Ka Nupepa Kuokoa, Volume LXII, Number 11, 15 March 1923 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kaui i ke Aki i ka

Manawa Hope

 

            No kela hoopakeleia ana o ka Lede Linetona mamuli o ka Vekinia hana aloha, ua lilo ae la ia i mea nui a kamailioia mai kekahi waha a i kekahi waha, a ua lehulehu na lima aloha i haawi mai i na kokua iaia. Ua kiiia aku kekahi kauka, a ua hanaia kekahi mau mea e hooikaika hou ia ae ke kino o ka mea i loaa i ka nawaliwali, a ua hala he manawa mahope iho ua hoi hou mai la ka ikaika i kona kino, oiai nae ua like no kona nawaliwali ia manawa me kekahi o na keiki liilii mamuli o na manao pihoihoi a piha maka ʻ u mamua iho, a hui pu hoi me ka hooikaika maoli ana ma na ano a pau i mea e hoopakeleia ae ai ke ola o kona kaikoeke enemi iaia, mai ke kaaahi poino mai.

            I kona pohala loa ana ae i ae la i ka poe e lulumi iho ana e hana i kekahi mea no ka hoopakele ana iaia:

            "Aohe au i eha, koe wale no ko ʻ u pihoihoi a lelele o ka oili no ka piha i ka maka ʻ u a me ke aloha pu no ka mea iloko o ka poino; he maule wale iho nei no ko ʻ u no ka manawa, me ka aneane pu e pau ke aho n oka paa loa ka hanu i ka uwahi oloko o kela kaa. E oluolu e hele aku e haawi i na kokua i ka mea i oi aku ka pilikia mamua o ko ʻ u," wahi a Vekinia o ka pane ana ae, a @@@maka aku la oia e kokolo no kahi ana i haalele ai i kana kaikamahine, a i kona hoea ana aku ilaila, hopu aku la i ke kaikamahine a hii mai la iloko o kona mau lima ame na waimaka e hiolo ana i hoomaikai ae ai oia i ka Mea Nona ka mana ame ke aloha i hoopakele mai ai i ko lakou mau ola mai ka poino mai i moeuhane mua ole ia, me ka loaa ole ia lakou o kekahi mau poino koikoi loa.

            Iloko o ia mau minuke o na manao luuluu e nohoalii ana, ua hoomama loa ia ae no nae kona mau manao a pau mamuli o kona hoolohe ana i na olelo a ka Haku ana i aloha ai, "E hana aku i ka maikai i ka poe e hoino mai ana ia oukou," a, "E aloha aku i kou enemi," a oiai aole ana no paha ka Lede Linetona e maopopo iki ana i ka mea nana oia i hoopakele, a ina no e maopopo ana iaia aole ana no paha oia e mihi iki iho ana no kana hana hewa i hana mai ai a ku ke ahua i ka mea i hana maikai aku iaia, a no ka mea ua piha mau no kona noonoo i ka inaina, aka nae, nana aku hoi kakou i ka hopena.

 

MOKUNA XXXI-Lilo o Vekinia i Kahuma ʻ i.

 

            Ekolu mau kaa o kela huakai kaa i pau i ka nahaha a weluwelu, elua i naha hapa o na kaa ukana elua ame ke kaa mahu wale no koe aole i poino, a o ke kumu o ka pakele ana he ninau pohihihi ia.

            He iwakalua mau ohua i make hikiwawe loa, a he lehulehu o na ohua e ae i eha kukonukonu loa kekahi poe a mahunehune no hoi kekeahi poe, a o ka poe i kukonukonu loa ka eha, he manawa wale no no lakou a haalele mai i ka la i ka mea mehana, a he lehulehu no hoi ka poe i hakihaki na au a i hooopaia no kekoena aku o ko lakou mau la o ke ola ana.

             He hiohiona ku i ka manaonao ka mea i ikeia me kela po, o ka poe i loaa ole na alina ua pakele lakou, eia nae, ua hoonakaia no ko lakou mau kino no ka piha i ka maka ʻ u ame ka weliweli no kela ulia, a ua hookunahihiia ae ka poe apau i ike i ka waiho mai o ka poe i make, ame ka poe e make aku ana a pela hoi ka lohe aku i ko lakou mau leo uwe i ka eha. o ka poe i hiki ke laweia aku mai na kaa aku o lakou ka i pakele i na ula o ke ahi, o ka poe i make malako o na kaa, ua liko lakou a pau he mau moepuu no na kaa i a ia e ke ahi.

