Ka Nupepa Kuokoa, Volume LXII, Number 8, 22 February 1923 — Halawai me ka Make Mamuli o ka Ulia Kaa Oto Haule ke Kaa o Kauka Waterhouse i ka Pali a Make ka Wahine PAKELE KE OLA O KE KAUKA MA KA APUA Ua Haki ka A-i a ka Wahine Pela i Make Hikiwawe Ai Ola [ARTICLE]

Halawai me ka Make Mamuli o ka Ulia Kaa Oto

Haule ke Kaa o Kauka Waterhouse i ka Pali a Make ka Wahine

PAKELE KE OLA O KE KAUKA MA KA APUA

Ua Haki ka A-i a ka Wahine Pela i Make Hikiwawe Ai Ola

Mamuli o ka ulia i loaa i ke kaa | otomobile o Kauka Waterhouse, ma ka hora ekahi a oi o ke aumoe o ka po Poalima aku la i hala, a ao ae ka Poaono, mamu'i o ka .haulo ana i ka pali ma ke alanui o Daimana Hila, i make ai kana wahine, a pakele mahunehune mai hoi kona ola, me na palapu maluna o kona kino. I Kahala o Kauka Waterhouse me kana wahine ma kela po, mal|yia 0 ko laua kaa otomobile, ma ka paina i haawiia e Kauka G. M. Van Poole ame kana wahine, a ia laua i huli hoi mai ai no ko laua home, i ka hoea ana ma kahi uakee o ke alanui, ua kuhihewa o Kauka ka tnea nana e hookele ana i ke kaa, he pololei ia wahi o ke alanui, o ka haule aku la no ia o ke kaa otomobile ilalo o ka pali, ma kahi he umikumamalima kapuai. Ua haule o Mrs. Warterhouse mai ke kaa aku, a ua paa hoi o Kaukn Waterhouse malalo o ke kaa, ma kela haule ana i ka pali a huli, aka nae ua hooikaika no o Kauka Waterhouse, ahiki i kona hemo ana, alaila hele aku la no ka nana ana 1 kana wahine. Ua kahea o Kauka Waterho\jse i mau kokua, na ia leo kahea i kono aku ia Mr. Lester McCoy, e hele mai no kahi o kela ulia poino,, a nana i hoike mai i ka ,halewai i ka lohe ma ke keleporia, no ka hoouna ana aku i ke kaa makai, oiai nae e kakali ana i kela kaa, ua hoea mai la o Kapena E. C. Williams, o na makai koa me kona kaa, a nana i hoihoi aku ia Kauka ame Mrs. Waterhouse no ka Halema'i Moiwahine, eia nae ua make mua o Mrs. Waterhouse, me he mea la, mahope koke mai no o kela haule ana mailuna aku o ke kaa, no ka mea ma ka nanaia ana o kona kino, ua ikeia ua haki kona a-i. O ka huli hoi koke ana mai nei no ia o Kauka Waterhouse, no keia kulanakauhale, be elua pule mamua aku o ka halawai ana me kela ulia, i Singapore oia me kana wahine, a no ka loihi loa o kela kaawale ana mai Honolulu aku nei, ua palaka loa kona noonoo, no kela wahi uakee o ke alanui o Daimana Hila, pela iho la i haule ai kona kaa i ka pali, a lilo hoi ia ulia, i kumu e make ai kana wahine.