke onaona o ka pikake, me ke ala o ka awapuhi o ka Haukomo, me ke ala o ka hala o Kekele, ke ala hoi o ke Koolau e kaulana noi, aole oia e honi hou ana i kou onaona. E Punaluu, ma kou umauma lahalaha i hiipoiia ai, ma Maliko ka home i hoopuniia e ka lau laau ka pomelaika, na kahiko o ia home; e Hauula i ka wai hu'i o Waipuhi ka home o kaua i Pakaalana Home, au i waiho iho ai ia'u me na lei a kaua, e u aku me ka minamina. Maluna ae o na mea apau, ke haawi nei au i ka'u hoomaikai kiekie i ka poe apau i ku kiai i ka'u mea aloha, i kahi o Silva, pela hoi me ka poe i ukali mai me kona kino pnanuanu no ko maua home ma Hauula, peia hoi na ohana, na hoaloha i komo pu mai me ā'u ame na makana pua; e oluolu e lawe aku i ka'u hoomaikai palena ole, a peia au e hoomaikāi aku nei i ka Makua Rev. Nuuhiwa nana i hoomaikai i ka home a pela ma kona home lua, ipa puu o Wao, Punaluu, ko lakou ilina ohana. Nolaila ko iho la ka olelo a ka Buko Nui, he lepo oe, a e hoi aku no i ka lepo. Owau iho no me ka luuluu, JOSEPH W. H. HOLI, Hauula, Koolailloa, Oahu.