            Ma ka huli pono ia ana o ke kumu o ka hu ana o na kaa i ikeia ua haki kekahi wahi o ke alanuihao maluna o kekahi alahaka e moe ana maluna o kekahi kahawai uuku, a mamuli o ka ikaika o ka hooke ana aku o na huila o na kaa i kaawale ae ai ka pili o ke alahao a hamama, pau na kaa i ka helelei mahai o ke alanui a iloko o kahi owawa malalo iho, a o na hopena pino i hokikeia ae la ka mea i ikeia mamuli o ia hu ana.

            O na ohua a pau e kau ana iluna o ka Vekinia kaa e kau ana ka poe i pakele mai na poino mai, i ka manawa i kahuli ai ke kaa, ua pau loa ia mau ohua i piha me ka maka ʻ u ame ka haalulu i ka oili mailoko aku o ia kaa a imi aku i kahi o ka palekana, elike me ka hikiwawe e loaa ana ia lakou.

            Hookahi o na kanaka o ia kaa i hooiio ae i kona hele ana ma na wahi o ia kaa a Vekinia ma i kau ai, a kahea aku me ka leo nui i ka poe i koe iloko o ke kaa, in a he poe kekahi i koe, a no kona lohe ana aku i kekahi leo a ike ole aku hoi i kekahi mea. no ka mea ua pio na kukui apau, aohe no hoi he mau leo uwe ana o ka lohe ana aku, a mamuli o kona manaoio ua pau loa no na ohua o ia kaa i ka puka iwaho ua hoopau wale oia i kona kahea ana, a hele aku la no kekahi mau kaa okoa a no ka haawi ana aku i ke kokua, in a e ike aku ana i kekahi mea iloko o ka pilikia.

            Mamuli o keia ulia, in a paha aole ka hooikaika ana a Vekinia, in a la paha ua haalele ia lakou maloko o kela kaa e make. I ka loaa ana o ka manao ame ka ikaika kupono e nana aku ai no ka pono o kana kaikamahine kauwa ua ike oia ma ia nana ana i ka lima o Mina elua wahi i haki, me ka loaa pu o ka eha iaia ma kekahi mau wahi e ae o kona kino; no kana wahi kaikamahine hoi aohe oia i manuheu ma kekahi ano, aka ane, ua piha loa oia i ka maka ʻ u me ka weliweli loa mamuli o ka haawina ehaeha i loaa i ka makuahine.

            He wahi kauhale nuku ke ku ana aole i manao loa mai kahi aku o ke kaaahi i hu ai, a ia wahi kauhale i laweia aku ai ka poe i halawai me na poino mauwale, a ua wehe hamama mai no hoi na kanaka o ia wahi kauhale i na ipuka o ko lakou mau home, a ua haaweia mai na kokua ana apau ia lakou nei, a ua hoolilo mai no hoi na wahine o ia wahi, kekahi poe, ia lakou iho i mau kahuma ʻ i no ke kokua ana i ka poe i pilikia, ua kauoha kokeia aku na kauka lapaau ame na kauka kaha, a ua lilo ia wahi kauhale me he mau halema ʻ i la.

            O ko Mina pilikia ka mua loa i lapaauia e na kauka, a me ka hoomanawanui i ka eha o kona lima i haki i uumi wale ai no oia ahiki i ka pau ana o ka ke kauka hana.

            I kela ame keia la mahope mai e kiai mau ana o Vekinia iaia, elike me kana e hana ai no kona kaikaina ponoi pela oia i makaala mau ai i @ana kauwa, me ka hoao mau ana e hooluolu aku i kona noonoo ame ka haawi aku hoi na olelo hoolana, me kona nana ole i ka nui o na hoolilo no ka lapaauia ana ame na hoolilo e ae o ko lakou noho ana ma ia wahi ia mau la.

             I ke ahiahi, i ka manawa i hiamoe ai o Mina, a hoihoi pu ia aku la no hoi o Veki e hiamoe a i ka ike ana o Vekinia ua kaawale oia e hiki ai iaia ke haawi aku i kana kokua i kekahi poe iloko o ka pilikia, hooholo iho la oia e hele aku ma kekahi mau hale e aku no ka nana ana aku i kekahi poe ma ʻ i, ina he mea hiki kekahi iaia ke hana aku no ia poe.

            O kana mea mua loa o ka ninau ana aku no ka Lede Linetona no ia ana i hoopakele ai, a i ke kuhikuhi ia ana mai o ka hale kahi ana e moe ana, he hale aole no i mamao loa mai ka hale aku a lakou e noho ana, hoikeia mai la iaia he eha koikoi loa ka i loaa ia lede.

