Ka Nupepa Kuokoa, Volume LXII, Number 10, 8 March 1923 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

EHA NUPEPA KUOKOA HONOLULU, T. H., POAHA, MARAKI 8, 1923

 

NA HANA A KA HALE.

La Hana 5.

Na hila i hookomoia ae ma keia la o ia keia malalo nei: 

H. B. 80–E noi ana i uku hoomau no O. B. Larsen.-Fernandez. 

H. B. 81–No ke kukulu ana i kula kiekie junior no Waialua. - Fernandez. 

H. B. 82–No ka uku hou ana aku ia J. D. Freitas. – Paschoal.

H. B. 83–E hookaawale ana i $45,000 no ke kokua ana aku I ka poe i hookuuia mai ka halemai mai o Kalihi ame ke kahu mai o Kalaupapa.-Pascboal.

B. H. 84–E ho ʻ okapu loa ana i na lahui e aole e lawaia maloko o na kai i ke Teritore.-Joseph.

B. H. 85-E noi ana i mau uku rooman no J. G. Lincoln, J. H. Maby ame kekahi poe e ae.-Aona.

B. H. 86–No ka uku hou ana aku i kekahi mau limahana o ke aupuni kulanakauhale no na ukuhana o lakou I hoolaweia ae.-Coelho.

B. H. 87–E pili ana i ka papahelu waiwai paa o ke aupuni.-Lowrey.

B. H. 88–E hoakaka ana I na hora hana aupuni.-Anderson.

B. H. 89-No ka uku ana ia Dr. J. K. Carey ma ke ano he kauka huki niho ma ka halepaahao o Oahu.-Cunha.

B. H. 90–E pili ana i ka hooko ana aku i ke kanawai no ka uku ana I na auhau.-Anderson.

B. H. 91–E hoakaka anano ka hoopaa ana i na inoa o na kahumai.-Hussey.

B. H. 92–No ka uku hou ana aku ia John C. Lane i ka huina o $30.-Cunha.

B. H. 93–E hookaawale ana i ha ʻ awina dala no ke kokua ana aku ia J. E. Fernandez.-Cunha.

La Hana 6.

B. H. 94-E hookaawale ana i ka huina o $1898.90 no ka hookaa ana aku i na koi i ke aupuai.-C. C. Rice.

B. H. 95-E pili ana no ke kula ia maemae o ka aina i kupono no ke ola kino.-Vitousek.

B. H. 96-E hoakaha ana i na mea e pili ana i na haku aina.-Vitousek.

B. H. 97-E noi ana e hookaawaleia i ha ʻ awina dala no ka hana ana i mau alanui no ua aina hookuonoono o Papaaloa, Hawaii.-Pedro.

B, H. 98-E pili ana i na la kulaia aupuni.-Coelho.

B. H. 99-E noi ana i uku hoomau no Joseph Veira.-Vicars.

B. H. 100-E noi ana i mau uku hoomau no Mrs. Annie Kanakanui ame kekahi poe e ae.-Auld.

B. H. 101-No ka uku ana aku ia B. K. Ka_ne no kona ukuhana i laweia iloko o kona manawa e ma’i ana.-Auld.

B. H. 102 E noi ana i uku hoomau no R. Puuki.-Hayselden.

B. H. 103- E noi ana i uku hoomau no J. K. Kapuniai-Hayselden.

B. H. 104-E hoakaka ana e kaa aku malalo o na loio kalana ka ho ʻ omalu ana i ka oihana makai o na kalana ame ke kulanakauhale ame kalana.-Silva.

B. H. 105-E pili ana i na makai a mau luna na lakou e makaala i ka pono o na keiki.

B. H. 106-No ka hookaa hou ana aku ia Mrs. F. E. Midkiff ame Violet A. Harrison no na auhau loaa makahiki i ohi hewa ia no ka waiwaiio o na makana i loaa ae.-Wilder.

B. H. 107-No ka ulu ana aku I na limahana o ke Kalana o Hawaii no na ukuhana I hoolaweia I ka 1922.-Pedro.

B. H. 108-No ka hoomaalahi I ka ohi ana mai I na auhau.-Clark.

H. R. 30-No ke kukulu ana ae @ kula a@o mahiai ma kahi e pili kokoke mai ana I ka mahiko o Ewa a e hookaawale ana I $100,000 no ia hana.-Anderson.

Holo ma ka heluhelu eluaia ana ka B. H. 10.

Hoolo@@a ka B. H. 3 e pili ana I Ka hoopii hoahewa ana I ke kai konohiki ma kahi e olelo ana e kohoia I hope loio kuhina kuikawa nona ka uku mahina o $400 I hookomoia ae ai e Anderson.

La Hana 7.

B. H. 109-E pili ana I ka hoolaha a ka aha hookolokolo.-Coelho.

B. H. 110-E hoakaka ana I na kanawai e pili ana I ka uku maluna o na waiwai i mo@akiia.-Auld .

B. H. 111-E hoakaka ana no ke kuai ame ke kuapo ana a na kahuhanai i ka waiwaipaa nona ka waiwai aole e emi iho malalo o ka $1000.-Vitousek.

B. H. 112-E hoamana ana I na kahuhanai o ka poe I loaa I ka ma’I pupule e hana I mau palapala hoolilo I ka waiwaipaa malalo o na aelike I hanaia e ka poe I loaa I ka ma’I pupule mamua o ka loaa ana I ka mai pupule.-Vitousek.

B. H. 113-E pili ana I ka ho ʻ opuka ana aku I na mahele I manaoia ua kupono.-Hayselden.

B. H. 114-E hoakaka ana no ke koho ana I ka mahele o ka hui I paaia e na luna hooko kauoha, na luna ho ʻ oponopono waiwai, na kahu hanai, a I ole na kahu malama waiwai.-Hayselden.

B. H. 115-E hoakaka ana no ka mahele ana I ka pini ana o kekahi I kekahi ma ke koko.-Anderson.

B. H. 116-E pili ana I na auhau o ka mea I haule hope loa a e  ko ole ana I kona mau pono.-Anderson.

B. H. 117-E pili ana I ke alanui e hoea akuai I na apana aina pa hale o Anahola, Kauai.-Meheula.

Na Olelo Hooholo

Na W. J. Coelho I ho ʻ okomo ae he olelo hooholo I keia la e noi ana I uku hoomau no John U. Iosepa, ho mea malama hale no ke Kula Kiekie Nakinile, Geo. Alexander, he kanaka hana no ka iohana wai, ame na kiai halepaahao no lakou keia mau inoa: R. Hobron Sr., Sam K. ame Kahunakala.

