Ka Nupepa Kuokoa, Volume LXII, Number 10, 8 Malaki 1923 — He Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

"Ac, ua eha au ma kuu lima hema," i pane ae ai ke kaikamahine me ka uwe pu i ka eha, a ke ike la o Vekinia i ka lewalewa o kona lima ma ka aoao me ka haalulu a hoomaopopo iho la ua haki io kona lima. "E pono kaua e hookaawale koke aku iwaho mailoko aku o keia wahi poino me ka hoohakalia ole no ka mea, ke piha nei oloko nei i ka uwahi a manao au he ahi ke a mai nei ma kekahi wahi e aku o na kaa; e wikiwiki kaua i ka hele ana aku," wahl ana. E makaukau ana laua e huli ae a haalele iho i kela wahi, a ia manawa lohe like aku la laua i ke kapalili mai o ka leo 0 kekahi mea i halawai me ka pilikia mai kahi mai o ka uwahi e puka mai ana, me ke kahea pu mai me ka leo nui: "E kokua! E kokua! Aole anei he mea kekahi e hele mai ana e hoopakele ae ia'u mai keia wahi ae; eia au la iloko o kahi haiki loa e hiki ole ai ke hoopakele ia'u iho?" Ua maopopo loa keia mau huaolelo o ka pa-e ana mai a pa pono ma ko Vekinia mau pepeiao, he mau huaolelo i hiki ole iaia ke nanamaka wale aku me ka haawi ole aku i kekahi kokua, elike me ka leo noi a he mau huaolelo hoi i holo ae ai ke anu maeele ma kona kino apuni. "Aia kekahi mea i poino ma o a e make ana oia mamuli o ka wela i ke ahi, ina aole e hoopakele koke ia ae oia iloko o ka wa pono. Heaha ana la ka mea hiki ia kaua ke hana aku nona?" wahi ana me ke pihoihoi loa. Aohe mea hiki ia Mina ke hana aku me kona lima i haki, oiai ia manawa ke uwe pu la no hoi oia i kona eha; aohe no hoi he kanaka kokoke mai ma ia wahi e hiki ai la hoi ke kauoha aku iaia e hele aku e hoopakele i ka mea nona ka leo i kahea mai la no ke kokuaia aku, 110 ka mea, o kela ame keia ohua oluna o ke kaa i loaa ole he poino ua haalele mai lakou 1 na kaa a ua imi aku i ko lakou wahi e palekana ai. He minuke ia i kau iho ai ke koikoi o ka noonoo ana.maluna 0 Vekinia no kana mea e hana aku ai i mea e hoopakeleia ae ai ka mea nona ka leo, no ka mea aole hiki iaia ke liaalele ia mea i poino me ka haawi ole aku i kekahi kokua, me ka nana o!e,aku owai la ia mea, a e make oia mamuli o ka a-ia mai e ke ahi. Lawe mua aku la oia ia Mina a kaawale mailoko aku o ke kaa, a olelo iho Ia e loaa aku ana o Veki iaia malalo o na opu nahelehele aole i mamao l'oa mailaila aku, a i ko Mina hala ana aku, hoi hou mai la oia iloko o ke kaa no ka huli ana aku 1 ka mea i poiilo nona ka leo ana i lohe aku ai. "Aia oe mahea?" i kahea aku ai oia me ka leo nui oiai oia e hoomau aku ana i ka nihi malie no kahi ana i manao ai mailaila mai ka leo ana o ka lohe ana aku. "Eia au maanei!" wahi o ka leo nawaliwali o ka pane ana mai. "O, e wikiwiki mai oe! Aneane loa e paa kuu hanu no ka moni i ka uwahi! E pau ana au i ka a-ia e ke ahi me nei ola no o'u ke hookaawale koke ole ia aki*. au i ka wa pono! E wiki, aohe o'u wahi i koe!" a lohe pu aku la o Vekinia i kona uwe mai, ka leo o ka mea i piha loa i ka ehaeha a e ailiili wale ae ana no. He wahine ka mea nona ka leo a o ka mea hoi i halawai me ka poino, pela k aVekinia hoomaopopo aku, nolaila na hoalaia ae la ke aloha nui iloko ona no ia wahine i poino, eia ka auanei o ka mea no i manaoino a nana 110 hoi na hana hoopilikia iaia i na wa i hala aku oia ia. la hookolo aku la oia ma kahi o ka leo i pa-e mai ai