Ka Nupepa Kuokoa, Volume LXII, Number 11, 15 March 1923 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUAKAI MAKAIKAI NO KAUPO, MAUI.
@ Thos. K. Maunupau)
@ Ka Hopena.)
@ hora 4:30 o keia @ ala ae au ame koʻu @ hooponopono iho la ma@ mea liilii a komo @. Kani ka 6:30 a. @ makou ai kakahiaka.
@ ai ana, hoomaka ka hau@ @holona, no makou e iho @ Mokulau. Iloko o ka @. ua paa ka noho; @ paiki ame na eke uka@ @akou no hoi ka hope loa. @ ko makou nnui ma keia @ Joseph Maciel, kana @uwahi opio, Keneki, @ ame ka meakakau.
@lima aloha ana me @, us haalele iho makou @ ka hora 8:15 a. m. Ia @ malie nei nomua, me @ kehau e kaomi malie iho @ mau aku ana no ka mea@ kela ame keia mana@ kahi hale, ahiki i kona @ ana aku.
@ mawaho o ka pa-po-@ @wahi, halawai iho la me @ me ka haawi pu ana aku @ @ ame kona ohana.
@ ia makou o Ahulii, @ @kau ana e iho i kai o @ haawi aku la no hoi i ke @ haawi aku la no hoi i ke @ kona ohana ame na hoaloha @mai ana i kauhale. Kani @ @ maalo makou mawaho @ @kula. Ma keia wahi ua @ makou i ka uwahi o ke @ e hele pu mai ana me ka @ @ i ka moana. Hora 9:15 @ @ makou i Mokulau. He @ @ wale no keia; he hookahi @ @ale o ia ka hale ukana. O @ pohaku kiekie o ia no ka @ ua piha ka hale ukana ame @ @ ae i kanaka, o kane na @.
H@@ai iho la makou me na ho@ ame na kamaaina. Hora 9:50 @ ku mai ke Kilauea. Pau ka @ ame ka papa, kaheaia mai ka @ Haawi ke aloha hope ia Jo@ Maciel. Mrs. Maciel ame na@ o ko makou kau no ia i @ waaapa hope loa. Haalele ke @ @ Mokulau i ka hora 12:30 @ Mahope iho o keia manawa, @ aku makou i ka rumi aina @ awakea ana.
P@ ka ai ana, ua pii aku makou @ @ki oluna, a nana aku la @ @ ka aina, i na whi a makou @ @ ai me Joseph Maciel. @kou i Nuu i ka hora 1:30 @mak koke no e hooili @. Ua lohi loa ka moku ia @ aole i ka 4:30 p. m. O @ Murphy wale no ka ohua @i ma Nuu, a no Hana kona @.
@ Kilauea e peku hoi nei, eia @ e nana aku ana no ka @ @ia Lualailua i Kahikinui; @nee malie aku ana ihope; @ hale e oili ae ana iloko o @ o ke paina, hu wale ae la @ aloha no ia home o ka olu @ka lokomaikai, ame na hana @ a ko maua hoaloha, hoahele @ wahi apau, kana aliiwahine @ @pahe ame ko laua puuwai @ e ke aloha.
@ manawa, eia makou mawa@ Kaupo; aia kauhele o na aka Iuka; aia o Mokulau i @ @ na moku koʻa e waiho @ i ka laʻi; aia ka heiau o @ @ waiho mai ana me he @ awa; aia kahi kahawai o @a e wiaho mai ana i ka @ ke kualapa ia wahi a @ i noho ai o na lai i hala ma kupuna; aia ka pili o noho mai ana i ka uliuli @ ka lau laau me na mano @ hiolo mai ana i ke kumu @.
@ ke aka i maalo ae a na@, pela no i nalohia aki @ on a palahalaha, mohaha, @ i ko makou nana hou @okahi wale no mea ikeia @ pokole:
@a elike ai,
@ launa ole,
@ wale Haleakala,
@ kilakila o Maui.
@ mai maua iloko o ka rumi @maha ana. Kani ka hora @ @ ke ahiahi, hookomo ana ke H@ i ke awa o Hana.