Na W. J. Coelho no he olelo hooholo e noi ana I ke kahukula nui @ hoike ae no kekahi mau hana I laweia e ka papa hoonaanao no ke kukulu ana I hale hoolauna ma Kahaluu, Oahu, a ina aohe mea I hanaia, e hoike ae I ke kumu o ka hana ole ia ana a e hoike ae no kekahi hana kupono e hana ai.

La Hana 8.

B. H. 136-He kanawai no ka hana ana i alanui mawaena aku o na aina hookuonoono o Kaumana maloko o ka apana o Hilo Hema.-Silva.

B. H. 137-E pili ana i ka aina I paaia malalo o ka aelike home hookuonoono no ka manawa.-Pedro.

B. H. 138-E pili ana i ka ohi ana i n@ auhau kino.-Auld.

B. H. 139-E pili ana i na kula olelo e.-Clark.

Holo ma ka heluhelu ekolu ana na B. H. 42, 68 ame 177.

Holo ma ka heluhelu ekahi ana; B. H. 42, 68, 117, 111, 112, 114,134.

Na Olelo Hooholo

Na Silva he olelo hooholo a i aponoia e ukuia ke kakauolelo pokole a ke hale i $8 no ka la ma ka manawa ana e hoomaka ai e hana.

Na Paschoal he olelo hooholo e kakoo ana I ka hanaia o ka @ia hookahi hapa_pakeneka ame 15 kakeneka waina alekohola pepehia nei olelo hooholo a make.

NA HANA A KA ANA SENATE

La Hana 5.

Na hila I hookomoia ae:

S. B. 15-E hoololi ai I ka mokuna 108 o na Kanawai I Hooponopono Hou I, ma ka paku’I ana eha mau pauku hou e ho ʻ oponopono ana I ka ha ʻ awina @ala ame ka hoolilo ana I na dala a ka lehulehu ame ka hoolaha ana I na bila ame na olelo hooholo.-H. Rice.

S. B. 16-E pili ana I ka uku ana I na ukuhana ame na hoolilo pilikino o na luna aupuni o ke teritore ma ka manawa e kaahele ana ma na aina e mamuli o kekahi hana a ke teritore.-H. Rice.

S. B. 17-E ho’okaawale ana I ha ʻ awina dala kokua no John A. Robinson.-H. Rice.

S. B. 18-No ka hooloihi ana aku I ke alanui mawaena aku e na apana home hookuonoono makai o Kamaole, Makawao, Maui.-H. Rice.

S. B. 19-No ka ho ʻ olako I ke kau ana I auhau paku’I no ka halema’I o Kohala, Hawaii.-Akina.

S. B. 20-No ka ho ʻ olako I ke kau ana I auhau paku’I no ka luawai hookio ame ka laina paipuwai maloko o ka apana o Kaauhuhu, Kohala, Hawaii.-Akina.

S. B. 21-He kanawai e hookaawale ana no ka uku ana I na ho ʻ olimalima o ka aina aupuni federala mai ka Paka Lahui Hawaii mai.-Kealoha.

S. B. 22-He kanawai e hoakaka ana no ka uku ana aku I kekahi mau bila mailoko aku o ka waihona kula no ka elua makahiki e pau ana ma ka la 31 o Dekemaba, 1923.-Kealoha.

Olelo Hooholo Hui.

S. C. R. 2-E noi ana I ka ahaolelo lahui e hoololi I ke kanawai kumu I hiki ai e hookuu ia ka poe noho home hookuonoono mai na auhau ae o ke Teritore maluna o na aina I haawi ole ia aku na palapala sila.-Desha. Waihoia aku I ke komite o na aina aupuni a mai ia komite aku I ke komite o na loaa ame na hoolilo.

Holo ma ka Heluhelu Ekolu Ana

Holo ma ka heluhelu ekolu ana ka B. S. 94, I hookomoia ae ai e @. A. Rice e hookaawale ana I ka huina o $1898.90, no ka uku ana aku I no koi I ke aupuni

Aponoia na Olelo Hooholo

Aponoia ke senate ka S. R. 4, I hookomoia ae ai e Tavares e kauoha ana I ka Papa Ola e ho ʻ olako ae I ke senate me kekahi hoike ma ka mea e pili ana I ka malama, hookuu ana malalo o ka ho ʻ omalu o na ma’I lepera e hoomaluia nei ma ka Halema’I o Kalihi.

Holo ma ka Heluhelu Elua Ana

Holo ma ka heluhelu elua ana ka S. C. R. 2, ka B. H. 10 ame na B. S. 15, 16, 17, 18, 19, 20, 21, 22.

Na Hana a ke Senate-La Hana 6

B. S. 23-E hookaawale ana I $1,787.50, a ma ka pakui ana iho I ka uku auhau e loaa ai ia huina dala, no ka uku ana aku I na koi a John K. Harbottle, Koichi Sugiyama ame Bert Tapley no ka halihali ana I na keiki kula aupuni I ke kula o Honomakau mai Niulii aku ame ka hoihoi hou ana aku I ko lakou mau wahi, Kohala Akau, a mai na aina hookuonoono aku o Puukapu a I ke kula o Waimea, Kohala Hema.-Akina.

B. S. 24-E pili ana I ke polu o ke kopeia ana o na palapala hoolilo, na palapala kuai a ho ʻ olimalima a mau palapala e ae ma ke koena kakau kope.-Desha.

B. S. 25-He bila e hoomahuahua ae ana I ka auhau kino $10, a e lilo ka huina holookoa o ia mau dala no ke kokua ana I na kula aupuni.-Lucas.

B. S. 26-E hoopau loa ana I ke Kanawai 121 o ke kau o 1917 ame ke Kanawai 204, o ke kau o 1919.-McInerny.

La Hana 8

B. S. 35-E hololi ana I ke kanawai o ke aupuni kalana a e hoakaka ana no na koho baloka e malamaia noke koho ana I na luna aupuni kalana o Maui ame Kauai I kela ame keia elua makahiki.-C. A. Rice

B. S. 36-E ho ʻ okapu loa ana I na loio kalana a I ole I ko lakou mayu hope mai ka lawelawe ana ma ke ano he mea kokua I kekahi lawehala iloko o ko lakou manawa e paa ana I ka oihana.-Taverea.