ahiki i kona loaa ana aku iaia, a iaia i ike aku ai i ke kupilikii loa 0 ke kulana o ka wahine ia manawa aneane loa e helelei iho kona mau waimaka, no ka mea ua paa loa ua wahine la mawaena o ka moe i nahaha ame ka aoao o ke kaa i opa ia mai iloko i ka wa i kahuli ai, a ma kana nana iho he hana paakiki no ka hoopakele ana ae iaia. He kulana kupilikii loa ko ka wahine a he nanaina manaonao 110 hoi i ka \ ekinia nana aku, no ka mea ia manawa, ke ike aku la oia i na alelo manamana ana ole o ke ahi ke hookokoke loa mai la i ka wahine, a ke oi loa ae la hoi ka punohu ikaika loa o ka pii ana o ka uwahi, e hiki pono ole ai ke hanu ae. Ua ike pu ae la no ka wahine ia mau ulaahi e hoookoke loa mai la iaia a ua hoopiha loa ia iho la oia me ka ehaeha ame ka maka'u pu, me ka loaa pu o ka manao'iaia ia manawa ua kokoke loa mai kona manawa hope loa ma keia ao, ina. aole oia e hoopakeleia ae ana-i ka manawa pono. "E hoopakele ae oe ia'u!" wahi ana. "E wiki, e pau ana au 1 ke ahi ina e hookaawale koke ole ia aku au! Aole o'u makemake e make me keia ano make weliweli! Ea, e huki koke aku ia'u!" wahi ana me ka aneane loa e pau ke aho. la minuke aia ka manao ikaika iloko o Vekinia e hoopakele i ka wahine, aka ia manawa like ke ike iho la no oia iaia iho aole i lawa ka ikaika iloko ona e hookaawale aku ai i kahi 0 ke kaa i opapuia mai ai, a i ole wawahi paha i ka aoao o ka moe i mea e hiki ai ke hemo mai ka wahine. "Ee hele ae au e kahea i kekahi mea e loaa aku ana ia'u e hele mai e kokua ia oe, ke ike aku nei au he hana hiki ole ia'u me ko'u wahi ikaika uuku ke hoao aku e hoopakele ia ae," wahi ana i pane aku ai i ka wahine. "Aole! Aole! mai haalele mai oe ia'u!"" i kaohi mai ai ka wahine me ka leo i like loa me-ko kekahi mea i hoopupuleia ka noonoo. "E ka madame, he mea hiki ole ia'u ke hana aku i kahi mea no ke kokua ana aku ia oe, o ka hana maikai loa na'u ke kii ana aku i kekahi mea e kokua ia oe, aka nae, mamua o kuu hele ana aku e oluolu oe e hoike mua mai ia'u i kou inoa no ka mea, ina no kou poino nei mamua o ko'u hoi hou ana mai e hiki ana hoi ia'u ke hoike aku i kekahi poe no ka mea e pili ana nou." "O ka Lede Linetona au a o ke Kalana Hamesire, Enelani, ko'u onehanau o ko'u holo koke ana mai nei no ia no Amenka nei me kuu keikikane ame kuu kaikamahine no ka makaikai ana ia Amerika nei, a eia ka he holo ana mai nei hoi keia e halawai ai me keia poino. He mau hoaloha e ae no kekahi o'u aia ma Kikako e kakali mai la. E hele koke aku oe e kii 1 kekahi mea kokua a e hoopakele ae ia'u ina e hiki ana!" Aneane loa e pau ka pana ana a kona puuwai ia manawa a ia manawa like elike me ka anapu ana a ka uwila a e holo ana kona malamalama ma o a maanei me ka hikiwawe loa, pela no na noonoo like ole e ulu ana iloko o kona 1010 ia manawa. Hc hana paakiki na Vekinia ka hoopoina ana i ke kii ame

