Ka Nupepa Kuokoa, Volume LXII, Number 11, 15 Malaki 1923 — KEKAHI MAU HIHIA O KA AHA [ARTICLE]

KEKAHI MAU HIHIA O KA AHA

Ua aponoia e ka Lunakahawai John R. Dcsha ke noi a Kaomi Kalihi amo Elena Kalihi e hookama ia Dora Chung, he bebe i hanauia ma ka la 29 o Januari, i keiki na laua. He palapala noi laikini no ka hoomaamaa kanawai ka i hookomoia ae e John Marcallino imua o na aha fcderala hookolokolo a na lunakanawai Dc Bolt ame Poindezter ma ka Poakahi nei. O na ko- 1 mieina ninaninau i kohoia mai e ka aha oia na keonimana Pittman, Botts ame E. M..Watson. Ma ka Poakahi nei i hookomoia ae ai ka palapala kauoha a Wahaoleloopio Kuhia, he kanaka i make ma ka ninhina o Mei i hala no ka hooholo ana. aku i kona waiwai i na hooilina iloko o ka aha kaapuni. He $1500 ka waiwaiio o kona mau waiwai apau. He koa i hanau ma Enelani nona ka inoa o Joseph Begleman, ka i hookomo ae he palapala noi ma ka Poakahi nei i ka aha federala no ka hoolilo ana iaia i makaainana Amerika. I lea 1901 kona hanauia ana. O ka hoopai a ka aha i kau mai maluna o Kenneth Yuen, ke kalaiwa kaa i hoopa'iia ai e ka aha hoomalu he $50 no ka holonui maluna o ke alanui Beritania a oi aku maluna o 30 mile i ka hora, ma ka mahina o Okatoba i hala aku nei, hookahi makahiki hoomalu. He dimara no ka palapala hoopii a ke kiure leiekie teritore o ka hoopii ana ae ia Lansing Young no ka hewa laweola ma ke degere ekolu ka i hookomoia ae e ka Loio Bcebe iloko o ka aha kaapuni ma ka Poakahi nei. Ua hoopiiia ae o Young no ka hooku'i ana o ke kaa ana e kalaiwa ai a lilo i kumu make no Clement Pavloff ma ka la 12 o Feberuari i hala. Ma ka manawa o Young i knkuluia ao ai imua o ka aha kaapuni ma ia la ua hoike ae ka Loio Beebe i ka aha i ka maopopo ole o ka hoopii a ke kiure o ka hookomo ana ae no Young, o ka hewa laweola i hoakakaia maloko o ka palapala hoopii ma ke degere ekolu aoho i ikeia ie hewa maloko o na kanawai o ke Teritore, wahi asa.