B. S. 37-E hookaawale ana I $5000 no ka huli a noii pono ana I ke kupono e hoomaalahiia ai ka hana ana I kekahi uwapo ma Mahukona, Hawaii.-Akina.

B. S. 38-He bila e hoakaka, ana o ke dala e uku aku ai I ka ukupanee ame ke kumupa ʻ a o na bona a pau e hiki no ke huliia malalo o ka Pauku 1236 o na Kanawai I Hooponopono Houia, elike me ia I hoololiia.-Shingle.

B. S. 39-E hoopau loa ana mai ke kanawai waihona dala aie I ka manao o hoakaka ana I na dala e hoaieia aku ana I na kalaua e hoolilo wale ia no ia no na hana maopopo I hoakakaia a I hoomakaukauia hoi e ka enekinia o ia kalana a I ole I ia kulanakauhale ame kalana.-Shiukle.

B. S. 40-E kauoha ana I ka puuku teritore e uku koke aku I na puuku o na kalana lehulehu, I ka manawa koke e pau ai ka maheleia ana I ke kiaaina, o na dala aie apau I hookaawaleia no na kalana.-Shingle.

B. S. 41-E hoakaka ana no ka hoolilo ana aku I na dala I loaa mai na auhau kino a auhau waiwai paha.-Shingle.

B. S. 42.-E haawi ana I ka mana I ka Lunakinaiahi nui ame kona mau hope I ka mana e ninaninau ai I na kanaka apau e noi ana no na laikini no ka hoikeike kiionioni ana.-Jarrett.

B. S.b 43-E kaupalena ana I no hoolilo o na dala apau I loaa I kekahi kalana mai na hui hoopomaikai ae o ka lehulehu no na alanui aupuni wale no.-Jarrett.

B. S. 44-E hookaawale ana I $177,588.37 no ka hookaa hou ana aku I ke aupuni kalunakauhale ame kalana o Honolulu no na lilo o ka hana ana I na alanui o Kakaako ame ke alanui Moi mawaena o ke alanui Alapai ame Punahou.-Jarrett.

B. S. 45-E ho ʻ okapu loa ana I kekahi mea aole e komo ma kahi koho baloka o na luna wale no o ka papa nana, ka lakou mau kakauolelo ame ka poe koho baloka ma ka hoomakaukau ana I ka lakou mau baloka, a pela aku.-Jarrett.

B. S. 46-He bila e hoakaka ana e kukal mua ae ka Meia o Honolulu no na manawa koho baloku laula I 20 la ke @mi loa mamua ae o ka manawa koho baloka.-Jarrett.

B. S. 47-E hoamana ana I na papa lunanana koho I oi aku ka poe koho baloko mamua o ka 600 e ho ʻ olimalima I mau kakauolelo kokua.-Jarrett.

B. S. 48-E pili ana I ka hoomakakau ana o ke kakauolelo teritore I ka hokie no ke koho baloka ana.-Jarrett.

B. S. 49-E pili ana I ka hoopaa ana I na inoa o ka poe I loaa ka mana koho baloka a I koho ole nae ma kekahi kau koho baloka.-Jarrett.

B. S. 50-E pili ana I ke pani ana I ka poe koho baloka mai ka hoopaa ana I ko lakou mau inoa ma k manawa hoopaainoa laula.-Jarrett.

Senate La Hana 9

B. S. 51-He bila e hoakaka ana no ka homahuahua ana ae I ka ha ʻ awina dala no ke Komiaina limahana o Hawaii.-Rice.

Holo ma ka heluhelu ekolu ana na bila malalo nei:

Na B. S, 7, 11, 16, 17, 18, 22, ame B. H. 10 I hookomoia ae e Vitousek.

KUU MOOPUNA ALOHA EDWARD ALOAZAR UA HALA.

E Mr. Lunahooponopono o ke Kuokoa, Aloha oe:-E oluolu mai oe e ho ʻ okomo iho ma kahi ka ʻ awale o kekahi o na kolamu o ka kaua hiwahiwa I nei wahi puolo waimaka luuluu a paumako no kuu mo ʻ opuna hele loa I haalele mai ia’u ame ka nui ohana, Edward Aleazar, ma ka manawa I moe ʻ uhane mua ole ia, o ka lono ho ʻ ohikilele a ho ʻ olele hauli nae ka I laweia mai ua haule o Alearzar iloko o ka wai a ua make mamuli o ke kulai maoli ia ana e kekahi keiki haole, a he manawa ole ua pahola ae la ka lono kaumaha ma o a maanei ma ka Poalima, Feberuari 23, 1923.  I hookuuia aku hoi oia e hele I ke kula, eia ka, o kona hele no ia a hele loa. Auwe kuu minamina me ke aloha paumako nona, no ka ike ole ana I kona aho hope loa!

Ua hanauia oia mai ka puhaka mai o Mrs. Aleazar a o Aleazar kona makuakane, a iaia i hala aku la ua piha iaia na makahiki @ono ame eono mahina kou. Ua hala mua kona makuahine ma kela aoao o ka Muliwai Eleele o ka make he makahiki aku nei i hala ma ka la 9 o Maraki, a ma keai mahina o Maraki e piha ai iaia ka makahiki hookahi, a @kali aku la no hoi kona keiki mahope ona. Ua haalele iho o Edward Aleazar he ekolu mau kaikuahine me kona papa ma keia ao, me maua na kupuna ame na makuahine a mau pili kana lehulehu mahope nei e kumakena mau aku nona; he keiki ohana nui oia a ua nui no hoi kona aloha me ka minamina nui ia.

O ka makou noi i ka Makua Lani e oluolu Oia e lawe aku i na manao luuluu a kaumaha mai ia makou aku ka ohana a pau mai ka makuakane i hooneleia i ka mea aloha he keiki a pela hoi ia maua na kupuna ame ka lehulehu apau.

Ke haawi aku nei makou i ka hoomaikai i ka poe a pau i haawi mai i ka lakou makana pua, pela pu hoi i ka poe apau i ukali pu me makou ma ka huakai hope loa o Edward Aleazar ahiki i ka hoomoe ana aku iaia ma ka aoao o kona makuahine i haalele mua mai iaia, ma ka ilina o Kamoiliili no ka manawa mau loa.

Na makou no me ka luuluu,

MRS. HANA PAIAINA,

@@@@@ me ka ohana.

LIHALIHA WALE KUU LEI.