ka nanaina o ka wahine iloko o ka pilikia ana e ike aku ana ia manawa, o na huaolelo a ka wahine i pa-e mai la i kona mau pepeiao me ka ikaika ua hiki ole iaia ke hoomanawanui i ka ehaeha, no ka mea ua kuhaiki loa kahi e loaa ai ka palekana iaia ia manawa. Ma kekahi manawa kokoke i hala, mamua aku ua hooikaika oia ma na ano a pau e hookaawale iaia iho mai ka halawai ana aku me Wiliama Hita me kana wahine, a eia nae hoi ke halawai nei oia me ke kaikuahine ona ma keia ano kamahao loa, ka wahine i manaoino iaia a i kakau mai ai hoi i kekahi mau leka ia Mrs. Eanamu, ke aikane ana, he mau makahiki lehulehu i kaahope aku, a i poina ole hoi na huaolelo a pau 0 ia leka i kona waihona noonoo, me he mea la, ma ka la wale aku no manuia ia leka o ka loaa ana mai iaia. O keia wahine iloko o ka pilikia ana e ike aku ana oia no ka wahine i manaoino loa iaia a i'olelo mai ai hoi i kona kupono ole e lilo i wahine na kona kaikunane; o keia no ka wahine 1 kakau mai ai i ke aikane e hookaawale loa iaia ma kekahi wahi mamao loa e ike oleia ai oia ame kana kaikamahine, me ka makemake ole e ikeia kona helehelena, a eia oia imua o kona alo i keia manawa. E haawi fku anei oia i ke kokua iaia, a i ole e haalele aku paha iaia Aialaila e make oia malaila i na ulaahi? I 0 ia mau no ka makamaka iloko o kona noonoo o na hanā lokoino a keia wahine, o kekahi o ia mau hana o ia kona hoouna ana mai hookahi hanen paona no ka hoonana ana mai i kona manao i hooluuluuia, no ke kaawale ana aku o kana kane mai iaia aku, a o kekahi kumu, hiki ole ke ikeia mai oia he hakuwahine no ka Hitadela. "O keia ano anei ka hoopa'i kupono no kana mau hana lokoino a pau i hana mai ai iaia?" i ninau iho ai oia iaiSt iho. E haalele anei oia iaia e make malaila i uku no kana mau hana ino a pau, me ka haawi ole aku i kekalii kokua? Ej panai aku anei oia i ka ino no ka ino i hanaia mai ai iaia o na la i hala? He pilikia koikoi loa keia o ka wahine o ka laweia ana mai a ikemaka aku oia i kona hopena, he hana hoao ikaika loa hoi iaia ia manawa. No kekahi mau minuke ke komo ana iho o na manao debolo iloko ona me he mea la e hawanawana okoa iho ana no ma kona mau pepeiao. "Ua kokua a ua hooikāika oia ma na ano a pau e hoopoino ' i kou ola; ua hoino oia ia oe me ka hoowahawaha loa; ua hoao oia e hoohoka .ia oe i kau kane a ua hoauwanaia oe me kau kaikaniahine 110 na makahiki lehulehu, me kou auamo ana i na ehaeha he nui o keia ola ana; no keaha oe e panai ole aku ai i ka ino no kana ino i hana mai ai ia oe, a hookuu aku iaia pela e make i ke ahi? E make oia e pono ai, i ukupanai no' kana mau hana hewa a pau ia oe!" He mau minuke ia o ke kupilikii loa o kona noonoo, no ka niea ke hakaka la na manao paiolua like ole elua iloko ona me ka ikaika ia manawa; he ikaika loa ka hookokono ae a na manao awahua, a he nahenahe loa hoi ka leo o ka lunamanao maikai a uhane alakai aloha. 1 ka loaa ana iaia o ka manao aloha, me ia ku mai no o na hana lokoino lehulehu a ke kaikoeke lokoino ona maniua ona, hooholo iho la no oia e hoopakele iaia, a i aku la: "E hoao ana au e hoopakele ae ia oe, elike me ka hiki ia'u; e hoolana i ka manao a mai maka'u, e hele koke aku au e kii i kekahi mea e hele mai e kokua ia oe mailoko ae o keia pilikia nui," o ko Vekinia kaha mai la no ia hele iloko o ia pouli o ka rumi i ka uwahi a e kokolo hele ana hoi ma o a maanei elike me ka makaala hiki iaia, a hiki i ka puka ana iwaho mai ke kaa mai e a-ia ana e ke ahi, a iaia i oili loa aku ai iwaho, loaa koke aku la no iaia kekahi kanaka, a paa kona lima i ka hopu ia, a i aku la: "E i nei, hele mai kaua; aia kekahi wahine maloko o ka halekaa i nei manawa. ua paa loa i ke kaa i nahaha ai, a ua hiki ole iaia ke oni ae, e hiki ole ai ke hemo; ke a-ia mai la ke kaa e ke ahi, a e make ana oia i ke ahi