N@ ke ano ahiahi iho paha, he @ @ no kahi puu o Kauiki ke @ a kapono wale keia mau @:
Hanohano wale Kauiki,
Kapaia e Punahoa,
A @ hoa no Wailua,
I ka laʻi o Keanae.
Hora 5:45 p. m., pili ana ka moku i ka uwapo. Ua haalele mai o H@k Murphy ia makou maa@. Haalele ke Kilauea ianei i ka hora 6:@0 p. m., o ka aina ahiahi no ia. Ma keia wahi aku ua haule @ @ maua e hiamoe.
Ku i Kahului i ka hora 9:30 o ka po @ haalele mai o Hecter Munroe ia maua. Ua uuku loa ka manawa o ka moku ianei, a pau no ka leha ame na wahi ukana liilii o ka haalele no ia.
Malie ka moana, a i ka pa konane iho a ka mahina, he uʻi hoi kau o ke alahele aumoana. I keia haule hou ana e hiamoe, ala ae iwaho o Makapuu o ke kakahiaka Poaha, Mei 11.
O keia ka hopena o keia wahi moolelo huakai makaikai no Kaupo, Maui. Mamua o koʻu hooki ana iho, ua makemake au noʻu iho, ma ka aoao o koʻu hoahele, Keneki P. Emory, ame ka lunahoohana nui o ka Hale Hoikeike o Pauahi Bihopa, e haawi aku i ke aloha kuio ame ka mahalo nui ia oe e Joseph Maciel, kau aliiwahine, ame ko olua papa aloha, no na hookipa maikai i haawaiia mai ia maua, no ka lokomaikai lua ole, ame na kokua he nui, a maua hoi e poina ole ai, he mau kokua hoi no ka holopono ame ka holomua o ka maua wahi apana hana, ia Frank Maciel, Poouwahi opio, Poouwahi makua ame kana ohana, Simeona Maihui, Ahulii, J. W. Kawaakoa, Kenui, na kini ame na hoaloha o Nuu ame Kaupo, a na ke Akua ko kakou Makua Lani e hoopomaikai mai ia kakou, a hui hou kakou iloko o ke aloha.
Ke haawi pu aku nie au i ke alpha âme ka mahalo i kuu Solomon Hanohano, no kou lokomaikai i ka manawalea ana mai i rumi no keia moolelo i hoikeia ae nei, ame kau mau olelo paipai no ka pono ame ka holomua o kakou na oiwi Hawaii o ka aina.
###
HE PUOLO WAIMAKA NO KA MAUA LEI HELELOA.
I ka Lunahooponopono o ka Nupepa Kuokoa, Mr. Solomon Hanohano, aloha kaua a nui loa: Ke hoolauna malihini aku nei au imua o kou hanohano, e noi aku aka i kou oluolu e hokomo iho ma kahi kaawale o ka kaua hiwahiwa, i ka makou wahi puolo waimaka o ke aloha lei, i niau, aku la me ka palanehe loa, ma ke ala o na mea hanu ola apau, i ike mai ai na kini makamaka, na hoaloha, ame na ohana apau loa o kuu leialoha e noho ana ma kela kihi ame keia kihi o o ka aina, mai ka hikina a ka la i Haehae ahiki aku i ka mole o Lehua.
Ua loaa o Liwai i ka maʻi iloko o ka halekula me ka ike aku no hoi o ke kaikuahine, o ke ano maʻi mau no on a, o ka eha wale mai no o ke poo, kakali mai kaʻu aliiwahine o kekahi o makou e iho aku e kii iaia; eia nae ahiahi Poaha, iho ana kuu kaikaina, kaikoeke, a olelo aku e pii iuka nei, ae mai la oia.
I ka la 21 o Ianuari, i komo mai ai ka lima o ka anela, a lawe aku i ka uhane, a waiho iho la ke kino puanuanu na maua e paiauma aku mahope nei, me na ohana apau loa. Auwe ka maua lei heleloa e! Nui ko maua minamina pau ole i ka lei a maua, i hala i ke ala hoi olw mai auwe ko maua lalau wale!