Mr. Solomon Hanohano, kapena o ka mokulele, Nupepa Kuokoa, Aloha kaua;-E oluolu mai i ka’u wahi ukana, e hookau aku ma kahi ka ʻ awale o kou mau oneki, i keia mau mamalaolelo e kau ae la maluna, no kuu lei, kuu luhi hoi he keiki James L. K. Nichols.

Ua hala, ua nalo na maka o kuu lei aloha he keiki, kuu hoa pili hoi o na wahi apau, ua piliia e a’u me kuu keiki i ka aina i kaulana i ke kaunaoa (Molokai), na ale hanupanupa o ka moana kai o kaiwi, ka uluwehiwehi o ka ua Kukalahale o Honolulu nei.

Oiai oia e liilii ana no, o ka elima paha ia o kona may makahiki, hoi mai la au me kuu lei no Honolulu nei, o kuu hoa lei keiki hoi he (w) noho aku la no i ka hili lei kaunaoa, mai ia manawa mai, kou lei hookahi ana i kuu keiki ahiki iho la i kona haalele ana mai la ia’u kona papa.

Ua hanauia mai kuu lei aloha i Iulai 29, M. H. 1910, a pili iho la na lihilihi maka o kuu lei aloha, i Feb 19, 1923, ua piha iaia na makahiki he 12, a oi, o kona hanu ana i na ea o keia honua akea, auwe, kuu lihaiiha e, kuu minamina hoi i kuu lei, kuu luhi, kuu hoa pili hei! Ko ae la ka ka Buke Nui i hoike mai ai, he mahu ke ola o ke kanaka i pu’a ae a nalo aku la.

Ua hoonaauoia oia ma ke kula o na opio Kamehai ma Waikiki nei, auwe, kuu keiki e, kuu minamina hoi, kuu lima akau o keia nee ana aku o kuu mau la elemakule, ua poho ia @anaolana o kona papa nei, ua pau ua kuu kona auwe ana

KUU KAIKAMAHINE ALOHA

JENNIE K. LEWIS, UA HALA.

MISS JENNIE K. LEWIS.

Mr. Lunahooponopono; aloha oe:

E oluolu oe no’u kauwahi ka ʻ awale o ka kaua hiwahiwa, no ka’u puolo waimaka, a luuluu no kuu Jennie, kuu kaikamahine heleloa.

Mahope o ke kaama’i ana no na mahina he loihi, a me ke ahiahi o ka Lapule, ho@a ehiku, ka la 25 o Feberuari nei, maloko o ka home o ia-mau makua, Capt. Ame Mrs. Simerson, i pauaho mai ai kuu Jennie aloha i keia ola ana, a hoi aku la ka uhane me ka mea nana i hana, a o ke kino me makou ka ohana, na makamaka, ame na hoaloha iloko o ke kaumaha, ka luuluu, ame na hoomanao poina ole ana nona.

Ua hoaoaia ma na ano apau, na ike lapaau o keia au naauao no ka ho ʻ opakele ana mai i ke ola aka, ua oi aku ka ikaika o ka mai mamua o ka mea hiki i ka laau a ke kauka ke paa mai i keia ola, ua poho wale na manaolana.

Ua kaa aku na ho ʻ oponopono ana o kona kino malalo o ka Silva Undertaker, a malaila ka ohana, na makamaka, ame na hoaloha i akoakoa ae ai, no ka ike hope ana iho iaia, a me ka hora eha o ke ahiahi Poakahi, i kai aku ai kona huakai ho ʻ olewa no ka ilina o Puea, a malaila i hoomoeia ai, kona kino iloko o ka maluhia, a ko ae la ka olelo, he lepo oe mailaila mai, a ilaila no oe e hoi aku ai e hoomaikaiia kona inoa.

Ua hanauia kuu Kennie K. Lewis i ka la 8 o Aperila, 1897, ma Niulii, Noth Kohala, Hawaii, a ua piha iaia na makahiki he 24 10 mahina, ame 17 la, o ka hanu ana i na ea o keia ola ana. He kaikamahine oluolu a he ike i ka poe apau. Ua haalele iho oia he mau aunties, he kaikunane, ame ka ohana he lehulehu.

Ke haawi aku nei makou ka ohana i na hoomaikai nui mailoko lilo aku o ko makou puuwai i ka poe apau i haawi makana pua, a i akoakoa pu mai me makou iloko o ko makou hora o ke kaumaha, a i komo pu mai ka huakai ho ʻ olewa o ka makou mea aloha.

Ke haawi hou aku nei i na hoomaikai ana ia makuahine oluolu a lokomaika ʻ i hoi, oia o Mrs. Mauae Simerson no na hoolilo apau o kuu kaikamahine mai ka pahu, ke kaa ho ʻ olewa, a pela hoi me na kaa otomobila.

Ke haawi pu aku nei i na hoomaikai ana i na kahunapule, ola o Rev. Poepoe, ame Rev. Kamau.

Ua ukali pu aku laua me makou ka ohana a ka lua, pela hoi me ka laua mau pule hoomaikai i ke Akua, nolaila e hoomaikaiia ke Akua ma na lani kiekie loa he malu ma ka honua, he aloha i na kanaka apau. Amene.

E oluolu e lawe aku i keia mau hoomaikai, a ka Haku e hoomaikai mai ia kakou apau.

Me ke aloha, kona aunty.

MRS. MAY RAYMOND,

ame ka ohana.

i na @haeha o ka pilikia i kau iho maluna o kuu lei aloha.

            Eia me au ia mau ehaeha apau o u aku nei, i ka po, me ke ao, e hoonana ae ana i kuu aloha aole loa ia e pau, kuu lei e, hoi mai kaua ua nele kuu puuwai i ka waihona maikai, ua anu pu hoi au e noho nei, ua lawe oe i ko kaua kapa e moe ai o ka po, ke au nei au ia oe mao maanei, aole ou ike ia oe, e kuu lei, hoi mai hoi kaua, a ke hapapa wale ae nei au i ko kaua wahi moe, aole oe, ke kahea aku nei au ia oe me kuu mau waimaka e hele mai kaua e inu kope, aole ou lohe aku i kou leo, auwe kuu lei, kuu luhi e!

            E na pali hauliuli o ke Koolau @, aole kuu lei e ike hou ana ia mau pali, E ke kai hone o Waikiki e, ka pueone e, aole e auau hou ana kuu lei ia kai, na pau, ua kapu ia kai na ke konohiki, ke hooki nei au me kuu mau waimaka o ke aloha poina ole, no kuu lei ke haawi nei au i kau hoomaikai nui, no kou mau hoa paahana malalo o Mr. Henry May, no ka lakou makana aloha nui iau.