ina aole e loaa koke aku ana kekahi kokua iaia." Aohe pane koke mai o ia kanaka, nolaila, kauo okoa mai la no oia iāia ma kona lima me kahi ikaika uuku i loaa iaia, no kahi o ke kaa e ku mai ana a e a-ia ana hoi e ke ahi, a u komo like aku la iloko o ke kaa, kahi ana o ka haalele ana aku i ka wahine i lilo i enemi nona, a i nei manawa nae hoi o ka pilikia ua hiki ole iaia ke nanamaka wale aku iaia. 1 ko laua hoea ana aku iloko .o ke kaa kahi a ka wahine e uwe mai ana no ke kokoke loa mai o kona hopena i-mai la ke kanaka: "Aole e hiki ana ia'u ke kokua ake hookaawale mai i kela wahine mai kela wahi mai—aole no e hiki ina he umi māu kanaka maanei mamua o ko kaua pau like ana i ka make." "Kahaha! Aole ka hoi oe i hoao ahiki ole, hoole m'ua nae hoi oe i ka hiki ole ke hoopakele ae iaia; e hoao hoi paha mamua. E pono oe e hoopakele ae iaia. He hiki loa ia oe ke hoopakele iaia ina he manao kou e hoopakele i ka hoakanaka iloko o keia pilikia," i pane aku ai o Vekinia, me ka hookikina aku i ke kanaka e hana koke, me kona piha loa i ka huhu, a no ko ke kanaka kunana, liopu okoa aku la no o Vekinia i kekahi o ke kaa i naha a hoao ae la e hookaawale aohe nae he hiki, elike no me kana i ike ai mamua. No ka ike ana mai o ke kanaka i ko Vekinia aa loa e hana i mea e hoopakele ia ae ai ke ola o ka wahine e nui mai ana ka leo i ka uwe, hopu io aku la ke kanaka i ka aoao o ka moe aka wahine e moe ana; ua hemo io mai la ka papa aoao o ka moe, a ike iho la laua ia manawa e hoopakeleia ana ka wahine. Ua nui ae la ka waha o ka wahine i ka uwe ia manawa, a meha hou iho la. "O, huki mai iaia iwaho? Na'u e paa ae i keia laau e koo nei no kekahi manawa," i kauoha aku ai o Vekinia, a me kona wahi ikaika a pau i paa ai oia ia pauku laau kaumaha, a i ke kanaka iho e kauo mai. ana i ka wahine mai kalii mai ona i paa ai, a ia hemo ana mai, hapai ae la ke kanaka i ka wahine i aneane e pau ke aho a kaikai malie mai la iaia iwaho o ke kaa. I ko laua hoea ana ma ka puka o ke kaa, kahea aku la ke kanaka i kekahi poe e hele mai e kokua ma ka hapai ana aku i ka wahine i aneane loa e maule ia manawa i ka i ana aku. "O ke ku mai no ka hoi ka oukou e nana aohe hele mai e haawi i ke kokua! Haawi mai i kekahi lima kokua maanei," a no ia kahea ana aku ana, eha mau kanaka i hele mai e kokua ma ka hapai ana aku i ka whine ahiki i ke kaawale ana mai ke kaa aku, a o ke kanaka nana i lawe mai i ka wahine poino mailoko mai o ke kaa, huli mai la oia ihope e kokua ia Vekinia 1 ma ka hookuu ana aku iaia ilalo mai ke kaa aku, no ka mea, ia manawa, mamuli o na manao pihoihoi like ole iloko o Vekinia, aneane loa oi£ ,e maule. Aia iloko o ka noonoo o ke kanaka ia manawa ka mahalo , no \"ekinia. ka wahine koa i mauna i kona ola no ka mea pi- ■ likia, a ina paha i maopopo ia kanaka ia manawa o ka wahine i a Vekinia i hoopakele ai o kona kaikoeke no ia i hoolilo iaia : i enemi nona i na manawa aku i hala, e oi aku ana kona mai halo iaia no ka lilo ole o na hana lokoino a kona enemi i mea [ nona e hoomauhala ole ai a haalele aku iaia e inake, me ka hana ole aku i kekahi mea nona e hoopakeleia ai. Aneane loa e haalele mai ka ikaika i ko Vekinia kino ame > ka noonoo maikai hoi iloko o kona 1010 ma kona manawa i hapaiia aku ai a kaawale mai. ke kaa aku e holapuia ana e ke ahi. (Aole i pau.)