Ka Nupepa Kuokoa, Volume LXII, Number 9, 1 March 1923 — NOIIA AE KE KIAAINA E KOKUA I KA POE MA'I I HOOKUUIA [ARTICLE]

NOIIA AE KE KIAAINA E KOKUA I KA POE MA'I I HOOKUUIA

He olelo hooholo na Lunamakaainana Wm. J. Ooelho ka i hookomoia ae i ka hale o na lunamakaainana ma ka Poaono i hala aku la e noi ana i ke kiaaina o hookaawale i kekahi mau aina kupono no ka noho ana o na kanaka ma'i lepera i hookuu loa ia a i ole i hookuuia malalo o ka hoomaluia e ka papa ola mahope o ko lakou paaia ana ma kahi hoomalu ma'i a i lapaauia hoi e na kauka no ka ma 'i lepera. O keia malalo nei ke kino o ka olelo hooholo a e heluheluia penei: "He lehulehu aa kanaka ma'i lepera i hookaawaleia no kekahi mau maliahiki ma kekahi wahi hoomalu ma'i malalo o ka lapaau ana a ka papa ola i hookuu loa ia a i hookuuia hoi malalo o ka hoomalu ana a ka papa ola mai kekahi ma nawa a i kekahi, a mamuli o ka haawina ma'i i loaa ai ia lakou ua lilo lakou i poe maka'u ia ena kanaka, ua hookaeia lakou, a ma ka hapanui' o ia poe ua hooleia ko lakou launa ana iloko o na pohai a na makamaka ame na hoaloha. "O ka poe kino ikaika ua loaa ia lakou ka pomaikai a i nei mnnawa ke noho mai nei lakou malnna o nn aina aupuni ma ke ano hoolimalima a ma ke ano he pono i loaa aku ia lakou ka pono e noho maluna o na aina aupuni ma Papakolea, Kalawa hine, Makiki ame kekahi mau wahi e ae maloko o ke kulanakauhal»' ame kalana o Honolulu, o kekahi poe o lakou ke loaa nei na ukuha na lawa kupono no ke ola ana, a i ole na uku mahina no ka uku ana i ka hoolimalima a i ole ke kuai ana i mau apana aina ponoi no lakou.''