            Ke hoomaikai ae nei au i ka Haku o na lani kiekie, me kau pule, e ho ʻ opiha hou ia mai na waihona o kou mau hoa a oi ae i keia. E hoomaikai pu aku ana hoi i na hoaloha i hui pu mai me au i na hora o kou luuluu; me na keiki oniu hua mekala kou welina nui.

            O wau no me ka naau luuluu,

G. KUULEI NICHOLAS,

KA HUAKAI MAKAIKAI NO

KAUPO, MAUI.

(Kakauia e Thos. K. Maunupau)

(Hoomauia mai.)

            Poalua , Mei 9, i ka hora eona o keia kakahiaka au ame kou mau wahi hoa i ala ae ia. Pau ka ai kakahiaka ana, haalele o Keneki ame Hecter Munroe i ka hale nei, no kai o ka heiau o Hale o Kane ame Lonoaea, a noho no au i ka hale nei no ka ho ʻ oponopono ana i kekahi wahi apana hana. i keia hora 12:45 p.m., ua huli hoi mai o Keneki ame Hecter Munroe. Mahope iho o ka pau ana o ka makou ai awakea ana, ua ho ʻ oponopono no iho la makou i na wahi lole ame na wahi ukana, a komo iloko o na paiki ame na eke lole no ka hoomakaukau ana no ke ala huli hoi no Honolulu.

I keia hora 3:30 p.m., olelo mai la o Joseph Maciel e hele makou i kahi o Poouwahi, no ka ninau ana, no ka mea e pili ana i ke kalaiwa ame ka mahiai ana, o ke au i hala. Ua ae aku makou i keia koi, a haalele koke no i ka hale nei no kahi o keia hoaloha, He mau minuke pokolo wale no ia hele ana mai, hiki ana makou i ka home o Poouwahi. Na Joseph Maciel i hoolauna aku ia makou i keia hoaloha ame kana wahin, ame kona hoike pu aku i ke kumu o ko makou hiki ana mai imua ona.

I ko makou ninaninau ana aku iaia, no ka mea e pili ana i ke kalaiwa ame ka mahiai, ua hoike mai oia i na mea apau, e pili ana i keia mau oihana a kahiko. Ua olelo mai oia, ua ike oia i ke ano o ke kalaiwa ana, no ka mea, he kahuna kalaiwa kona makuakane, a ua hana pu oia me ia, ko@ nae, aole i paanaau iaia ka pule.

Eia ke hoopukaia nei ma na kolamu o ke Kuokoa, ke moolelo no ke ano o ke kalwaiwaa ana, nolaila, he ho ʻ opiha pepa wale no ka hoike ana aku maanei no ia mea hookahi no.

Ua olelo mai o Poowahi, o ka mahiai uwala ana o ka poe kahiko, he uuku wale no kahi mahinaai, aka, o ka ai no ia Iawa ka ohana nui, aole manawa e nele ai i ka ai.

He mahiai keia me ka pule pu. Ma keia wahi i olelo mai ai o Joseph Maciel, no kana mea i maopopo, mamuli o ka hoike ana mai a Mr. J. W. Kawaakoa e pili ana no keia kanu uwala a penei no ia:

Ke Ano o ke Kanu Uwala Ana Ame ka Pule Kamapuaa.

I ka waele ana i ka mala uwala i kinohi, u hiki no i ka nui lehulehu e waele like me ka mea i ike i ka pule. I ka pau ana o ka waele ana a maemae ka mala uwala, alaila hoomaka na mea apau e paeli like i ka makalua.

O ka mea i ike i ka pule oia mamua, a mahope aku na mea apau, i ka manawa e paeli ai i ka makalua. I ke kanu, ana na ka mea paa pule e kanu mua he elua makalua a penei oia e pule ai:

E Kamapuaakane, e Kamapuaawahine, e Ku, e Hina,

E Kamapuaakane, e Kamapuaawahine,

Eia ko kaua waena,

Mai hele oe i ko hai waena,

I ko kaua waena wale no oe e eku ai,

I ko kaua waena wale no oe e kio ai,

Mai hele oe i ko hai waena e kio ai,

O pa auanei oe i ka pohaku a eha,

A i ko kaua waena wale no oe e eku ai, a e kio ai,

Aole e pa i ka pohaku,

O na palena apau o keia waena o kaua nou wale no ia,

Amama.

Pau keia pule ana, hoomaka oia e kanu he elua makalua, a pau keia kanu ana ana, alaila, kanu like mai na mea apau. I ke kanu ana, ua kapu ka huli ana ihope a nana, imua wale no e nana ai.

Pau ae la no ka hana a noho aku e nana me ka waele ole i ka nahelehele ahiki i ka namawa e oo ai o ka uwala.

Na ka mea paa pule no e waele mua i ka nahelehele, o na pue uwala elua i kanu mua ia ai i kinohi. O keia wale no kana wahi e waele ai, a koe aku no ka nui o ka mala uwale. O ka waele ana o ka nahelehele aole e kiloi mahai, aka, e kapae no ma kahi e waele ai. I keia mau pue wale no oia e paeli ai, e nana i ka hua o ka uwale, a ina e ike i ka nuinui o hua o ka uwale, alaila e kii i pulupulu, a hoa no i ke ahi malaila noa ke kanawai, alaila hoomaka e pule penei:

E kamapuaakane a me Kamapuaawahine, eia au ke ai nei i ka ai a kaua,

E Kamapuaakane ame Kamapuaawahine,

Ua noa keia waena ia olua maanei e ai ai, e kio ai a e moe ai,

Amama, ua noa.

I ka noa ana o ke kanawai, noho aku e nana i ka mala uwala no eono a i ole ehiku mahina, alaila hoomakake kilo. I ke kilo ana e maheluhelu ahiki i ka ike ana i ka uwala, alaila uhaki. O ka wala apuupuu he kukae puaa ia. Ua kapu ke kiloi ana i ka uwala, kapae iho no ma kahi o ka pue uwala. Na ka mea paa pule wale no e kilo ka uwala, aka, ua hiki no i na mea apau e kii a ohi i ka uwala, aole nae e kiloi. Ua kapu pu no hoi ke kiloi ana i ka pohaku iloko o keia mala uwala ame ka uwa leo nui ana.

