Ka Nupepa Kuokoa, Volume LXII, Number 8, 22 February 1923 — E HANA KOKE IA E PONO AI. [ARTICLE]

E HANA KOKE IA E PONO AI.

Mamuli o ka haule ana o ke kaa otomobile, ma ka uakee, 0 ke alanui o Daimana Hila, a make hookahi wahine,- a pakele mahunehune mai hoi ke ola o kana kane, ua hoea mai 1 ka wa, e hana koke ia aku ai kekahi mea, e palekana ai ka lehulehu, mai ka loaa ana o kela ano ulia hookahi ma. k.eia hope akn. \ E hanaia kela wahi uakee o ke alanui, ma ka aoao e pili la me ka pali, me kekahi pale piMia kameki, elike me ko ka pali o Nuuanu, ina he makee kakou i ke ola o ko kakou mau hoa makaainana. O ke alanui ma ke kahawai o Moanalua kekahi wahi, kupono loa e hanaia i uwapo konakaliki; ua ikeia ka hiki ole i ka lehulehu ke hele ma kela alanui, i ka wa nui o ka ua, a oki loa aku hoi ka hiki ana i na kaa otomobile ke holo, nolaila o ka imi ana i kekahi alahele, e hoopauia ae ai na pilikiā o ka wa i kaahope aku la, he hana i ili aku ai ke ko'iko'i maluna o na hoa o ka papa lunakiai, ka noonoo ana mai. i E hooka.hahaia ana ka manao o na maakainana, kē ike iho, i ka ae dkoa ana ae o ka Hōpe-Akena Aina Aiipuni Joseph G. Andrews ō Hilo, no ka pokole ana iaia o ka huina o $26,300 oke aupuni. Ma keia mea nae e loaa ai ka hoomaopopo ana 1 na poo aupuni, he mea pono no, e nana mau ia na.buke welawe oihana ame na moohelu waiwa* oloko .o na keena like ple, i kela ame keia manawa, o ke alahele wale no ia e'ike koke ia ae ai ka pokole ana o na dala o ka lehulehu, a ma ia ano no hoi e hoopakeleia ae ana kekahi mau luna oihaha, mai ka lawe ana i na dala o ke aupuni, a hoohana aku, no ko pomaikai iho, ma ke ano kolohe. ' He hookahi kaukani dala a ke aupuni Kulanakauhale a Kalana o Honolulu, e uku nei o ka.mahina no ka hoolimalima o Kapiolani Hale, aole o kana mai ka nui o keia mau dala e j ukuia nei no kela hoolimalima. He hana naauao loa, ka imi ana e loāa he kahua paa no ke aupuni, e kukulu ai i kona hale oihana iho, mamua ō ka uku ana i ka hoolimalima pipii. He nui i'o paha ka huina dala, i manaoia no ke kuai ana i kekahi aina kupono, ame ke kukulu ana i kekahi hale oihana no ke kalana, aka e ikeia ana ke emi, loa o kela mau hoolilo, iloko o na makahiki e hoea mai ana. O keia ka la hanau o Wakinekona, ka Peresidena mua loa 0 Amenka Huipui», e hoomanaoia ana keia la, e na kanakaj Amerika apuni ka Uniona, a oiai he Amerika kakou apau i keia la, aohe hewa o ko kakou komo pu ana iloka o na hana hoomanao i hoolalaia e ko kakou poe o Honolulu 'hei, no keia la. Ke hoohalahala mai pei kekahi poe i hele maloko o na hale kiionioni, no ko lakou hoihoi ole, i ka hoolilo o kekahi poe, 1 kela hale, i wahi no lakou e walaau ai; a pehea hoi-oloko o na halipule, o kekahi mau wahi ia a ka poe hele pule i'hooHlo ai i wahi walaau, mc ka hoolohe ole ia aku o na olelo a ke kahunapule e kamailio mai ana?