            I kona hoea ana aku ia hale, ua hoike ia mai la iaia aohe iwi o kona kino i haki, aka nae ua manao wale ia ua poino kekahi wahi on a maloko o kona kino, e lilo ai ia eha i kumu nona e poino ai, e hiki ole ai i na kauka ke hoopakele ae i kona ola.

            Ia la a po aohe on a ike a hoomaopopo ae i kekahi poe, a ma ia manawa ua kulipolipo loa kana hiamoe ana a i lilo ai ia hiamoe on a i mea hopohopoia ua pau kona noonoo maikai.

            Alaila nonoi aku la o Vekinia i ka wahine nana i hoike mai la iaia in a e aeia mai ana oia e hele aku e ike a e haawi aku i kekahi kokua i ka lede ma ʻ i, a ma ka pane a ka lede o ka olelo ana mai in a he mea hiki kekahi iaia ke hana aku no ka lede ma ʻ i, ua hauoli loa oia, no ka mea, ia Vekinia e hoi aku ai e kiai i ka mea ma ʻ i e loaa ana hoi i manawa nona e hoomakaukau ai i mau meaai na kana kane e hoi mai ai mai ka hana mai, a e hooponopono ai hoi i kona hale i mokaki na mea a pau aole i hooponoponoia no ka mea, no kona lilo loa i ka malama i ka mea ma ʻ i ua loaa ole he manawa nona e lawelawe ai i kana hana o ka home.

            He manao maikai loa keia i ko Vekinia noonoo, nolaila i ka aeia ana mai o kona manao, o kona komo aku la no ia iloko o ka rumi e moe mai ana o ka mea ma ʻ i, a noho iho la mahai o ka moe, a nana aku la i ka helehelena o ke kaikuahine o kana kane, ka wahine hoi i hoolilo mai iaia i enemi, a i hailumai ai hoi iaia me ke kupono ole ma na ano apau, me ka piha o kona noonoo me na mea hoehaeha like ole.

            Iaia e nana aku ana i ka hlehelena o ka wahine he wahi hiohiona ano like no me Sa Wiliama Hita, aka nae, ua oi aku na makahiki o keia wahine mamua o ko ke kaikunane, ua lualua mai ka helehelena elike me ke ano o ka poe kahiko, a me he la ʻ i kona wa opiopio no aole i lilo kona hlehelena i mea  haiamuia e ke onaona a e makee a ake nui ia mai e na kane.

            O kekahi kumu paha hoi o ke ano lualua loa o kona helehelena ana e ike aku ana ia manawa mamuli o keia halawai ana iho la on a me keia pilikia ulia wale, no ka mea ma kona Iae ana e nana aku ana ua pahoehole ma kekahi wahi a ma na papalina. Hookahi o kona mau lima ua hohonu loa ka moku a e waiho ana ua paa i ka wa-hiia me ka welu, a e kau ana maluna o kekahi uluna e waiho ana ma kona aoao, a he kulana pilikia maoli kona i ka Vekinia nana aku ia manawa.

            No kekahi mau makahiki lehelehu i kaahope ko Vekinia hoehaehaia ana mamuli o ka hana a nei wahine ana e nana aku ana, a iloko o ia manawa ua hoopiha ia oia i ka inaina no ka hana lokoino a nei wahine, ana nae i hana ole aku ai i kekahi hewa iaia, koe wale no knoa mare ana ia Sa Wiliama Hita, a ua lilo hoi ia mare ana o laua i mea lili a inaina na nei wahine, a hoao mai oia  ma na ano apau e hoohoka iaia, a ua lilo no hoi, oia i wahine hoauwanaia iloko o na makahiki he umi a oi me ke kaawale pu mai kana kane mai, a eia ka, oia ana ka mea oia e hoopakele, in a paha i like kona manaoino me ko kela wahine oloko aku la no o ke kaa kona wahi e waiho ai a pau kona kino i ka a-ia e ke ahi, aka, oiai he manao aloha kona, me ka nana ole ae i na ino i hanaia mai iaia, pela oia i pakele ai mai ia make weliweli mai.

            Aole oia i maopopo ia manawa i ka nui o na hana hewa a nei wahine i hana mai ai iaia, he hiki no nae iaia ke ike iho ua nui aku kana mau hana ino, mamuli o kona manao i hoike mai ai ia mrs. aFnamu, eia nae, oiai oia e moe mai ana mamua o kona alo, me ka nawaliwali ame ka hiki ole iaia ke kokua iaia iho, hookahi wale no noonoo iloko on a o ia ke aloha nona.