I na no he ohana nui, a he uuku wale no kahi mala uwala, o ka ao no keia aole wa e nele ai i ka ai.

Ua ahiahi loa iho haalele makou i keia hoaloha, kana wahine ame ka laua ohana keiki no ka hale. Pau ka ai ana; ho ʻ onanea iho la me ko makou mau hoaloha maikai Joseph Maciel, kana wahine ame ko laua makuakane, no ka wa hope loa, no ka mea, no ka la apopo makou o kau aku ai i ka moku ma Mokulau no Honolulu, Ua aumoe loa iho hoi mai la makou a ko makou hale, haule iho la e hooluolu.

(Aole i pau.)

HAINA NINAU MOA.

Ma ka mana hea la i loaa ai ke ola hou i keia holoholona (Moai)

E ka makamaka e, aloha oe:- Ua heluhelu iho au i kau mea hou o ke ola kupanaha, a ike i ke au nui, ame ke au iki, o kou imi ana iaia, me ka manao minamina, ame ka manao paha, na lilo i ka aihu@ia.

Mahope iho o kou imi ana iaia (moa) a loaa ole, e ole uae ka nalowale ana i ke kaka, ulu ai ka manao ia oe e ulaa, olope, i kela puu laau e waiho ana, a oili mai ka moa, a nalowale loa ke kaka, a, he 15 ka nui o na la o kou ike ole ana iaia (moa), akahi no oe a ike hou i ka oili mai, mailoko mai o kela puu laau wahie.

I ka hope loa nae, ike iho la au, he manao ka kou, e ho ʻ okolo i ka nui manu o kaua, ua hiki no; o kou kuleana no ia, oiai e hoi puolo ana no ka mea lululima meor i ka hookahi wai ana o ka like, me kau haina i ho ʻ okahua ai i keia ninau. “Ma ka mana hea la i loaa ai keia ola hou i keia Moa?”

I ka nana ana i ka ninau e ku nei, he elua mahele, ka mua: Ua nahawale, Ka elua, ua make a ola hou mai, a o ka moolelo hoopili ano o ke keiki uhauha ka mea like loa.

O ke ola ame ka make, aia ia i ke lima o na mea elua; ka mua: Ke Akua, ke elua, ke kanaka; aka o ka mana, aia ia i ka lima o ka mea hookahi wale no, oia ke Akua.

He mana ko ke kanaka ana i kapa iho ai, (1) ka mana hapai; (2) ka mana kaomi; (3) ka mana ume; (4) ka mana hoonee, a oiai manuli o kou hoonee ana i kela mau pauku wahie, i loaa ai ka ike i ka moa, ua malaelae ke alanui no kona palekana, o kona wa ia i oili mai ai mai kahi ona i noho paahao ai no 15 la, a ike hou oe iaia.

I ka nana ana nae i ka manao nui o kau ninau, ua kalele oe i ka mana, nana i hoomau i ke ola iloko o ka moa iloko o keia mau la loihi, elike me ke kanaka i kona wa o ka hele ana i kana huakai pilikia pakele, ua manao nae na mea apau no ke Akua mai ia ola ana.

O ka like ole mawaena o neia mau huakai pilikia elua, he kanaka kekahi, he uhane noonoo a he moa kekahi he uhane noono ole, eia nae o ke kanaka ka haku o ia mau mea, o oe ia, ua hoike mai ka nui o kou hilina ʻ i Akua ame kou manaoio, no ka mea, ua loaa ka moa nalowale, a hoopakeleia, elike me ka huakai a ka hoa kanaka iloko o na la loihi, ua hoopakeleia, mamuli o ka manao hilina ʻ i me ka manaoio Akua, pela i kau mai ai ke aloha ho ʻ opakele nona, pela no hoi me or, e ka makamaka i hana ai no kou pilikia i ka moa i nalowale, ua kau aku kou manaolo hana i pili me ka hilina ʻ i i ko ke Akua lima kokua aloha, a ua hookoia kau nonoi ana, elike me kana olelo:

“O na mea a oukou apau e noi ai ma Kou inoa, Owau no e hana.” O ka manaolo hana ole he make ia, a o ka manaoio hana, he ola ia me ka pomaikai a ua hookoia mai ia mau mea ia oe.

Ke manao nei au, aia no he mea nana i apo mai i ka noi i loaa ai ke ola hou o keia moa, me ke ai ole ame ka wai ole iloko o keia mau la loihi, a na ia aloha i hoonalowalo i ke kaka a ho ʻ okomo i ka haulilele o Kona aloha iloko ou, e imi hou oe i keia mea nalowale.

I kou imi ana nae e loaa ke kaka, me ka mana hoonee i loaa ia oe, ua lalau aku la oe i na pauku laau, a hookaawale ai la, ia wa oe i ike aku ai i ka moa nalowale, e hele mai ana me ka nawaliwali nui.

Me kela aloha iloko ou, ua hoohainu oe iaia i ka wai a hanai iaia, a ke ola nei me of.

I hoike no ia aloha oialo ou i ka noa ua ho ʻ opuka ae oe i na huaolelo kanawai o kou manao, e ola oia no ke koena o kona mau la, me ka mea ole nana e hoopoino ahiki i ka hopena mau.

Nolaila, o ka mana o ke Akua ame Kona aloha ka mea nana i hoomau i ke ola iloko one.

Ka mua: Ke aloha o ke Akua hooloihi i kona ola ana, a loaa hou la oe. Ka lua: Kou aloha, iloko o ke kunewanewa o ka make i hoohainu ai oe iaia i ka wai a pohala ae, hanai a hoi hou mai ka ikaika iloko ona e ola nei. Ke kolu, ke kanawai o kou manao aloha i kau aku ai maluna ona, e ola oia aole e kupaia no ka la hanau o kau keiki, aole hoi e pepehia no ka malihinui kipa i kou home; aole hoi e kuaiia no ka puu dala nui o $150.00 ka waiwaiio.

Nolaila na kela aku ke aloha, a ua lilo ia aloha i mana hoola hou nona.

Ua ane like ka hiona o keia wahi nuhou me kekahi moolelo, ke aloha o kuu makuahine, ke aloha o kau mea i aloha ai, ka mana o ke aloha, a na ke aloha i ho ʻ opakele i na mea elua!

