Ka Nupepa Kuokoa, Volume LXII, Number 9, 1 Malaki 1923 — KA HUAKA'I MAKAIKAI NO KAUPO, MAUI [ARTICLE]

KA HUAKA'I MAKAIKAI NO KAUPO, MAUI

(Kakauia e Tho3, K. Maunupau) (Hoomauia mai.) Haalele aku ia mauna Haleakala, 0 Paliku mai ka inoa o ia wahi, a o Keaku mai, hiki i ke kowa o Kaupo. 0 keia ka pau ana. o na wahi pana apau o ke kuahiwi Haleakala mai kela aoao mai ahiki i keia aoao. Ua aui loa ae ka la i ka hikina komohana, huli hoi hou makou no ke kahua Laie. He nani a he u'i okoa no hoi ka hiohiona o ke kuahiwi ke nana aku i keia manawa a makou e hoi nei. Ua ahiahi loa iho, hoea hou makou i ke kahua Laie. Pau ka wehewehe ana i ka noho o ka holoholona, ua lawe aku makou i na hoki no ka hoohainu wai ana iuka aku o kahi ki'owai a mailaila aku no ke kahua mauu o Laie. O keia kahua mauu aole i mamao loa mai kahi o ka halepe'a aku. Ma keia kahua i nakinaki ai makou i na holoholona i ka pohaku ame ka laau a paa huli hoi mai. Aole i loihi ka noho ana iho i ko makou hiki ana i ka hale, ua olelo mai la o Keneki e iho,makou apau 1 Waikeehia, no ka ai pu ana me Hauki von Tempsky ma ia ahiahi. No ka loihi maoli no o keia wahi e helewawae aku ai ,a hoi mai i ka pouli ame ke anu, ua manao iho la au ame Maeiel, he hana hooluhi wale no ka hele ana aku ilaila, nolaila, ua olelo aku la maua ia Keneki e noho no hoi ma.ua ,a o laua no ke hele i ke kono a keia hoaloha.

He manawa uuku mahope iho o keia manawa, ua liaalele mai ,laua no Waikekeehia, a hoomakaukau no hoi maua e kuke i meaai na maua. Ma'u no hoi ia mili ana iho, ma o a maanei, o ka napoo aku Ia no ia 0 ka la ma kela huli komohana. o ko kuahiwi, a haule malie iho la ka eheu malu o ka po, pela pu no hoi 1 pii mahuahua ae ai ka iniiniki hoopilihua a ke anu.

Ua uhi paa ia ka mauna i ka ohu ame ka noe, mailuna mai ahiki loa mai ilalo o ka honuapaa, a ua ikd ole ia aku kekahi wahi o ke kuahiwi. Eia no hoi ke hoopulu kilihune nei ka ua Lilikoi o Haleakala, i ka ohelo ame ka laupahele o ka vraokele. No'ii iho ame ko'u wahi hoa, eia no maua ke pupue nei ma ka'e o ke kapuahi, e olala ana i na lima ame ka wawae, i loaa hoi kahi mehana i;una o ke ahi. Anoai nae keia loaa iki kahi. mehana.

Mo'a ka meaai, ai iho la no maua ma ka'e o kapuahi. Pau ka ai ana, hoi aku la maua noloko o ka halepe'a, a haule iho la iluna o kahi moe. Ke ikaika loa la ka haule ana a ka ua, he kawewe hoi kau iluna o kahi halepe'a. 0 ka hora aumoe ia o ka po haule iho la maua e hooluolu. I ala ae maua i ka halulu ame ka hauwalaau, i ka hoi ana mai o Koneki ame Hecter Munroe. Ua hoi mai laua iloko o ka ua ame ke ko'eko'e ahiki i ka hale nei o ka hora 11:30 ia o ka po. Poakahi, Mei 9. Ua ala makaala makou i keia kakahiaka nui, a i ka hemo ana aku iwaho, e mau ana no ka ua kilihune ana, me ka paapu no hoi o na wahi apau ,i ka ohu ame ka noe. Hora eono a oi, haalele o Keneki ame Hecter Munroe no ko kahua WAikekeehia', no ke kokua ana ia Hauki i ka hooponopono ana ame ka hoohikihiki ana i ka ukana, iluna o na lio, no ka hoi ana no Makawao. Ua noho iho no maua e kuke i meaai na makou ,a e hooponopono no hoi i na wahi ukana, no ka hoi ana i kai o Kaupo. Hora ewalu hoi mai ana o Keneki me Hecter Munroe, a hoomakaukau koke no na meaai. Makaukau keia mau mea apau, noho iho la makou ai, a hookomo i na wahi opeope o kela ame keia ano, apau iloko o na eke a kau iluna o na hoki.