Ua hanauia ka maua lei, i ka la 2 o Aperila, makahiki 1908, a ua piha iaia 14 makahiki.
E Kona e, maiuka a kai, kal@i a ka lei a maua e hele ai, aohe e ike hou ana i ka lei a maua i ka hele ilaila ua pau ua nalo i ke ala hoi ole mai. Auwe ke onehanau o kuu lei, o Kona i ke kai maokioki, kahi i hoonaauao mua ia ai!
E Kona e, aia aku nei paha o bebe Liwai ilaila kahi i holoholo ai? Ke hoomanao ae nei i kahi a ka lei a maua e hele ai e Ala-e e, ua pau ka hele ana a ka maua lei ma kou mau pa-hale, ua pau; e Pahoehoe ame Hookena, ua pau ka hele ana o kuu lei ma ko olua mau alanui. ui.
Haalele aku i ka ainahanau, a hele mai i Kau nei, i ka aina malinihi i haalele mai ai oia ia maua n maku. Auwe ka maua lalau wale e, us ohi aku no hoi ka po, a koe hookahi e ola nei; Auwe ko maua hono noho mehameha i ka uka o Leilehua, o ke kinikini iho la no ia o ia uka waonahele.
Auwe oe e Leilehua e, aohe kuu lei e noho mai ana iloko o kou ulul ululehua, ua nalo i ke aouli, ua pau kuu olelo ana i ka lei a maua e hoi iuka o Leilehua e noho ai, a mailaila aku e hele ai i ke kula.
E Liwai e, ihea la oe e loaa hou aku ai ia maua? E Waiohinu, ua pau kou ike hou ana i ka lei a maua i ka hele ma kou alanui, e Naalehu e, kahi a kuu lei e hele ai i ka holoholo, ua pau kou ike hou ana iaia, ua nalo i ka aina waiakua.
Aloha wale ka uka o Leilehua i ka nohona mehameha, ua leiia na wahi like ole e ka lei a maua i hele aku la i ke ala hoi ole mai. Auwe ke aloha ia oe e kuu lei.
E Kahaakoi e, eia ka ko kii ana mai i ka lei a kaua e hele ilaila, o kou ike hope ana ka ia pau; auwe kaua e, ua nele kaua i ka lei, minamina no hoi ke kinikini o ka uka mehameha o Leilehua, o ka hoa walaau iho la no ia, auwe ka mana luuluu wale!
Ua lawa kaua me ka aloha pau ole.
O maua na makua i hoonele i ka lei.
MRS. KAWEHE KAIKAINA, KALA KAIKAINA
###
KUʻU MAMA SARAH KAWEHIWEHI KAILIHIWA, UA HALA
(picture)
MRS. SARAH K. KAILIHIWA,
Mr. Lunahooponopono o ka Nupepa Kuokoa; Solomon Hanohano; Anoai kaua: E oluolu oe e haawi mai noʻu kauwahi kaawale o ka kaua hiwahiwa, no kaʻu wahi puolo waimaka luuluu no kuu mama aloha Mrs. Sarah Kawehiwehi Kailihiwa, ua haalele mai oia iaʻu kana kaikamahine, na moopuna ame ka ohana e uwe kumakena aku nona mahope meheu o kona mama ame kana kane aloha i hala mua aku ma-o.
Ua haalele mai kona makuahine, a o koʻu kupunawahine hoi, Mrs. Kaaikaula Kauhi ma ka la 20 o Augate, 1922, a o kana kane aloha, a o kuu papa hou, Mr. David K. Kailihiwa, ma ka la 27 o Dekemaba 1922 i hala aku la; a o ka mea oi loa aku o koʻu manaʻonaʻo ke mau la no ka ulaula o ka lepo o ko laua mau home puanuanu (he), kipa hou mai la no ka anela o ka make a lawe aku la i ka hanu ola o kuu mama aloha i ka la 6 o Maraki, 1923. Auwe kuu mama hele loa e!