Eia nae he pilikahi ka manao o ka ninau no ia mana hoola, ma ka mana hea la i loaa ai ke ola hou i keia moa:

Haina, ma ka mano o ke Akua, i hookoia e ka haulilelo o ka Uhane alakai o ke Akua, e ku ana iloko o ke kino kanaka, ma ka inoa i kapaia o George Maluna; na ia mana o ke Akua i hoola i keia holoholona moa, a ke ola nei hoi i keia la.

Aole paha he hoohawahewa ana ia manaohai, elike me na mea i kakauia no keia ola kupanaha, a oiai o na mea ano kupanaha apau, ua puka mai ia mai ko ke Akua mana mai, a i kekahi manawa, ua hoopili aku ke kanaka i kona lima me ia ia mea, a lilo ae ia he hana na ia kanaka, a mau kanaka pa@@.

Ke hooki nei i keia me ka manao hoomaikai i ke kapena ame na @ela o ko Kilohana Pookela o ka Lahui Hawaii.

S. K. K. LIKO.

He elua hou ae mai haina mawaho o keia i kulike loa, a oiai nae, ua komo hope mai ia mau haina, pela e ho ʻ opuka wale ia aku nei no ka kaina mua; o na mea na laua ia mau haina i kulike, oia o J. P. K. Wailiula o Mana ame D. K. Waiakamilo Boy.-@. H.

HAINA NANE.

Mr, Lunahooponopono o ka Nupepa Kuakoa; Aloha oe:-E oluolu mai hoi oe nou kekahi wahi ka ʻ awale o ke kino lahilahi a hiwahiwa hoi a ka lahui, ka Nupepa Kuokoa, e ho ʻ okomo iho i kela mau hua e kau ae la maluna o ia hoi ka haina o ka nane a J. W. K. Kakelamaluikaleo, ke keikai o ka peni hulu kamelo, a na ka kaua hiwahiwa hoi ia e ahai palanehe aku maluna o na puu ame na awaawa, a maluna aku o na @le hualala o ka moana a hoea loa aku ma ka la puka ma ka lae ma Kumukahi ma Hawaii, ahiki loa aku i ka mole olu o Lehua ka pau o na ailana, i ike mai ai hoi na olohe huli mea pohihihi o keia au e nee nei, ame kela au i hala aku la. Ke kukulu hou aku nui i ka nane a J. W. K. K. o ia iho keia:

Mahele 1. O Kuu mua, ua ike no oukou a kamaaina, ua noho, pu au me oukou, ua lilo au i kauwa na oukou e hooko ana i ka makemake o ke kanaka, a pehea la hoi au i hoowahawahaia ai:

Haina. Wai. Ua puehu mua ka haina o keia mahele i ke keiki o ka Lai a Ehu, a pela me na wehewehe ana, oa kau hoi ia i hooheno ae nei:

Kamau kiaha wai i olu.

I pahee ko puu ke moni,

Mai kuhi no oe he hao wela,

O kou wikiwiki ana iho,

Eia ka pono e penu kai,

Ma ka piko ma kahi momona,

Mahele 2. Kuu hope ua ike, ua kamaaina no oukou i au, eia au la he aiwaiwa noluna mai aohe, kiamanu e hei ai. Owai la hoi au ia oukou@

Haina. Hua. O ka huamoa a hua manu e ae, ua kamaaina io no o ka mea kupanaha, o ua hua mei ka lilo ana he aiwaiwa noluna, o ia no ka lilo ana o na hua nei i mahine, a penei iho i lilo ai i mahina, ma ka helu o ko kakou mau kupuna mai kahiko mai akihi no i kela wa, ke malamaia nei no, e hoomaka ana mai Ililo, Hoaka, eha Ku, eha ole, Huna, Mohala, Hua, Akua, Hoku, Mahealani, Kulu Ekolu Laau, Ekolu Ole makua, pela no makai, eha ole ekolu Kaloa, Kane, Lono, Mauli, Muku; o ka pau ana keia o ka helu mahina a ko kakou mau kupuna.

Eia iloko o kekahi o keia mau helu mahina e kanu ai i ka lakou mau meakanu, kanu huli kalo, hua ilalo, kanu ka lau uala, hua ilalo, hua hoi ka ulu, hua iluna, hua hoi ka ohia kuahiwi, hua iluna o ia kau e hooheno ae nei.

Ka hua o ka ohia ua pala-ku,

Hoohie na manu ke ike,

Lalau na lima o ke aloha,

Nahunahu i ke alo piko,

I@i@i@i@i malie.

Ke hoohuila ka mahele mua ame ka mahele hope, e loaa no ka makemake o kuu hoaloha J. W. K. K. Waihua.

Olelo hoao no ka nane, he iki ulu oe no ka Nekina aohe pine hala, pa aku pa ae naueue ke kahua maika.

Wehewehe ana, o keia waihua, ma kahi olelo ana, Wai-ua, he poepoe kona ano i ka wa e ua iho ai, haule iho iluna o ka lau o ke kalo e holo ana mao a maanei, ahiki i ka piha ana o ka lau o ke kalo i ka wai-ua o ia ka wa e kahuli ai a hanini ka wai, pela o J. W. K. K., i ninau iho ai owai keia pela ahamaka kahulihuli Lau kalo.

Hoolaha

I kulil@ ai me ka Olelo Hawaii Helu 34 o ka Hale, ma keia @@@@ awiia aku nei ka hoolaha, @@@@ ho mai o C. T. BAILEY, k@@@@ @ina o na Aina Aupuni o k@@@@ tore o Hawaii, i ka Hale o @@@@ namakaainana, Kau Mau @@@@ na mea mahope ae nei ma @@@@ he mau pono kai lawaia ma@@@@ ka Paeaina Hawaii, i Hooholo @@@@ ole ia, ua noa nae i keia wa@@@@ weheia i na makaainana @@@@ Huipuia, i kulike ai me ke @@@@ wai Kumu.

PONO KAI LAWAIA

MOKUPUNI O OAHU

Kahololoa, Iwilei, Halawa, @@@@ ana, Aiea, Paaiau, Kalau@@@@ holoa, Waiau, Puukapu, @@@@ Mokuumeume, Kaholona, @@@@ Auliole, Nanakuli, Lualualei, @@@@ anae, Keaau, Makua, Kahan@@@@, Keawaula, Mokuleia, Ka@@@@, Paukauwila, Waimea.

