Ka Nupepa Kuokoa, Volume LXII, Number 10, 8 March 1923 — IKEIA KA MANAO KU-E O KE SENATE [ARTICLE]

IKEIA KA MANAO KU-E O KE SENATE

- 1 ka nana aku. mamuli o na manao hoakaka o kekahi mau hoa o ke Senatc. aia iloko o lakou kekahi manao, no ka hoololi ana i ka lunakula nui no ka oihana hoonaauao o Hawaii nei, me ka hoololi pu ana i ke ano o ke a'o ana aku maloko o na kula, no keia nee ana aku omua. He hookahi mea hiki ole ke hoohewahewaia, ua ike maoli na hoa o ke senate, i ka nui o na hoolilo o ka oihana hoonaauao, elike me ka huina o ka bila haawina i makemakeia no kela keena, no na makahiki elua e nee aku nei, o ka hooili ana aku i na ahewa ana»no ia mau hoolilo nui hewahewa. aole ia maluna o ke kanaka hookahi. aka maluna o kekahi mau poo lehulehu, ka poe i haawiia aku ai ke kuleana ame ka mana, e hookele ai i ka oihana hoonaauao maloko o keia Teritore. Me kela kulana i hoomaopopoia aku iloko o na hoa o ke senate, no ka lunakula nui; he mea pono no e hoonohoia ae, i mea okoa nia kela kulana, ina ia he kumu e hooiia ae ai ke ku'ana maikai, ka holomua. ame ka hoemi lilo-. o ke keena hoonaauao no keia mau makahiki elua e hoea mai ana.