            He wahine no oia i nele ole ia mea he huhu, aka nae, i kona wa e ike aku ai i kona enemi iloko o ka pilikia ua ala koke ae la kela manao maikai a ke Akua i hana mai ai iloko ona, a hoopoina ae la oia i ka inaina, a o ka manao aloha me ka haawi aku i ke kokua i ka mea iloko o ka pilikia ka i ulu ae a nui iloko on a, in a he mea hiki kekahi iaia ke hana aku. Ina paha nona keia pilikia ana, a loaa ka ike i ka Lede Linetona o kona enemi ka i poino, aole paha oia e nana iho ana, a i ole haawi iho i kekahi kokua iaia, e hookuuia ana oia e make maloko o ke kaa ahiki i ka pau ana i ka a-ia e ke ahi, o ia ka mea maopopo loa.

            No ka hora hookahi a oi kona noho ana mahai o ka moe a nana aku i ka moe mai o kona enemi, me ka hoololi mau i ka lole pulu ma kona lae i eha ma ka peahi malie ana iaia, no ka mea aohe loaa o ke ea maikai iloko o ia rumi no ke ano haiki, aka nae o kahi rumi a kupono wale no ia no ka mea ma ʻ i e noho ai.

            I ka hala ana o ia manawa, komo mai ana ke kauka, a iaia i ninau aku ai o Vekinia i kekahi mau ninau lehulehu e pili ana i ko ka Lede Linetona kulana ma ʻ i.

            Ma ka pane a ke kauka iaia no kana mau ninau lehulehu aole hiki iaia ke hoakaka mai ia manawa i ka nui o na wahi o ka lede i eha, ma kona manao aole no e lilo ana ia mau wahi o ka lede i eha ma kona manao aole no e lilo ana ia mau wahi o ka lede i eha i mea hookaumaha loa mai i ka noonoo, o ka pilikia koikoi loa o ka lede aia maloko o kona kino, pela kona manao, a no ia eha ua honowaliwali ia kona kino, me ka haalulu o kona mau aalolo, a o ke kumu paha o kona pilikia ma kona manao, ua lilo kela ulia i mea hoopiha loa iaia me ka makau a ua hoopihoihoi loa ia kona noonoo, a me he mea la mamuli o ia haawina i loaa ai iaia i oi aku ka ehaeha o kona noonoo mamua o kona eha maoli.

            "Ua maopopo no anei ia oe keia lede?" i ninau mai ai de kauka, ma ka hapa hope loa o kau mau mea o ke kamailio ana mai, oiai kona mau maka e haka pono mai ana i na maka nohea o Vekinia, he helehelena ui ana i ike ole i kekahi wahine mamua, o keia iho la ka makamua loa. Ua lohe mahui oia i ke koa ame ka maka ʻ u ole o ka wahine nana i hoopakele i ka wahine e moe ana iluna o ka moe ia manawa, aole nae oia i ike mua i kona helehelena, o keia iho la ka makamua loa, a pela paha i hoalaia ae ai kona manao pahaohao.

            "Ae; ua ike au iaia," wahi a ka Vekinia pane. "O kona inoa, ka Lede Linetona, o ka Kalana Hamesire o Enelani."

            "Ha! Alaila he wahine Pelekane oia, he mau makamaka a hoaloha no anei kekahi on a ma keia aupuni??" wahi a ke kauka.

            "Koe aku ia. O kana wale no o ka hoike ana mai ia ʻ u he mau hoaloha ka kekahi on a aia maloko o ke kulanakauhale o Kikako, a ilaila oia e holo ana a loaa e iho la i keia pilikia; he keiki kane a he kaikamahine me na hoaloha e ae aia malaila, koe keia aole i maopopo ia ʻ u ko lakou wahi e noho mai la ame k lakou mau inoa," i pane aku ai o Vekinia. "O hea kona wahi noho?" wahi a ke kauka.

            "Ua hoike mua aku nei hoi au ia oe aia ma Enelani, me knoa kakunane ke Sa Wiliama Hita, aia ma ke Kalana o Hamesire. "Ia Vekinia i hoopuka ae ai i ka inoa o Wiliama Hita pii ae la ka ula ma kona mau papalina, ka inoa o ke kahi e noho mai ana o ke kane i hoopuka ole ia eia no kekahi manawa loihi.

            "He mea pono e hoea mai kekahi o kona mau makamaka a hoaloha ianei no ka malama ana iaia; no ka mamao loa o ke kaikunane on a i kahi e he mea makehewa wale no paha ke kauoha ana aku iaia e holo mai ianei, ahiki i ka maopopo ana ia kakou o kona kulana ma ʻ i. Oia hookahi wale no anei keia e kaahele hookahi nei ma keia huakai?"