Aole i pau loa keia hooponopono ana, ua hiki 'mai o Hauki me na lio ukana, ma kona alahele huli hoi no kona home ma Makawao. O keia kaikamahine o ke kipuka ili, kekahi o na kaikamahine makaukau loa i ke kau lio, a he kamaaina i na wahi pana apau oloko nei o Haleakala. Ua hele hookahi ia eia keia kuahiwi, a moe hookahi ia no eia me ka maka'u ole. He hanai holoholona ka hana a kona makuakane, peia no i makaukau loa ai keia kaikamahine i ke kau lio ame ka hoohei bipi ahiu. Ua haawi mai la oia i ke aloha ia makou, a hoomau aku la no ma kona alahele.

O ka hora 9:30 ia o keia kakahiaka, haawi iho la makou i.ke aloha hope i ke kahua Laie, ko makou home hoi no ekolu mau la pokole, me ka olelo ana ae o Keneki, e hoi hou mai ana no maua i kekahi la, no ka makaikai hou ana ia Laie ame ke kuahiwi Haieakala. I ka haalele ana iho i ka lepo o Laie no ka manawa hope loa, ua hoi mai na hoomanao ana he nui, a'u hoi e poina ole ai, no ka mea, he home keia no makou no keia mau la pokole. Ua 'hauoli ]oa maua i ka hiki ana mai iuka nei o Laie, ame ke kuahiwi Haleakala, aka, ua kaniuhu kahi manao no ka haalele koke ana iho. He huakai hikiwawe loa keia a makou e hele nei, no ka mea he ihena wale no, a i lohi iki m&kou

i ka holo o ko maua noho imua, a i kekahi manawa, ua kokoke e kau iluna o ka pepeiao o ka hoki, a loaa iho la ka hana e meli hou ai i ka noho. I ka hora 12:45 o ia awakea, hiki hou makou i ka nani oluolu o Kaupo. Pau ka hoohikihiki ana i na wahi opeope ukana iloko o ka hale, ua hoi mai Ia makou aiuna o ka lanai hoomaha. Makaukau mai na meaai a Mrs. Maeiel, ua hele aku makou i ka haleaina no ka hoopiha ana i kahi haupo hakahaka. Pau ka ai ana, hoi mai aluna o ka lanai,, haule iho la i ka hana paamau ia makou, o ke kole, ame ke keaka. I ka hora 3:30 o keia auwina la ua haaleFe i ka hale nei o Joe Maeiel, Mrs. Maeiel, F. Maeiel, Sr., H. Munroe, ka meakakau ame kamalii no kekahi wahi awawa uuku, aole i mamao loa mai ka hale aku. Ke kumu o ko makou hele ana no keia wahi, o iā no ka nana ana i na kii pohaku i kalaiia ai iiima o ka pohaku, elike no hoi me na kii pohaku i hoike mua ia ma keia mau kolamu, ma kekahi mau wahi e ae o Kaupo nei, ame Nuu. Ua nui no ke kii pohafku \maanei, he kii waa ame ke kii kanaka. Aia no hoi ma kahi kokoke i keia wani awawa, ka moali mahinaai ame na kahuahale. Ua olelo mai o Maeiel makua ia makou, i kona noho ana mai ia Kaupo nei, he aina keia i piha i ke kanaka mai kahakai mai ahiki aku iuka o ke kula. He mea oiaio keia, o Kaupo kekahi aina kanaka o ke aukahiko i hala. Pau keia nana ana i keia mau kii, ua hoi mai makou a kauhale. Hora 6 ai ko makou aina ahiahi, a hora ewalu no haule iho la e hiamoe. Aole i pau.)