Hoanoano aloha mai ana iaʻu kuu mama, kuu hoa lei moopuna e, lei ana mahope o ke kua, e hii ana ma ke alo, naʻu i huli a lehulehu na lei keiki, nau hoi e luhi e kuu mama. Aloha o Kalihiwaena i ka Ua-poolipilipi; aloha o Kapalam i ka makani o-launiu. Eia o Kewalo ke uwe helu mai nei nou e kuu mama, hele aku la ka oe, hele pu no me ka ai, ka iʻa ame na mea no apau. Pehea ke hoi au, aole ka aʻu ai, iʻa ame na mea no hoi e pono ai ke kino na ko kaua mau hoaloha ame na makamaka e kipa mai ai? Aloha no kuu mama hele loa!
Ke hula nei au ia oe e kuu mama, aohe loaa. Eia aku nei paha oe i Kona kai opua i ka laʻi, i ke kui lei lehua puakea o Pinaonao, i lei no au mau luhi he mau moopuna. Auwe kuu mama e, kuu hoa pili hoi, hoa ohumuhumu no ka pono o ka noho ana! E mama e! Mahea ia hoi oe i nalowale iho nei? Haalele iho nei oe iaʻu ame au mau moopuna e noho i ka home o kakou, a e kanikau aku nou me ka puuwai luuluu. Auwe kuu mama hele loa e!
Ua hanauia kuu mama aloha ma Kapalama, Honolulu, nei, ma ka la 16 Sepatemaba 1872, a ua piha iaia na makahiki he 50, 5 mahina ame 18 la o kona hanu ana i na ea huʻihuʻi o keia ola honua ana a haalele wale mai la no iaʻu kana kaikamahine ame na moopuna me ka naau luuluu.
He puuku oia no ke Kalapu Demokarata o ka Mahele 9, apana koho baloka eha, a he peresidena no ka Hui Poi Imiola o Kewalo a hala wale aku la no.
He makuahine oluolu a aloha keiki; he mea nui hoi na moopuna iaia. He puuwai hamama a heahea i na malihini. Aloha wale kuu mama hele loa!
Ma ka aoao oʻu, o kana keiki ame ka ohana, ke haawi aku nei makou i na mahalo ame na hoomaikai piha ana i na lala o ka ahahui Poi Imiola o na wahine o Kewalo, na lala o ka Hui Lanakila, oiai oia kekahi lala, na lunanui ame na lala o ka Kalapu Demokarata o ka mahele 9 apana 4, no ka lakou mai makana pua ame ke komo pu ana mai ma kona huakai hoolewa hope loa, pela pu hoi i na hoaloha i kaʻi pu ma kona aoao ma ke ano he mau hapaipahu, no ka pailina Kakolika ma Koula.
Elike me Kana i hoike mai ai ma Kana olelo, "He ma-hu ke ola o ke kanaka i pu-a ae a nalo aku," pela hoi, "Mai ka lepo mai no ke kanaka, a e hoi aku no oia ilaila. E hoomaikaiia Kona inoa."
Owau iho no kana kaikamahine i hooneleia i ka mama,
MRS. HELELANI K. K. KIKANA,
Me ka ohana.
###
HE HOALOHALOHA NO MRS. K. HOLI, UA HALA
Mr. Solomon Hanohano, Aloha oe a nui loa: E oluolu oe e hookomo iho ma kahi kaawale o kau Nupepa Kuokoa i ike mai ai na kini ohana o kuu mea aloha, e noho mai la i ka la puka i Haehae a ka welona a ka la i Lehua, i kaʻu kanaenae aloha no kuu mea aloha he wahine Mrs. Helena Kekuawahia Keaunui Holi.
Ua hiolani aku la i ka moe kapu o Niolopua e hooipo ana hoi me ka eha lima ole a ke aloha, e moe ana hoi i ka moo kau a moe hooilo, auwe luuluu wale.
Ua haalele mai kuu mea aloha i keia ola honua ana, ma Kakaako, Honolulu Ianuari 18, 1923; ma ka home o kona mau pokii Mr. ame Mrs. Ioela Kiakahi.