            "Pela no i ka ʻ u koho iho. Aohe ana kamailio mai no kekahi mea e hele pu ana me ia ma kona manawa i loaa aku ai?"

            "Ia oe paha oia i loaa aku ai, ea, a hoopakeleia ai kona ola? Ua lohe mai au i ke kamailioia pela? " wahi a ke kauka, me ka pii ana ae o ka ula ma kona mau papalina.

            "Aohe na ʻ u i hoopakele, o ko ʻ u hele ana aku e kokua iaia ka ʻ u mea i hana, he kanaka okoa ka mea nana oia i hapai mai mai kela wahi mai on a i paa ai ahiki i ke kaawale ana mai, owau nae ka mea mua i ike iaia iloko o ke kulana haiki loa, a na ʻ u i kii i kekahi kanaka e hele mai e hoopakele iaia, pela iho la oia i pakele ai, " wahi a Vekinia o ka pane ana aku.

            "Eia nae, he hana kau i hana ai a oi aku mamua o ia, e ka madame. Ua pakele mai anei oe mai kela kaa mai me ka loaa ole o kekahi eha?"

            "Ae, me kekahi eha ole a pela me ka ʻ u kaikamahine, a no ia pakele ana mai o maua me ka palekana, aole a ʻ u hana maikai e ae o ka haawi wale aku no i na hoomaikai i ke Akua no ia hoopakeleia ana o ko maua mau ola. Eia nae, o kuu kaikamahine kauwa ka mea i koikoi loa ka eha, ua haki ia kona lima hema elua pauku, a mawaho ae o ia he mau wahi e ae kekahi o kona kino i eha, aka nae, i keia manawa aia oia ke moe mai la me ka oluoul loa, me ka makaala mau ole ia aku, nolaila in a ua lilo au i mea paahana waiwai ma ka malama ana aku i ka poe popilikia, e oi loa aku ana ko/u hauoli ke hana mau aku pela."

            Noonoo iho la kekauka no kekahi manawa a ninau mai la.

            "He wahi ike no anei kekahi i loaa ia oe e malama i kekahi mea ma ʻ i ma ke ano he kahuma ʻ i, maloko o kekahi rumi o kekahi mea ma ʻ i?"

            "Ae; he kanaka ma ʻ i nawaliwale loa ko ʻ makuakane no kekahi mau mahina lehulehu mamua o kona make ana aku."

            "O, alaila o oe ka mea kupono loa e malama i ka mea ma ʻ i a e pono ia oe e lawelawe i ka hana ma ke ano he kahuma ʻ i maanei, ina nae no kou makemake e haawi mai i kou manawa no keia ma ʻ i malalo o ka ʻ u kuhikuhi ana. Hookahi wale no wahine maloko o keia hale, no ia kumu aole hiki iaia ke malama kupono i ka mea ma ʻ i me kona lawelawe pu i kana mau hana e ae ma ka hale nei, oiai hoi keia wahine he pono e kiai makaala mau ia me ka haawi i kekahi manawa nui e kiai a e malama ai iaia iloko o elua a ekolu mau la mai keia la aku. O kekahi mea e noho mau aku ana me ia, kana mea makemake loa, kekahi wahine nae e hiki ai iaia ke hilinai mai. "

            Pii ae la ka ula ma ko Vekinia mau papalina no nei mau olelo a ke kauka no ka mea, i kana noonoo iho he keu aku a ke kupanaha, o ia iho la ka o ka poe apau maloko o kela wahi ka mea nana e kiai i keia wahine i enemi mai iaia, a oia hoi ke hoonohoia mai ana i kahuma ʻ i nona iloko o kela manawa nawaliwali ku haiki loa on a.

            Eia nae, aole oia i hookaulua i ka haawi ana aku i kona ae, he hana ia nana ia manawa ka malama ana aku i ka mea ma ʻ i me knoa nana ole i kona lilo ana he enemi no ka mea ma ʻ i: ia manawa haupu ae la oia no ka moolelo o ke kana i haule ai iloko o na lima o ka poe powa a waihoia me ka eha ma kapa alanui, a he hana hoi ia nanan ka hoopakele ana i nei wahine ma ke ano he Samaria maikai, elike me ka hoopakele ana o ke kanaka Samaria i ke kananka i powaia.

            "Ua pono ia i ko ʻ u manao, " wahi ana o ka pane ana aku i kekauka me ka manao maikai; "alaila e manao iho ana oe, ea, aia au malalo o kau hana ame kau kauoha."

