Ka Nupepa Kuokoa, Volume LXII, Number 9, 1 March 1923 — E HELE E NANA I NA AINA HOOPULAPULA. [ARTICLE]

E HELE E NANA I NA AINA HOOPULAPULA.

Ioko o keia manawa, i makemake nui ia ai ko kakou ahaolelo kuloko, e haawi mai i na kokua pili dala, no ka hana hoopulapula no na aina ma Molokai, he hana kupono loa na na hoa o ka ahaolelo, ka holo kino ana, a ike no lakou iho i na aina o Kalamaula, Molokai, a mamuli auanei o ka lakou mau mea e ike aku ai, e hiki pono ai ia lakou ke hooholo i na hooponopono ahaolelo e holomua ai kela hana. Ua lilo ka hana hoopulapula i keia lahui Hawaii, i hana hoopohala a hoopuukahua na kekahi poe; ka hana nae a ke Keikialii Kalanianaole i waiho iho ai mahope nei i kiahoomanao na kona lahui kanaka; o ka oukou hana ka na hoa o ka ahaolelo kuloko o ia ke ku ana aku mahope o ka hana hoopulapula, a onou aku ia hana imua no kona holomua, e hoao ana hoi e pale ae i na hana hoopuukahua a na enemi o ka hana hoopulapula i na Hawaii.

Ke hooikaika nei ke Komisina o na Home Hawaii, elike me ka hiki i kela komisina ke hana no ka holomua o ka hana hoopulapula, ina nae aole na kokua ana mai ka ahaolelo aku, e lilo ana ia mau hooikaika ana i manaolana poho, no ka mea 0 ka haawina dala no ka hoohana ana aku, i na a,lahele e loaa mai ai ka pono i na kanaka e hoi aku ana ma na aina hoopulapula ma Malokai, ua kaupalenaia ia, koe wale no a haawi mai ka ahaolelo i na kokua ana, ma ka hookaawale ana ae 1 haawina dala kaokoa, no ka hoohana ana aku a kela komisina.