O ka nui o kona mau makahiki he 56. I kona mau la opio ua mare me Kaaukai o Punaluu, Oahu. na hua ohaha i loaa mailoko mai o ko laua kihapai, Mrs. Paakaula, Mrs. Bowran, Mrs. D. W. Woodward o Kaimuki, me ke kane elua, hookahi keikikane Kiaimakani Kalili, me au kana kane hope; he mau pua no ua hala ma kela ao, a he keiki o Keoni Kalili na kona pokii ne kaikunane e ola nei, ame na pokii, a he ma moopuna lehulehu.
Ke kulana o kuu wahine aloha he akahai he puuwai hamama he akea ka nohona home ana, nona au e kaena ka nohona home ana, nona au e kaena nei elike me ka olelo a ka Buke Nui, o ka wahine noho pono he papalealii oia no kana kane.
No laila ua lilo aku la ua papale alii la, kuu makua kuu ohuohu, kuu kahiko nani o ka home.
Ia oukou e aʻu mau lei, Kahinu, Lokahi, Kiaimakani, Kaaukai, no oukou kaʻu uwe walania ana; Mr. ame Mrs. Ioela Kiakahi no olua keia ilihia, e kuu pokii wahine me ka makuakane puuwaiakea, ka nohona ohana ana.
E kuu mau pokiiwahine i lei keiki ia e ko oukou hanaumua, i kona mau la opio, no oukou kekahi waimaka ilihia; e kuu pokii kaikuahine, e noho mai la i Honolulu, nou kekahi waimaka.
Ia oe e ka uhiwai nani o Kaala, e kuu haku kaikuahine wahineaukai Kukea, ka makuahine puuwaihamama o ka nohona home ana ame na keiki, na moopuna, ame kuu lei o kuu mau la opio, ua hiki mai oukou i kuu la nui, i kuu la o ka ehaeha, lihaliha, kumakena, a owau ka ke aloha e luwaielie nei me ka waimaka.
E ka ua kukalahala o Honolulu, aole e hoopuu hou kou mau paka-ua lelehune ma kona papalina, peia hoi ia oe e ka ilima i wiliia me ka onaona o ka pikake, me ke ala o ka awapuhi o ka Haukomo, me ke ala o ka hala o Kekele, ke ala hoi o ke Koolau e kaulana nei, aole oia e honi hou ana i kou onaona.
E Punaluu, ma kou umauma lahalaha i hiipoiia ai, me Maliko ka home i hoopuniia e ka lau laau ka pomelaika, na kahiko o ia home; e Hauula i ka wai huʻi o Waipuhi ka home o kaua i Pakaalana Home, au i waiho iho ai iaʻu me na lei a kaua, e u aku me ka minamina.
Maluna ae o na mea apau, ke haawi nei au i kaʻu hoomaikai kiekie i ka poe apau i ku kiai i kaʻi mea aloha, i kahi o Silva, pela hoi me ka poe i ukali mai me kona kino puanuanu no ko maua home ma Hauula, peia hoi na ohana, na hoaloha i komo pu mai me aʻu ame na makana pua; e oluolu e lawe aku i kaʻu hoomaikai palena ole, a peia au e hoomaikai aku nei i ka Makua Rev. Nuuhiwa nana i hoomaikai i ka home a pela ma kona home lua, ma puu o Wao, Punaluu, ko lakou ilina ohana.
No laila ko iho la ka olelo a ka Buke Nui, he lepo oe, a e hoi aku no i ka lepo.
Owau iho no me ka luuluu,
JOSPEH W. H. HOLI,
Hauula, Koolauloa, Oahu.
###
KA BUKE HAUOLI!
Aole keia he Buke o ke ano hoomakeaka wale iho no, aka he Buke keia nana e hookomo mau i na manao HAUOLI i ka mea malama a i loaa keia Buke. O keia Buke kou puukalahala iloko o kou wa pilikia.
UA MAKAUKAU MAKOU E HOOKIPA MAI IA OE AME KAU HOAHU LIILII
E Hoomaka i keia la - i kau Buke Hauoli
Liberty Bank of Honolulu,
Limited.
Kihi o na Alanui Moi me Maunakea.
###
KA HALAWAI A KA AHAHUI EUANELIO MOKUPUNI O OAHU.