            No keia pane oluolu loa a Vekinia, alaila ike iho la ke kauka ua loaa ka mea kupono nana e malama i kana ma ʻ i, nolaila ua maha loa ae la kona noonoo, a haawi mai la i na a ʻ o ana no ka Vekinia mea e hana aku ai no ia po, me ke ano o ka haawi ana i ka laau, a hele aku la oia e nana i kekahi poe ma ʻ i e aku, me ka maha loa o kona noonoo no ka loaa o ka mea kupono nana e makaala aku i kana ma ʻ i

            I ka manawa i kaawale ai ka wahine o ka hale mai kana mau hana mai o ka home a hoi mai la e noho me ka Lede Linetona ka wahine ma ʻ i, alaila i aku la o Vekinia iaia: "E noho iho oe me ia nei, no ka mea ua pau mai la hoi kau hana a e ho@ au e nana i ka ʻ u ma ʻ i", a hoi aku la oia.

            Iloko o na la elua ma ia hope mai he liilii loa ka loli i ikeia no ka Lede Linetona, e hiamoe mau ana oia i ka hapanui o ka manawa, o kona manawa wale no e ala ae ai, me ka hoala moaliia iho no nae, o ia kona manawa e haawiia aku ai ka laau, a hakalia no a pau aku ka laau i ka momi, o ka hiamoe hou aku la no ia me ke kulipolipo loa , ke ano o ka mea i kupouli loa ka noonoo a e aneane aku ana e haalele mai i keia ola ana.

            Eia nae, i ke kolu o na la mahope mai ua loaa ae la iaia kahi koineine iki, ua ala loa ae la oia a noho iluna, ua kaawale aku hoi ke poluluhi loa o kona noonoo a ua hoike ae i kekahi hiohiona i na mea a pau, kona kulana ma ʻ i ame ke kumu o kona poino ana, me ka hiki pono iaia ke hoomanao i na mea apau o ka wa i hala.

            Mahope o ka nanaia ana o kona mau wahi apau i eha ua ikeia aole no i koikoi loa elike me ia i manaoia ai mamua aku, he mau eha hoi i hopohopo nui ia e lilo ana i kumu nona e haalele mai ai i ka la i ka mea mehana. He mea hoolana loa mai keia i ka manao o ke kauka. He uli pu wale no ma kekahi aoao on a mamuli o ka naha ana o ka aoao o ke kaa nana i hoopaa iaia ahiki ole ke oni ae mai ka papahele ae; ua paholehole kekahi mau wahi o kona kono me na moku hohonu ma kekahi mau wahi o ke poo, a hookahi o kona mau o puupuu wawae i oupe a maui.

            O ke kumu kupouli loa o ka noonoo o ka Lede Linetona ma ka manao o ke kauka, mamuli no ia o ka piha i ka maka ʻ u ame ka lele o ka hauli no kela pono ana i kekaaahi a hoohaaluluia kona kino holookoa mamua o kona mau eha, a no ia mau eha i olelo ae ai ke kauka, "in a aole e loli ae ana ko ia nei ma ʻ i mamuli o ka loaa i kekahi kulana ma ʻ i okoa e hikiwawe ana no ko ia nei ola hou ae."

            Ua hooiaioia keia manao o ke kauka mahope mai. I ka pau ana o ka pule hookahi ua hiki loa i ka Lede Linetona ke noho ae iluna o ka moe, a he helehelena hoi kona e ikeia aku ana e hoi hou mai ana kona ikaika o na la mamua aku o kona loaa ana i ke poino.

            Me keia manawa on a i ano maikai ae ai ua ikeia aku kona makemake nui ia Vekinia mamuli o ko Vekinia noho mau aku imua ona a hooponopono aku nona, me ka haawi pu aku i na olelo hoolana, me na olelo maikai loa, oiai nae, ia manawa aole i hoike iki ia aku iaia o ke kaikoeke no o Vekinia on a ana i makawelawela loa ai, a i hoao ai hoi e hana ma na ano lapuwale apau i mea e hookomoia aku ai o Vekinia, ka mea no nana oia i hoopakele, iloko o na pilikia he nui, elike me ia a kaua e ka makamaka heluhelu i hoomaopopo ae nei mamua ma na mokuna i hala.

            No hookahi manawa ua noi mai la oia ia Vekinia e hoike aku i kona inoa, o ka Vekinia wale no o ka i ana aku e kapa mai no oia iaia he "kahuma ʻ i" nona, no kona maka ʻ u iho la in a paha oia e hoike aku ana i kona inoa, e ike koke mai ana ka lede ma ʻ i o kona enemi no ia, a lilo ia i mea hoopilikia hou aku iaia.

