Ka Nupepa Kuokoa, Volume LXII, Number 8, 22 February 1923 — E LILO AKU ANA I AWAKUMOKU ULUWEHI. [ARTICLE]

E LILO AKU ANA I AWAKUMOKU ULUWEHI.

Iloko o na makahiki kakaikahi wale no, ma keia hope aku, e lilo ana.ke.awa o Honolulu nei, i awakumoku nani a uluwehi, mamuli o ke kanuia ana o ka niu ma .ka Poalima aku la i hala, ma ka aoao komohana o ke awa. , H« kakaikahi wale no ka poe na lakou i kanu i ka niu ma kela la, o ka hana nae a lakou i hooko aku ai, no na makaainana ia o Hawaii nei, ano keia Teritore holookoa. E hapai hou ia.ae ana ke kulanakauhale o Honolulu nei ilvfea, ma kona kulana kilakila; ikawa e ulu ae ai na kumuniu i kanuia. Me ke kuahiwi me kona mau laau uliuli, e ku mai ana mahope o ke kua o keia kulanakauhale, me Daipiana Hila ma ka hema, me keia ul.uniu ma ke komohana, ua lawa keia mau hiona, no na malihini kaahele honua, e haawi ae ai i na mahalo ana, e ku a hoohihi maoli ai ka manao i ko kakou kulanakauhale; ma ia ano, e loaa ana na manao haaheo lloko o kakou, ka poe i kuleana ia Hawaii nei, ka aina i kapaia ka Paredaiso o ka Pakipika. E ola aku ana ka poe na lakou i kanu i kela mau kumuniu, me na hoomanao poina ole no ka mea a lakou i hana ai, aka ia īakou e hala aku ai ma kela aoao o ko ke kanaka ola ana, e waiho iho ana lakou mahope nei, i kiahoomanao, ria na hanauna o keia mua aku e nana mau aku ai me na manao mahalo..