Ke hoikeia aku nei ka lohe ma keia i na ekalesia apau o ka Ahahui Euanelio Ahahuina o ka Mokupuni o Oahu e noho ana ka halawai a ia aha, elike me ka hooholo ana a ia aha, elike me ka hooholo ana a ia aha ma ke Kau o Okatoba, ma Kahuku, mai ka Poaha, ahiki i ke Sabati o Aperila 5, 6, 7, ame 8, elike me ka mea i hoopaaia maloko o ka papa kuhikuhi hana i hoomakaukauia e ke komite malalo nei, a ke noiia aku nei na elele apau o na ekalesia apau e hele mai me ka makaukau me na hoike kihapai, a e lawe pu mai i ke ola o ka aha. O keia malalo nei ka papa kuhikuhi hana:
Papa Kuhikuhi Hana
Poaha, Aperila 5: 2:00 a 3:30 p. m., na Kula Sabati; 3:30 a 5:30 p. m. , Aina ahiahi. 7:00 a 8:00 p. m., C. E. Rally.
Poalima, Apreila 6, 6:15 a. m., Kula Baibala e aʻoia ana e Rev. Jas. Akimo; 7:30 a. m., Aina kakahiaka; 8:30 a. m., Halawai haipule, na Rev. H. K. Poepoe e alakai; 9:00 a 11:30 a. m., Halawai hana a ka Aha Makua; 11:30 a 12:00 a. m., Haiolelo pili i ke keikikane, na S. W. Robley. 12:00, Paina awakea.
1:30 a 3:30 p. m., C. E.; 3:30 a 5:30 p. m., Kula Sabati; 5:30 p. m., Aina ahiahi. 7:00 a 8:00 p. m., Haiolelo hoeueu na Rev. N. C. Schenck.
Poaono, Aperila 7, 6:15 a. m., Kula Baibala e aʻoia ana e Rev. Jas. Akimo; 7:30 a. m., aina kakahiaka; 8:30 a 9:00 a. m., halawai haipule, na Rev. Ed kahale e alakai; 11:30 a 12:00 Haiolelo, na Mr. Andrew Adams; 12:00 Aina awakea. 1:30 a 2:30 p. m., Kula Sabati; 2:30 a 3:30 p. m., C. E., 3:30 a 5:30 p. m., Hoomaha; 5:30 p. m., Aina ahiahi. 7:30 p. m., Ahamele.
Sabati, Aperila 8, 6:15 a. m., Kula Baibala e aʻoia ana e Rev. James Akimo; 7:30 a. m., Aina Kakahiaka; 9:00 a. m., Hoonoho ana ia Rev. James Akimo i kahu; 10:00 a 12:00 Hoike Kula Sabati; 12:00, Aina awakea.
J. K. Nakila,
Kakauolelo.
###
HOALOHALOHA NO JAMES KUHAU KAIWI.
O makou, o ka ekalesua, Kula Sabati ame Ahahui C. E., o ka Ekalesia o Hanapepe, ma o ko makou komite la, ke komo pu aku nei iloko o kou luuluu, kaumaha, a kumakena pu me oe e Mrs. James K. Kaiwi, ame ka olua kaikamahine aloha, Mrs. E. Maemae Keahi, a pela hoi me na keiki, ame na moopuna apau, a ka mea aloha i hala.
Oiai ua kau mai la keia ao omamalu maluna iho o ko oukou home ohana, mamuli o ka hala ana aku o ka makua James K. Kaiwi, a ua waiho iho la ia oukou iloko o keia kaumaha nui, a pela pu hoi i na makamaka, na hoaloha, ame na kini haipule apau i kupa a kamaaina i ka makua aloha i hala aku la, ma kona ano he kakauolelo no ka ahalolelo o ka Akua ma kela mokupuni, a i na aha paeaina, aole no oia he mea uuku, aka, ua haule he kanaka nui iloko o ka ke Akua hana, ana i malama ai me ka maemae, ma na wahi apau o na aha o keia mokupuni e noho ai. Ua kiai, ua hoomanawanui i na hana, aneane no hoi e hoea mai ke kau o Aperila 1923; aka, ua pau e iho la!