            "Aole oe he kahumai, pela ka ʻ u hoomaopopo aku ia kulana lede oiaio oe," i pane mai ai ka Lede Linetona nui kou lokomaikai ame kau mau hana maikai no ʻ u kumu au i makemake iho la e ike i kou inoa a e oia e hoike mai me ka huna ole."

            No keia olelo mai la a ka lede ma ʻ i he lede oiaio oia ole ia Vekinia ke uumi hou iho i kona hauoli no kona la ana, no ka mea, ma ka leka a ka Lede Linetona i kaka ai i ka Lede Fanamu ana i heluhelu ai, he wahi kaika@ ilihune haahaa a kuaaina wale no oia; "kela wahi kaikaikuaaina," wahi a ka Lede Linetona maloko o kana leka lilo hoi oia he mea i hoowahawaha loa ia maloko o @ i kakauia mai ai i ka Lede Fanamu, eia ka oia kaika@kuaaina haahaa ana i kapa mai ai ma ke ano hoohaaha@ i ike ole mai hoi i ko i nei poopoo, oia ana ka mea@ hoopakele a e malama aku ana iaia.

            "He kahuma ʻ i wale iho no au o ia no ko ʻ u kulana ha@ pane aku ai o Vekinia, me ka huli ana aku o kona maka@ e." a malia paha ma kekahi manawa okoa aku, mamua @ haalele ana iho ia oe, e hoike aku ai i ko ʻ u inoa," no ia a Vekinia ua oluolu loa iho la ka noonoo o ka lede.

            Mahope mai o kela manawa aohe i nui ko Vekinia m@ i noho mau aku ai me ia: aohe i makemake nui ia ka @ ame ke kiai mau ana aku iaia, no ka mea, ua hoomaikai ka lede, nolaila ua haalele aku oia na ka wahine no o @

e kiai a e nana mau aku iaia. He mau manawa lehule@

nae o ka la kana o ka hele ana ae e kiei, a iloko o ia ma@nawa no hoi apau e makaala mau ana oia no ko ka lede mai i kona inoa, a ma ia mau manawa apau ana e hel@ ai e hoike mau aku ana oia ma na ano apau i kona k@ he lede ma ka olelo, ma ka hana a ma ke ano o kana e hele ana, a i lilo ai hoi ia mau ano maikai on a apau makemake nui na ka Lede Linetona.

            I hoike aku o Vekinia ia mau ano maikai on a apau i m@@@ ka lede e ike iho mahope o kona maopopo ana o ka wa@ mare oia a Sa Williama Hita, ana i hoowahawaha ai a@@ he wahi kaikamahine kuaaina haahaa a i ike ole ia mea la@ rula.

"Owai la hoi nei wahine ui i lokomaikai nui mai ia ʻ u @@ hoike mai i kona oluolu ma na ano apau, he wahine b@@ aie nui ai i kona lokomaikai?" i ninau hou ai ka lede ma@@ iho, a pela hoi imua o ke kauka i kekahi la.

            "He mea oiaio ia au i olelo mai la he wahine ui ola@ lokomaikai loa oia, me ka piha pu i ke aloha i ka poe i ha@ wai me na popilikia, elike me oe, a ua nui io no kou aie n@ kana mau hana maikai ia oe. Ua aie oe iaia no elua ma@@ o ia kona hoopakele ana i kou ola, no ka mea he wahine @@ oe ina aole oia; a o ka lua, ua aie oe iaia mamuli o kona @ ana he kahuma ʻ i nou,: i pane aku ai ke kauka me ka ma@ kuio loa.

            "He mea oiaio ia, au i olelo mai la," wahi a ka lede@ o ka pane ana mai.

            "Ae; ua hoopakele oia ia oe mai kela kaa mai e a-ia ana ke ahi i ka manawa e makaukau ana oia e mauna i kona @ ka lua, o ia wale ka wahine maloko o keia kulanakauh@ hiki e loaa a i hiki hoi e malama maikai ia oe iloko o k@@ kupouli loa; no kekahi poe e ae ua lilo aku lakou no k@ lama ana i kekahi poe e aku i eha a iloko o na la elua na po elua au e waiho ana me ka ike a hoomaopopo ole ae oia i haalele i kekiai ana ia oe; nana ; i hanai ia oe, ua h@ oia kona noonoo ame ka hapanui o kona manawa ma k@ kaala ana ia oe, a no ia makaala mau ana on a i loaa ai @ oe ke ola hou i keia la, nolaila la ea, ua aie nui oe iaia."

