Ka Nupepa Kuokoa, Volume LXII, Number 8, 22 Pepeluali 1923 — KEKAHI KANAWAI KUPONO E HOOHOLOIA. [ARTICLE]

KEKAHI KANAWAI KUPONO E HOOHOLOIA.

Mamuli o ka hoomaopopo ana, i ka nui o na hana hoopoino, a hoopilikia maluna o kekahi poe wahine ame na kaikamahine opiopio, ma o na hana limanui a hoohaumia a ka puulu o ka poe kolohe, me he..mea la, u ahoea mai i ka manawa, 6 hanaia ai kekahi kanawai, e pili ana i kela ano hewa. a e hoakaka pu ia hoi kekahi ano hoopa'i e kau ai ke kuni, maluna o ka poe apau e ahewaia ana no kela karaima. Eia iloko o ka aha hookolokolo, ke hooloheia mai nei ka hihia o kekahi poe ka'naka opio eiwa, tia lakou i hoohaumia a i hōopoino i kekahi kaikamahine opio, ma ke ano :limanui, elike me ke kumu hoopii e ku-e ana ia lakou. He poe.no kekahi o kela ano hookahi i ahewaia, a i kauia aku ka hoopa'i maluna o lakou, a ke noho hana mai nei i kela hoopa'i i keia manawa maloko o ka halepaahao; a ma ke ano nui ke olelo ae, ua lawa maoli ko kakou ike ana i ka lawelawe mau ia o keia ano hewa, e hiki ole ai ia kakou ke ku malie iho a nana wale aku, a e hanaia kekahi mau alahele, e kau ai ka weli, maluna o ka poe e hoao ana e hana aku i ke karaima, hoopoino i na wahine ame na kaikamahine opio. Ke haawi nei ke Kuokoa i kona mahalo i ke Kamaliiwahine Kalanianaole, i kona lilo ana i mea hikimUa, ma ka ui ana aku i ke keēna o ka loio kuhina, e hoomakaukau mai i kekahi bila kanawai, e pili ana i ka hewa hoopoino i na wahine, ma ke ano limanui, ame ka hoopa'i kupono no kela ano hewa; ifa hoike mai oia mamuli o kana hana, i kona makee ana i ka pono o na wahine ame na kaikamahine. O kekahi o na hoopa'i kupono loa no na hewa o keia anō, mai ke Kuokoa e maua'e aku maluna o ko ha'i kuleana, o ia no ke oki ana i ka pepeiao o ka poe e ahewaia ana, a e kau aku ia kuni maluna o lakou, i hae ulaula, e kau ai ka weli i na kanaka apau, a e lilo ai ia kuni, i mea kaohi mai i ka hooko ana aku o ka poe kolohe, i ka Tākou mau hana lapuwal?, ame K*o lakou mau manao hilahila ole.