Ka Nupepa Kuokoa, Volume LXII, Number 10, 8 March 1923 — LIHALIHA WALE KUU LEI. [ARTICLE]

LIHALIHA WALE KUU LEI.

Mr. Solomon Hanohano, Kapena 0 ka mokulele, Nupepa Kuokoa, Aloha kaua:—E oluolu mai i ka'u wahi ukana, e hookau aku ma kahi kaawale 0 kou mau oneki, i keia mau mamalaolelo e kau ae la maluna, no kuu lei, kuu luhi hoi he keiki James L. K. Nichols. Ua hala, ua nalo na maka 0 kuu lei aloha he keiki, kuu hoa pili hoi 0 na wahi apau, ua piliia e a'u me kuu keiki i ka aina i kaulana i ke kaunaoa (Molokai), na ale hanupanupa 0 ka moana kai 0 Kaiwi, ka uluwehiwehi o ka ua Kukalahale o Honolulu nei. Oiai oia e liilii ana no, o ka elima paha ia o kona mau makahiki, hoi mai la au me kuu lei no Honolulu nei, 0 kuu hoa lei keiki hoi he (w) noho aku la no i ka hili lei kaunaoa, mai ia manawa mai, kou lei hookahi ana i kuu keiki ahiki iho la i kona haalele ana mai la ia'u kona papa, Ua hanauia mai kuu lei aloha i lulai 29, M. H. 1910, a pili iho la na lihilihi maka 0 kuu lei aloha, i Feb 19, 1923, ua piha iaia na makahiki he 12, a oi, 0 kona hanu ana 1 na ea o keia honua akea, auwe, kuu lihaiiha e, kuu minamina hoi i knu lei, kuu luhi, kuu hoa pili hei! Ko ae la ka ka Buke Nui i hoi!»e mai ai, he mahu ke ola o ke kanaka i pu'a ae a nalo aku la. Ua hoonaauaoia oia ma ke kula 0 na opio Kameliai ma Waikiki nei, auwe, kuu keiki e, kuu minamiua lio.i, kuu lima akau o keia nee ana aku o kuu mau la elemakule, ua poho ia manaolana o kona papr nei, ua pau ua kuu kona auwe ana

i na ehaeha 0 ka pilikia i kau iho īnaiuna 0 kuu lei aloha. Zia me a'u ia mau ehaeha apau 0 u aku nei, i ka po, me ke ao, e hoonana ae ana i kuu aloha aole loa ia e pau, kuu loi e, hoi ua nele kuu puuwai i ka waihona maikai, ua anu pu hoi au e noho nei, ua lawe oe i ko kaua kapa e moe ai o ka po, ke au nei au ia oe mao maanei, aole o'u ike ia oe, e kuu lei, hoi mai hoi kaua, a ke hapapa wale ae nei au i ko kaua wahi moe, aole oe, ke kahea aku nei au ia oe me kuu mau waimaka e hele mai kaua e inu kope, aole o'u lohe aku i kou leo, auwe kuu lei, kuu luhi e! , E na pali hauliuli 0 ke Koolau e, aole kuu lei e ike hou ana ia mau pali, E ke kai hone o Waikiki e, ka pu'eone e, aole e auau hou ana kuu lei ia kai, ua pau, ua kapu ia kai na ke konohiki, ke hooki nei au me kuu mau waimaka 0 ke aloha poina ole, no kuu lei ko haawi nei au i ka'u hoomaikai nui, no ko'u mau hoa paahana malalo 0 Mr. Henry Mav, no ka lakou makana aloha nui ia'u. Ke hoomaikai ae nei au i ka Haku 0 na lani kiekie, me ka'u pule, e hoopiha hou ia mai na waihona 0 ko'u mau hoa a oi ae i keia. Ei hoomaikai pu aku ana hoi i na ho- j aloha i hui pu mai me a'u i na hora o ko 'u luuluu; me na keiki oniu hua mekala ko'u welina nui. Owau no me ka naau luuluu, G. KUULEI NICHOLAS, •