Ka Nupepa Kuokoa, Volume LXII, Number 10, 8 Malaki 1923 — WAIHOIA MA KA PAPA [ARTICLE]

WAIHOIA MA KA PAPA

O ka palapala hoopii a ka Ahahui o na Wahine Hawaii i hookomoia ae e Senatoa S. L. Desha, e noi ana e hanaia kekahi kanawai e hoenuhe ana i na kanaka e ahewaia ana no ke karaima hoopoino i na kaikamahine opiopio; ua waihoia ma ka papa, mamuli o ke apono ana o na hoa o ke »enate f i ka hoike a ke komite hookolokolo, maluna o kela palapala hoopii. Ua nui na manao ku-e i ala ae iwaena o kekahl poe « kakou, mai na kane a na wahine, no kela pa!ftpaJa hoopii, me k« hooiliia ana aku o na ahewa ana, maluna o ka Lunamakaainana W. J. Coelho ame Senatoa S, L, Dcsha, k? o laua na mea i waiho akti i ka palapala hoopii, he mau ahewa pololei

ole nae, oiai maloko o ke keena o ka loio kuhina, i hoomakaukauia ai kela palapala hoopii. a o ka hookomo wale ana aku no ka kela.mau mea, ili hewa aku la nae ka huhu o kekahi poe maluna o laua. lie hana ku i'o palia i ka hoomainoino. a he hoopa'i kupono ole, ka hoenuhe ana i kekahi kanaka. e ahewaia ana no ke karaima hoopoino a hoohaumia i na kaikamahine liilii, aka nae, ua ala mai ka manao iloko o na makuahine Hawaii, mamuli o ka huhu no na hana i lawelaweia, a e lawelawe mau ia nei maluna o na kaikamahine opiopio ame na wahine opio. Ua loaa like no kela manao inaina iloko o na makua mea keiki apau, a iloko hoi o na makaainana. i makee i ka inoa maemae o na keikikane ame na kaikamahine Hawaii; nolaila, ina pahā, he hana hiki ole loa, ka hooko ana aku i ka makemake o kela mau makuahine Hawaii. elike me ka lakou palapala noi, alaila ua ili iho ke ko'iko'i maluna o na hoa o ko kakou ahaolelo, ka hana ana mai ame ka hooholo ana i kekahi kanawai i kaokoa ae ka hoopa'i o keia ano karaima, mai na hoopa'i mai o na karaima e ae. Iloko no o keia mau la. e hookolokoloiā mai nai na kanaka opio eiwa. malalo o ke kumu hoopii, ka hoopoino a hoohaumia ana i kekahi kaikamahine opio. Ua lawelawe hou ia ae la no ia ano hana hookahi, e kekahi pofc, maloko nei o keia kulanakauhale; pehea auanei la. e nele ole ai ke ala mai o na manao ku-e ileaika iloko o ka lehulehu no kela ano hana?