Aloha no ke kanaka o ka hale o ke Akua. E Lihue i ka ua Paupili, pili iho la na maka o James K. Kaiwi, ma kou poli no ia, na ka make i hookaawale aku la,
E ke kula mahiki piʻo i ke one o Niumalu, ke kiei iho la Kalanipuu ia Papa J. K. Kaiwi, aohe ike iho.
Aloha wale Haupu, mauna kilohana i ka lai, i noho a kupa a kamaaina i ke alo, waiho no hoi na iwi o kamahele, hele no me ka manaolana.
Pomaikai wale ka poe i kiai,
A hoea mai Iesu,
Ina i ke ao, in a i ke aumoe,
E kiai ana no kakou.
E hoomalu mai ka mana o Iehova Sabaota maluna o ka makuahine aloha, me na keiki na moopuna a ka mea i hala, a na Kona aloha ame Kona lokomaikai, e hoomama mai i na kaumaha ame na luuluu,
E hele ae ka mea luuluu,
E hele i o Iesu,
A nona mai ka maha ou,
Ame ke aloha pu.
Makou iho no,
Komite Ekalesia-
D. K. KAPAHEE,
Komite Kula Sabati-
SAM MAILEKAI,
Komite Ahahui C. E.-
MARY KAPAHEE,
Lunahoomalu o ke Komite-
NORA K. CHANG,
###
PANE HAINA MOA.
Mr. Solomon Hanohano; Aloha oe a nui: E hooluhi hou aku ana no au ia oe, ua hele no hoi apau kauna o ka hoounauna ana, aole wahi leo kunukunu i loheia aku mai ia oe mai, e ke kapena hoomanawanui o ka mokuluu (Nupepa Kuokoa).
Ua hookele aku oe i ua moke nei maluna o ka ilikai o ka Moana Pakipika i ma wa lana malie, a i ke owalawala ana mai o na ale ahiuhiu, ua luu aku la ia i ka papaku o ka moana, a e kuhikuhi ana ke panana i ka lonitu ame ka latitu o ka ihu o ka moku, a pae maalahi aku la ma na kapakai like ole o ke Teritore nei.
Ua kilakila oe, a pookela hoi iwaena o kou lahui o koʻu ike keia; ua lawe aku oe i na ukana nui ame ka liilii; no laila, e ahonui hou mai no oe i kaʻu wahi ukana liilii, i haliia aku ia imua o ka makamaka hanohano S. K. Nawaiekolu, keiki o ka peni hulumoa, o ka Panalaau o Kalaupapa, Molokai.
Haina a ua keiki nei no ka ninau moa; "Ma ka mana o ka paila laau."
Piha pono iho la kauna o koʻu hoole ana i ka pololei ame ka lalau o na haina. Kuekaa hou ia mai ua wahi paila laau nei.
Me ka mahalo,
GEORGE MALUNA,
907 Waiakamilo Road, Honolulu.
###
I ka manawa e hiki ai i kela ame keia kanaka e hooulu i kekahi ai na kana mau moa, a e kaukai wale no he mau mea liilii mai na halekuai huika, a kulina paha, o ka hoomaka ana no ia o ia kanaka e ohi i na pomaikai oi aku. Aole e pau ana ka ai huamoa ana o na kanaka o ka honua nei, a elike me ia makemake mau ia o keia mea o ka huamoa, pela no ka loaa mau o ka hana a na kanaka hanai moa, no ka hoolawa ana mai i keia poe makemake ai hua a moa pu no hoi. O ka loaa ana i kekahi kanaka o kekahi apana aina nui kupono e loaa ai iaia kahi e holoholo ai kana mau moa, ka hana mua. A i ka loaa ana, ua pau kekahi pilikia nui o keia oihana. Aole he mea maikai ka loaa ana, ua pau kekahi pilikia nui o keia oihana. Aole he mea maikai ka hoopaa ana i na moa ma kahi haiki, no ka mea he holoholona makemake keia i ka holoholo mao a maanei.
###
Honolulu Planing Mill,
LIMITED.
POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.
ALANUI PAPU, ESPLANADE
###
NA LEKA KII OLE IA MAI AHIHI I MAR. 10, 1923.
