Ka Nupepa Kuokoa, Volume LXII, Number 9, 1 March 1923 — MAKEMAKE E HOIKE MAI I KE KUMU. [ARTICLE]

MAKEMAKE E HOIKE MAI I KE KUMU.

Maloko o ka olelo hooholo, i hookomoia ae e ka Hon. Levi Joseph o Maui, ma ka Poakahi nei, e koi ana ia, e hoike mai ka peresidena o ka papa ola, i na kumu, i koiia ai na makai wahine o ka hale pupule, e uku i na pani ma ko lakou wahi i ka wa e hele ai e hoomaha, oiai hoi, na makai kane, e hele ana e hoomaha me ke koi ole ia aku e uku ae no na pani ma ko lakou mau wahi.

Ma ka hoakaka a ka Lunamakaainana Joseph, aole he like ole mawaena 0 na makai wahine mai ame na makai kane, ua hookaawale ke kanawai he ekolu pule 0 lakou e hoomaha ai iloko 0 ka makahiki, o ka mea nae i'ikeia, ke hoomaha na makai wahine, e koiia ana lakou e hoonoho i mau pani, me ko lakou uku ana i kela mau pani; a no na makai kane hoi, aole 0 lākou koii'a aku e huli i mau pani, āka e hookuuia ana lakou e hoomaha, me ka uku piha ia no na pule a lakou i hoomaha ai.

Ua waihoia kela olelo hooholo iloko 0 ka lima 0 ke komite ola, a na kela komite e noonoo ke kupono, a kupono ole, 0 ka hooko ana aku i ka makemake o ka olelo hooholo.