Ka Nupepa Kuokoa, Volume LXII, Number 11, 15 March 1923 — HE PUOLO WAIMAKA NO KA MAUA LEI HELELOA. [ARTICLE]

HE PUOLO WAIMAKA NO KA MAUA LEI HELELOA.

I ka Lunahooponopono o ka Nupepa Kuokoa, Mr. Solomon Hanohano, aloha kaua a nui loa: —Ke j hoolauna malihini aku nei au imua o kou hanohano,, e noi aku ana i , kou oluolu e hokomo iho ma kahi kaawale o ka kaua hiwahiwa, i ka j makou wahi puplo waimaka o ke aloha lei, i niau, aku la me ka palanehe ]oa, ma ke ala o na mea hanu ola apau, i ike mai ai na kini makamakA, na hoaloha, ame na ohana apau l'oa o kuu leialoha e noho ana ma kela kihi ame keia kihi o 0 ka aina, mai ka hikina a ka la 1 Haehae ahiki aku i lea mole o Lehua. ITa loaa o Liwai i ka ma'i iloko o ka halekula me ka ike aleu no hoi o ke kaikuahine, o ke ano ma'i mau no ona, o ka eha wale mai no 0 ke poo, kakali mai ka'u aliiwar hine o kekahi o makou e iho aku 'e kii iaia; eia nae ahiahi Poaha, iho ana kuu kaikaina, kaikoeke, a olelo aku e pii iuka nei, ae mai la oia. I ka la 21 o lanuari, i komo mai ai ka lima o ka anela, a lawe aku 1 ka uhane, a waiho iho la ke kino puanuanu na niaua e paiauma akū mahope nei, me na ohana apau loa. Auwe ka maua lei heleloa e! Nui ko niaua ininamina pau ole i ka lei a maua, i liala i ke ala hoi ole mai auwe ko maua lalau wale! Ua hanauia ka maua lei, i ka la 2 o Aperila, makahiki 1908, a ua piha iaia 14 makaliiki. E Kona e, maiuka a kai, kalii a ka lei a maua e hele ai, aohe e ike hou ana i ka lei a maua i ka hele ilaila ua pau ua nalo i ke ala hoi ole mai.- Auwe ke onehanau o kuu lei, o Kona i ke kai maokioki, kahi i hoonaauao mua ia ai! E Kona e, aia aku nei paha o bebe Liwai iiaila kahi i holoholo ai? Ke hoomanao ae nei i kahi a ka lei a maua e hele ai e Ala-e e, ua pau ka hele ana a ka maua lei ma kou mau pa-hale, ua pau;c Pahoehoe ame Hookena, ua pau ka hele ana o kuu lei ma ko olua mau alanui. Haalele aku i ka ainahanau, a hele mai i Kad nei, i ka aina malihini, a ma ka aina malihini i ltaalele mai ai oia ia maua na makua. Auwe ko maua lalau wale e, ua ohi aku no hoi ka po, a koe hookahi e ola nei; Auwe ko maua noho mehameha i ka uka o Leilehua, o ke kinikini iho la no ia o ia uka waonahele. Auwe oe e Leilehua e, aohe kuu lei e noho mai ana iloko o kou ululehua, ua nalo i ke aouli, ua pau kuu olelo ana i ka lei a maua e hoi iuka o Leilehua e noho ai, a mailaila aku e hel« ai i ke kula. E Liwai e, ihea la oe e loaa hou aku ai ia mauaf E Waiohinu, ua pau kou ike hou ana i ka lei a maua i ka hele ma kou alanui, e Naalehu e, kahi a kuu lei e hele ai i ka holoholo, ua pau kou ilee hou ana iaia, ua nalo i ka aina waoakua. Aloha wale ka uka o Leilehua i ka nohona mehāmeha, ua leiia na wahi like ole e ka lei a maua i hele aku la i ke ala hoi ole mai. Auwe ke aloha ia oe e ktiu lei. E Kahaakoi e, eia ka ko kii ann mai nei i ka lei a kaua e hele ilaila, o kou ike hope ana ka ia pau; auwe kaua e, ua nele kaua i ka lei, minamina no hoi ke kinikini o ka uka mehameha o Leilehua, o ka hoa walaau iho- la no ia, auwe ka maua luuluu waie! Ua lawa kaua me ke al.oha pau ole. O maua na makua i hooneleia i ka lei. MRS. KAWEHE KAIKAINA, KALA KAIKAINA,