Ka Nupepa Kuokoa, Volume LXII, Number 8, 22 February 1923 — HE KEU AKU MAOLI NO A KA HOONANA. [ARTICLE]

HE KEU AKU MAOLI NO A KA HOONANA.

Ke hele loa mai nei leakpu i keia manawa, a aneane elike me na kulanakauhale ano fiui o Amerika, ka lawelaweia o na. hana powa ame aihue, me ke koa a maka'u ole. He mau pule helu wale aku nei no i hala, r hoaoia mai ai ka waihena o ke aupuni Teritore e aihue, e kekahi mau kanaka powa elua, niamuli wale no o ke koa ame ka malea'u ole o ka mea kiaipo, i hoopakeleia ai na dala mahuahua o ka lehulehu. Ma ka Poaha koke aku-Jiei no i hala, ua hoaoia ae la kekahi mau limahana oloko o ka banako e powa ma ke alanui o Puuloa, o ka mea wale no nana i hoopakele ae i na dala o ka hanako, mai ka lilo ana aku i ka poe powa, o ia no ka makaukau o kela mau limahana me ka pu panapana. I ka wa ao okoa no, ma ka auwina la o ke -Sabati nei, me ka maka'u ole aku i ka oihana makai, i komo aihueia ae ai kekahi halekuai o na lako gula, a lilo aku la na dala maoli ame na waiwai makamae. Eia anei i Hawaii nei na kanaka loea ma ka hana aihue, a kakou i heluhelu ai i ka lakou mau hana maloko o na nupepa o Ameiika? He ninau pohihihi keia ia kakou ke pane ae, mamuli o ka loaa ole o na hooiaio. aka nae he hookahi mea hiki ole ia kakou ke hoole. eia me kakou na kanaka powa me aihue i keia la, ina paha ia maiwaho mai, a maiwaena ae no paha o kakou: o ka mea nui ma keia mua aku, o ia no ka lawe ana ae i na keehina makaala apau ma ka aoao o na wahi nui o na waiwai e hoahuia nei: pela pu hoi ma na home. a e paa hoi ka poe powa a aihue i ka hopuia, me ka hookauia aku © ka hoopa'i hoopaahao maluna o lakou e pono ai r