Ka Nupepa Kuokoa, Volume LXII, Number 11, 15 March 1923 — KU'U MAMA SARAH KAWEHIWEHI KAILIHIWA, UA HALA. [ARTICLE+ILLUSTRATION]

KU'U MAMA SARAH KAWEHIWEHI KAILIHIWA, UA HALA.

! Mr. Lunahoopqnopono o ka. Nupepa Kuokoa; Solomon Hanohano; Anoai kaua:—E oluolu oe e haawi mai no'u kauwahi kaawale o ka kaua hiwahiwa, no ka'u wahi puolo waimaka luuluu no kuu mama aloha Mrs. Sarah Kawehiwehi Kailihiwa, ua haalele mai oia ia'u kana kaikamahine, na moopuna ame ka ohana e uwe kumakena aku nona mahope nei. Ua ukali aku noiia mahope meheu o kona mama ame kana kane aloha i hala niua aku ma*o. Ua haalele mai kona makuahine, a o ko'u kupunawahine hoi, Mrs. Kaaikaula Kauhi ma ka la 20 o Augate, 1922, a o kana kane aloha, a o kuu papa hoi, Mr. David K. Kailihnva, ma ka la 27 o Dekemaba 1922 i hala aku la; a o ka mea oi loa aku o ko'u mana'ona'o ke mau la no ka ulaula o ka lepo o ko laua mau home puanuanu (he), kipu hou mai la no lea anela o ka make a lawe aku la i ka hanu ola o kuu mama aloha i ka la 6 o Maraki, 1923. Auwe kuu mama hele loa e! Hoanoauo aloha mai ana ia'u kuu mama, kuu lioa lei moopuna e, lei ana mahope o ke kua, e hii ana ma ke alo, na'u i huli a lehulehu na lei keiki, nau hoi e luhi e kuu mama. Aloha o Kalihiwaena i ka Ua-poolipilipi; aloha o Kapalama i ka makaui o-launiu. Eia o Kewalo ke uwe helu mai nei nou e kuu mama, hele aku la ka oe, hele pu no me ka ai, ka i'a ame iia mea no apau. Pehea ka hoi au, aole ka a'u ai, i'a ame na mea no hoi e pono ai ke kino na ko kaua mau hoaloha ame na makamaka e kipa mai ai? Aloha no kuu mama liele loa! Ke liuli nei au ia oe e kuu mama, aohe loaa. Eia aku nei paha oe i Kona kai opua i ka la'i, i ke kui lei lehua puakea o Pinaonao, i lei no au mau luhi he mau nioopuna. Au%ve kuu mama e, kuu hoa pili hoi, hoa ohumuhumu no ka pono 0 ka noho ana! E mama e! Mahea la hoi oe i nalowale iho nei? Haalele iho nei oe ia'u ame au mau moopuna e noho i ka home o kakou, a e kanikau aku nou me ka puuwai luuluu. Auwe kuu mama hele loa e! j Ua hanauia kuu mama aloha ma Kapalama, Honolulu, nei, ma ka la 16 o Sepatemaba 1872, a ua pihaiaia na inakahiki lie 50, 5 mahina ame 18 la o kona hanu ana i na ea hu'ihu'i o keia ola honua ana,. a haalele wale mai la no ia'u kana kaikamahine ame na moopuna me ka naau luuluu. He puuku oia no ke Kalapu Demokarata o ka Mahele 9, apana koho baloka eha, a he pereside'na no ka Hui Poi Imiola o Kewalo a hala wale aku la no. He makuahine oluolu a aloha keiki; he mea nui hoi na moopuna iaia. He puuwai hamama a heahea 1 na malihini. Aloha wale kuu mama hele loa! Ma ka aoao o'u, o kana keiki ame ka ohana, ke haawi aku nei makou i na mahalo ame na hoomaikai piha ana i na lala o ka ahahui Poi Imiola o. na wahine o Kewalo, na lala o ka Hui Lanakila, oiai oia kekahi lala, na lunanui ame na lala o ke Kalapu Demokarata o ka mahele 9 apana 4, no ka lakou mau makana pua ame ke komo pu ana mai ma kona huakai hoolewa hope loa, pela pu hoi i na hoaloha i ka'i pu mā kona aoao ma ke ano lie mau hapaipahu, no ka pailina Kakolika ma Koula. Elike me Kana i hoike mai ai ma Kana olelo, "He ma-hu ke ola o ke kanaka i pu-a ae a nplo aku," pela hoi, "Mai ka lepo m.ai no ke kanaka, a e hoi aku no oia ilaila. E hoomaikaiia Kona inoa." Owau iho no kana kaikamahine i hooneleia i ka mama, MRS. HELELANI K. K. KIKANA, Me ka ohana. .

MRS. SARAH K. KAILIHIWA,