Kaapuni, William
Kahanu, Mrs.
Kapu, Jr. Jno
Kawa, Henry
Kawaluna, Lincoln
Keliinui, Sam
Lea, Mrs. Anna
Makahio, D. M.
Makekau, Sam
Makekau, Mrs. Mileina
Manoa, Mrs. Rebecca
Nunuha, John
Waiwaiole, Joe
E ninau mai ma na leta i hoolahaia ke kii mai.
D. H. MacADAM,
Lunaleka.
###
He Huina Dala Uuku Anei Kau i Makemake Ai e Hoopukapuka?
Pinepine ka loaa ana i kekahi mea o kekahi huina dala he uuku loa nae no na hana hoopukapuka maamau, ana nae i makemake ai e mau ka hoohana ana O kahi maikai loa no kela dala aia maloko o ka Hoahu Hoike Manawa.
E ninau ma ko makou mau keena oihana.
The Bank of Bishop & Co.,
LIMITED
Ka Banako Kahiko Loa ma Hawaii Nei.
Kukuluia i ka 1858.
Huina Waiwaipaa he $16,000,000.00 a Oi
###
Money Jingles
UA IKE ANEI OE?
O ka mea nune mau ia i keia wa o ia no na BUKW A NA KAMAIKI i hoopukaia iho nei.
Ua paʻiia me ka noeau - palapalaia me na manao naauao - a ua paʻi pu ia hoi me na kii o na waihooluu like ole.
E hoike ana he mau manao hoohauoli - e hoike ana i ke ano o ka Hoomakaulii ame na mea e lilo ai i Makaainana maikai.
He mau ano nui o ke ano hou loa, e nele ole ai ka hauoli o na kamaiki mai mai ka 3 a ke 80 makahiki.
Ua loaa mai nei ko makou haawina o ka helu mua, a ke makemake nei makou e loaa i na kamaiki apau e loaa ia lakou keia buke. EIA KE KALI NEI KAU BUKE IA OE - Hele mai e kii i keia wa. E haawi wale ia no ma ke ano makana.
He hauoli loa makou i ka lawe ana mai i kau mau hoahu liilii.
He 4 pakeneka ka makou e uku nei no ka makahiki.
Kihi o na Alanui Moi ame Nuuanu.
Chinese-American Bank
Kihi i na Alanui Moi ame Nuuanu. Honolulu, T. H.
Pahu Leka 2000 Kelepona 6119
###
PEPA HALE HOU O NA NO APAU
O ka pepa hale uʻi ka mea nana e hooulumahiehie i ka home, no ka mea o ka waihooluu o ka pepa o ka 1/2 ia o na lako hoonani o ka rumi. E hooluolu mai ana ia ia oe a i ole e hoonaukiuki mai ana.
O na pepa hou o elua ano he kahua hoonani uʻi ia no na lako hale, na kii, na moena ame na kanaka.
He pono i kekahi wahine e hiehie maloko o kona home ponoi. Ua aie oia ia mea i kana kane ame ka ohana.
Ei me makou na pepa hale a ka poe hana pepa kaulana.
AMERICAN FACTORS, LIMITED.
###
He Manaoio Anei Oe i Ka Hoomakaulii?
I na he manaoio oe i ka Hoomakaulii, alaila, e hele mai no ko makou hale kuai bipi nei e kuai ai i kau mau iʻo bipi. He emi loa na iʻo bipi palai, ku, a pela wale aku, ma ko makou hale nei, i loaa ole i na hale e ae apau.
Aole wale no o na iʻo bipi, aka, o na iʻo Kamano momona paakai, a i ole hoomoʻs uwahiia.
Na iʻo Hipa ku, he oi aku ke emi maanei e koe nui ai kau kenikeni iloko o kou pakeke.
O Ke Koe Nui Ana o Kau Kenikeni Iloko o Kou Pakeke e Hiki ai ia oe ke Hoihoi ia Koena i ka Banako o ia ke Keehina Hoomakaulii
Metropolitan Meat Market
Ma ka aoao Waikiki o ke kihi mauoka o na Alanui Moi and Bekela