Pupukea, Paumalu, Ka@@@@ alee, Pahipahialua, Opana, @@@@ la, Hanakoe, Ulupehupeh@@@@ (Kahuku), Kahuku, Keana, @@@@ kahana, Laie, Kaipapau, @@@@ Makao, Papaka, Halelena, Ka@@@@ Puheemiki, Waiono, Makaua, @@@@ ua, Kaawa, Kualoa, Hakipuu, @@@@ kane, Hanakea, Kaalaea, @@@@ Kalokohanahau, Heleloa, K@@@@ he Ulupau, Malae, Aikahi, O@@@@ Kalaheo.

Kawailoa, Alaapapa, Mo@@@@ Waimanalo, Kuliouou, Kahala @@@@ lawai, Kuilei, Kaluaoloh@@@@ Kaneloa, Kalia, Kuku@@@@ kaukukui.

MOKUPUNI O HAWAII.

HILO.

Waiakae, Piopio, kukuau, @@@@ hawai, Punahou, Piihonua, @@@@ Kalalau, Kauhiula, Alae, K@@@@ Paukaa, Pahoehoe, Papaikou, @@@@ holoa, Kalaoa, Puu Moi, O@@@@ Pepeekeo, Makahanaloa, Ka@@@@ Kapehu, Kulaikahonu, Laimi, @@@@ malama iki, Kaiwiki, Hakalau, @@@@nohina, Nanue, Piha, Waika@@@@ Haiku, Manaloa, Kaiaakea, @@@@mainoa, Maulua, Manowaiopae, @@@@ punalei, Humuula.

KOHALA.

Honokano, Polopu, Makaii@@@@ Waiapuka, Niulii, Makapala, @@@@ kao, Halawa, Haleluu, Pueku, @@@@@ Ainakea, Hikikaupea, Hawi, @@@@ huhu, Keaauhuhu, Kealahewa, @@@@ uepa, Upolu 1 ame 2, Kupui@@@@ Kapaa, Kamano, Puu o Kumau, @@@@ nulu, Paoa, Kaiholena, Kaup@@@@ Kehena, Puanui, Kiiokalani, @@@@ huwa, Waiako, Kawaihae, Waia@@@@ Ouli, Puako, Lahuipuaa, Ana@@@@ malu.

HAMAKUA

Manowaialee, Kaiwiki, K@@@@ Kukaiau, Haholalele, Kaunama@@@@ Keahua, Pohakuhaku, Kemau, @@@@ lopa (Crown), Paauhau, Paa@@@@ kuilei, Kawela, Honokaia, K@@@@ aula, Waialeale, Waikoloa, Mo@@@@ Waikoekoe, Kanahonua, M@@@@ Lalakea, Waimanu, Laupahoehoe.

Ame na pono kai lawaia @@@@ maloko o na Apana o Kona @@@@ me Hema, Kau ame Puna, Moku@@@@ nu i Hawaii, e koe ana ka pono kai wai, Kauea, Pualaa, Kapoho @@@@ Keahialaka maloko o ka Apana o Puaa.

MOKUPUNI O MAUI.

HAMAKUALOA

Kaupakalua 1, Ulumalu, O@@@@ Halehaku, Huelo, Hanawana, @@@@ paaea.

KOOLAU.

Honomanu, Keanae, 2 Wailua, @@@@ kea ame Paukea, Keaa 2, Ulai@@@@

HANA.

Waiohona, Wailua, Aleamai, @@@@a, Haneoo, Hamoa, Mualea, @@@@ nomaele, kakanoni, Alaenui, W@@@@lomoa, Kaapahu, Maulili.

KAUPO.

Moolo, Puulani, Popoiki @@@@ Kahuai, Nuu, Kumunui @@@@

KAHIKINUI.

Auwahi.

HONUAULA.

Koauhou, Keoneoio, Palan@@@@ paka, Kanahena.

KULA.

Keokea, Kealahou 1 ame 2. W@@@@huli, Pulehu nui.

WAILUKU.

Wailuku, Waihee, Waiehu.

KAANAPALI.

Kahakuloa, 2 Napili, Polua, W@@@okila, Honokowai, Alaeloa, 2 @@@keaua, Honolua, Mailepai, 3 @@@@ Mahinahina, Ili o Moomuku, @@@@kohau.

LAHAINA.

Ukumeheme, Olowalu, La@@@@ko, Kauaula, Pahoa, Wai@@@@, Wahikuli, Paunau, Kelawea, @@@@, Polanui, Kuhua.

MOKUPUNI O LANAI.

Kamoku, Paomai, Maunalei, @@@@hulu, Palawai, Kealia Kapu.

MOKUPUNI O MOLOKAI.

Ahaino, Awawaie, Kumueli, @@pueli, Ohia 2, Onouli Maloo, @@ Kahanui, Kalaupapa, Kamalo, @@maooni, Keopuka Uuku, Kapu@@olau, Kawela, Keawanui, K@@@@, Kupeke, Makakupaiaiki, M@@@lua, Manawai, Mapulehu, M@@@@ Naiwa, Pohakupili, Paniuohu@@@ lekunu, Pukoa 2, Waialua, @@@@ Kalamaula, Palaau, Puelelu.

MOKUPUNI O KAUAI.

Makaweli, Hanapepe, Ili @@@@ Koloa (Hik.), Koloa (Kom.), W@@@@wele, Paa, Mahaulepu, Kipu, K@@@@paki, Wailua, Olohena, Wai@@@@ Kapaa, Kealia, Anahola, Kaak@@@@nui, Waipake, Pilaa, Waia@@@@ Kalihi, Namahana, Hanalei, W@@@@koko, Lumahai, Wainiha, Wai@@@@

JOSEPH ORDENSTEIN.

Kakauolelo. Hale o na Lua@@@@ kaainana.

6546-Mar. 8, 15, 22, 29.

Owai au ma ka olelo kua@@@@ Waihua, ma kekahi olelo ana, W@@@@ua.

Ke hooki nei au maanei me @@@@aloha i ka Lunahooponopono @@@@na keiki kaomi hua kepau o halepai.

Me ka mahalo,

K. K. G. AEKAI O KEAUAU.

Loaa pono mai la ka lae o ka @@@@ o Uwahipouli i kau poka ahi @@@@ lena, ke hele la a haalulu ke ka@@@@ maikai; nakolokolo ka leo waw@@@@ o ka hekili kui pa-malo, ua p@@@@ pu ka hanu, ke nape holu mal@@@@ nei, i kau a mea o ka hoona@@@@ Kiiia mai ka makana o 25 wa@@@@ leka me ka poo:-L. H.