Ka Nupepa Kuokoa, Volume LXII, Number 8, 22 Pepeluali 1923 — Komo Aihueia he Halekuai o na Lako Gula a Nui na Waiwai i Lilo Ku i ka Hoonana me ka Maka'u ole Kela Aihue i Hanaia ma ka Auwina La o ke Sabati i Hala me ka Holopono Loa [ARTICLE]

Komo Aihueia he Halekuai o na Lako Gula a Nui na Waiwai i Lilo

Ku i ka Hoonana me ka Maka'u ole Kela Aihue i Hanaia ma ka Auwina La o ke Sabati i Hala me ka Holopono Loa

S) kekahi o na aihue hoonana a maka'u ole i lawelaweia i ka wa ao, maloko nei o keia kulanakauhale, o ia no ke komoia ana o kekahi halekuai o na lako gula ma ka auwina la o ke Sabati aku la i h?la, mawaena o ka hora ekahi ame ka hora eono, me ka lilo ana aku o na dala maoli ame na uwaki gula i hiki aku ka waiwaiio, ma kahi o ka elua kaukani dala. O ka halekuai nona na waiwai i aihueia, o ia no* ka halekuai o ka hui Fidelity Loan ame Jewelry, e ku nei ma ke alanui Moi Akau, ma kahi i emi mai ka mamao i ka elua kaukani kapuai mai ka'halewai aku. 0 kahi o ka poe aihue i kpmo mai ai iloko o kela'halekuai, ma ka puka aniani mai no ia mahope o ka hale, ua wawahi maoli ia ke panihao i hoopaaia ai kela halekuai, me kekahi kolopa niii paha, a ua pau h'oi na kuahao, i hanaia ai ma kela puka aniahi i ka weheweheia. 1 ke komo ana o ka poe aihue iloko o ka halekuai, ua wawahi okoa ia aku la'ka pahu waiho dala, a laweia ka huina o hookahi haneri dala jj, oi aku, aole malaila wale iho la no pau ka hana a ka poe aihue, aka ua laweia he iwakalua-kumama-ha mau uwaki gula, i hiki aku ka waiwaiio ma kahi o ka $500, he mau komo gula lehūlehu, kaula uwaki gu/a, he mau pine āaimana ame kekahi mau lako gula e ae, i hiki aku ka waiwaiio ma. kahi o ka $1500. Me ka maka'u ole ae no ko lakou ikeia aku, a paa i ka hopuia, ua kiiia iaku he pu panapana i waihoia ma ka puka aniani hoikeike īiiaQi.ua o ka halekuai, a lilo mai la i? ■Ka Ikeia Ana o ka Aihue Maloko no o kela halekuai o I. A. Fine, ka peresidcna o ka hui, ma kela kakahiaka na lie kakau ana i kana mau buke, a aole oia i haalele i ka halekuai ahiki i ka manawa mamua iho o ke kani ana o ka hora ekahi o ka auwina la. Ma ka hora eono nae o ke ahiahi, ua. hoea hou ae la oia no ka halekuai, no ka ho-a ana i na kukui uwila, o ka mea nana i hookahaha mai i kona noonoo, o ia no ka ike

ana aku i ke komo ana ae o ka poe aihue, a lawe aku la i na dala amg na lako giila' m.ailoko aku o ka halekuai. O na pepa ano nui, ame ke-kahi mau lako gula oi aku o ka pipii o na kumukuai, ua koe ia mau waiwai, aole i lilo i ka poe aihue, mamuli o ka hookomoia ana iloko o ka pahuhao. Ua horke koke ia ae ka. aihueia ana o kela halekuai i ka Makaikiu McDuffie,' mahope iho o ka hora eono, a mahope ihjo o ka. nana ana ialoko o ka halekuai, ua hoounaia aku la na makaikiu no ka hookolo ana mahope o ka meheu o ka poe na lakou kela aihue hoonana o ka maka'u ole. Ma ka hoakaka a Mr. I. A. Fine, ka peresidena o kela hui, o ka poe na lakou kela hana aihue, ma kona manaoio, aole lakou he poe i malihifii i na ano apau o kela halekuai, aka he pōe i hakilo mau i kela ame keia manawa, pela iho la i holopono ai ka lakou aihue ana i ka halekuai, me ka loaa pono ole. Ma kona manao, ua hakilo ka poe aihue mai kekahi wahi mai ana i maopopo ole ai, a i ko lakou ike ana ua haalele iho oia i ka halekuai ma kela auwina la o ko lakou manawa ia i hoomaka ai e komo iloko. Aia he s wahi waiho wale mahope pono aku o ka halekuai, a ma kela wahi ka poe aihue o ka hele ana ae, mai ka pa mai o ka hui hana hao Honolulu Iron Works, a me na hao nunui i uneune aku ai ahiki i ka hemo ana o na kuahao i ke'aia ma ka, puka aniani, ,a i hookomoia iloko oka puna: ma ka paia» ; . He ahuwale wale no omua o ka halekuai i ka poe e heje ae ana ma t ke alanui' Moi, me ia ahuwale no nae, ua aa no ka poe aihue e kii 1 ka pu panapana i waihoia ma kahi o ka puka aniani e hoikeike ai i na waiwai oloko o ka halekuai. Aole he mau manao kohokoho wale i hoikeia ae, no ka poe na lakou kela hana aihue, aka nae aia maluna o ka oihana makaikiu ke ko'iko'i o ka hookolo ana aku mahope o ko lakou mau melieu.