            "O ia no anei ka mea mua loa i hele ae ai a ike ia ʻ u o @@ ana ua paa loa malalo o na papa nahaha o ke kaa mal@ ko ʻ u moe?" @ ninau mai ai ka Lede Linetona. "Ae, e ka madame, elike me ka ʻ u i lohe mai ai," wah@@ kauka.

            "Owai kona inoa?" wahi hou a ka lede.

            "No kena ninau au ke hoike aku nei au ia oe me ka @@ loa aohe au i ike," wahi a ka ke kauka pane, me ka ma@@ pu ana aku." Ke kanalua nei au no ka loaa iaia o ko ʻ u @. Ei auanei e ua loaa he manawa maika a kupono e hoola@@ ae ai maua ia maua iho, e hiki ai iaia ke hoike mai i kona @ a pela hoi me a ʻ u, no ka hikiwawe loa o ka loaa ana o ke ulia aohe manawa i loaa ia ʻ u no ka hoolauna ana. O ka wale no e kapa aku ai iaia, ka madame, a e kapa mau mai @ no hoi oia ia ʻ u ke olelo mai ke kauka! O ia ke kumu maopopo ole ana ia ʻ u o kona inoa."

            "Ea, ma ka ʻ u nana a hoomaopopo ana nona he lede oia @ na ano apau," wahi a ka mea ma ʻ i me ka piha noonoo @ on a no Vekinia. Ua olelo aku ke kaikunane ke Sa Wiliama Hita i nei lede no hookahi manawa, mamua in a no kona @ i na wahine Amerika e hoololi koke ia ana kona noonoo @ ke kapa ana aku he poe ike rula ole, a ke ike io nei oia he : maikai maoli ka na Amerika.

            "Ae; ua pololei kena olelo au," i pane aku ai ke kauka ka hookoikoi ana iho o kana olelo ana. "He kakaikahi lo@ wahine a ʻ u i ike ai he mau kahuma ʻ i elike me keia lede. noi aku ana au iaia i ka manawa kupono e loaa ana @@ @oike mai oia i kona inoa ame kona wahi i noho ai ma@@ kona haalele ana mai ia nei," wahi a ke kauka.

            "E hele koke aku ana nae oia?" i ninau mai ai ka Lede @@tona.

            "Ae; maloko o elua a i ole ekolu la paha, pela ko ʻ u man@ ke pii mau ae la ka maikai o ke kauwa wahine ana i eha nei manawa e hiki ai iaia ke hele.

            "Ehookuu mai oe ia ʻ u e hele, no ka mea, ma kahi o ke @@ ha poe ma ʻ i e kali mai la ia ʻ u o ka hoea aku e nana ia lak@@

            Ma keia mau olelo o ke ku ae la no ia o ke kauka a@ aku la, a haalele iho la i ka Lede Linetona e nalu nui ana iho, me ka ninau mau iloko on a no ka inoa o ke kahuna

a oluolu loa nana i malama maikai iaia.

MOKUNA XXXII.

"Ka Wahine a ko Kaikunane i Aloha ai"

            Ma ke kakahiaka mahope mai o na kukaiolelo ana ma@ o ke kauka ame ka Lede Linetona, komo aku la o Vek@@ ike i ka wahine ma ʻ i, me ka lawe pu ana aku i kana kaik@@hine uuku me ia.

            I hele oia e ike i ka wahine ma ʻ i, no ka mea. e ho@@ kaukau ana oia no ka haalele ana iho ia wahi a nee aku kekahi wahi okoa i kekahi mau pule no ka pono o kana kamahine kauwa, a mahope o ka pau ana o ia mau pule e loa aku ai lakou no Nu Ioka.

            O kona kumu o ka lawe pu ana mai ia Veki kana kaikan@ me i lilo ai oia i mea nana e hoopakele ae iaia mai na @@ pihoihoiae, no ka mea ua ike mua oia aole no e nele a@@ ala mai o kekahi mea nana e hoopihoihoi mai i kona @@ ke halawai aku me ka lede ma ʻ i, ka wahine hoi ana e noo@ mau ana ia manawa o ia mau no ka hoino iaia ahiki ia mana@ me ia nui no o kana mau hana maikai i hana aku ai no@@ malia, i kona manawa e ike mai ai i kahi kaikamahine e @@@ mai ana oia i na ninau lehulehu e pili ana no ke kaikama@ mamuli o ka loaa aku o kekahi manao hoohuoi iaia no ka @ o ka helehelena o ke kaikamahine me kekahi o kona ohana no ka mea he wahine oia i manaoio i ka olelo a kahiko, " I oi aku ka manoanoa o ke koko i ko ka wai."

(Aole i pau)