Ka Nupepa Kuokoa, Volume LXII, Number 8, 22 Pepeluali 1923 — PAKELE KE OLA O KEKAHI OHANA. [ARTICLE]

PAKELE KE OLA O KEKAHI OHANA.

Pakele ke ola o John Peacara ame' kona ohana mai poino ma ke alanui o holo ana i Leilehua ma ka hora 2 o ka aūwina la Sabati nei ma ka manawa o ke kaa a lakou e kau ana i hookēia aku ai e kekahi kaa otomobile o ka holo ana aku mahope me ka manao e puka mamua ma ka aoao Waialua o ke kahawai o Kipapa a hooku'i ke kaa a John Pescara e kalaiwa ana i ka pa laau mahai o ke alanui, elike me ka moolelo a ka Makāi Motokaikala Meyers o ka hoihoi ana ae. E holo ana o John Pescara me kona ohana maluna o ke kaa otomobile maluna o ke alanui e moe ana no Leilehua, a maluna o kona kaa. e kalaiwa ana kana wahine' ame na keiki, ma ka noho mahope o ke kaa. I ka hoea ana i ke kahao Kipapa ma ka aoao WaialUa o ke kahawai e.holo aku ana kekahi kaa otomobile mahope aku ma ia alahele like, a no ka makemake o ke kalaiwa o ke kaa mahope e oi kona kaa mamua, a he wahi ano haiki loa no hoi kela o ke alanui ua hoihoi ae la, o John Pescara i ke kaa ana e kalaiwa ana i ka akau, ma ia hana ana ua hooku'i ae la kona'kaa i ka palaau e ku ana mahai o ke alanui a haki ka huila mua me ka papa pale oliai. Ma kela manawa o ka fiooku'i ana 'a poino ia kaa aole i ku iho ke kaa oto i holo akq ai mahope a haawi iho hoi i kekahi kokua i ka j)pe i halawai me ka pilikia, ua hooniau loa aku la no ka holo ana, elike'ime" ka hoike a kn Makai Meyers o ka hoihoi ana ae. O ka helu o ke kaa otomobile nana i hooku'i aku i kela kaa helu 2084.